$$ملاك الحب..قصه$$

[سحر الطفولة]

السلام عليكم ورحمة الله...

بمناسبة عيد ميلادي احببت ان اضع لكم قصتي
واتمنى ان تنال اعجابكم وتحوز على رضاكم :D

لكم الجزء الاول


الساعه الحين تسع الصبح و شجون للحين ماقعدت مو من عوايدها تتأخر لان ماتيي سبع الا اهي قاعده... ام مشعل راحت تشوف بنتها ليش للحين ماقعدت...

ام مشعل: شجون عمري الساعه تسع قعدي يللا
شجون: ان شاء الله يمه يايه وراج
من بعد ماطلعت امها قامت شجون ودخلت الحمام واخذت لها شاور وسرحت شعرها الطويل اللي كان ناعم ولونه البني الباهر وطلعت من الغرفها بعده.....
في ذاك الوقت كان مشعل ينتظر اخته شجون علشان يتفظر معاها لانهم متعودين من يوم اهم صغار كل يتفطرون مع بعض

شجون بابتسامه بريئه: صباح الخير
مشعل: صباح النور والورد والياسمين
وقعدو يتفطرون مع بعضو وهم يسولفون ويضحكون واختهم عبير اللي من ابتدت العطله وهي سهر على النت بالليل ونوم طول النهار....
مشعل و شجون قعدو يخططون انهم يروحون الى اختهم الصغيره ويصحونها من النوم واذا ماقعدت عندهم مخططات اجراميه غير هذي... وراحو يركضون الى غرفة اختهم...

شجون: عبور قومي من النوم يالله
عبير تتثاوب وشكلها يضحك: خليني انام ماعندي شي اسويه خليني اكمل نومي احسن لي
مشعل وهو يدخل روحه على الخط: قومي اكا ياي واحد يطلب يدج
عبير استوت في قعدتها على طول: واحد بيخطبني يالله روحو وآنا باخذ شاور ويايه لكم بسرعه لازم اتعدل علشان اذا شافوني مايقدرون يقاومون...
طلع كل من شجون ومشعل وهم يضحكون على اختهم اللي للحين تبين عليها براءة طفولتها

مشعل: هي من صجها تبي تعرس هذي عمرها 13 واهي جذي لو عمرها 20 شنو بتسوي؟؟
شجون وهي تضحك: ماادري خلنا ننتظر ولانستبق الاحداث

ابو مشعل اللي كان بالشغل وحاط كل تفكيره بالمسلسل اليديد اللي ابتدى فيه من يومين بس والا يجيه اتصال من البيت...

ابو مشعل: الوو
عبير: صباح الخير يبه
ابو مشعل: مساء النور الحين صبح كاهي يات الساعه ثنتين الضهر وانتي تقولي لي صباح الخير... خير يبنيتي في شي؟؟
عبير: امممم الخير بويهك بس حبيت اسألك عن المسلسل اليديد اللي تكتبه
ابو مشعل: اكاني اكتب فيه لكن انتي ليش ملقوفه وايد لكن اعناد لج مااقول لج شي ولا اوريج اياه الين ماخلصه واكاني ياي علشان اتغدى
عبير تتصنع الحزن: مع السلامه
ابو مشعل يتصنع الحزن مثل بنته: الله يسلمج
بعد ماسكرت التلفون قامت تضحك: يحليله ابوي يتدلع مثلي
شجون وهي تطالع اختها: شفيج تتكلمين بروحج ينيتي؟
عبير: ايه توج تدرين
شجون راحت وخلت اختها بحيره من امرها للتلفون علشان تكلم توأم روحها الثاني ريهام... صار لها يومين ماشافتها ولا كلمتها

ريهام:هلا دانوه
شجون: هلا برهومه القاطعه
ريهام: هلا والله بالغاليه
شجون: وحشتيني يالكريهه من متى ماشفتج
ريهام: اي والله صار لنا قرنين ماشفنا بعض
شجون: انزين يالله بلا هرار علينا بقول لج تراني عازمتج على غدى تعالي تغدي معانا
ريهام بدلع: لا مااقدر ايي بيتكم اليوم عندي اشغال
شجون: اوكو خلاص اني بموت من اليوع وامي مسويه لنا اكلتج المفضله لحم مندي وريحته تهبل ويوعني زياده
ريهام تقاطعها: لحم مندي؟؟ اوكو خلاص بجي الحين مع السلامه... وعلى طول سكرت الخط

