::++الشخصيات ::++
عايله بو سالم
بو سالم و ام سالم عندهم خمس اولاد وبنتين سالم عمره 30 سنه اللى متزوج من بنت عمه نوره عمرها26 و عندهم ولد اسمه سعيد عمره 3 سنوات ...وبعده فيصل للى يشتغل فى الشرطه و عمره 25 ....خالد يدرس فى جامعه الامارات هندسه و هذى سنه رابعه له و عمره الحين 24 و اخر العنقود من الاولاد و البنات حمدان للى عمره 22 سنه و طبعا ما ننسى التوام شيخه و هند يدرسن فى الجامعه تخصص اداره و اقتصاد اعمارهم 23 سنه
عايله بو صالح (اخو بو سالم)
بو صالح من توفت حرمته و هو يهتم فى عياله بدونها و لا اتزوج على امهم عنده من العيال صالح للى يشتغل فى الشرطه مع فيصل و لد عمه و عمره 25 ..... سعيد للى يدرس فى الجامعه مع ولد عمه بو سالم خالد .وهو اصغر عنه بشهر واحد بس .مريم عمرها23 سنه و تدرس علاقات عامه فى الجامعه مع اختها ..وبعده خلود تدرس فى الجامعه مع بنات عمها للى بتموت على حمدان تموووت فيه وحمدان اكبر عنها باربعين يوم بس ....يعنى هيه عمرها 22 سنه
هذى هيه الشخصيات الرئيسيه فى القصه و باقى الشخصيات بتلاقونها فى القصه
::++منك اشتكى ياويلى ::++
الجزء الاول
حمدان: اماااااااااااااااااااااااااه
ام سالم: صمختلى اذنى انزين تعال تعال انا اهنيه
حمدان: حشى تقول ابره و ينج عاد شو يالسين نلعب قطو وفار
ام سالم (تفره بالكلينكس اول ماوصل): امك فار يا راعى الفار انته
حمدان: شو اسويبج يعنى ما ادلج وين
ام سالم: انا اهنيه بعد وين بسير
حمدان: ههههه الا اقولج امااايه وين ابوويه
ام سالم: ابوووك طلع العزبه
حمدان: يالله ياربى(يحيس ثمه)
ام سالم: واشفيك
حمدان: اريد بيزات ماعندى
ام سالم: امس عاطنك 400 و ين حطيتهم
حمدان: بالله عليج ما اكل
ام سالم: حشى باربعيميه
حمدان: هيه
::++ يدخل سالم::++
ام سالم: هلا و لله بظناى عنى ما اخلى من هالشوف ياربى
سالم: السلام عليكم (يلوى على امه) فديتج ياربى
حمدان: ااااااااااااااااااخ منج انتى قسم بالله
سالم: شو تغار
حمدان: ما اغار اقول سلوووم
سالم: هلا بووويه
حمدان: اريد فلوس
ام سالم : لا تعطيه و لا عندك خبر
حمدان: شو هالحاله اريد فلوس انا
ام سالم: امس عاطنك ابووك 400 وينهم
سالم: امااايه خليه الريال ما يتحاسب
ام سالم: هالولد بيننى بطران ما ادرى اشحقه
حمدان: بتعطينى
سالم: هيه نعم كم تبا
حمدان: للى تقدر عليه
سالم: مقدور عليه يابومحمد اندوك 500
حمدان: يالله عنى ما اخلى
ام سالم: ودر عنك البنات و الخربطان
حمدان: ماعندى بنات انا
سالم: و لله ما ادرى منو ماسكينه ذاك اليوم يغازل بنت سعيد
حمدان: لا و لله
سالم(يقلد حمدان): هيه و لله يالله يالله سير اتوكل على لله
حمدان: براااااااااايكم مع السلامه
ام سالم(توقف): لله يحفظك وها لا تسرع ياولدى
حمدان(من برع الصاله): ان شاء لله
::++صاله بين بو سالم::++
عبدالله (ولد سالم): بابااااااااااااااااااااااه
سالم: عونك فديت ياربى
تدخل نوره(ام عبدالله): السلام عليج خالوه
ام سالم: مرحبابج باجى يابنتى
نوره: وين عمى
ام سالم: طلع العزبه
سالم: هيه صح انا بسافر الاسبوع الياى
نوره حست بقلبها ينقبض هذا ليش يبا يسافر
ام سالم: وين تبا تودر حرمتك وعيالك
سالم: ساير شغل مب لعب
عبدالله: باباااه اليد لوح تكان باباه
سالم: ان شاء لله بنروح
نوره: متى بتسافر
سالم(يطالع عبدالله): يوم السبت
نوره: يعنى بعد يومين
سالم: هيه عندج مانع (يطالعها بنظره)
ام سالم: قصر عيونك اشفيك جذا اطالع حرمتك جيه هذى ام ولدك بعد مب عايبنك تسال و لا شو
نوره: خالوه برااايه لله يهديج سالم مايقصد
دومها نوره تغطى عليه ومن فعايله دومها تظهر انه هو لاحسن من بين اخوانه بس هو مايستاهل كل يوم مرابع وحده ومرات تقوللهم يبات فى البيت وهو يبات فى شقه من شقق البنات
سالم: انتى يوم الجمعه بعد الصلاه جهزيلى الشنطه
نوره: يالله عبدالله انسير نتغدا (اطالع سالم) ان شاء لله يصير خير
عبدالله: ماماتى بنلوح التكان انا وباباه
سالم: حبيبى ان شاء لله بس اتغدا اول
عبدالله: احبك باباه
ولا رد عليه سالم لف يطالع التلفزيون عبدالله وقف يطالع ابوه ونوره بسرعه خذت الولد وسارت تاكله .....
