بركة عالي نت الثانية .. تقرير

[Jaffar]

السلام عليكم ورحمة الله وبركاته

الحمدلله وألف مبروك نجاح الرحلة الترفيهية الثانية والبركة في الجميع
فكرت في كتابة تقرير لِمـا جرى في الرحلة وقبلها تمنيت أن يكون frombahrain حاضراً معنا في هذه الرحلة المميز

أولاً الشكر موصول للجميع وخاصة للـ لجنة المنظمة متمثلة في
أحمد ناصر و سيد حسين و حسن عبدالله حسن و خادم الحسن وعاصف و الخاطف وبمشاركة زهير حسن يعقوب العالي << هذا اللي خلاهم يضحكون علينا

اولاً التجمع صوب بيت أحمد ناصر واللي يمر يسئل ويش صاير ومستغربين من هذا التجمع .. بداية مميزة

توزيع جميع الأعضاء على اصحاب السيارات ومشينا متوجهين للبركة وكان يتقدمني عالي ستار << لا تسرع :busted_re

و وصلنا و وصل الجميع وكانت التجهيزات الاولية للبركة والاستراحة والفطور << روتي وجبن وسمبوسة طبعاً الساعة 9 الفطور

ومع الفطور إلقاء كلمة للإدارة متمثلة بالإداري السابق aalistar وبعدها صلوات على محمد وآل محمد

نجي سباحة وفرفشة ومزاح وكل شي تتوقعه ونظمو الشاب دورة لـ لاعبين كرة القدم وكنت في فريق بإسم "ابولومي" شي مميز صراحة

ويسمتر الحال سباحة، لعب كرة وسوالف ومزاح ونقاشات حول المشرفين والادارة

جاء وقت الصلاة وصلينا وبعدها بساعة تقريباً موعد الغذاء الرائع بسوي دعاية حق مطعم رضوان

يؤؤ نسيت إن بعد الفطور ولعب الكرة كان عندنا بروفا للمسرحية العجيبة بقيادة زهير حسن يعقوب مثل ما ذكرت وكان يبيهم يضحكون علينا لباس كشوخي والله بتشوفون الصور وبتضحكون :happy:

وبعد الغذاء كان موعدنـا مع السيد جابر الشهركاني وكلمة له وبعدها عرض للمسرحية الكشوخي :smurf: لا تضحكون علينا ما قصرو الشباب

وما ننسى الحوارات بين الاعضاء والمشرفين والاداريين بين وقت وآخر

وبعدها سباحة ولعب وطناز ومزاح وكل شي ليما جاء لنا البوس احمد ناصر وقال لنا الحوار الحر بين الاعضاء والادارة متمثلة بحضوره فقط وهنا اللي مهتم للأمر ترك السباحة و بدينا الحوار في الاستراحة بين الاعضاء والاداري احمد ناصر في اخذ وعطاء وانتقاد وكل شي حول الموقع والمنتدى والادارة وكانت هناك توضيح لأستفهامات اعتقد إن اللي حضر عرفها واقتراحات دونها الاخ احمد ناصر ليناقشها مع مجلس الادارة مثل ما ذكر وربما كنا تارتاً مع احمد ناصر وتارتاً عليه وكان مبتغانا هو رقي الموقع والمنتدى والادارة

وبعدها اكملنا السباحة والمزاح وكل ما يخطر بالبال ليما جات الساعة 4:45 وقررنا التجهيز للرحيل

والحمدلله ومبروك نجاح الرحلة واللي يبي يضيف شي لا يتردد وننطر الصور

[بنت العلا]

متباركين بهالرحلة الموفقه
شكلكم استانستون بس في سؤال محيرني
ما احتجتون الى الاسعاف؟

[غــارق]

سلام

الحمدلله على سلامة الوصول, والحمدلله ان الرحلة نجحت نجاحا منقطع النظير وكان بودي ان اكون معكم ولكن ما باليد حيلة, اتمنى ان تجمعكم الايام مرة اخرى.

تمنياتي للجميع بالتوفيق

[السلام العام]

ابتدى الشلخ عليناا

من البداية كانت الرحلة غير موفقه اول شي ما تدرون ان في قانون يمنع التجمعاااااااااااات

وبوقفتكم عند بيت احمد ناصر تمثلون قلق للقانون وللشعب بأكمله ؟؟؟؟


ممنوع التجمعات لأي سبب كان خرعتون الناس واحد مو مغسل وجهه والثاني ما كمل نومته والخاطف جاي بثياب النووووووووووم وأبو ناصر طالع اليهم من الدرشة مالت بيتهم ويش عندكم هالغوووووووووله يالله صخووو لا يطلع اليكم ابويي

على العموم سوى الينا ازعاج في الفريق

ثانيا احد يتريق سمبوووووووووسه ؟؟؟؟؟

اكيد صارت طبقة من الدهن على سطح البرجة ويش هالتنظيم الفاشل ماخذين من عندهم بيزات علشان سمبوسة ؟