شجون: يمه يمه
ام مشعل: هلا يمه كاني بالمطبخ
شجون: اليوم بتيي رهومه تتغدى معانا
ام مشعل: حياها الله البيت بيتها
ولد خالتهم فهد اللي وصل بيت ابو مشعل اللي كان يعتبر ام مشعل امه لانه فقد امه يوم كان صغير واهي اللي ربته وابوه توفي يوم كانت امه حامل بشهرها الثالث...
فهد دخل المطبخ لانه سمع صوت خالته بالمطبخ مع شجون يسولفون
فهد بصوت مرتفع: السلااااام عليكم
ام مشعل و شجون: وعليكم السلام
شجون: شنو صاير اليوم قاعد من الصبح ولا شفتك قعدت قبلي وينك فيه؟؟
فهد اللي كان الصبح متملل وراح القهوى: كنت رايح للمدام
شجون: ايوه سلم عليها اذا رحت لها مره ثانيه
فهد وهو يغمز لها: يوصل
الا بصوت الجرس وراحة شجون بسرعه لانها عرفت انها رهومه...

شجون: ياهلا باللي لفا ودبا وغطى نور الكهرباء
ريهام: تسلمين يالغاليه
فهد اللي من سمع صوت من عند الباب ظهرت ابتسامته لاشعوريا..
رهام راحت الى ام مشعل ولمتها: شلونج خالتي؟
ام مشعل: بخير وانتي يابنيتي؟
ريهام: دامج بخير اني بخير
ريهام اللي انتبهت الى فهد وابتسمت له: شلونك فهد؟
فهد وهو يسترجع اللي قالته الى خالته: بخير دامج بخير
وراحو يسولفون في الصاله كلهم بس ناقصهم ابو مشعل اللي الحين بيوصل وعبير اللي قاعده على النت كالعاده ومشعل ياي بالطريج من النادي
وصل بو مشعل ومشعل في مره وحده ودخلو البيت
الاثنين: السلام عليكم
الجميع: وعليكم السلام
ونزلت عبير من غرفتها
عبير: رهومه هني؟؟؟
ريهام: لا بس خيالها
وضحكو الجميع على الثنتين...
شجون: يالله يمه تراني بموت يوع
ام مشعل يالله: الاكل ياهز تعالو نتغدى
وراحو وتغدو وبعدها شربو لهم شاي واستأذنت شجون وريهام منهم وراحوالثنتين غرفة شجون يسولفون

ابو مشعل: يحليهم هالثنتين كانهم شخص واحد
عبير: احم احم انزين يبا ماقلت لي عن مسلسلك
ابو مشعل: ماراح اقول لج
مشعل يقترح اقتراح: شرايكم الليله نطلع ونروح على البحر؟
فهد: فكره حلوه بس ننتظر موافقة الاداره.....كان يقصد خالته وريلها
ابو مشعل وام مشعل ناظرو بعض وتكلموا في وقت واحد: خوش فكره والله
عبير اللي فرحت من قلب وقامت تتنطط وتصفق وراحت علشان تخبر اختها ورهومه...

عبير تطق الباب: ادخل؟؟ عندي اخر الاخبار الجويه
شجون: تفضلي شنو اخر الاخبار؟
عبير: بشرط انج تعطيني جلكسي
شجون: اوكو بس قولي
عبير: اليوم بنتعشى على البحر
شجون: ياااي نايس علشان رهومه تيي معانا
ريهام: بس ماستأذنت من امي
شجون: اي اتصلي لها وقولي لها انج بتيين معانا البحر
وطلعوا الثنتين من الغرفه علشان يتصلون الى ام ريهام

ام ريهام: الو
ريهام: هلا يمه ابي استأذن منج اليوم بيت خالتي ام مشعل بيروحون البحر ويبوني اروح معاهم
ام ريهام: اوكي بس انتبهي لحالج يمه ماعندي غيرج بهالدنيا من بعد ابوج
ريهام: ان شاء الله يمه
ريهام اهي وحيدة امها وابوها وماعندها اخوان.....

