السلام عليكم ورحمة الله..
تحية عطرة،،
::الجزء السادس عشر::
يوم كامل مر على خالد بتعب واضناه العطش وهو يدور بين الفرقان بيت الطفلة
القرية كبيرة وين يحصل بيتهم اعتذر من ابوعلي واعذره ابوعلي وسمح له بالاجازة
بينما كانت مريم تتصل في بيتهم عشان تطمن على امها محد رد على التلفون اطضربت وزاد خوفها
مريم: محد يرد!! وين امي وين لصغار اذا هي مو في البيت؟؟
ام علي: لاتخافين اكيد عن الجيران لا تحاتين
مريم: امي مو من عوايدها تتطلع من البيت هالوقت خالتي
أم علي تربت على ظهرها بحنان: لاتخافين الحين بجي ابوعلي روحي شوفيها
دخلت عليهم هاجر حاملة كتابها
هاجر: مريوم حبيبتي اشرحي لي هذا
مريم: ان شاء من عيوني تعالي
وفي هالاثناء رن التلفون وراحت هاجر تركض
هاجر: الوووووو
الطرف الثاني: سلام عليكم.. معاكم مستشفى السلمانية
هاجر:وعليكم السلام ..خير!!
الممرضة: انتم من عائلة العالي؟؟
هاجر: أي نعم امري.. صاير شي؟؟
الممرضة: سعاد محمد العالي تقرب لكم؟؟
هاجر: أي تقرب لنا
الممرضة: في حاله خطره تعالوا لها الحين.. مع السلامة
هاجر ظلت واقفه ومريم تناديها وقربت لها امها وهني نزلت دمعة ساخنه جمدت الكل مكانه
ام علي: شفيج حبيبتي؟؟
مريم: هجورة شنو فيج.. علي فيه شي؟؟
هاجر حظنت مريم وظلت مريم ساكنة مكانها وصاحت بدون سبب بس لانه كسرت خاطرها هاجر
هاجر: في المستشفى السلمانية
ام علي: من في المستشفى؟؟ قولي ؟؟ علي؟ ابوج؟؟؟ وفاء؟؟
هني دخلت وفاء وشافت العفسة قايمة
وفاء: شصاير؟؟ شصاير يمه؟؟
الام ما تكلمت وكانت مع هاجر تحاول تسحب منها الكلام
وفاء سالت اختها: هجوره حبيبتي .. من في المستشفى تكلمي؟؟
هاجر تأشر على مريم وامها.. وابتدي في نوبه بكاء ثانية
هاجر نطقت بعد معناة: خالتي مريم
دخل ابوعلي ما تكلم سحبته ام علي والبنات كلهم راحو المستشفى
وفي الطريق عرف منهم السالفه وصلوا المستشفى وكان المكان في حاله فوضى ناس تصيح وناس تندب حظها وناس في الخارج كانوا يكبرون وما تحركوا وباين عليهم التعب والحزن
راح ابوعلي عند الاستقبال ودلوه على الغرفة
والممرضة اختلت بأبوعلي: للأسف سعاد العالي عطتكم عمرها واحنى ما حبينا نقول لكم في التلفون..عظم الله اجركم
ابو علي: اجرنا واجرج يابنتي.. بس شلون ماتت؟؟
الممرضة: كانت الظاهر في المظاهرات وتصوبت رصاصة في راسها
ابوعلي: انالله وانا اليه راجعون
طلع ابو علي ما عرف شنو يقول لكنه اتفق مع الاسعاف يوصلون الجثة للمقبرة وهو راح للبنات وام علي
ام علي :يابوعلي نبي نشوف اختي
ابوعلي: الحين هي في حاله خطر نرجع البيت ونرجع لها في وقت ثاني
مريم:عمي شوي بس بشوفها
ابوعلي:ما عليه يابنتي بتشوفينها!!