::++دخل فيصل::++
فيصل: السلام عليكم
ام سالم +سالم: وعليكم السلام
فيصل(يطيح على الكرسى بدريسه): اااااااااااااااااخ ياراسى
ام سالم: ياويلى و اشفيك ياولدى
فيصل: منهد حيلى
سالم: اقول امااايه بترخص انا عنكم
فيصل: وين ما بتتغدى ويانا ابويه ياى الحين فى الطريق
سالم: لا و لله معزوم عند ربعى
فيصل(يطالعه بنظره استحقار): سير خل ربعك ينفعونك
سالم: يالله برايكم
ام سالم: حافظنك الرب
بعد ماطلع سالم تعدل فيصل فى قعدته وطالع امه
فيصل: اماايه متى ولدج بيصطلب و يغدى ريال
ام سالم: شو تشووفه هب ريال فى عينك
فيصل: الريال يهتم بحرمته و عياله
ام سالم(تتنهد): و لله ياولدى شو تبانى اقولك
فيصل: المهم يا اماايه رمسيه (وقف)
ام سالم: وين العرب
فيصل: بغير و بنزل
ام سالم: لله يهديك ياولدى اترياك
فيصل: ان شاء لله (يحب راس امه و يطلع)
قبل لا يطلع فيصل دخلت هند و شيخه البيت على غير العاده من وقت وقف مستغرب
فيصل: وووووووووويه بسم لله انتن شيابكن
هند: الدريول
فيصل: تنكتين حضرتج
شيخه: فيصل حبيبى نحن خلصنا ورجعنا
فيصل: يالله فديتج ياربى تسويلى الدنيا انتى
وقفت هند امبرطمه هيه وايد تحب فيصل اخوها اكثر عن عمرها: وانا شو يعنى
فيصل: انتى امى انتى حياتى عنى ما اخلى منج
شيخه: فيصلوووووووه بخبرك سر
فيصل: فديتج و لله بغير و بنزل و انتن بعد سيرن غيرن و تعالن بنكمل سوالفنا
هند: خلاص ما عليه لان فى خاطرى كلام اريد اقوووله
فيصل: عيل خلاص سيرن سلمن على الوالده و انا اترياكم
شيخه+هند: ان شاء لله
سار عنهن فيصل فوق و دخلن الصاله على امهن
شيخه+هند: السلام عليج الغاليه
ام سالم: و عليكن السلام وابووى شو يايبنكن
شيخه: و لله شو هذا امااايه ترانا خلصنا من وقت
هند: اماااه
ام سالم: عونج
هند: متى بعرس ؟؟!!
ام سالم: عنلاتج يالهرمه تبينى اوقف برع عند الشاره اقولهم عندى بنت للى يريد يعرس
شيخه: بنتج مستخفه و لله يا امااايه هههههههههههههههه
هند: اسولف وياااج حشى ضو
ام سالم: سيرن يالله غيرن لان ابوكن واصل الحين
هند+شيخه: ان شاء لله طويله العمر
سارن البنات فوق كل وحده فى غرفتها على الرغم من انهن توام بس كل وحده تريد خصوصيتها هند كالعاده فى غرفتها تخطط حق المستقبل وكيف ريلها بيكون و ما اعرف كيف اما شيخه انسانه حبوبه و طيبه همها الوحيد سعادتها و سعاده امها و ابوها و اخوانها طلعت من غرفتها صوب غرفه هند علشان الغدا و سمعت صوت الاغانى واصل لين الممر
شيخه: مالت عليها تسمع نبيل شعيل وين هذى و الحب بسم لله
((ادق باب غرفه هند))
شيخه: هندوووووووووووه وطى على المسجل و يالله انزلى
هند(بعد ماقصرت على المسجل): يالله الحين
شيخه: يالله نترياج
نزلت شيخه وشافت ان ابوها توه حادر البيت
شيخه: السلام عليك بووويه
ابو سالم: حيالله بنيتى شحالج امى
شيخه: بخير دامك بخير وسهاله
بوسالم: وين عيل امج
شيخه: فى الصاله
::++دخل بوسالم الصاله::++
بوسالم: هالعيوز شحالج
ام سالم: عيز حيلك قول امين شو تشوفنى خرفت
شيخه: هههههههههههه
ام سالم: اشعنه اتضحكين
شيخه: هاااااااا ماشى
بوسالم: اشفيج شابه ضو
ام سالم: ولله يابوسالم قلبى يعورنى من داخل على ولدى سالم
بوسالم: احيدج تحاتين الحميدانى و الحين سالم مب جانه معرس الريال
ام سالم: ولدك بيسافر بالسبت يابوسالم
بوسالم: لله يحفظه يمكن شغل
ام سالم: هو قالى شغل
::++يدخل حمدان ::++
حمدان: مرحباااااااااااااااااااااااااااا الساع (يلوى على ابووه)
بوسالم: ذبحتنى يابوووك اشفيك انته
حمدان: اسلم عليك
ام سالم: ولله جانه الا ابووك يابك من بطنه هب انا
حمدان(يطالع ابووه): تصدق ابوويه عوووشه حرمتك المصون تغار بشكل فضيع
ام سالم: يالله عااد للى يسمع الحين
حمدان: تحلفين انج ما تحبينى
ام سالم: و لله انى احبك و احب الارض للى تمشى عليها شو تبا بعد
شيخه: بس خلاص هذوه خالد وصل
بوسالم: بارك لله فيج يابنتى حرمه بيت و لله
::++تدخل هند::++
هند: عيل انا شو
حمدان: شاكيرا بزمانج
هند: تطنز حضرتك ؟؟!!
