عالي نت - عرض مشاركة واحدة

تقوى القلوب · 05-09-2005, 03:21 AM

السلام عليكم ورحمة الله..

تحية عطرة،،

::الجزء السابع عشر::

اصرت ام علي انها تروح لموعد محاكمة ولدها علي وابوعلي مارفض لها هالطلب من حقها تعرف عن ولدها وتشوفه للحظات سريعة لزمن المر .. الكل كان ينتظر على اعصابه المسجونين والعوائل
بذكر موقف سريع لاحد المسجونين مع علي
الكل كان متوتر وعلى اعصابه ما يدري أي تهمة بيتهمونها فيه واي مده واسامة كل شوي يصلي لله من خوفه.. عيونهم جفت من لدموع
ونفد الصبر منهم اسامة ما استحمل اكثر وطلب خيرة من الشيخ الا كان معاهم صار له يومين معاهم
اسامة: شيخنا ممكن خيرة قران؟؟
الشيخ: لشنو عزيزي؟؟
اسامة:شيخنا الصراحة تعبت وابي اعرف جم سنة بيحكمون عليّ؟؟
الشيخ: ان شاء الله ..الشيخ فتح القران ورفع راسة لاسامة
الاية تبين انك راح تطول 5 او 4 سنين بالكثير وتطلع
اسامة ارتاح نوعا ما: يااااارب اهم شي مو اكثر!!

الكل كان في المحكمة ينتظر مصيرة الا بيتحدد وكانهم في يوم القيامة
معظم الا اتهموهم كانت تهم ملفقه لهم ومالها صله بالواقع والطامة الكبرى انه فيه شهود عليهم عشان تثبت عليهم التهمة لا محال..

الحاضرين كلهم في صمت عشان يعرفون القرار الاخير والمعروف بس المجهول عندهم السنوات الا بيقضونها اولادهم بعيدين عنهم في غربة وطن ..
القاضي ذكر بعض الاسماء المسجونين وكان الكل يصرخ ومعظمهم 5 سنين او 6 او 7 سنين ماعدى علي واسامة الا للحين ينتظرون اسمائهم
القاضي: علي حسن النجار واسامة محمد رضا 20 سنة مؤبد

اسامة اغمى عليه من هول الصدمة وعلي طاح على الارض ودموعة وصراخة زلزل كيانة امه وابوة مره وحده قام ورفع ايده وجهه للقاضي
علي بصراخ: انت جذاب تذكر كلام ربك واحكموا بالعدل انت ما عندك عدل لازم يسمونك الظالم يالظالم وينك من ربك يالحقير

الجلاد عادل فليفله اكبر مجرم وجلاد في البحرين معروف بقسوة قلبة وحبه لهذا العمل وسرقة اموال البلد
راح على طول جر علي من راسه وضربه بالصوت بلا رحمة وتحت مرأى من الجميع وعلي مع ذلك ما سكت وتم يقول كلام يزيد القهر من الجلاد
ام علي ما استحملت الموقف صرخت باعلي صوتها:قطع الله يدك ولا بارك الله فيك
الجلاد توقف عن الضرب: من الا قال هالكلام؟؟ انتي يالعجوز؟؟!
وقف ابوعلي في طريقة وبعد مشادة كلامية طويلة ابتعد عنهم والكل راح بيتهم وعلي انسجن في سجن انفرادي لمده شهر كاامل

-------------------------------------------------------------------
الكل نام الليل مهموم وان كان مومهموم على ولده فهو مهموم على جيرانه او احد عزيز عليه

ام علي ما رقدت الليل كل شوي تصارخ ودموعها الا ما وقفت من الصبح وفاء حاولت تهدئها بس للأسف وين تهدء هذا الضنا مو أي احد ثاني هذا قطعة من الفؤاد ترعرت بحشاها
حرّمت على نفسها الاكل والشرب وحتى المكان البارد ظلت في غرفة بدون مكيف.. تلطم على الراس والصدر 20 سنة ياناس مو هينه
هذا العمر كله
ابوعلي انكسر ظهره خلاص وين العز والفخر بولده تمنى لحظات العمر تمر بطرفة عين بس الاحزان عمرها ما تمر بسرعة،،

