الكل كان في بيت خالتهم الا وصلها الخبر وكانت تدري بأنهم جايين بيتها.. كان المكان مظلم وهادئ وواضح ان القرية الكل في بيتها وحتى الاضواء كانت مطفيه
وبعد ساعة من الهدوء سمعوا صوت رصاص وراح علي يشوف شنو صاير فشاف واحد يأن ومبين علية يتألم وطلع بسرعه وسحبه داخل البيت والحمدلله ما انتبهوا الشرطة
علي: ها عزيزي شفيك ؟؟
الشاب: اول شي شيل الرصاص من رجولي آآآآآآآه
علي: لحظة لحظة تحمل شوي (وراح علي اخذ له ماي وقطعه قماش يمسح فيها الدم)
الشاب: لو سمحت ممكن سكين؟؟
علي: ليش؟؟
الشاب: بشيل الرصاص الالم فضيع ياخوك وما يصير نروح المستشفى
علي: بس ما يصير بعد تألم روح
وفي هاللحظة قطع عليهم كلامهم طرق على الباب الكل جمد في مكانه بس سمعوا صوت رجال كبير في السن: فتحوا الباب اناابو رضا جيرانكم
ام مريم: لحظة وعلى طول فتحت الباب
كان الرجال كبير في السن وواضح من قسمات جبينه انه كان يشتغل في عمل شاق وكان في ايده كيس صغير فتحه تحت مرأه الجميع وكان فيه سكين صغيرة وشاش
علي: تفضل عمي .. (وطالع في البنات) دخلوا داخل بسرعه
البنات: ان شاء الله
الخوف اعتلى وجه الشاب وعلي حس فيه فكان يبي يخفف عنه: الاخو شسمك حبيبي؟؟
الشاب: سامي
علي: والنعم فيك خوي.. انا اسمي علي
ابو رضا: يالله يا ولدي سم بالرحمن وتحمل شوي ها
سامي: ان شاء الله عمي
علي: عطني ايدك ولا تحرك رجولك يالله بسم الله الرحمن الرحيم
صرخات زلزت البيت وهزت اركانه الكل بكى على سامي وتم يدعي له بالصبر وقروا الايات عشان يسهل عليه ازاله الرصاص
مريم: ياااربي الله يساعده
وفاء كانت متوتره ورجولها ما هدأت وهي تهتز: يااااارب.. الله يكون في عونه
ام مريم: اخ الله يساعد اميمته الحين تلاقينها مو عارفه تنام
هاجر وهي تسكر اذونها لاتسمع صرخات زياده من سامي: بس خلاص
والحمدلله بعد معاناة دامت نصف ساعه بين الالم والصراخ والتماسك والدعاء لرب العالمين اغمى على سامي مما اضطروا لاخذه لاحد غرفة البيت وابو رضا استأذن حتى يروح يصلي صلاة الصبح في المسجد
الكل راح لعلي يسأل عن سامي واخبارة وكانه وااحد منهم وصلو صلاة الصبح والكل دعى بقلبة الله يشافي سامي ويبعد عن بلادهم الظلم
انجلى الليل بظلمته واشرقت الشمس بنورها الكل ابتعد عنهم الخوف نوعا ما في هاللحظة وعلي ارتاح مع سامي في نفس الغرفة وقعد على الساعة 10 ونص وعلى طول تذكر المحظر ودخل الحمام وفي لحظة خروجة من الغرفة سمع سامي ينادية
سامي: علي
علي: هلا صباح الخير
سامي: صباح النور .. وين رايح؟
علي: بروح لشرطة
قاطعة سامي: ها ليش؟؟ انا ما سويت شي
علي:ههههه انزين ما كملت كلامي عندي محظر ويعني شوي شغلات
سامي: اها عيل وصلني في طريقك اذا ما عليك كلافة
علي: امم اوكي
مسك علي سامي من ذراعة وطلعوا من الحجرة وشافتهم خالته ام مريم
ام مريم: ها وين رايحين؟؟ ما تفطرتوا
علي طالع سامي وتكلم سامي: لا خالتي بس امي اكيد تنتظرني وتحاتي
ام مريم: اتصل فيها مو زين تتحرك واجد ولا تاكل شي
سامي: ما عليه خاله مره ثانية
ام مريم: براحتكم يا عيالي .. وانت ياعلي بترجع بعدين؟
علي: لا خاله عندي كم شغله اسويها ويمكن ارجع اخذ خواتي
ام مريم: براحتكم في حفظ الله
طلعوا الشباب وسامي طلب من علي رقم تلفونه وتبادلوا الارقام على امل انهم يتعرفون على بعض اكثر واكثر يمكن هذي الصدفة خير عليهم