وفي السيارة مريم تذكرت اخوها واختها لصغار الا في البيت وقالت لعمها ابو علي ومروا عليهم البيت
ودخلوا البيت كان مظلم دخلت كل غرفة في البيت ما كان في احد وينهم راحوا وبدخلت ام رضا جيرانهم ومعاها يوسف
يوسف راح لاخته ورمى نفسه بحظنها: وين الماما وين رحتون عني
مريم: كلنا معاك حبيبي .. وين علا؟؟
يوسف: ما ادري راحت مع امي ومارجعت
مريم ضربت فوق راسها الام في خطر والبنت الله العالم وينها وطمنها ابوعلي
ابوعلي: لاتخافين بنحصلها لاتخافين
ام علي: أي يابعد عمري لا تخافين الله حافظها
طلعوا كلهم من البيت وصار البيت مهجور وكأن مره عليه سنين مو يوم وليله..
في هذي اللحظة كان خالد في محاولته الا دامت 9 ساعات راح عند بيت احد البيوت وضرب الجرس ولحظات طلعت له بنت
تفاجئ منها لانه يعرفها وهي نفسها تفاجئت
حنان: سلام عليكم اخوي .. خير؟؟
خالد: وعليكم السلام الخير بوجهج تعرفين عائلة العالي البنت هذي ضايعه؟؟
حنان: لا ما اعرفهم (نزلت عيونها لبنت الا معاه ولمحت مريم في مخيلتها) لحظة لحظة
رجع خالد عند الباب: نعم اختي ؟؟
حنان مسكت علا: حبيبتي .. اختج اسمها مريم صح؟؟
علا وخدودها حمر من التعب: أي خالوا.. بنت خالتج وفاء صح؟؟
علا هزت راسها بالايجاب
حنان: هذي تصير لبيت حسن النجار تعرفهم؟؟
خالد: تقصدين الا عندهم ولد اسمه علي؟؟
حنان: أي هذا هم
خالد ما عطل وعلى طوول راح ووصل عند الباب سمع صوت صراخ النسوان وناس طالعه وناس داخله وقف واحد باين عليه عمره 14 سنه من الا مارين
خالد: شنو صاير في هذا البيت؟؟
الولد: عندهم احد مات كأنه
خالد: اها مشكور حبيبي
وقف خالد مكانه مو عارفه شنو يسوي.. الناس في شنو وهو في شنو
قرر انه يضرب الجرس دقايق طلعت له بنت
خالد ناظر وفاء وعرفها بصعوبة احمرار تحت عيونها العسلية: السلام عليكم
وفاء: وعليكم السلام
خالد: هذي بنتكم؟؟
وفاء حظنت علا بقوة وتمت تصيح ..خالد ناظرهم ودمعت عيونه لا اراديا وفي نفسه يقول الله يساعدج ياعلا تيتمتي وانتي صغيره ومشى خطوات قليلة وسمع صوت وفاء
وفاء: مشكور خالد.. جزاك الله الف خير
خالد: الشكر لله وتراها بنتنا بعد.. عظم الله اجركم
وفاء: طول الله عمرك
ركب خالد السيارة وتذكر ابوعلي اكيد الحين بروحه ولازم يكون معاه على الاقل راح عند المقبرة ولقاه يشيع الجنازة وتذكر ابوه ودمعت عيونه
ابوعلي كان يمشي في الجنازة مكسور الخاطر وتفاجئ لما شاف خالد الا مسكه من كتافه
خالد: عظم الله اجرك عمي
ابوعلي: اجرنا واجرك ياولدي
تم خالد 3 ايام يشتغل في الماتم ويكرم لضيوف الا تجي تعزي اهل المتوفيه وابوعلي ما حس بالوحشة ولا التعب بدون علي نوعا ما لانه خالد قام بالواجب واكثر والكل كان يسأل ابوعلي ان هذا ولده والا لا وكان يرد عليهم بالايجاب لانه بحسبة ولده علي وخالد فرح لهذا الشي..
اما علي فموعد محاكمته قريبه ولاحد من اهله يدري انه بيحكمونه وتهموه بتخريب البلد من حرق وكسر في الشوارع!! 
توقعاتكم وارائكم وانتقادكم لا تنسووون
تحياتي