حمدان(يقلدها): لا الغاليه اطنز
شيخه: حمدان بس خلها ما فينا على لسانها
هند: شوفيه لسانى
حمدان: يهز الشرق الاوسط وانا اقول فى امريكا مشددين المراقبه ليش
ام سالم(تفره بالماى): شو تشبه اختك بهذا شأسمه ؟؟!!
حمدان: ياربى منج ياعوشه قسم بالله بعرس عليج
بوسالم: ههههههههههههههه و لله محد ظاهر على الا انته و فيصل
شيخه: وخالد بعد ابوويه
::++دخل خالد::++
خالد: السلام عليكم سمعت حد يطرينى اكيد شيخه الحريم شيخه بنت سعيد
هند: شو هذا تتحسبونى بنت البطه السوده (برطمت)
ام سالم: انا سوده عنلاتج
حمدان: عاشت عوشه
ام سالم: يكفينى خبال حمدان اتزيدينى بعد
خالد: استهدوا بالله (يطالع هند) هنوووده
هند: لبيه
خالد: لبيتى حايه ودى كتبى فى غرفتى مافينى اسير فوق
::++يدخل فيصل::++
فيصل: السلام عليك بوويه (يحب راس ابووه)
بوسالم: حيالله سندى شحالك يابو منصور
فيصل: و لله بخير ربى يسلمك
بوسالم: شحاله سعيد ولد عمك وياك
فيصل: و لله تمام يابوويه انته شحالك و العزبه شو ويااك
بوسالم: الحمدلله ياولدى بس طلبتك
فيصل: تم و من الحين اسوويه
بوسالم: اريدك اطرش عمال الشركه يسولى شبج على العزبه اخترب
فيصل: بس شبج من هالعين لين هالعين
بوسالم: تسلملى ياولدى
خالد: ابووويه
بوسالم: هلا ياولدى
خالد: ابوويه اريد اشتغل فى الشركه دامك حاط هالمصرى يديرها
بوسالم: ليش ياولدى ودراستك
خالد: الحين جدولى تغير يعنى ساعتين ساعتين بسير ادرس وارد الشركه
فيصل: ولله ان خالد يعرف يديرها يابوويه (يطالع خالد ويبتسم)
بوسالم: شورك ياولدى
فيصل: هيه نعم يابووويه فيصل يقدر بس انا من الساعه 7 لين 2 الظهر و مرات لين 8 المسا
::++تدخل عليهم نوره::++
نوره: السلام عليكم
الكل: و عليكم السلام
نوره: شحالك عمى
بو سالم: بخير ربى يسلمج شحالج يابنتى
نوره: بخير عمى
عبدالله: بوثالم
حمدان: هههههههههههه ايييييييييييه يالاثرم
عبدالله: انته اثلم
حمدان: ههههههههه غبى
عبدالله: امك عبيه
ام سالم: وابووى انا عليك انته بعد حمدان لا تعلم الصبى جذيه
فيصل: خلى هذى المقوله حق حمدان منك نتعلم و نستفيد
خالد: اقول حمدان ما اصطدت شى اليوم
حمدان: لا
شيخه: ليش ماتدرس فى التقنيه انزين يوم ماتبا جامعه
حمدان: كيفى مابا هو بالغصب
شيخه: لاه بس ما ادرى على شو مدلعينك
حمدان: تحلفين انى مب حلو
هند: قسم بالله انك حلو و لله العظيم حلو ذبحتنا تراااك
ام سالم: ااااااااااااااخ منج انتى يا ام لسانين متى بقصه لج
هند: بيقصه لى ريلى ههههههههههههههه
ام سالم: بفرج بهافنيال
حمدان: ههههههه صبر بحط علامه على ويها
نوره: حرام عليك و لله كله و لا هندوه
خالد: ياسلام ربيها بدال عبدالله بعد
نوره: هههههههه يكفينى عبدالله و مشيب راسى
::+ تدخل الخدامه::++
مينتى: بابا فى سير بو صالح برع
بوسالم: خلاص بروحله
ام سالم: سيرن فوق عن لايكونون عياله ويااااااااه
هند: شو يعنى خلهم يشوفون الجميله هند بنت سعيد
فيصل: يالله فوق
هند: بسم لله الرحمن الرحيم بسير
سارن البنات فوق الطابق الثانى و دخل بو صالح مع عياله صالح و سعيد
بو صالح: السلام عليكم
الكل: و عليكم السلام ورحمه لله
بو سالم: ها بو صالح شحالك
بو صالح: بخير ربى يعافيك
صالح (يطالع فيصل): مب جانى شايفنك فى الدوام
فيصل: هههههههه شو اسوووى احبك يا اخى
خالد: عن شو ترمسووون
سعيد: خلهم يابووك هذيل يحبون يرمسون بعضهم
::++تدخل نوره مع ولدها عبدالله::++
نوره: السلام عليك ابووويه
بوصالح: و عليكم السلام يابنيتى عيل وين ريلج
نوره(اطالع فيصل): سار عنده كم من شغله (اطالع عبدالله و لدها) سلم على يدى
عبدالله(يمد ايده): الثلام اليكم يدوه
بوصالح: هههههههههههه فديتك ياربى عنى ما اخلى بخير ربى يسلمك
نوره: خلاص بووويه بسير ارقد عبدالله وان شاء لله اشوفك قريب
بو صاح: ان شاء لله يابنيتى
::++طلعت نوره من الميلس و هيه قابضه عمرها::++
اما فى الميلس الكل قاعد يسولف وحطوا الغدا وقعدوا يتغدون ...سعيد و خالد من كانوا اصغار مع بعض اما فيصل بس رئيس صالح فى الشغل يعنى مب محتك ويااااه واايد...