علي كان باله مشغول مع المحظر شنو بيقول لهم وهم يبونها من الله عشان يسوونه فيهم شي قرى مجموعة من الايات الا حافظنها عن ظهر قلب ونزل من السيارة متوجة للمخفر
انتظر ساعة في غرفة الانتظار وشاف الا تضارب معاه امس الليل
........: علي حسن النجار وجاسم علي
دخلوا على الضابط الا من ملامحة تبين قسوة قلبة
علي: سلام عليكم
الضابط بحقد: وعليكم السلام... شنو فيكم انتوا بعد ها؟
جاسم: والله يا حظرة الضابط ما سويت فيه شي مجرد احتكاك في السيارة سببتها له على طول نزل من سيارته وطقني
علي يتمتم بهمس.. ضربني وسبقني واشتكى
الضابط: شنو تقول ارفع صوتك
علي والابتسامة الا ما فارقته: اسمع يا حظرة الضابظ السالفة ومافيها انه اهو غلط على الوالده
الضابط: وخير يا طير يعني؟؟
علي: انت ترضى احد يغلط على امك يعني؟؟
الضابظ الا انفجر من الغضب: احترم نفسك من فاكر نفسك ها؟؟
علي: مواطن ولي حقوقي
انفجر الضابط من القهر وكان وده يذبح علي من شجاعته الا اول مره يشوفها في شاب مثل عمره.. وكان يبي ينتقم منه فوقف مع جاسم
الضابط لعلي: اطلع بره
علي طلع وجاسم الا ظل مع الضابط والخوف مالي قلبه: اسمع اذا تبي حقك لازم تكون معانا وراح اذبحه لك من الضرب
جاسم: شنو اكون معاكم في شنو ها؟؟
الضابط: تكون معانا في المخابرات تقول لي على اسماء بعض الشباب الا تعرفهم
جاسم بدون تفكير: اوكي
امر الضابط بضرب علي بدون ما يسمع كلامه في التحقيق ولا شي وبعد ما خلصوا من الضرب دخلوه على الضابط الا الابتسامة مرسومه على وجهه
الضابط: ها ما بتعترف؟
علي: اعترف على شنو؟؟ انا قلت شي عشان اعترف
الضابط الا انقهر اكثر واكثر: انت ما بتحترم نفسك الا بتعهد
علي: ما اوقع على التعهد
بعد محاولات مع علي حتى يوقع تعب الضابظ واطلق سراحه
وعلي في السيارة ضرب تلفونه وكان رقم خالد
علي: الووو
خالد: هلا علاوي وينك انت ؟؟ شخبارك؟؟
علي: عند الشرطة .. والا يدخل الشرطة يطلع بخير
خالد:شنووو .. شنوو فيك ها؟؟
علي: قصر حسك لا يسمع ابوي
خالد: لا ابوك طلع من الورشة .. يالله تعال بسرعه قول لي السالفه
علي: اوكي الحين دقايق وانا عندك.. باي
راح علي لخالد وخبره بالسالفه كلها وبعد ساعه وهو يشكي الحال
علي: الا شخبار محمد؟؟
خالد: والله بخير.. الحين اكثر شي مهتم في الدراسة يعني
علي: وانت ليش ما تمر عليه ؟
خالد: هو يروح القهوة واماكن ما تعجبني والاغاني الا لازم مشغلها
علي: انزين يمكن يهتدي على ايدك ياخوي
خالد: بشوف ان شاء الله.. الله يهدي
علي: يالله ابو وليد ان اخليك بروح ارتااح ..مع السلامة
خالد: اوكي حبيبي الله ياخذ حقك من الظالم .. الله يسلمك
رجع علي البيت الا استلمته امه بمجموعة من الاسئلة الا ما انتهت الا بعد ما اذن اذان المغرب وراح المسجد وصلى على النبي ورجع البيت وناام
صوت ضربات قوية على الباب اخترقت اذان الاموات قبل الاحياء
تقوى القلووووووووووووووووووووووووب انتين ما تجوزين..لازم تقطعين اذا نبي نواصل
بسرعه بسرعه خليتيني اعيش ايام الأحداث، صدق كنا صغار فيها، بس والعياذ بالله من ذيك الأيام للحين أذكر الغاز الي يتفجر كل ليلة .. يمه وييييييييييييلي
يلا ننطر الجديد
__________________
وضعوا فوق فمي كلب حراسه
وبنوا للكبرياء
في فمي سوق نخاسه
وعلى صحوة عقلي
أمروا التخدير أن يسكب كاسه
ثم لما صحت:
قد أغرقني فيض النجاسة
قيل لي:
لا تتدخل في السياسه!
