السلام عليكم
انا اليوم جايب لكم شعر ماكو افضل منه
واللي يقول افضل يحط ...... ماعلينة
وهذا الشعر عبارة عن قصة بين شخصين واحد كبير والثاني توه صغير
واتمنى انها تعجبكم (هي قصة وهي شعر بنفس الوقت)
من تاليفي انا وصديقي
(للعم ان القصيدة كتبناها باللغة السعودية لنها افضل لغة لقيناها )
يلا نبدا
الكبير : آه يا سعود ... ليت تعرف وشو اصعب شي في هذا الوجود....
لمل تصعد حلم ... من اجل الوصول
وتتفاجئ وانت تصعد ..... بالنزول
الصغير: ليه وش صاير
الكبير: لا أبد ما صار شي
الصغير: فيك شي؟؟
الكبير: لا أبد مافيني شي
الصغير: ياخي قلي وش فيك متضايق
:الكبير: قلت لك مافيني شي روح عني ..خلني ماني رايق
خلني لوحدي وروح .... خلني لوحدي دقايق
الصغير: باين من شكلك حزين
الكبير: لا أنا ماني حزين ...... بس انا مشغول بالي
الصغير: مو انا شكلك يقول
الكبير: وش تبي فيني دخيلك .... خلني لوحدي وروح
الصغير: مابي شي ..... بس انا خايف عليك
الكبير: خايف علي؟..... من ايش خايف؟ ...... شجايف ؟.....
لا تخاف وروح عني يا صبي
الصغير: ماني رايح
الكبير: انت تفهم عربي؟
الصغير: بس انا خايف عليك
الكبير: ماعليك
الصغير: زين قلي وين اروح..... ووش سبب هذي الجروح؟
الكبير: حتى لو اقولك .. توك صغير........ ماتعرف شي مرة
الصغير: منهو؟... انا؟
الكبير: ايه انت
الصغير:صغير لكن يا اخي عقلي كبير..... ولا يغرك
الكبير: زين اسمع .............. كم عمرك يا ولد؟
الصغير: عمري انا عشر سنين
الكبير: يعني في عمر الزهور
الصغير: لكن افهم بالامور
الكبير: اي امور؟
الصغير: اللي شاغلة بالك
الكبير: ماني ناقص يا ولد.....كثر الكلام........ لا تلف ولا تدور..
.. ومنين طالع لي بعد ...... يا اخي مالي ومالك؟
الصغير: يا اخي اراف بحالك ...... وماعلينه........ انت تحب وحدة اكيد
الكبير: كيف تعرف؟
الصغير: كل شي واضح
الكبير: كيف يعني؟
الصغير: من الملامح ..... هذي حاله كل عاشق
الكبير: يا لئيم...... تدري أنك طحت بالجرح الاليم
الصغير: لا تقوله
الكبير: اقسم بالله العظيم
الصغير: انا اسف ما قصدت
الكبير: ليه؟؟ وشو له تتاسف؟؟
الصغير: اف ....اف
الكبير: لا تتافف ... عادي عادي.... جرح اصلا من قديم..
.... زين اسمع يا صديقي
الصغير: اي كذا خلك كبير
الكبير: خلني اقول ........ حبيت وحدة
الصغير: كيف يعني
الكبير: خلني اكمل
الصغير : ايه كمل
الكبير: قلت لك حبيت وحده..... لا تقول ..كيف؟..مدري....
... حتى انا ماعرفها .... وماعرف منهي تكون... شفتها مرتين...
... مرة تمشى ..... ومرة تضحك...في جنون
الصغير: زين اوصفها بشعرك
الكبير: كنها بدر التمامة..... لو تشوف الابتسامة.....كنها لؤلؤ مرصع...
..... في ثقر احمر وقاني...... وجنب هذا الثقر... شامة
الصغير: زين منهي؟....تعرفها؟
الكبير: قلتلك ماعرف منهي..... مدري... يمكن بنت انس.... او بنت جن...
.... مدري وش هي
الصغير:زين .. اوصف شكلها....... عيونها
الكبير: نعسانة
الصغير: وشعرها
الكبير: اسود قصير
الصغير: ورموشها
الكبير: هالليل (يتكلمون بالليل هم الحين)
الصغير: وجفونها
الكبير: ذبلانة
الصغير: يعني دانة
الكبير: ايه قسم باله دانة ....... لو يقوم البدر اصلا..........
... هي تجي تجلس مكانه
الصغير: يعني كل الزين فيها
الكبير: لا وكل هذا قليل ...... وبعض من هذا الكثير
الصغير: شوف يا اخي... رغم ان عمري صغير..... بس ما ابي يكون لي
هذا المصير...... ما احب مهما يكون
الكبير: بكرة تكبر
الصغير: ما احب مهما يصير
الكبير: بكرة تعرف......... يوم يرخص كل غالي....... ويوم يتغلى كل رخيص
الكبير: دير بالك........... دير بالك
الصغير: لا توصي حريص
وسلامتكم
طاقم العمل : انا وصديقي بمساعدة قليلة من عند الوالدة
تحياتي
ولا تنسون الردود .... مو اتعب روحي على الفاي لووووووووول
وارجو منكم تعطوني رايكم سواء في السلبيات او الايجابيات
انا انطر الردود :play_ball
31-07-2005, 06:50 AM
ماكو افضل من هذا 
المواضيع المتشابهه 