بوصالح: يابو سالم العيال كبروا و لازم يعرسون
بوسالم: ان شاء لله ياولدى اريد اخطب حق فيصل
فيصل: اشعنه انا هذوه صالح خطبوله انا ما اريد اعرس و لا عندى خبر
بو سالم: اشعنه
فيصل: بعدنى
بوسالم: شو وراك
فيصل: ماوراى شى
صالح: لا ادخلنى انا
بوصالح: حتى انته ياصالح بيوزك
صالح+فيصل: مانريد ؟؟
سعيد: هههههههههه حلوه هاااى
خالد: اسكت لا اييك الدور
::++يدخل حمدان الميلس::++
حمدان: مرحبا الساع و لا يسدن بذمتيه و لله
بوصالح: تعال ياولدى
حمدان: ان شاء لله اقول سعيد بن سالم
بو سالم: هلا حمدان بن سعيد
حمدان: طلبتك
بوسالم: تم
حمدان(قعد عدال ابووه): اريد فلوس
فيصل: حشى بالوعه انته من كثر الفلوس للى تاخذهم
بوسالم: ماعندى قم قم عنى
حمدان: انته قلت تم مالى خص
بو سالم: مب مجبور اقعد عدال عيال عمك
حمدان: ان شاء لله (يطالع سعيد للى دوم من يتجمعون ينقعون الناس من الضحك) هلا و لله سعوود شحالك
سعيد: بخير ربى يسلمك
حمدان: وش حالها الحرمه عساها مرتاحه
سعيد: ما اظنى
حمدان: يالله بالستر اشعنه
سعيد: راسها يابس ياخى
حمدان: انزين من بنته
سعيد: و ليش
حمدان: طلقها و بخذها هههههههههه
سعيد: خسك لله يالخام
فيصل(وهو يضحك*): قسم بالله بتذبحنى من الضحك
بوصالح: كلوا ودروا عنى الضحج الحين
حمدان: ان شاء لله
خالد: ههههه شو فيك على كل كلمه
صالح: اى بطاريه حااط لو سمحت
حمدان: هبى هباك لله بتحسدنيه
بو سالم: شو هالرمسه بعد
حمدان: ترانى بقوم من عدالك و بقعد فى الطرف
بوسالم: انا امبونى شباب بس انته للى مشيب راسى
حمدان: لالالالالالالاه ههههههههههههههه
فيصل: بس بس (يطالع صالح) ما اتصل فيك سالم
صالح(مرتبك): هااااه لا ما اتصل فينى
بو سالم: كملوا غداكم
::++فى شقه سالم ::++
سالم: الوووه هلا حبيبتى شحالج الغاليه وينج انا من متى اترياج
جاكلين: انا موجوده عزيزى انته كيف حالك
سالم: بخير ربى يسلمج متى بتين
جاكلين(الروسيه): انا عند الباب افتح لى
سالم(واقف عند الباب): بووووووووو
جاكلين: لماذا تخوفنى
سالم: لانى احبج و لله
جاكلين: و انا احبك ايضا
سالم: هااا مستعده علشان نسافر
جاكلين: نعم يوم السبت صحيح
سالم: صح يبتلج هديه
جاكلين (بفرح): شنو هيه الهديه
سالم يطلع لها هديه عباره عن عقد الماس و ساعه من شوبارد ونسى ان فى هاليوم عيد زواجه من نوره ...
جاكلي: فين رايح
سالم: بسير البيت الحين حبيبى
جاكلين: ليش حبيبى
سالم: علشان اجهز اغراضى صح و الا انا غلطان
جاكلين (بمكر): ياليت لو انا من تجهز حقيبتك
سالم: ليت و لله العظيم ليتنى يالله اخليج
طلع سالم من الشقه و هو فرحان على الاخر مايعرف شو عواقب هذا كله وصل البيت ماشاف حد ...اكيد ارقود سار صوب غرفته و شاف نوره قاعده اطالع التلفزيون
سالم: نوره جهزتى شنطتى
نوره:.....................
سالم: ارمسج
نوره: هيه (وقفت نوره وسارت صوب ريلها شمت فيه ريحه عطر نسائى و سكتت)
سالم: وينها
نوره: هذيه تبانى ازيدلك عليها شى
سالم: لالالا خلاص انا بدخل و اتسبح
نوره:..........................(سارت عنه و لا كلمته )
دخل الحماام و طلعت نوره صوب غرفه ولدها و قعدت اتصيح هذ ا لانسان ليش جذيه ..