مسامحة على التأخير هاليومين انشغلت وفوق هذا المخ مجيم
اما عن سالفه الباب يالمهموم برد عليك بعدين وكلكم يالاعضاء برد عليكم ومشكوووووورين كلكم الله لايحرمني منك
::الجزء الرابع عشر::
صمت اختلج الجدران بعد ان كان صراخ الشرطة والطرقات على الباب دخلوا دون استأن بعد ان كسروا الباب!!
رموا الاثاث مزقوه وكأنهم كلاب تبحث عن قطعه لحم دون وعي
تكلم ابو علي والخوف بين شفتيه: شنو تبون؟؟
واذا بلكمه قوية على خديه اشعلت النار في قلبه
الشرطي: وين علي؟؟ وبدون كلام زايد فاهم ؟؟
ام علي: ما عندنا احد اسمه علي !!
الشرطي سحبها من ذراعها بس ابو علي سحبها ووقف في وجهة والحمدلله ما اشتد الصراخ بينهم لانه الشرطة سحبوا علي وهو مو في وعيه تقريبا والام دموعها على خدها وحاظنتنها هاجر وفاء والكل كان يطالع في علي الا شكله كان يكسر الخاطر
علي حس انه اخر يوم يشوفها:لا تخافين يمه دعواتج لا تنسيني
ام علي بدت في نوبة بكاء تقطع القلب:قلبي وياك ياحبيبي
اخذوا علي الى مكان مظلم وضربوه مثل الوحوش الا تختبى في مكان عشان تختلي بفريستها ضربوه بكل انحاء جسمة بالمسدسات لما اغمى عليه وخاف الضابط الا كلم علي (تذكرونه)
الضابط: وين الماي؟؟ وعوه لا يصير فيه شي بسرعه
وبعد مده قعد علي ومسكة الضابط من شعره الناعم: ها.. للحين انت مواطن ولك حقوقك؟؟
علي بكل جرأة: أي مواطن ولي حقوقي مو مجنس مثلك متطفل على بلدنا
عصب الضابط وامرهم بضرب علي والاذان هالحزة اعتلى صوته وتفاعل علي مع صوت الاذان وبدى يكبر بصوت عالي وكأنه سلاح له بدأ كل وااحد خايف منه ومن صوته واغمى عليه مره ثانية
-------------------------------------------------------------------
خالد في الورشة كعادته كل يوم الصبح تلاقى مع ابوعلي الا كان واضح عليه التعب وكانه كبر 10 سنوات من عمره
خالد: هلا عمي شخبارك؟
ابوعلي: هلا ولدي .. نحمده على كل حال
خالد تسارعت ضربات قلبه: شفيك عمي ؟؟ وين علي؟؟ مريض؟؟ فيه شي؟؟
ابوعلي دمعت عيونه الا كبتها وبحسره: آآآآآه اخذوا امس علي ولحد الحين ما له خبر ما ادري شسوي .. ما ادري عن ولدي ياخالد ما ادري فيه.. انكسر ظهري
خالد: مافيه الا كل خير لاتخاف عمي ترى ولدك مو أي ولد الله يحبه والملائكة حارسته لا تخاف.. وانا حسبت ولدك والسند لك ياعمي وعلي بعد جم يوم بيطلع لا تخاف عليه
------------------------------------------------------------------
من طرف ثاني كانت وفاء مع حنان ونوراء وخبرتهم بالا صار
نوراء: الله يستر.. من ليلتين بس دخلوا على بيت جيرانه واخذوا البنت
لانهم ما شافوا الاخو
حنان: بل.. شدخلها هي بعد؟؟
وفاء: كل شي يخطر على بالج يسووونه ماعندهم لا قلب ولا رحمة وحوش
نوراء: أييي وحوش الا اف
حنان وابتسامة صفرة اعتلت وجهه السمح:بس مو على شباب البحرين
تراهم شجعان وما في منهم عرق الائمة فيهم وحبهم وولائهم لأئمتهم ولله سبحانه ما يخافون ولا يهابون شي.. الله يحفظهم
نوراء وفاء: الله يحفظهم
انتهت وفاء من الجامعة ورجعت البيت وتوقعوا من صادفت؟؟ اكيد هو محد غيره
خالد ما انتبه ان في احد وراه لانه منهمك في في تصليح الباب الا كسروه الوحوش ولولا الاتصال الا وصلته ما انتبه انه في احد