شجون: وافقة؟؟؟
ريهام: لاتقول لازم ارجع البيت الحين
شجون بحزن: ياحسافه
ريهام: اكيد بروح امي وافقة
ولموا بعض بفرح اهم يضحكون...
حان وقت صلاة المغرب وراحو الرياييل المسيد وقبل لايطورن قالو لهم مانرجع الا انتو ياهزين وراحو البنات على غرفهم يصلون.. صلو وتيهزوا وانتظروا الرياييل لما ييون من المسيد... يوم وصلوا حطوا الاغراض بالسياره وانطلقوا رحلتهم
وطول الطريج واهم يضحكون ويسولفون بس فهد وريهام اللي كانو يطالعون ببعض ويبتسمون

شنو راح يصير بهالطلعه تتوقعون انها تكون حلوه وبدون اي شي يصير؟؟؟


تحياتي

[بو محمد]

السلام عليكم
ياريت يا سحر الطفولة أن تكملين

[الوردة البيضاء]

تسلمين عزيزتي سحر الطفولة على هدي القصة
الرائعة واتمنى انش تكملينها باسرع وقت

الوردة البيضاء

[بنت العلا]

سحوووووووووووورة انتظر التكلمه اني .... لا تصيفين

[سحر الطفولة]

اهلا بكم اعزائي

اهلا اخي بو محمد..

اكيد بكملها

اشكرك على الرد وقراءة القصه


اهلا غاليتي الوردة البيضاء...

الله يسلمش

اشكرك على طلتك الراعه


ياهلا عزيزتي بنت العلا...

ان شاء الله مااصيف اول مااخلص الجزء انزله لكم

واحتمال الحين او بعد شوي اكمل الجزء

واشكرك لحظورك الرائع في القصه


تحياتي

الوردة البيضاء

[سحر الطفولة]

السلام عليكم ورحمة الله...

لكم الجزء الجديد

واتمنى انه يعجبكم وتعيشون الاحداث مثل مااني عشتها

الجزء الثاني
من مشوار طويل في السياره والضحك والسوالف اللي غمرتهم بالفرح اكثر وصلو البحر...

عبير: ياي الهوا عجييييب
فهد وهو يطالع ريهام: اي والله رومنسي بعد وايد
ابتسمت ريهام ونزلت راسها خجلا وحمرت خدودها
راحوا وقعدوا شوي وهم يسولفون وكان البحر امواجه هادئه وايد...

شجون: رهومه قومي نتمشى شوي
ريهام: قومي وبسنا قعده اخاف عليج من المتون خلج رشيقه
فهد: انتبهوا لحالكم ولا تضحكون بصوت مرتفع
مشعل: اي سمعتوا شقال لكم وانت>>يقصد فهد..يالله قوم ترى المدام ماتبي دوب قوم نتمشى
عبير: يؤ يؤ وانا اتمشى مع من؟؟
ابو مشعل: انتي روحي قعدي جدام البحر وطالعي النجوم وخليني مع امج
عبير بغمزه: ويلي ويلي ماقدر
وراحت عبير عنهم وشجون وريهام لحالهم ومن جهه ثانيه مشعل وفهد...

فهد: شرايك برهومه؟؟
مشعل وكأنه مو فاهم: رهومه؟
فهد: اي رهومه
مشعل: رهومه دلوعه وموب حلوه ويبي لها طق على دلعها
فهد معصب: الزم احدودك فاهم
مشعل: خلاص فهودي لاتعصب امزح معاك تراها حلوه وطيوبه وتستاهل كل خير
رفع فهد راسه فوق وقام يناظر السما بحالميه ويتمنى لو اللي يبيه يصير .. وكملو طريجهم
ريهام ويا شجون اللي كانو فرحانين من قلب ويسولفون على البحر كأنهم عاشقين...
عبور اللي كانت ترسم على النجوم مخطاطتها وكل شي تفكر فيه الحين
يوم يات الساعه 11 تيمعوا من يديد علشان يتعشون..
ابو مشعل اللي تعب اكثر لانه مريض بالقلب

مشعل: يبه خلاص نرجع البيت؟ لان شكلك وايد تعبان
ابو مشعل اللي قدر يتكلم بصعوبه: لايبه خلنا قاعدين البنات فرحانين
فهد: ابو مشعل اهم شي صحتك والبنات نقدر نييبهم مره ثانيه
ولكن ابو مشعل رفض انه يخرب على البنات فرحتهم وقعدوا لي مايات الساعه ثنتين الصبح وراحوا البيت لان البنات ماقدورا يوصلون الا عبير اللي كانت بكامل حيويتها وابو مشعل اللي كان حاله ابد مايسر وطلعوا للبيت...ورهومه نامت في بيت ام مشعل مع رفيجتها شجون

يات الساعه ست الصبح وكلهم نايمين وحتى ابو مشعل لان اليوم الخميس وماعنده شغل لكنهم قعدوا الساعه ثمان الصبح وتفطروا الا عبير لانها من بعد مايات من البحر راحت وقعدت على النت....