هاجر عافت الدنيا بلا اخوها كان الوحيد الا يفهمها من بعد وفاء
ووفاء تذكرت ايام طفولتها معاه والايام الحلوة الا مروا فيها مع بعض

اما مريم الا ندبت حظها لا ام ولا ابو ولا حتى زوج يعينها على مصايب الدنيا كرهت الدنيا وحبست نفسها كل الناس
-------------------------------------------------------------------
خالد تلقى الصدمة بدموع وحسرة على احلى صديق وحاول انه يعوض ابوعلي لو بالقليل خاصة انه محروم من ابوه من صغره
خلود: هلا خالد..شلونك؟؟
خالد: هلا خلودتي اسال عنج حبيبتي
خلود: اشوف.. صار لك شهر وشي انت حتى ما تسأل عنه.. الا شخبار
بيت النجار؟
خالد: الحمدلله.. الله يكون في عونه ابوعلي لحد الحين مو متحمل الصدمة لدرجة اني ادخل الورشة وهو ساكت ما يتحرك ومعظم الاوقات اتكلم معاه هو باله بعيد..واذا تكلم كله عن علي
خلود: الله يكون في عونه.. الكل في هالديرة تعبان من هالحكومة الظالمة
خالد وهو يمدد ايده: الله انا اخليج بروح انام وراي شغل وباجر بعد ورانا حوزة .. تصبحين على خير
خلود: الله وياك.. وانت من اهل الخير

مرت شهور وخالد صار كل اهتمامه انه يعرف امور الدين اكثر فكان يجهد نفسة بالشغل حتى يعيش اهله ويدرس امور دينه.. حل عليهم هلال رمضان الكل يطلب المغفرة والتوبة في هالشهر.. شهر الله الحرام
-----------------------------------------------------------------
علي بعد ماطلع من السجن الانفرادي التقى بالمجموعة الا كانوا معاه في السجن ولكن انتقلوا لسجن يسمى"سجن جو" الكل حاول يتأقلم مع الوضع لانه هذي نص حياتهم والكل كان يصطنع الضحكة والابتسامة وبعد ما خلصوا الفطور كل وااحد كان يطنز على الثاني وكل واحد فيهم يذكر صدمته بالسنوات الا ماكانوا متوقعينها
جعفر: مسكين اسامة خلف جبدي عورت افادي.. الشيخ يقول بعد بس
4او 5 سنوات ههههههههههههههههههههههههههه
الكل ضحك حتى هو نفسه اسامة ضحك معاهم
حسين: طويل للسان علي دبح فليفله دباح من القهر بس زين تسوي فيه ههههههههههههه بس اكلها شهر بروحه في السجن
علي: لو ما ايدي فيها الافكري والله دبحته

حسن المعروف بطنازته ولانه مريض بفقر الدم حاد(السكلر) كان كل شوي يروح الحمام فتح الفتحة الصغيره الموجوده في الباب
حسن: شرطي.. حمام!! انتظر دقايق مافي جوااب ..
حسن بصراخ: شررررررطي .. بروح الحمام له ..
طالع الشرطي مره وحده في وجه: نعم شنو في؟؟ :bomb:
حسن يمثل الخوف وهو بتنقز مكانه: بسم الله الرحمن الرحيم.. وجه كلامه لربعه.. مارد المصباح يمممه
الشرطي: شنو فيه يالله ؟
حسن وهو على نفس الحال ويازعم مو عارف يتكلم: لحظة لحظة ..يبتلع ريقه .. لحظة لحظة..مارد المصباح شقول ليه الحين .. لحظه لحظة؟؟

الكل كان يضحك على حسن وطريقته لدرجة ان الشرطي تنرفز ومشى عنهم كانت هذي حياتهم يطنزون على الشرطة بعض الاحيان وبعض الاحيان ياكلونها ضرب...