تلاقت عيونهم ونزل عيونه بسرعة
وفاء:السلام عليكم
خالد: وعليكم السلام
دخلت وفاء على طول حجرتها ومستغربة من الا قاعد يصير خالد صار كأنه واحد منهم وفيهم متقرب واايد من ابوه وعلي وصار وايد مأدب غير عن اول ومحمد كل ما تشوفه كله بروحه من بعد ما شافته اخر مره بروحه في الكفتيريا قطعت عليها هاجر حبل افكارها
هاجر: هلا وفوي
وفاء: هلا بيج حبيبتي.. بسألج هذا من الا واقف عند الباب؟؟
هاجر: هذا رفيج علي ويشتغل مع ابوي ياحضي وهو يصلح الباب المكسور
وفاء: اها .. انزين شخبار امي؟؟
هاجر: بخير لا بأس.. بروحها قاعده في الحجرة
وفاء: امشي نروح اليها
-------------------------------------------------------------------
اشعة الشمس لامست عيونه البريئة المكان مخيف كله اسلحة وآلات مؤذية ومظلم لولا الفتحة الصغيره الا تدخل منها الشمس..جسمة يتألم وراسه حس بأنتفاخ
توضئ وبسرعه وقف عشان يصلي لانه فاتته صلاة الصبح وفي سجده الشكر لله سمع صوت الشرطة تدخل الزنزانه واحد منهم وضع رجله فوق راسه بس علي ارتخى وكمل سجدته وطول فيها لولا الضربة على بطنة
الشرطي: شتسوي؟ انت تركع لنا وبس
علي ابتسم:.......
الشرطي: شفيك مستانس؟؟
علي: بسم الله الرحمن الرحيم" ألم تر ان الله يسجد له من في السماوات ومن في الارض والشمس والقمر والنجوم والجبال والشجر والدواب وكثير من الناس وكثير حق عليه العذاب ومن يهن الله فما له من مكرم إن الله يفعل ما يشاء" (سورة الحج آيه 18) قاطعه بضربه على فمه بقوة ونزل الدم بغزاره
الشرطي والشرار من عيونه يتطاير: انا ارويك من الا يهين
ورفع ايده حتى يضرب علي بس نزلت رحمه من الله وقفت نص خلاياه الجسديه وطاح على الارض
تابعونا بروح اكمل الجزء الخامس عشر بسرعه لا تطير الافكار
المهموم.. اهلا وسهلا والله ما انتبهت لهسالفه هذا يدل على انكم متابعين خخخخ ضحكت على روحي يوم كتب ان خالد يصلح الباب يمكن واجد احب البيبان عفر كفايه لطرقات الا احصلها من الباب
ومشكوور على المتابعه ولايحرمنا منكم
الحنونة.. اهلا وسهلا عزيزتي الحمدلله انها نالت اعجابش وان شاء الله تكون النهاية احلى بنظركم والتشويق يزيد بوجودكم يالغلا
لمن يتوسد الشوك.. اهلا وسهلا مشرفتنا العزيزة مابجوز دام انتين ما جوزين خخخخ ايام الاحداث ما بتروح عن بالنا ويمكن هذي بدايه ليي في الكتابه اهديها لشعب البحرين الغالي وحتى الكل يشوف شنو صادنه بسبب هالعائلة الظالمة وعاد سكتي هالغاز سبب لي عقده حخخخخ
بنت العلا.. اهلا وسهلا عزيزتي افا عليش بحاول قد ما اقدر الا ادخل اسمش واذا ما استوى بحطه في القصه الثانية الا قاعده اخطط اليها
الله لا يحرمني منش يالغلا
بنت العريبي.. اهلا وسهلا عزيزتي والجزء ايضا ينتظر تواجدكم وقرائته
مشكوورة يالغلا والله لايحرمني من تواجدكم
ولكل من يتابعنا هنا ام هناك تواجدكم يفرحني ويحفزني للمواصاله ولكل من تابعني من البداية وتابع معي دون ملل او كلل لن انسى وقفتكم معي واصراركم على انهاء القصه سيذكركم قلمي وحبري المتواضع ما حييت
.. وبجزء جديد لكِ عزيزتي تقوى القلوب..