ابو مشعل: ام مشعل انا طالع سوق اللحم تآمرين على شي؟
ام مشعل: لا سلامتك
مشعل: بس انت يبا تعبان خلك مرتاح وانا بروح سوق اللحم عنك
ابو مشعل: لا نا بخير ومافيني شي
وطلع ابو مشعل متوجه الى السوق يشتري اللحم....
والا اكو احد متصل بيت ابو مشعل راح فهد يرد على التلفون.....

فهد: الووو
ام ريهام: سلام عليكم
فهد: وعليكم السلام
ام ريهام: ابي ريهام لو سمحت
فهد: ان شاء الله خالتي بس لحظه اناديها لج
فهد ينادي ريهام: رهومه امج على التلفون تبيج
ريهام: يايه الحين
-----------------------------------------------

ابو مشعل وهو بالسياره حس بخنقه وانه مو قادر يتنفس وبطل الزر الاول مال الثوب وبعد دقايق غاب عن الانظار....

ولد العم سامي مع اخته ندى يايين من السوق والا يشوفون الناس متيمعه واسعاف واقف.....

سامي: انا بروح اشوف شنو صاير
ندى: اوكي بس لاتتأخر
سامي: اوكي
ونزل سامي من السياره بسرعه وراح يشوف شنو صاير وهو يقول اللهم خير
وقف سامي يسأل شاب عن اللي صاير

سامي: لو سمحت يالشيخ شنو صاير هني؟
الشاب: في واحد اصطدم بالحديده اللي هني وشكله كان فيه شي من قبل
سامي: ايه وان شاء الله انه عايش
الشاب: اي للحين اكاهم مركبين عليه جهاز التنفس
سامي: الله يشافيه بس ماعرفوا من هذا؟
الشاب: امبلا ...عبدالله محمد المسفر
سامي بخوف: عبدالله المسفر؟
الشاب: اي
سامي والدمعه غمرة عينه: عمــــــــــــــــــــــــــــــــــــي
وراح يركض الى عمه وهو يبجي...

سامي: عمي عمي انا سامي
ابو مشعل فتح عينه يوم سمع صوت ولد اخوه
سامي وهو يبجي بحرقه: عمي لاتروح الله يخليك ابوي راح وانت بتروح بعد؟ وعيالك من لهم لاتروح الله يخليك بعدين يصيرون يتامه مثلنا
ابو مشعل: سلم عليهم كامل وانتبه لحالك ولاختك وقول الى ام مشعل تنتبه للعيال زين
سامي: عمي لاتقول جذي بتقوم لنا ان شاء الله
في ذاك الوقت الله اخذ امانته واعلنوا وفاة ابو مشعل....
على طول سامي اتصل في بيت ابو مشعل
سامي: الووو
فهد: هلا سامي شفيه صوتك؟
سامي: الحق علي عمي يافهد عمي
فهد بخوف: شفيه؟؟؟
سامي: راح الى ربه توفى ماات راح عنا وخلانا وابوي اللي كان موصيه علينا
فهد: الحين وينه اهو؟
سامي: كاهو اخذوه الى المستشفى
فهد على طول سكر التلفون وهو يبجي على ابوه الثاني اللي راح

ام مشعل: من هذا يايمه اللي متصل؟
فهد: يمه يمه راح ابوي راح
ام مشعل: شتقول اهو راح سوق اللحم!!
ومشعل اللي قال الى امه انا بروح اليه المستشفى وامه راحت معاه ويا فهد وكانت شجون تبي تروح لكن ماخلوها تروح وضلت قاعده ومعاها ريهام تهدأ فيها

ريهام: خلاص ياشوشو لاتبجين
شجون: ريهام ابوي راح راح يعني ماعندي ابو الحين راح صرت يتيمه
ريهام: لاتقولين جذي هذا يومه
عبير من بعد ماسمعت الفوضى قعدت من النوم