::++بيت بو صالح::++
خلود فى غرفتها تسمع اغانى و مطلعه صوره حمدان وبتموت اذا ما شافتها كل يوم و طبعا اختها مريم دحيحه و تحب تدرس و انزعجت من صوت الاغانى وسارت صوب غرفه خلوود
مريم: خلوووووووووووووووود
خلووه: ها شوووه
مريم: بطلى الباب اشووويه
خلوود: ليش
مريم: بس بطلى
بطلت الباب خلود و دخلت مريم
خلود: ها شو فيج انتى
مريم: سكرى الباب بقولج
خلود: سكرناه و الحين
مريم: انته مينونه خبله مطلعه الصوره و لو جانه يهتم فيج الحين
خلود: ياربى ردينا لدروس و المواعيظ
مريم: لا و لله
خلود: تراج انتى بعد تحبين فيصلوووه
مريوم: حتى لو كنت احبه بس مااسوى خبالج
خلود: ليش
مريوم: انتى للى بتخسرين حاشره البقعه احبه و ما اعرف كيف
خلود: انزين احبه شو فيها
مريوم: ما فيها شى بس لو درى حد من اخوانى بيذبحونج خاصه صالح
خلود: برووحه اخوج راعى بنات بعد شو
::++دخلت الخدامه ::++
كنستى: بابا يريد تحت فى ناس
مريوم: الحين بنزل
خلود: امنوووه
كنستى: بو سالم
خلود(وعيونها بتطلع): و لله فى عيال
كنستى : ايوااا مدام
خلود: يالله اظهرن برع الحين
مريوم: لله يعينج
مريوم سارت غرفتها و لبست كندورتها و حطت اشويه غلوس و كانت حلوه الكل يشهد بجمالها بس فيصل مايشوف اما خلود من تسمع اسم حمدان تخترش ...
نزلت مريوم وتغشت قبل لا تدخل لان عياله اهناك شافها ابوها
بوصالح: تعالى يا مريم و سلمى على عمج و عياله
دخلت مريوم
مريم : السلام عليكم
بوسالم: اشعنه متغشيه هذيل اخوانج
مريم(مستحيه): ..............................
بوسالم: عقى الغشوه اشوفج كيف
عقت الغشوه مريوم و فيصل اول ما شافها افتر راسه خالد نزل راسه بس حمدان وقف عدالها
حمدان: والا احلويتى و لله
مريوم: شكرا
حمدان: العفو
فيصل: قعد متيبس مكانه ما يعرف شو يسوى نزل راسه ...كانت مريوم تبا تظهر بس بوصالح قاللها تقعد الا و خمس دقايق دخلت خلوود
خلود: السلام عليكم
الكل: و عليكم السلام
خلود: شحالك عمى (عيونها على حمدان)
بو سالم: بخير ربى يسلمج شو الدراسه
خلود: الحمدلله تمام
بو سالم: كم باقلج
خلود: هذى اخر سنه
بوصالح: اقعدى عدال اختج
خلود: انزين
قعدت خلود عدال مريوم للى اطالعها بنص عين
مريووم: اييييييييه فضحتينا خلاص
خلود: شو عندج
مريوم: بس من كثر ما اطالعين
خلود: يا اخى يعذبنى و لله هالانسان
بوصالح: ما بتعرس انته بعد حمدان
حمدان: لو بعرس مااريد و حده من الاهل
انصدمت خلود و لفت اطالع اختها و حمدان لاحظ عليها هالشى لانه يعرف انها تحبه بس هو يحس انه ماله مشاعر تجاهها وانا ما تعيبنى البنيه للى تعق عمرها
حمدان: ها اخت خلود شو مب عايبنج
خلود: مالى دخل انا
حمدان: احلفى هيه صح هذيج ربيعتى شو اسمها
خلود(قلبها يتقطع): اى ربيعه
حمدان: هذيج للى كنتى واقفه معاها
خلود: اوقف مع وايد بنات عن اذنكم
بوسالم: وين بنتى
خلود(اطالع حمدان باستحقار): عندى كم من شغله
حمدان: ههههههههههه سلمى عليها
فيصل: بس عااااد (يطالع اخوه للى سكت)
طلعت خلود تركض صوب غرفتها و هيه اتصيح اول مادخلت طاحت على سريرها : هو يقصد عنود و لله يقصدها ياربى ااااااااااااااااه (تصيح بصوت شبه مسموع)
الجزء الثانى
::++ صاله بيت بو صالح ::++
مريوم: تحبون تشربون شى
صالح: اريد عصير و لله
مريوم: و عيال عمى شو يحبون يشربون
فيصل استحى ماقدر يرمس كيف ياربى اطالع فى ويها هالانسانه قسم بالله حلوه خالد لاحظ على اخوه هذا الشى
خالد: نريد عصير
بو سالم: بسير الوف العزبه قعدوا اهنيه
حمدان: انا بسير
بوسالم: وين
حمدان: مواعد
بوسالم: و لله بهالقب على ظهرك
حمدان: ههههههههههه ربعى يتريونى فى الكوفى و لله
فيصل: خلاص برايه خله يسير
بوسالم: عيل برايكم
بعد ماطلعوا الشواب طلع حمدان صوب الكوفى شوب فى العين مول
حمدان: تاخرت
...: لا حياتى تونى واصله
حمدان: فديتج و لله شحالج الغاليه
هيفا: الحمدلله شحالك انته
حمدان: بخير ربى يسلمج شو هاااا بنقعد اهنيه و الا شو
هيفا: كيفك حبيبى
حمدان: شو رايج نتمشى
هيفا: يالله
حمدان وايد يحب هيفا حب ما يتصوره انسان بس الاسف هذى الانسانه تلعب على الشباب و تقص عليهم ...........