وين باقي الفلووس؟؟؟؟
8 سمبوسات بربية والباقي وين ؟؟؟؟
جبن ابو الولد ؟


مشكله جذي

ما يصير تسوون اجتماعات خارج نطاق المنتدى وتتكلمون واحنا مالينا راااااااااي يعني ؟

كل شي تبونه منكم واليكم ؟؟

اني احتج


واخيرا قبل لا انهي كلامي الخاطف عاطينك كم ربية علشان تتستر على الادارة والترتيب الى الرحله وتقول انها ناجحه





عليكم بالعافيه ويعطيكم الله الصحه على المجهود اللي تبذلونه لأنجاح الرحلات ونتمنى ان تكون هذه الرحله عطتكم دافع قوي علشان نشوف النجاح على بسطات المنتدى

سوري اذا في احد زعل

[خادم الحسين]

خخخخ.. الشكر لكم اخواني.. لولا تعاون الاعضاء لما نجحت هذه الرحله.. والى الامام ان شاء الله..

ان شاء الله المره الثانيه الى حوار..

بنت العالي.. طبعا هو احتجنا الى الاسعافات.. بس الحمد لله ما صار شي.. بعض الرضوض الخفيفه من لعب الكوره.. او بعض الاصابات الطفيفه..

السلم.. اتمنيناك ويانا صراحه.. قالوا الينا الشباب بتحضرون بس ما شفنا شي؟!

السلام العام.. الحقران اقطع المصران مثل ما اقولون..|-) لا تعليق..

اخوكم في الله..

[blue eyes]

[align=center]والله وشكلكم طايرين فرح
وهذا يدل ان الرحله ناجحه وودكم تكررونها مرتين وفلاف
يالله عليكم بالعافية .. :icon30: كل سبوع وسبوع ان شاء الله
واخونا في الله يمبي الى حوااار :sneaky:
.. هذا ونص يوم صار المنتدى كريه . . لو اليوم كله وهذا بالكثير يصير يوم يعني uno1:
يالله الباقي الدور على البنات :flex: ينظمون لنا رحله ثانية ترى الشباب غلبونا له
الحين كلهم تعابه .. بقولون وينك يالسرير ؟؟
مشكور خاطفنا على الموضوع الي وصفت فيه رحلتكم من طأطأ الى سلام عليكم :sweatdrop

[/align]

[العرّاف]

الحمدلله على سلامتكم اخواني وعليكم بالعافية
يبدو أنّ حواراً كبيراً حدث دون حضورنا، إن كان هناك أية إنتقادات حول العرّاف اخبرونا

ملاحظة: تم تغيير عنوان الموضوع وتثبيته بناءً على طلب من صاحب الموضوع.

[حنان]

[align=center]الاااااااااااااااااااااي

عليكم بالعافيه

اهمشي انكم استانستون وفرفشتون ويا بعض

بس سمعت ان كان في تفطيس في البرجه كل وااحد يفطس الثاني [/align]

[خادم الحسين]

لا.. مافي تفطيس..

قوات الامن كانت حاضره (احمد ناصر) وقد كانت بالمرصاد لأي محاوله اغتيال..

ولكن تمت تصفيه بعض القاده..

اخوكم في الله..

[السلام العام]

خادم الحسين الجماعه معتصمين في الشارع يطالبووون بباقي فلووسهم


قصيتون عليهم علشان ملعب كوورة


رضوض وجروح خفيفة اكو عندكم المسعف رقم واحد له ليش ما اسعفكم

[بنت العلا]

خادم الحسين وش فيك ليكون نسيت عيونك في البركه اني اسمي (بنت العلا) مو( بنت العالي..هي وحد ثانية)

انزين ما قلتون لينا من اللي ربح في الحرب ابو ناصر لو ابو علاي

[العاصفة]

كويس ادارينا العراف انك لبيت طلب صاحب الموضوع ، الخاطف يستاهل يثبت ليه الموضوع
الاخت بلو أيز
نحن نعتزم على عمل رحلة ونعمل حاليا للتخطيط لها ، للأسف واقولها مسبقا وقبل الشروع في البدء بالتنفيذ ، انها لن تحقق نجاح كما هو حال رحلات الشباب ، واقولها لكن صراحة لان العضوات او الفتيات غير متعاونات ، اتذكر في الرحلة التي قد الغيت، انك من اول العضوات اللواتي اعتذرن عن المجيء ، نتمنى ان تكوني معنا في رحلتنا المقبلة والتي سنعلن عنها وعن تفاصيلها في وقت لاحق .