عبير: شنو صاير؟؟
شجون: مات ابوي ياعبور مات راح عنا وخلانا بروحنا
عبير اللي جت لها الصدمه قويه: ابوي عبدالله المسفر مات؟ مات؟
وراحت عبير لمت اختها واهي تبجي: ابوي راح ياشجون من لنا من بعده من؟
وريهام من زود مااهم يبجون قامت تبجي اهي الثانيه بحسبة ابوها اهو لان كل مع شجون واهو يدلعها مثل مايدلع شجون...
--------------------------------------------

مشعل اللي وصل المستشفى بسرعه لانه كان يمشي بسرعه جنونيه... راح الى الممرضه يسألها فقالو له يروح يكلم الدكتور.. راح مشعل الى الدكتور

مشعل وهو يبجي: لو سمحت دكتور نبي نشوف ابوي
الدكتور: تفضل معاي
وراحوا علشان يشوفون بو مشعل وفي ذاك الوقت ام مشعل اللي ماقدرت تحبس الدمع اكثر لانها طول الطريج تصيح بصمت ماينسمع غير نحيبها

ام مشعل: وين رحت عني يابو مشعل مااقدر اتحمل المسؤليه بروحي شلون تروح وتخليني بروحي
فهد ومشعل اللي يوم سمعوا ام مشعل تقول هالكلام زادوا باللبجي لكن الدكتور ماسمح لهم يقعدون اكثر
رجعوا بيتهم ومن وصلوا راحت شجون تلم اخوها مشعل وعبير اللي راحت الى امها تلمها

عبير: يمه ليش مااخذتوني معاكم؟؟ ابي اشوف ابوي
ام مشعل ماتكلمت واكتفت بالبجي ومو قادره ترد على بنتها اللي صارت يتيمة الاب من اليوم ورايح...
يات ام ريهام من بعدها ولمت ام مشعل

ام ريهام: البقى براسج يالغاليه
ام مشعل: البقيه في حياتج
وام ريهام حاولت مع ام مشعل علشان تهدأها لكن ماكو فايده كانت ترد عليها: هذا الغالي هذا ابو العيال
بس ام ريهام اللي ماستسلمت وقالت لها هالآيه قالى تعالى: (لَهُ مُلْكُ السَّمَاوَاتِ وَالْأَرْضِ يُحْيِي وَيُمِيتُ وَهُوَ عَلَى كُلِّ شَيْءٍ قَدِيرٌ) سورة الحديد
من بعد ماقالت ام ريهام لها هالسوره هدأت شوي لانها فاهمه هالشي بس ماكن بيدها شي تسويه ولكن الله يعطيها الصبر....
يات ام سامي بيت ام مشعل ومعاها ولدها سامي وبنتها ندى اللي كانت حامله معاها الغدى لانها تدري انهم ماسوو لهم غدى وقالت يمكن ياكلون اذا حاولت معاهم

راحت ندى الى بنت عمها شجون وسلمت عليها: لاتبجين يالغاليه ترى مايفيد البجي عليه قومي قري له القرآن هذا افضل من البجي
وقامت شجون وكأنها حامله معاها شي ثقيل بموت ابوها مااتدري شبصير بالهدنيا

من بعد موت ابو مشعل شنو بيصير بعياله هل انهم بيضيعون او بيكملون حياتهم مثل قبل؟؟؟

انتظروا الجزء القادم

تحياتي

[الوردة البيضاء]

القصة روووووووووووووووعة اختي سحورة
اوننتظر الباقي بفارغ الصبر...

الوردة البيضاء

[بنت العلا]

عفيه..عفيه... ها اشوف ابتدينا في الاكشن


يلا اني انتظر على احر من الجمر

[بو محمد]

القصة رووووعة اختي سحر الطفولة
اوننتظر الباقي ..

[سحر الطفولة]

الوردة البيضاء...

انتظري ويش وراش

مشكوره على تواصلش الجميل


اختي بنت العلا...

اكيد ابتدا الاكشن عجل ويش

ومشكورة على توصلش الرائع


اخي بو محمد...

