الحمدلله وألف مبروك نجاح الرحلة الترفيهية الثانية والبركة في الجميع
فكرت في كتابة تقرير لِمـا جرى في الرحلة وقبلها تمنيت أن يكون frombahrain حاضراً معنا في هذه الرحلة المميز
أولاً الشكر موصول للجميع وخاصة للـ لجنة المنظمة متمثلة في
أحمد ناصر و سيد حسين و حسن عبدالله حسن و خادم الحسن وعاصف و الخاطف وبمشاركة زهير حسن يعقوب العالي << هذا اللي خلاهم يضحكون علينا
اولاً التجمع صوب بيت أحمد ناصر واللي يمر يسئل ويش صاير ومستغربين من هذا التجمع .. بداية مميزة
توزيع جميع الأعضاء على اصحاب السيارات ومشينا متوجهين للبركة وكان يتقدمني عالي ستار << لا تسرع
و وصلنا و وصل الجميع وكانت التجهيزات الاولية للبركة والاستراحة والفطور << روتي وجبن وسمبوسة طبعاً الساعة 9 الفطور
ومع الفطور إلقاء كلمة للإدارة متمثلة بالإداري السابق aalistar وبعدها صلوات على محمد وآل محمد
نجي سباحة وفرفشة ومزاح وكل شي تتوقعه ونظمو الشاب دورة لـ لاعبين كرة القدم وكنت في فريق بإسم "ابولومي" شي مميز صراحة
ويسمتر الحال سباحة، لعب كرة وسوالف ومزاح ونقاشات حول المشرفين والادارة
جاء وقت الصلاة وصلينا وبعدها بساعة تقريباً موعد الغذاء الرائع بسوي دعاية حق مطعم رضوان
يؤؤ نسيت إن بعد الفطور ولعب الكرة كان عندنا بروفا للمسرحية العجيبة بقيادة زهير حسن يعقوب مثل ما ذكرت وكان يبيهم يضحكون علينا لباس كشوخي والله بتشوفون الصور وبتضحكون
وبعد الغذاء كان موعدنـا مع السيد جابر الشهركاني وكلمة له وبعدها عرض للمسرحية الكشوخي لا تضحكون علينا ما قصرو الشباب
وما ننسى الحوارات بين الاعضاء والمشرفين والاداريين بين وقت وآخر
وبعدها سباحة ولعب وطناز ومزاح وكل شي ليما جاء لنا البوس احمد ناصر وقال لنا الحوار الحر بين الاعضاء والادارة متمثلة بحضوره فقط وهنا اللي مهتم للأمر ترك السباحة و بدينا الحوار في الاستراحة بين الاعضاء والاداري احمد ناصر في اخذ وعطاء وانتقاد وكل شي حول الموقع والمنتدى والادارة وكانت هناك توضيح لأستفهامات اعتقد إن اللي حضر عرفها واقتراحات دونها الاخ احمد ناصر ليناقشها مع مجلس الادارة مثل ما ذكر وربما كنا تارتاً مع احمد ناصر وتارتاً عليه وكان مبتغانا هو رقي الموقع والمنتدى والادارة
وبعدها اكملنا السباحة والمزاح وكل ما يخطر بالبال ليما جات الساعة 4:45 وقررنا التجهيز للرحيل
والحمدلله ومبروك نجاح الرحلة واللي يبي يضيف شي لا يتردد وننطر الصور
من البداية كانت الرحلة غير موفقه اول شي ما تدرون ان في قانون يمنع التجمعاااااااااااات
وبوقفتكم عند بيت احمد ناصر تمثلون قلق للقانون وللشعب بأكمله ؟؟؟؟
ممنوع التجمعات لأي سبب كان خرعتون الناس واحد مو مغسل وجهه والثاني ما كمل نومته والخاطف جاي بثياب النووووووووووم وأبو ناصر طالع اليهم من الدرشة مالت بيتهم ويش عندكم هالغوووووووووله يالله صخووو لا يطلع اليكم ابويي
على العموم سوى الينا ازعاج في الفريق
ثانيا احد يتريق سمبوووووووووسه ؟؟؟؟؟
اكيد صارت طبقة من الدهن على سطح البرجة ويش هالتنظيم الفاشل ماخذين من عندهم بيزات علشان سمبوسة ؟
[align=center]والله وشكلكم طايرين فرح
وهذا يدل ان الرحله ناجحه وودكم تكررونها مرتين وفلاف
يالله عليكم بالعافية .. كل سبوع وسبوع ان شاء الله
واخونا في الله يمبي الى حوااار
.. هذا ونص يوم صار المنتدى كريه . . لو اليوم كله وهذا بالكثير يصير يوم يعني
يالله الباقي الدور على البنات ينظمون لنا رحله ثانية ترى الشباب غلبونا له
الحين كلهم تعابه .. بقولون وينك يالسرير ؟؟
مشكور خاطفنا على الموضوع الي وصفت فيه رحلتكم من طأطأ الى سلام عليكم
كويس ادارينا العراف انك لبيت طلب صاحب الموضوع ، الخاطف يستاهل يثبت ليه الموضوع
الاخت بلو أيز
نحن نعتزم على عمل رحلة ونعمل حاليا للتخطيط لها ، للأسف واقولها مسبقا وقبل الشروع في البدء بالتنفيذ ، انها لن تحقق نجاح كما هو حال رحلات الشباب ، واقولها لكن صراحة لان العضوات او الفتيات غير متعاونات ، اتذكر في الرحلة التي قد الغيت، انك من اول العضوات اللواتي اعتذرن عن المجيء ، نتمنى ان تكوني معنا في رحلتنا المقبلة والتي سنعلن عنها وعن تفاصيلها في وقت لاحق .
بركة عالي نت الثانية .. تقرير 
طبعاً الساعة 9 الفطور 
لا تضحكون علينا ما قصرو الشباب 
كل سبوع وسبوع ان شاء الله 
. لو اليوم كله وهذا بالكثير يصير يوم يعني 
ينظمون لنا رحله ثانية ترى الشباب غلبونا له 
على الموضوع الي وصفت فيه رحلتكم من طأطأ الى سلام عليكم 
