السلام عليكم ورحمة الله..
تحية عطرة،،
بسبب حبي للقراءة القصص حاولت تأليف قصة بسيطة على قدي ولم اجد منتدى احاول فيه تنميه موهبتي الا في منتدى عالي نت فأتمنى ان ارى انتقاداتكم واتمنى انها تنال اعجابكم 
::الجزء الاول::
وفااااء حبيبتي يالله قومي الساعة الحين 8 الصبح شفيج ما تشبعين أنتي
وفاء: اففففففف يمه شوي بس خليني انام.. طول الليل سهرانه شفيج ما تخليني انام
ام علي: ابوج بيقلب عليج الدنيا الحين اذا ما قمتي.. اهو قاعد ينتظرج من الصبح وراه شغل يابنيتي
وفاء : ان شاء الله يمه بقووووووووووم وخلاص روحي بقوم آنه
ام علي: اوكي بنشوف
وقفت ام علي تطالعها من فتحت الباب اللي ما صكته كامل
وفاء: اكمل نومي احسن لي من هالجامعه الا من الحين تعور راسنا...
وقبل ما تكمل كلامها دخلت ام علي وبيدها كأس من الماء
ام علي: تقومين والا الحين الماي البارد فوق راسج
وفاء بخوف: لالا يمه خلاص شنو فوق راسي تبيني اثلج يكفي انه الجو بارد
وعلى طول ركيض إلى الحمام خخخخخخخخخخخ
كملت وفاء لبس ثيابها وكشختها وعلى طول راحت أكلت لها شي خفيف على الطاير وتوجهت إلى الجامعة لتكمل إجراءات التسجيل
في الجامعة
خالد كان يكمل إجراءات التسجيل مع رفيجه والنوم في عيونه خالد راحت علية سنتين والسبب مرض القولون العصبي إلا منعه من مواصلة الدراسة من بعد ما خلص الثانوية تعالج بالخارج حتى مّن الله علية بالشفاء
خالد بعصبية: إلى متى وأحنى هني الظاهر بنخيس اليوم هني
حمود وهو نايم وشوي يطيح على الأرض: الخايس خايس
خالد: هي أنت قوم فشلتنا اكا ينادون برقمي قووم
حمود قام ومسح وجه ولا معبر الناس وكانه في بيتهم والكل يضحك عليه: يالله خلنا نروح لا تاكلنا بس بتندم لأنك دخلت هالجامعة في يوما ما
خالد وشوي يموت من الضحك على رفيجه محمد على شكله ومظهره المضحك
كملوا الإجراءات وراحوا للكفتيريا وفي الكفتيريا كانت مجموعة من البنات ومن بينهم وفاء كان خالد ياكل الفيلية ومو مهتم للبنات بس محمد من شاف وفاء ورفيجتها حنان تخبل عليهم
حمود: خلوود شوف ذي القطعة حلوة قوومر يا أخي نازل من السماء
خالد وهو مو مهتم من التعب الا ماخذه: يا ريال خلنا ناكل مالي خلق اشوف البنات ادري فيهم نظرة وحده مني كلهم طايحين على الارض
حمود: هههههههههههههه حلوه هاي على الارض انت شوفها بس ما احلاها جناان
رفع راسه خالد بعد إلحاح من حمود خالد : الله عليها صدق حلوه بس ولا يهمك ادري فيك تبيني اطيحها لك بس مب مشكله
من طرف ثاني كانت وفاء ورفيجتها حنان يتكلمون مع بعض وضحك وغشمره مع باقي البنات بس حنان انتبهت الى خالد وحمود
حنان بهمس: وفوووي شوفي الا ورانا لثنين الظاهر معجبين
وفاء: وانتي ذبحتج وااحد يطالعج يمكن يطالع وحده غيرج مافي الا انتي احم احم ويمكن يطالعني خخخخخخخخ
حنان: سكتي والا يرحم والديج ما تخلينا نعبر عن شعورنا
قام خالد وعلى طول طلع من الكفتيريا من بعد ما كمل أكله وحمود وراه
حمود: خلووووووود يالله عاد رقمها والله حلوه تراها ما تتفوت
خالد وهو يطلع السجارة: اففف انت ماتجوز الحين عندك بنات وايد فليش تبيهم بعد؟
حمود بأبتسامة خبيثة: زيادة الخير خيرين يابو وليد يالله عااااد
خالد: اوكي اوكي خلاص ذبحتني عطني ورقه وقلم بسرعة بس عليك الغدى ها
حمود: افا عليك ولا يهمك الغدى والعشى مجانا ههههههههههه
وضحكوا الاثنين على بعض وعلى هبالتهم
راح خالد وبكل جرأة لأنه متعود على هالحركات وقط الرقم على البنات المجمعين وقطها على وفاء بالأخص
بس كانت وفاء جريئة وما ترضى على نفسها بهالشي وعلى طول وقفت وقالت الى خالد: هذي الورقة طاحت منك
خالد وبجرأة اكبر: أي نعم هذي لج انتي
وفاء: لو سمحت خذ الورقة لا الحين ادليك الامن فاهم
خالد بكل غرور: تسوين عمرج مو من هالسوالف يعني عادي حبيبتي مافيها شي