وبكل صراحة اقول لكِ..
أبدعتِ فيه..
مواقف مؤثرة.. كلمات قوية.. أسلوب مشوق للقراءة..
...
>>>(ضربوه بكل انحاء جسمة بالمسدسات لما اغمى عليه )
بكل أنحااء جسمه ولم يمت!!!..
استغربت وأي اقرأها وضحكت..
ههههههههه
..يبدوا ان تقوى القلوب هي راوية المنتدى..
فمباركاً لكٍ هذا الحبر ..
يالله هذي الى بدوخنا بعد
كل الشكر والتقدير لج اختى ونتمنا ان تجمعين كل المقاطع وتعرضينها نهايه الحلقه بس حبيت استفسر بافي جم حلقه والله العظيم اذا مستعجل ابي اروح مكان لازم ادخل النت اجوف كملتى باقي القصه لو لا
وتشكرين من جديد
يعطيج القوه
قبس.. اهلا وسهلا عزيزتي.. موتيني من الضحك لاني صدق ما انتبهت اليها لاني كنت اتخيلها في مخي وبشرح اليش والى الا ما فهموا شنو اقصد وان شاء الله تفهميني كانوا يضربونه بالمسدس مو رصاص يعني
شكرا لكِ عزيزتي تواصلك معي وكلامكِ كثيرا عليّ فما انا الا مجرد مبتدأ
لا حرمني الله منكِ عزيزتي
المهموم.. اهلا وسهلا اخي شكرا لك على المتابعه معي ويكفني شرف حضوركم فلا الوسام ولا غيره يسعدني ان لم يكن تواجدكم هنا وهو اكبر وسام احصل عليه لا حرمني المولى منكم
بابا سنفور ..اهلا وسهلا اخي ضحكت ضحك من كلمتك اني شدخلني القصه الا مدخوتنك والصراحة ياخوي جم جزء الصراحة ما ادري بس بالكثير 5 اجزاء واما عن سؤالك اجمع المقاطع كلها مافهمت المقصود وضحه ليي وما يصير خاطرك الا طيب والله لا يحرمني منكم
بنت العلا ولا يهمش سهرت امس الليل عليه لصبح عشان تستانسين وان شاء الله يكون حلو واما عن اسمش لا تحاتين كتبته
والله لا يحرمني منش يالغلا
::الجزء الخامس عشر::
علي كان في حاله دهشة من الا صار اليوم كان اروع يوم بحياته حس بقرب الله سبحانه وتعالى له مما زادت فيه القوة والشجاعة في نفسه
بعد اسبوع من حادثه علي زادت الاعتقالات ومنها زادت المظاهرات والاعتصامات والجرحى والشهداء والحماس مآخذ الشعب البحريني من كبيرهم لصغيرهم وهذا جزء بسيط يذكرنا بواقعه كربلاء العظيمه
وفي مظاهرة من المظاهرات كانوا الشباب والرجال تتقدم النساء وكلهم رافعين الرايات وصوتهم يزلزل ارض وتراب البحرين الغاليه اشتد غضب الشغب وبدوا بضربون الرصاص بس الشعب ابوا انهم ينهزمون واشتد الضرب بينهم ومسيلات الدموع
خالد كان معاهم وشاف طفله برئية وامها تحتها قرب لطفله ومسكها بحنية
الطفله وبكائها المرير: امبي الماما
خالد والدمع بلل وجنته: ما عليه حبيبتي .. وين البابا؟؟؟
لمح الام تتكلم نزل راسه الام: تحمل فيها و... بنتي من فريج...اختها
خالد: شنو ما فهمت حجيه
للاسف الام فارقت الحياة بدون مايفهم منها خالد ولا شي
مسح دمعت الطفله بكل حنيه وانتبه لشرطي يصرخ عليه: اوقف مكانك