::++بيت بوسالم::++
هند: امااااااااايه
ام سالم: هاااااااااااااااااااااااه
هند: وين ابوويه
شيخه: سار بيت عمى بوصالح
هند: اماااايه صدق الحين سعيد بياخذ اى وحده منا
ام سالم: انتى ماشى فى لسانج غير العرس
هند: ياربى ترانى ملغوثه بعد شو
شيخه: هههههههه صدقتى
::ينزل سالم::
سالم: هااا مستحيل التوام اهنيه
ام سالم: الحقنى ياولدى اختك هند تريد تعرس
هند: اشفيها انزين اذا بنعرس و لله
سالم: خليها تقدم طلبات الزواج فى المجله
شيخه: ههههههههههههههههه
سالم: عيبتج يا شيخه الحريم
شيخه: هيه و لله هههههههههههه
هند: وانا مب شو بالله عليك حشى كلكم على
سالم: هههههه مافيج شى عنبوه يالسانج
ام سالم: عندك مقص
سالم: لاه موووس عندى
ام سالم: اقطع لسانها اشووف
هند: لا و لله تشوفونى بعير
شيخه: لاه (وقفت)
ام سالم: اوين يابنتى
شيخه: بخلص شغلى يالغاليه و بنزل
ام سالم: سيرى لله يرضى عليج (اطالع هند للى تاكل) ونتى ماعليج شى
هند: على بس شيخوه بتحله لى
سالم: ياحافظ
شيخه: ههههههههههههههههه تحلمين
هند: حشى انزين حليه لى
شيخه: لالالالالا
ام سالم: سيرى شوفى ادروسج اشووف
هند: انزين
طلعن البنات فوق اما سالم قعد عند امه
سالم: اماايه انا بسافر ان شاء لله بالسبت تامرينى بشى
ام سالم: انا قلبى يعورنى من سفرتك هذى
سالم: ليش يا امااايه
ام اسالم: بس ياولدى
::++تدخل نوره::++
نوره: خالتى تبين قهوه
ام سالم: لا يابنتى اقعدى اشوى ابااج فى سالفه
نوره: ان شاء لله
سالم: نوره وين عبوود
نوره: راقد فديته ياربى
سالم: مب جانه من وقت مرقدتنه
نوره: لا هو كل يوم يرقد فى هالوقت
سالم(قفط ويهه): هيه انزين اندوج (يعطيها الفلوس)
نوره: شو هذى ؟؟!!
سالم: فلوس حقج و حق عبودى لانى بطول اهناااك
نوره: ايوا ان شاء لله (تاخذ الفلوس)
سالم: اذا احتجتى لاى شى قولى حق ابوويه
وقفت نوره اطالع سالم و طلعت من الصاله معصبه ...ام سالم مسكت راسها و هيه قلبها بيتقطع على نوره ..
ام سالم: سير شو ف حرمتك
سالم: بترضى ما عليج
ويرن تلفونه قعد سالم مرتبك كيف يرد على جاكلين الحين ....حط التلفون على السايلنت علشان ماينسمع الصوت
ام سالم: يالله ياولدى سير شوفها
سالم: بسير
طلع سالم من الصاله ساير غرفته اول مادخل شاف نوره قاعده اتصيح من القهر و يها كان منتفخ من الصياح
سالم(باستهزاء): شوفيج الحين
نوره: ....................................
سالم: قولى شو فيج
نوره: مافينى شى ممكن تطلع و تخلينى
سالم: وليش هذى على ما اعتقد مثل ماهيه غرفتج غرفتى
نوره: دخيلك تطلع عنى اشوى
سالم: غياض فيج ما بطلع
نوره: برااايك (تمسح دموعها)
سالم: خبرينى شوفيج نوره
نوره: انته ما تصرف كان ريال عنده ولد
سالم: ردينا اسمعى انا واحد و مبتلش فيه تبين غيره
نوره: انا مااقلت جذيه
سالم: عيل شو تبين انا ما اريد عيال غصب هو
نوره: ليش هالكلام احمد ربك ان عندك عيال غيرك ماعندهم
سالم: الحمدلله على كل حال فى شى
نوره: ليش بتسافر؟؟!!
سالم: شغل
نوره:..............................(تتنهد)
سالم: شو مب مصدقه
نوره: مصدقتنك
سالم: برااايج
طلع سالم من غرفه نوره و هو لا على البال بان كلامه يجرح ويقطعها فى نفس الوقت يريد يحرمها من نعمه العيال علشان ربيعاته للى كل يوم مع وحده قعدت نوره و هيه تصيح ..وبالصدفه كانت شيخووه تمشى سمعت حسها و دخلت غرفه نوره شافتها اتصيح
شيخوه: حبيبتى نوره شو فيج
نوره(ماتقدر تتكلم من الصياح)
شيخوه: شى قالج سالم
نوره:.............................(نزلت راسها)
شيخووه: نوره حبيبتى قولى و لله قلبى يتقطع عليج (تصيح وياها)
نوره: انا شو يا شيخه
شيخه: انتى شوووه ؟؟؟ شو هالسؤال حبيبتى
نوره: انا وحده مالها مكان صح
شيخوووه: شو هالكلام (عصبت)
نوره: اخوج سالم يريد يحرمنى من نعمه العيال و .........