تحياتي
تقوى القلوب

05-09-2005, 03:21 AM	#84 (permalink)
تقوى القلوب غير فاعل تاريخ التسجيل: Sep 2004 الدولة: بلد الغربة المشاركات: 313	السلام عليكم ورحمة الله.. تحية عطرة،، ::الجزء السابع عشر:: اصرت ام علي انها تروح لموعد محاكمة ولدها علي وابوعلي مارفض لها هالطلب من حقها تعرف عن ولدها وتشوفه للحظات سريعة لزمن المر .. الكل كان ينتظر على اعصابه المسجونين والعوائل بذكر موقف سريع لاحد المسجونين مع علي الكل كان متوتر وعلى اعصابه ما يدري أي تهمة بيتهمونها فيه واي مده واسامة كل شوي يصلي لله من خوفه.. عيونهم جفت من لدموع ونفد الصبر منهم اسامة ما استحمل اكثر وطلب خيرة من الشيخ الا كان معاهم صار له يومين معاهم اسامة: شيخنا ممكن خيرة قران؟؟ الشيخ: لشنو عزيزي؟؟ اسامة:شيخنا الصراحة تعبت وابي اعرف جم سنة بيحكمون عليّ؟؟ الشيخ: ان شاء الله ..الشيخ فتح القران ورفع راسة لاسامة الاية تبين انك راح تطول 5 او 4 سنين بالكثير وتطلع اسامة ارتاح نوعا ما: يااااارب اهم شي مو اكثر!! الكل كان في المحكمة ينتظر مصيرة الا بيتحدد وكانهم في يوم القيامة معظم الا اتهموهم كانت تهم ملفقه لهم ومالها صله بالواقع والطامة الكبرى انه فيه شهود عليهم عشان تثبت عليهم التهمة لا محال.. الحاضرين كلهم في صمت عشان يعرفون القرار الاخير والمعروف بس المجهول عندهم السنوات الا بيقضونها اولادهم بعيدين عنهم في غربة وطن .. القاضي ذكر بعض الاسماء المسجونين وكان الكل يصرخ ومعظمهم 5 سنين او 6 او 7 سنين ماعدى علي واسامة الا للحين ينتظرون اسمائهم القاضي: علي حسن النجار واسامة محمد رضا 20 سنة مؤبد اسامة اغمى عليه من هول الصدمة وعلي طاح على الارض ودموعة وصراخة زلزل كيانة امه وابوة مره وحده قام ورفع ايده وجهه للقاضي علي بصراخ: انت جذاب تذكر كلام ربك واحكموا بالعدل انت ما عندك عدل لازم يسمونك الظالم يالظالم وينك من ربك يالحقير الجلاد عادل فليفله اكبر مجرم وجلاد في البحرين معروف بقسوة قلبة وحبه لهذا العمل وسرقة اموال البلد راح على طول جر علي من راسه وضربه بالصوت بلا رحمة وتحت مرأى من الجميع وعلي مع ذلك ما سكت وتم يقول كلام يزيد القهر من الجلاد ام علي ما استحملت الموقف صرخت باعلي صوتها:قطع الله يدك ولا بارك الله فيك الجلاد توقف عن الضرب: من الا قال هالكلام؟؟ انتي يالعجوز؟؟! وقف ابوعلي في طريقة وبعد مشادة كلامية طويلة ابتعد عنهم والكل راح بيتهم وعلي انسجن في سجن انفرادي لمده شهر كاامل ------------------------------------------------------------------- الكل نام الليل مهموم وان كان مومهموم على ولده فهو مهموم على جيرانه او احد عزيز عليه ام علي ما رقدت الليل كل شوي تصارخ ودموعها الا ما وقفت من الصبح وفاء حاولت تهدئها بس للأسف وين تهدء هذا الضنا مو أي احد ثاني هذا قطعة من الفؤاد ترعرت بحشاها حرّمت على نفسها الاكل والشرب وحتى المكان البارد ظلت في غرفة بدون مكيف.. تلطم على الراس والصدر 20 سنة ياناس مو هينه هذا