قريب بينزل الجزء

مشكور التواصل الحلو


يعني بس انتون الثلاثه تتابعون هالقصه مافي غير

اي وبسأل تبيون القصه يوم الجمعه لو السبت؟؟؟
<<<تبي تجننهم

[maldini]

وااااااااااااااااو قصة حلوة ومشوقة حلوة روعة ياي مشكورة اختي سحر الطفولة لاتجننينا بسرعة خلصي من الجزء اني انتظر على احر من الجمر بسرررررررررررررررعة ماخلصتي افففففف حنااااااااااان

[شهد]

مشكووورة اختي سحوورة على هالقصة الحلوة ...

مالديني..
اقوول الا انقلبت بنية..
تقول أني
وحنان...

عفر ويش صاير؟؟
هههههههه


قبس

[الوردة البيضاء]

ييالله عاد حبيبتي لا تطولين ترى احنه ننتظر
حتى لو بس ثلاثة اني احساب عن الف >>>>> امزح لا تقولون تتفاخر بس امزح

الوردة البيضاء

[تفاحة الفردوس]

مرحبا بكم...

اختي سحر الطفولة...
قصة رائعة تنبض لها القلوب..
أتمنى ان تعجلي في إكماها
فنحن بالإنتظار..

سلامي
تفاحة الفردوس

[بنت العلا]

على احر من الجمر

[maldini]

بل

انا ما رديت على هذا الموضوع بتاتاً ماذا هست

يمكن صايره خربطه او شي في المنتدى شوفو هذا رد منهي وصار باسمي مادري اشلون بس يصير و سوري هذا مو ردي

[تقوى القلوب]

السلام عليكم ورحمة الله..

قصة قليل ان نقول عنها رائعه
واصلي عزيزتي ونحن نتابع معكِ
وجعله الله قلما هاديا للأسلام

جزاك الله خيرا

تحياتي

[سحر الطفولة]

السلام عليكم ورحمة الله...

حنان اكو الجزء بين يدي وسأضعه

اشكرك لردك وحضورك


هلا قبوس...

العفو

لك جزيل الشكر لقرائتك قصتي المتواضعه


الورده بيضاء

جاينش الزء


تفاحة الفردوس...

ان شاء الله

شكرال لحضورك الرائع

بنت العلا...

الجزء جاي واري خخخخخخخ


تقوى القلوب..

وجزاك خيرا ان شاء الله

اشكرك على ردك الرائع

تحياتي

[سحر الطفولة]

لكم الجزءالثالث..

اتمنى ان يحوز على رضاكم

الجزء الثالث
مر اسبوع من موت ابو مشعل وهذا الاسبوع كان مرير بالنسبه لبيت ابو مشعل اللي كانوا ماياكلون عدل وكل واحد يتذكر الايام اللي كان بو مشعل موجود...
راحت عبير الى اختها شجون تكلمها لانها محتاجه الى من تكلمه قبل لاتطق الباب سمعت صوت شجون تصيح ودخلت الغرفه بهدوء وبدون ماتطق الباب....شافت اختها شجون حامله صورت ابوها وهي تصيح لما انتبهت شجون الى عبير حطت الصوره ورى ضهرها

عبير: ليش حطيتها ورى ضهرج؟؟؟
شجون: لا ولاشي
عبير وهي تخبي ويهها بايدها: ياشجون هذا ابوي مثل مااهو ابوج حتى آنا مشتاقه له مو بس انتوا....
راحت شجون تمسح على راس اختها تخفف عنها الالم والحزن اللي بداخلها لانها حاسه بالم اختها وتشاركها فيه والبيت كله وحتى الجيران حاملين معاهم جرعه من الحزن لان ابو مشعل انسان طيب ومحب للخير والكل يحبه
نزلت شجون وعبير الى الصاله يقعدون مع امهم ويا فهد من بره وطلب انه يكلم خالته...

فهد: خالتي ابي اقولج شي
ام مشعل: تفضل ياوليدي لك عيوني
فهد: تسلم عيونج ..انا اليوم طالع من البيت لاني استأجرت شقه وان شاء الله اذا حصلت لي بيت ب.....
قاطعته ام مشعل: مستأجر شقه؟؟ ليش في احد ضايقك من البيت
فهد: لايمه بس قلت خلاص انا اكبرت وصار عمري 22 سنه ولازم اتعب على نفسي وانا حصلت لي شغل وكل يوم بييكم هني البيت
ام مشعل: لا مااخليك تطلع من البيت الا على موتي
فهد: الله يطول بعمرج بس انا.....
ام مشعل: لابس ولا شي اقعد مكانك ومافي طلعه من البيت الا اذا تبي تعصيني
فهد: كل شي ولا عصيانج يالغاليه
شجون: فهودي اذا كنت ماتبي تعصيها اقعد معانا ترى مانقدر نستغني عنك صح عبيور؟؟؟
عبير: اكيد وبدون شك
فهد: تسلمون
من بعد هالكلام يا مشعل وهو يبتسم وباس راس امه