[إبراهيم آل يحيى]

إ نشاءالله كل سنه وسنه وانسجل وياكم وتستاهلون سلا مة الوصول

[تقوى القلوب]

الاااااااااااااااااااااي عفر نبي التفاصيل له
كل شي كل شي الحوار وسوالف البرجة واهم شي الاكل ها نبي نشوف صور العيش خخخخ

وكل وااحد يكتب ويش صار هناك في البرجة وبالتفصيل الممل

[ولد الماجد]

الحمد لله على السلامة

أهم شي رجعتون بالسلامة..

[خادم الحسين]

او مسامحه بنت "العلا" حقش عليي.. بس كل الاسامي نفس الشي؟!

السلام العام..

ان شاء الله باقي الفلوس انسوي اليهم بوفيه والله حق الرحله الثانيه >>احمد ناصر بيضرب على راسه..

سوينا بعد دوري.. ان شاء الله الشباب اخلون التفاصيل.. ما اشوف تفاعل منهم.. شكلهم كلهم راحوا بيتهم انخمدوا..

اخوكم في الله..

[حنان]

اي يالخال منخمدين اخويي وصل حط راسه وراحت عليه نومه

خبر خير

شلون ما في تفطيس اكو اخويي قال انهم فلتوه في البرجه مسكين فطس اقول يازعم هو او ولد خالتي المساكين

ولله ما يندرى يمكن بعد يشلخون
وحنا نطر الصور انشالله

[maldini]

السلام عليكم

في البدايه حاب اشكركم على الرحلة الرائعه

انا اول مرة اطلع في رحلة مع منتدى لان اشتركت في اكثر من منتدى بس ما اهتميت لهم كثر منتدى ديرتنه " كنت في البدايه متردد اروح " بس تالي تركت ترددي وخوفي وقلت بروح " الصراحه شفت عكس الا كنت افكر فيه الرحلة احلى ما يكون وتاقلمت مع الاعضاء والشباب بالسرعه حتى في ناس من قبل اعرفهم بس ما عندي علاقه وياهم بس السلام وعليكم السلام بس الحين تعرفت عليهم وعرفت تصرفاتهم زين " اقيمت دورة في الرحلة حصلنا على المركز الثاني طبعاً بالغش لازم نكون الاول بس الله يخلي الحكام واقول الى حمود المنحوس سوري كسرنا ايدك مادري رضيناها موانا السبب الله يخلي ابو ناصر جايب لنا كورة مو زينه للعب كانت ثقيله اكثر من الازم على هالمساحه وخاصتاً الا ويانه اصغار اكثرهم " وابو ناصر وين المفاءجات الا تقول عنها وهالسوالف رحنا ما شفنا الا الريش " اعذرك قاعد تجمع حق العرس يلا ما باقي الا رحلة وحده وتكتمل افلوس العرس" المهم استانسنا وتعرفنا على الاعضاء اكثر وشفنا النقاش بين الادارة والاعضاء والحمدلله الرحلة ناجحه والله يودينه وياكم في المرات القادمة"

الحين مانه عارف اركز اواذكر شي عندي اشياء اكثيره بس مفتر راسي فيي نومه لان البارحه ما نمت واليوم رايح الرحلة جيت ونمت وقعدت الحين اتعشى ورد برجع الى النوم

تصبحون على خير

[نور العاشقين]

ههههههههههههههههههه

خلونه نطنز عليكم اشوي


امزح

ههههههههههههههههههه

شكل البرجه تمام لكن ويش انسوي ما نقدر انجي

المهم

الحمدلله على سلااامة الجميع

تحياتي

[الماجد]

صراحة صارت البركة فيها ملل اشوي لان مافي نشاط يجمع المصابين<<<<ارجوله امسوينه عمليه ويبي يلعب هذي الجمله الي كانو ارددونها عليي صراحة انا انقهرت حدي وبغيت اطب البركة بس هديت اشوي

بس السوالفت طيرت هذا الملل عقب اشوي الجماعة مشو وانا قعدت افتر في البركة ابروحي

اتمللت عدل

بس يالله خيرها ابغيرها انروح صاحين وما نتملل

[الوردة البيضاء]

مين الى صار فيه بعض الرضوض ؟؟

الوردة البيضاء

[السلام العام]

يووووووووووووووووو


حالات تسمم من اكل البرجة

والمستشفيات كلها مشحووونه من رحلتكم

الغدا مسمم ابو ناصر مخلنه في بيتهم لمدة اسبوع في الحراره عمداااااااااا

[خادم الحسين]

ما اشوف احد صاده تسمم..

اصير هو صادنه تسمم من حوبتكم!

اخوكم في الله..

[maldini]

خادم الحسين" غربلك الله ترش على راسي صابون هااا لكن رديتها لك:D

شكلك للحين ما عرفتني سو فيي شي هالمرة وبراويك...:p

[خادم الحسين]

جي انا اعرفك عشان اخلي على راسك صابون

لا تعرفني ولا اعرفك:p لووول

اخوكم في الله..