العمر كله ابوعلي انكسر ظهره خلاص وين العز والفخر بولده تمنى لحظات العمر تمر بطرفة عين بس الاحزان عمرها ما تمر بسرعة،، هاجر عافت الدنيا بلا اخوها كان الوحيد الا يفهمها من بعد وفاء ووفاء تذكرت ايام طفولتها معاه والايام الحلوة الا مروا فيها مع بعض اما مريم الا ندبت حظها لا ام ولا ابو ولا حتى زوج يعينها على مصايب الدنيا كرهت الدنيا وحبست نفسها كل الناس ------------------------------------------------------------------- خالد تلقى الصدمة بدموع وحسرة على احلى صديق وحاول انه يعوض ابوعلي لو بالقليل خاصة انه محروم من ابوه من صغره خلود: هلا خالد..شلونك؟؟ خالد: هلا خلودتي اسال عنج حبيبتي خلود: اشوف.. صار لك شهر وشي انت حتى ما تسأل عنه.. الا شخبار بيت النجار؟ خالد: الحمدلله.. الله يكون في عونه ابوعلي لحد الحين مو متحمل الصدمة لدرجة اني ادخل الورشة وهو ساكت ما يتحرك ومعظم الاوقات اتكلم معاه هو باله بعيد..واذا تكلم كله عن علي خلود: الله يكون في عونه.. الكل في هالديرة تعبان من هالحكومة الظالمة خالد وهو يمدد ايده: الله انا اخليج بروح انام وراي شغل وباجر بعد ورانا حوزة .. تصبحين على خير خلود: الله وياك.. وانت من اهل الخير مرت شهور وخالد صار كل اهتمامه انه يعرف امور الدين اكثر فكان يجهد نفسة بالشغل حتى يعيش اهله ويدرس امور دينه.. حل عليهم هلال رمضان الكل يطلب المغفرة والتوبة في هالشهر.. شهر الله الحرام ----------------------------------------------------------------- علي بعد ماطلع من السجن الانفرادي التقى بالمجموعة الا كانوا معاه في السجن ولكن انتقلوا لسجن يسمى"سجن جو" الكل حاول يتأقلم مع الوضع لانه هذي نص حياتهم والكل كان يصطنع الضحكة والابتسامة وبعد ما خلصوا الفطور كل وااحد كان يطنز على الثاني وكل واحد فيهم يذكر صدمته بالسنوات الا ماكانوا متوقعينها جعفر: مسكين اسامة خلف جبدي عورت افادي.. الشيخ يقول بعد بس 4او 5 سنوات ههههههههههههههههههههههههههه الكل ضحك حتى هو نفسه اسامة ضحك معاهم حسين: طويل للسان علي دبح فليفله دباح من القهر بس زين تسوي فيه ههههههههههههه بس اكلها شهر بروحه في السجن علي: لو ما ايدي فيها الافكري والله دبحته حسن المعروف بطنازته ولانه مريض بفقر الدم حاد(السكلر) كان كل شوي يروح الحمام فتح الفتحة الصغيره الموجوده في الباب حسن: شرطي.. حمام!! انتظر دقايق مافي جوااب .. حسن بصراخ: شررررررطي .. بروح الحمام له .. طالع الشرطي مره وحده في وجه: نعم شنو في؟؟ :bomb: حسن يمثل الخوف وهو بتنقز مكانه: بسم الله الرحمن الرحيم.. وجه كلامه لربعه.. مارد المصباح يمممه الشرطي: شنو فيه يالله ؟ حسن وهو على نفس الحال ويازعم مو عارف يتكلم: لحظة لحظة ..يبتلع ريقه .. لحظة لحظة..مارد المصباح شقول ليه الحين .. لحظه لحظة؟؟ الكل كان يضحك على حسن وطريقته لدرجة ان الشرطي تنرفز ومشى عنهم كانت هذي حياتهم يطنزون على الشرطة بعض الاحيان وبعض الاحيان ياكلونها ضرب... تحياتي تقوى القلوب