مشعل: ابشركم حصلت لي شغل
شجون: صج؟ شنو هو؟
مشعل: كاتب بما اني مااخذ ادبي ومكمل جامعه اخذت محل ابوي بالشغل
عبير: الله يرحمك يايبه لو انك قايل لي شنو كانت قصتك علشان اقولها الى مشعل يكتبها
الجميع: الله يرحمه ويغمد روحه الينه
مشعل: لامايحتاج تراه قال لي بس ماكان يبني اقول لج لين ما تنكتب
ام مشعل: حتى فهد حصل له شغل
مشعل: بشر في وين تشتغل؟
فهد: في بنك البحرين الكويت
عبير اللي دخلت روحها: وااااو نايس
شجون: مبروك لكم ثنينكم تستاهلون كل خير لكن....
قاطعها مشعل: لكن شنو؟
شجون: انتظرني اكمل كلامي ولاتقاعني علشان تعرف
مشعل: خلاص تكلمي مابقاطعج بس انا ادري ان السالفه فيها شي فيها فلوس
شجون: عليك نور ياخوي اليوم العشا عليكم انت وفهودي بمناسبة توضيفكم
فهد: بل بل هذا واحنا تونا منبتدي الشغل عشا لو رقونا شنو بتطلبون؟؟!!
عبير: سفره على حسابكم الى سويسرا
وضحك الجميع على كلام عبير......
مشعل: انتي سكتي ولاتتكلمين اليهال اللي مثلج مايتكلمون ومالهم كلمه روحي دارج وقعدي على النت
عبير اتجهت الى امها بدلع: يمه شوفي ولدج شنو يقول لي
ام مشعل: مشعل يمه ليش تقول جذي الى اختك
مشعل: اسف عبور تعالي ابوس راسج
راحت عبير الى اخوها مشعل واهي رافعه خشمها فوق وتتمشى بهدوء وخفه اللي يشوفها يقول هذي رايحه عرض ازياء
مشعل اخذ خدها بدل لايبوسها قام وعضها

عبير: اخخخخخخخخخخخ ويع يألم
مشعل: وعععععععع مو حلو خدج توقعته حلو مثل شجون طلع مالح وهو يطلع السانه (يبلحس عليها)
عبير: اني مااكلمك يالكريه
من بعدها اخذ مشعل عبير ولمها لصدره وباسها فوق راسها بحنان وكأنه يعوضها عن حنان ابوها الله يرحمه

فهد: يالله عاد تبيون اليوم عشا والا اقوم اهرب
شجون: اكيد نبي وبعزم رهومه بعد
فهد: اي اي خليها تيي يالله قومي اتصلي لها الحين
شجون: خلاص الحين راح اكلمها
-------------------------------------------

في بيت ابو سامي الله يرحمه يعمر الهدوء المكان كالعاده مافي الا صوت التلفزيون يشتغل ولان ماعندهم يهال مافي الا سامي وامه واخته اللي كانوا يطالعون التلفزيون ماعدا ندى اللي كانت في بيت رفيجتها علياء

سامي: يمه
ام سامي: هلا يمه
سامي: شرايج نسافر؟؟
ام سامي: وين نروح بهالحر؟؟؟؟
سامي مثلا لبنان الجو حلو ونغير جو شوي هني بالبحرين وايد حر
ام سامي: ماادري ياوليدي اللي يريحك
سامي: اي خلاص انتي كلمي ندى علشان نحجز تذاكر
ام سامي: خير اذا ردت اختك اخبرها
-----------------------------

بالليل تيمعو علشان العشا ورهومه اللي توها واصله بيت او مشعل...
ريهام: سلام عليكم جميعا
الجميع: وعليكم السلام
ريهام: مبروك فهودي
فهد: الله يبارك في حياتج
ريهام: مبروك مشعل
مشعل: الله يبارك لج ان شاء الله
ام مشعل: يالله يابنات تعالو معاي المطبخ نجهز الاكل
وراحت ريهام وشجون وعبير المطبخ يجهزون الاكل مع ام مشعل......