شيخوووه: شوووووووووه وشوووه بعد
نوره: بيسافر مع حده بس امانه و غلاه بو سالم ماتقولين حق حد
شيخوه: و لله ما تهونين على و لله (تلوى عليها و تصيح) قومى غسلى ويهج حبيبتى قومى
يسمعون صوت فيصل و خالد
نوره: اخوانج وصلوا لا تقولين حق حد
شيخووه: ان شاء لله من عيونى بس يالله قومى
نوره: انزين (تحاول اتقوم) اااااااااه
شيخوه: شو فيج ؟؟!!
نوره: دايخ راسى اشوويه
شيخوه: سلامتج الغاليه بسير اشووف فيصل و برجعلج
نوره: ان شاء لله
طلعت شيخوه من قسم نوره و هيه تصيح ما تقدر تكتم للى فى قلبها ما تقدر لان كل ماصار شى تخبر فيصل ...سارت وين اقسام اخوانها ويوم وصلت باب غرفه فيصل ما تعرف شو تسوى ترددت بانا ادق باب الغرفه و قررت ترجع بس فيصل كان اسرع عنها و فتح الباب
فيصل: شيخوووه
شيخوه: :................... (ماقدرت اتلف)
فيصل: شو فيج
يوم لفت عليه شاف ويها استغرب و طاحت فى حضن اخوها اتصيح من للى صار فى نوره
فيصل: تعالى خبرينى شو فيج
دخل و سكر باب الغرفه
شيخووه:...............................
فيصل: تعرفين انى انا ما اخبر حد بس قوليلى شو فيج
شيخوه: سالم
فيصل: سالم ؟؟!! شو فيه
شيخوه: لا تخليه يسافر
فيصل: خلاص بيسافر بعد باجر
شيخوه: تصدق مايريد ايب عيال غير عبوود
فيصل(مستغرب): شووووه
شيخوه: هيه و لله و بيسافر مع وحده
فيصل(معصب): منو قالج
شيخوه: تونى دخلت على نوره المسكينه و هيه تصيح و لله
فيصل: صدق انه نذل و لله
شيخوه: دخيلك لا تخبر حد مافينا نوره تتمشكل
فيصل: مابقول شى خلاص بس و لله ما عايبنى حالها قسم بالله
شيخوه: شو بتسوى يعنى
فيصل: بخطب اختها مريم
شيخوه: شوووووووووووووووووووووو؟؟!!
فيصل: بلاج بخطب مريم
شيخوه: بس كيف طرت على بالك هذى الفكره
فيصل: جذا و لله
شيخوه: يعنى تحبها
فيصل: شيخوه حبيبتى ماشى ريال بياخذ وحده كل ساعه و الثانيه تقوله احبك و انا مريم شارنها و اباها على سنه لله و رسووله
شيخوه: يعنى مريوم بتكون عندنا
فيصل: هيه (يبتسم) اذا ما تبينها ما اريدها انا بعد
شيخوه: ياسلام فيصل و لله وناسه على الاقل بتقعد مع نوره
فيصل: ان شاء لله يارب سالم يصطلح حاله بصراحه نوره ما تستاهل
شيخوه: هيه و لله (تريد تطلع)
فيصل: وين وين
شيخه: ابشر امى
فيصل: فديتج انا برمسها و اذا نزلتى تحت وقلتيلها مابرمسج
شيخووه: امرك سيدى
فيصل: ههههههههههه يالله يالله انزين
طلعت شيخوه من غرفه اخوها و هيه فرحانه و نزلت تحت فى الصاله ماكانت تعرف ان سعيد تحت ويا امها اول مادخلت و هيه فرحانه
شيخووه: امااااااااااااااااااااااااااااااااااااااااااه
ام سالم: شو فيج
شيخوه: و لله مستانسه
يوم التفت وشافت سعيد اتغشت بسرعه
ام سالم: بلاج
شيخوه: السموحه ولد عمى ماكنت اعرف انك عندنا اليوم
سعيد(منزل راسه): لا افا عليج و لله انا للى شكلى غلط اليوم
شيخوه: لا افا عليك انته متى اتزورنا اصلا علشان تقول هالكلام
سعيد: لله يخليج ان شاء لله
شيخووه: الشمووحه ياولد عمى جان غثيتك و هذى امى وياك اسمحلى
ام سالم: ربى يرضى عليج يابنتى قولليلم يقربون الفواله حق ولد عمج
شيخوه: ان شاء لله الغاليه
طلعت شيخوه من الصاله صوب المطبخ و قلبها يدق بقو ياربى مخبلنى يالفضيحه شو بيقول عنى الحين سعيد اووه بسير اقرب الفواله ..احسن ...