خالد وبكل قوته ركض وكم شرطي كانوا يلاحقونه والحمدلله كان في احد المارين وقف له في الشارع وركب معاه السيارة
خالد وانفاس متلاحقة والطفله ماسكه خالد بكل قوتها وبرعب كانت تطالع الشخص الثاني
خالد: رحم الله والديك
الشاب: والدينا والديك.. هذي بنتك؟؟
خالد: لا شفتها مع امها الا كانت مصابه برصاص
الشاب:مسكينه ما تستاهل هالبنت.. انا اسمي رضا..شنو اسمك بالخير؟
خالد: انا اسمي خالد
وصلهم رضا لحد بيتهم ودخل خالد البيت ومعاه الطفله الا هدئت شوي
الام وخلود تفاجئوا
خالد قطع عليهم حيرتهم: شفيكم؟؟ خلود اخذي البنت واكليها وحاولي تعرفين منها شي اسمها او شي ثاني
خلود: ان شاء الله
وخالد علم امه بكل شي وراحوا لخلود الا كانت تلعب مع الطفله
خلود: ها حبوبة شنو اسمج؟؟
الطفله: عُلا وانتي ثنو اثمث؟؟
خلود بمرح: اثمي خلود.. جم عمرج حبيبتي؟
علا: تقول الماما 8 سنوات (تذكرت الطفله امها ونزلت دمعه من عيونها)
خالد ما استحمل الموقف سحبها في حظنه وبدى يلاعبها ويراكض معاها عشان تنسى امها شوي
خلود الا عرفته انها من منطقه قريبه منهم وانها من عائلة العالي وخالد قرر انه يدور هالاسم من بكره لانه الليل نزل عليهم والوقت مو امان..
-------------------------------------------------------------------
في الليل المظلم عيون سهرانه مهمومه بفقد انسان عزيز على القلب وعيون فقدتها في هاليوم من يستحمل يفقد عيونه وقلبه في نفس الوقت
مريم وعيونها تدمع: وينه الحين علي شخباره .. الى متى هالظلم ؟؟
وفاء: الصبر مفتاح الفرج ولا تحاتين الله بيفرج عنه ان شاء الله..انزين اتصلي في امج قولي انج بتباتين معانا
مريم: هي تدري اني بكون معاكم
وفاء: اوكي عيل قومي نصلي ركعتين عشان تخففين همج بذكر الله (الا بذكر الله تطمئن القلوب) وترى علوان عن عشره رجاجيل ها
هاجر دخلت عليهم الحجرة: سمعتوا شصاراليوم؟؟
وفاء: شنو؟؟
هاجر: اليوم صار المظاهرات وناس واايد ماتوا وتأذوا
مريم ووفاء: الله يفرج عنه يااارب
-------------------------------------------------------------------
في صبيحت اليوم الثاني نقلوا علي مع مجموعه من الشباب المسجونين بعد ما كان في سجن انفرادي لمده اسبوع طبعا.. وبسبب شعبيه علي وحبه لناس وطيبه قلبه الكل كان يحبه وتأقلم معاهم بسرعه كان موجود في الزنزانه الصغيره 5 شباب واسمائهم حسين وعمره 20 سنه وحسن وعمره 18 وجعفر وعمره 23 سنه واسامه وعمره 19 سنه واصغرهم سيد علي وعمره 17 سنه شكله كان يكسر الخاطر بس تدل على وجه سمات الولاء لأرضه وعقله اكبر من سنه غير عن جعفر وحسن الا كانوا متهورين وبتعرفون ليش
كانت حزة الصلاة وكلهم قاموا يصلون ما عدى جعفر وحسن الا كانوا يلعبون وناسين عمرهم ويوم شبعوا من اللعب قاموا ثنينهم يصلون
حسن: اليوم انا الا بغلبك في الصلاة وبشوف ياجعفروه!!