ام مشعل: عبيور تعالي غسلي الصحون ذي
عبير: ان شاء الله
وراحت تغسلهم وفي اخر صحن طاح من يدها وانكسر وارتجف جسم عبير اللي راحت على طول بحضن امها...

ام مشعل: اسم الله عليج يبنيتي شفيج؟؟
والا صوت مشعل وفهد يايين شصاير؟؟؟؟؟
ام مشعل: لا ولاشي بس طاح الصحن من عبير
مشعل: عاد ذي اللي ماتشوف عاطينها تغسل ذي عطيها النت مو صحون تغسلهم
عبير: اسكت يالله وروح مناك
فهد: تعال مني مشعل لاتاكلنا السحليه
وقاموا يضحكون الاثنين وراحو عنهم الصاله.....

وبعد فتروه وجيزه من الوقت دخلت شجون الصاله حامله اطباق بيدها...

شجون: وصل الاكل وريحته ياي روعه بصراحه يسلمو فهودي يسلمو مشعل
مشعل وفهد: يسلمج ربي
شجون: ابي اكل شوي امي مارضت قالت لي لازم كلنا
مشعل: اي صح عجل تبين تسبقينا
شجون: هههههههههههههههههههههههههههههههههه سباق واني ماادري؟؟
فهد بهمس لكنه يبي يسمع شجون: اشش انت ماتسكت لازم تعليمها يعني
شجون: شنو هذا علمني مشعل
مشعل: مابعلج روحي ييبي الاكل
فهد: تعالي وانتي كل شي تصدقينه روحي بس ييبي الاكل تراني يوعان اذا شفتج قدامي باكلج والحين بتيي رهومه اخاف اكلها
شجون: احسن علشان نتخلص منها
فهد: يالله روحي يالله شنو قالت نتخلص منها نتخلص منج ولا منها
شجون: لكن اوريك
وراحت شجون تييب الاكل ويوم جهزوا الطاوله بالاكل قعدوا علشان ياكلون...
يوم ابتدوا العشى رفع مشعل ايد القميص اللي كان لابسه

عبير: داخل الحرب واحنى ماندري
مشعل اللي ماعطاها ويه وقام ياكل...
عبير: صج يوم قالوا عند البطون تعمى العيون وتصمخ الادون
فهد: يعني انتين ماتخلين الواحد ياكل اهدأي شوي عاد حتى الاكل مانحس بطعمه منج اخذي شوي من رهومه لو شوي.... علميها رهومه
ريهام: من عيني ذي قبل ذي
عبير: يالله روح انت معاها مشكورين مابي احد يعلمني
ام مشعل اللي تطالع عيالها بقخر وهي تبتسم وتشوفهم شلون كبروا
شجون: يمه كلي خلنا نخلص الاكل يقول فهودي انه سباق اكلي ولا عليج
ام مشعل: سباق؟؟ عجل باكل علشان افوزج
الجميع: ههههههههههههههههههههههههههههههههههههههههههه
---------------------------------

في بيت ام سامي كانوا قاعدين يتعشون ويتكلمون عن السفر مع ندى علشان يطلعون من البحرين ويغيرون جو شوي عن هالجو الحار

ندى: يعني انتو تبون تسافرون هالمره؟
سامي: اي ونبي نروح البنان
ندى: وااااو البنان حلو والله الجو هناك نايس مو حار مثل البحرين
سامي: الحين بتيين معانا مثل ماافهم منج
ندى: بكل تأكيد

شبصير من بعد ماتوضف كل من مشعل وفهد؟؟

وشنو راح يصير بالسفر ويا بيت ام سامي؟؟

ترقبوا الجزء القادم

تحياتي

[مهمـ((زمانها))ـومه]

بالصراحه جدا جدا جدا جدا جدا جدا جدا جد اجد حلووووووووووووووووووووووووووووووووووووووة القصصصصصصصصصصصه


وننتظر التكمله

[سحر الطفولة]

اهلا غاليتي مهمومة زمانها

شكرا لتواجدك في القصه

وحضورك اسعدني

تحياتي

[بو محمد]

بالصراحه جدا جدا جدا حلوة القصة
وننتظر التكمله