وفاء وصلت حدها ولا يقول حبيبتي بعد: اقول سد حلجك احسن لك وروح بكرامتك لا الحين هالصندل فوق راسك فاهم
انحرج خالد وعلى طول هرب وطلع من الكفتيريا وحمود يركض وراه وهو يهدي فيه بس بدون فايده هذي اول مره خالد يكون بهالموقف وتوعد بينه وبين نفسه ان لازم يحطمها مثل ما سوت فيه
وفاء الكل استانس على جرأتها وتصرفها الحكيم والبنات كلهم مدحوها الا حنان عصبت شوي لأنه كان حمود عاجبنها بشكل فضيع بس ما تكلمت ولا ابدت أي راي طلعوا من الجامعة واصرت وفاء على حنان إنها تعزمها على غدى أمها اللذيذ إلا ما يتفوت وافقت حنان إنها تروح
دخلوا البيت وكانت ام علي تجهز الغدى وكانت ريحته واصله إلى باب البيت هههههههههههه وعلى طول راحوا المطبخ
وفاء وهي تاخذ من السلطة بدون ما امها تشوفها : شنو هالريحة يمه تزيد من الجوع خلاص ما أتحمل أروح أغير ثيابي بعد
ام علي وهي تضرب على يد بتها بخفة: لا تلمسين غسلي يدج أول
وفاء وهي تمثل الحزن بدلع: آخ يمه يألم ضربج ولمت ام علي بنتها الدلوعة بكل حنان
وفاء: يمه نسيت حنان كانت معاي وينها راحت
حنان دخلت المطبخ من بعد ما تمللت من وقفتها في الصالة ولانها متعودة على اهل وفاء فهي فري وياهم وراحت وحظنت خالتها ام علي: هلا خالتي شخبارج؟
ام علي: يا هلا فيج يابنيتي وينج من زمان ما تمرينا
حنان وهي تقلد على العيايز: شسوي يا ام علاوي كله في هالبيت
وضحكوا على شكل حنان
دخل علي اخو وفاء إلا اكبر منها بأربع سنين وعمره 21 وعلى طول قعد على طاولة الغدى وزادو في الضحك عليه... علي يحب حنان من سنه ونص وكل ما يشوفها يتخبل عليها بس ما تكلم لها ولا اعترف لها بشي تربية أمهم وأبوهم علمتهم الأخلاق والعادات والتقاليد الا لازم ما يتخطونها
علي وهو يازعم معصب: شفيكم تضحكون ؟؟ شايفين مهرج والا قايلين لكم نكتة؟؟
حنان: لا والله شايفين واحد من افريقيا من زمان ما اكل
علي وهو يتلذذ بالاكل: امممممم كيفي والا يشوف الغدى والقمر ما يستخف
وفاء وهي تنغز له تدري عن اخوها انه يقصد بالقمر حنان: شدخل القمر والغدى ؟
علي: وانت شدخلج لا تدخلين عصج في الا ما يخصج زين
راحت وفاء وحنان من بعد المزاح والمعارك الا كل يوم تصير بينها وبين اخوانها دخلت حجرتها وتغدوا وارتاحوا وقعدوا على النت شوي وهم طول وقتهم ضحك وطنازة ويخططون شنو راح يشترون لهم ثياب الا ما كملوها في مشترياتهم الا ما تخلص وصمموا انهم يروحون الليلة يتشرون>>>خبركم بنات
وفاء كانت تبي تفتح مع حنان موضوع زعلها في الجامعة وليش اهي زعلت
وفاء بعد ما اعتدلت بقعدتها: انت ليش اليوم زعلتي يوم مارضيت اخذ الرقم؟
حنان وهي نست السالفة: أي رقم هذا؟ واي زعل؟
وفاء: الا رقمني اليوم وزفيته
حنان: اييييييي لا حبيبتي من قال زعلت بس بيني وبينج دخل قلبي هالحلو >> تقصد حمود
وفاء : مالت عليج
حنان تمثل انها معصبة: آنه ساكته عنج ها والله الحين ازعل عليج مو كل شوي مالت عليّ والله اذبج اليوم
وفاء وهي تمثل بعد وعاقده ايديها بعضهم مثل لهنود: خلاص سامحيني آخر مره بعطيج سنكرس خلاص خلاص ارجوج
حنان تطالعها بنظرة نص عين: أي على بالي بعد وين لسنكرس بسرعة عطيني اياه
وفاء: ذلفي مناك قالت سنكرس قالت اكا في البرادة يبيعون
وصار لهواش بيناتهم على لسنكرس
نرجع لخالد وحمود من بعد ما طلعوا من الجامعة راحوا يتغدون في مطعم الأبراج
خالد: لكن ما علية اوريج يا أم لسان بعد أسبوع راح نتلاقى
حمود:بس خلاص شعليك منها اصلا أهي الخسرانة
خالد: بس تصدق عليها لسان يكسر صخر واحنى شنو ورانا حصلنا لنا شي نشغل فيه فكرنا اهي تناحس واحنى معاها لين نشوف من يغلب
حمود: ايووااا بدى الشغل العدل جذي يابو ولودي تشغيل المخ
وكملوا الغدى بين خططهم ومؤامراتهم على وفاء المسكينة
شنو تتوقعون راح يصير؟ 
~::خلف زنزانه الالم... قصة::~ 
[/align]