جعفر: يالله بشوف يالشاطر كل يوم اغلبك وانت في سورة الحمد الا ماتخلصها
حسن: يالله يالله بسرعه لا تعطلنا!! واحد.. ثنين.. ثلاثه
وابتدوا في الصلاة وكأنهم في سباق سيارات وتحت مرأى من حسين وسيد علي وعلي واسامه
علي: كل يوم جذي يسوون؟؟
اسامه وهو مجود بطنه من الضحك: ههههههههههههههه ما اقدر بطني..هذيلا كل يوم سالفتهم جذي ما يعقلون
سيدعلي: كل مره ننصح فيهم بس ما يرضون
حسين الا منطوي على نفسه: كلمهم ياعلي يمكن يقتنعون بكلامك احنى تعبنا من الكلام وكل مره يقولون ان شاء الله بنعقل يومين ويرجعون على نفس الموال
خلصوا من صلاتهم وشاركوهم بالقعده
حسن: ههههههههههاي اليوم غلبتك ابويي
جعفر: ههه الصبح براويك شلون يغلبون انا اليوم عطيتك فرصة
قاطعهم علي: ممكن سؤال شباب؟؟
جعفر وحسن بحماس: أي أي آمر تفضل
علي: الشخص لما يحب انسان يشتاق له صح والا لا؟؟ في كل دقيقه وكل ثانية سواء كانت حبيبه والا ام والا زوجه صح؟؟
جعفر وحسن: أي اكيد ما يبي ليها
علي: وانتوا تحبون ربكم؟؟
جعفر:ههههههههه أي اكيد لو ما نحبه ما صلينا وصمنا
حسن: هههههههههههه أي والله ربنا تسألنا نحبه لو لا!!
علي: بس اللي يحب يطول عند معشوقه ويحاول قدر الامكان ما يبتعد عنه الا لظروف
حسن: شنو قصدك؟؟ ادخل في صلب الموضوع ترى انا جوعان ها
علي: الله سبحانة وتعالي يشتاق لعبده اكثر مما احنى نشتاق اليه يحبنا اكثر مما احنى نحبه لو نحس بأشتياقه الينا تبلت الارض بدموعنا بس للأسف احنى غافلين عن نفسنا كل كلمة والثانية قلنا نصوم ونصلي بس للأسف ماخذينها كواجب علينا ربنا يسوي الشي بدون مقابل.. اصلا ليش يعطينا كل شي احنى شنو بنعطية غير ذنوبنا
جعفر: انزين الحين احنى شنوالغلط الا مسوينه؟؟
علي نزل راسه بأسف وبتنهيده: أخوي انت لو انتبهت شوي وفكرت بعقلك الصلاة شنو بنسبه لك ها؟؟
جعفر: الصلاة نصليها سور وتكبيرات وتشهدات ونصليها لانه الله فرضها علينا واحنى الحمدلله نصلي
علي: الصلاة عزيزي مو لانه نفرضت علينا بس لا.. الصلاة صله بين ربنا ووقت مخصص نختلي فيه بربنا شنو يضرك لو صليت 5 او 7 دقايق بالكثير بضيع منك شي؟؟ وصلاة سريع سريع حتى ماتفهم شنو قاعد تقول انت مثل ما يقول الله سبحانة" فويل للمصلين الذين عن صلاتهم ساهون" (سورة الماعون)
حسن وجعفر مثل الطامه الكبرى نزلت على راسهم وبدون شعور بدت انفاسهم تتسارع وعيونهم تدمع كمل علي لأنه حسهم متجاوبين معاه
علي: ولا تنسون الاية الا تقول "واذا ناديتم الى الصلاة اتخذوها هزوا ولعبا ذلك بانهم قوم لا يعقلون" ( سورة المائدة)
لا تكونون من الا الله يقصدهم الله كرمكم بالعقل والحمدلله فليش تستهين فيه ولا تستهزؤن بصلاة ربكم وتلعبون فيها سباق الا يغلب والله سبحانه وتعالي يقصد بأنهم قوم لا يعقلون هم الاشخاص الا ما يعرفون اركان دينهم والعبادات وفوائد القرب من الله سبحانه وتعالى ..والصلاة سعادة في الدنيا والاخره..
الكل تأثر بكلام علي حتى هو نفسه بدى يصيح وبدى كل وااحد فيهم يدعي ربه ويناجيه بخشوووع كل واحد فيهم حس بعذوبه الدعاء والصلاة في هالليلة وكل واحد فيهم ندم على الذنوب والعصيان الا ما عمره اهتم فيها
يسعدك ربي 
بنت العلا 
برد عليك بعدين وكلكم يالاعضاء برد عليكم ومشكوووووورين كلكم الله لايحرمني منك 
خخخخ ايام الاحداث ما بتروح عن بالنا ويمكن هذي بدايه ليي في الكتابه اهديها لشعب البحرين الغالي وحتى الكل يشوف شنو صادنه بسبب هالعائلة الظالمة وعاد سكتي هالغاز سبب لي عقده حخخخخ 