::++فى صاله بو سالم::++
سعيد: خالتى
ام سالم: هلا ياولدى
سعيد: وين سالم ما شفته من ثلاث اياام
ام سالم: اصلا جان قر فى البيت زين
::++يدخل خالد::++
خالد: اسمحلى يا سعيد و لله مب قصدى اتاخر عليك
سعيد: افاااا عليك انا مب فى بيت غريب
خالد: و لله انك سنافى
سعيد: احم احم طال لله بعمرك
ام سالم: عيل وينه فيصل
خالد: الحين بينزل
::++دخل فيصل فجأه::++
فيصل: حد يسال عنى اشووف
ام سالم: فديتك و لله
فيصل: فديت روحج انا و لله
يرن تلفون فيصل
فيصل: السلام عليكم
الظابط: النقيب فيصل معاى
فيصل: هيه نعم من بغيت اخووويه
الظابط: طالبينك الشرطه سيدى
فيصل( خايف): ليش
الظابط: سيدى اول ماتوصل بتفهم السالفه
فيصل: ان شاء لله الحين باييك
الظابط: امرك سيدى
قام فيصل يريد يطلع سالته امه : وين ياولدى
فيصل: بسير الشرطه
خالد: شى صااار
فيصل: ما بيصير الا كل خير يالله فى وداعه لله
طلع فيصل من بيتهم وهو خايف عن لا صار شى ....قعد يحاتى و فى البيت نفس الشى يحاتون ...دخل الشرطه وشاف الشرطى
الشرطى: نعم سيدى
فيصل: انا النقيب فيصل اتصلتوا فينى خير شو صار
الشرطى: هيه نعم تعال ويانا
فيصل: ان شاء لله
فيصل و هو يمشى حس بريوله تثقل اول مادخل غرفه الظابط انصدم اول ماشاف اخووه حمدان وقعد يطالعه مستغرب شو السالفه ..
الظابط: سيدى تفضل (يابله الكرسى علشان يقعد)
قعد فيصل وهو يطالع اخوه حمدان
الظابط: النقيب فيصل
فيصل: نعم خير شو مستوى
الظابط: مسكنا حمدان فى قضيه شرف
فيصل(انصدم): شوووووووووووووووووووووووو
الظابط: هد نفسك سيدى بس انحلت
فيصل(معصب): اطلع برع
الظابط: سيدى ؟؟!!
فيصل: اقوولك اطلع برع
الظابط: حاضر سيدى
طلع الظابط من الغرفه للى فيها فيصل و حمدان متجابلين ...
فيصل: اااااااااخ منك يامسود الويه (يصفعه اطراق على ويهه لين ما طاح على الارض)
حمدان: و لله يافيصل غلطه
فيصل: اى غلطه هذى تحسب للى سويته هين
حمدان: هيه كانت راضيه شو اسويبها يعنى
فيصل(يمسكه من كندورته): راااااااااااضيه شووو تحط راسها اهلها فى الارض (يفره على الارض)
حمدان: و لله يافيصل خلاص انحلت امشكله
فيصل: شو انحلت كمل قول والا مافيك لسان تقول
حمدان: و لله اسف و لله يافيصل ما اعيدها
فيصل: انا ما اريدك تخاف منى خاف من للى فى يوم بياخذ روحك فيه (ياشر على السما)
حمدان(يصيح): فيصل دخيلك و لله حراام
فيصل: مب حرام عليك تشووه سمعتك وسمعه اهلك خبرنى (يقبضه من جتفه)
حمدان:...............................(يصيح)
فيصل: انا يا انت ياحمدان
حمدان(منزل راسه)؟
دخل عليه الظابط وشاف المكتب معتفس
الظابط: سيدى
فيصل: انا بطلعه الحين
الظابط: بس يا سيدى
فيصل: لا بس و لا شى اقولك بطلعه الحين (يصرخ فى ويهه الظابط)
الظابط ان شاء لله
طلع فيصل حمدان من السجن وهو فى السياره لا يرمسه و لا شى اول ماوصلوا البيت دخل حمدان بسرعه البيت و سار غرفته فوق ...وفيصل قبل لا يدخل تنهد و خلى كل شى طبيعى علشان مافيه على المشاكل و عوار الراس اول مادخل قعد عدال امه
ام سالم: شو فيه ياولدى
فيصل: ماشى الغاليه عيل وين خالد وسعيد
ام سالم: روحوا السوق
فيصل: هيه بغيتج فى سالفه
ام سالم: هايولدى
فيصل: اماايه تعرفين انى الحين ريال و قد المسؤوليه صح
ام سالم: صح
شيخوه يوم سمت صوت فيصل وقفت ورى الباب علشان تسمع
فيصل: اريد اخطب
ام سالم(فرحانه): لا و لله بنت منوه تبا ؟؟
فيصل: بنت عمى بوصالح
ام سالم(تغير لون ويها): يابوى و انا امك تريد تسوى فيها مثل ماسوى سالم فى اختك
فيصل: لا انا اريدها يامااايه و لله اباااها
ام سالم: من خاطرك
فيصل: من خاطرى و لله يا امااايه
ام سالم: بتسعدها ياولدى ؟؟!!
فيصل: اماااايه بحطها فى عيونى صدقينى
ام سالم: بتشاور ويا ابووك
فيصل: شو فيج هب مستانسه
ام سالم(و هيه تصيح): ياولدى و لله العظيم ورحمه ابووويه انى فرحانه عنى ما اخلى منك
فيصل: ليش اتصيحين انزين
ام سالم: من الفرح يعلنى ما اخلى منك
فيصل: فديتج و لله
الا و اشوى تدخل شيخوه و دموعها فى عيونها ووقف فيصل يوم شافها: بووووووووه هههههههه شو فيج
شيخوه: و لله احبك يااخى (وتلوى على اخوها)
ام سالم(تمسح دموعها): عنلاتج بتذبحين اخوج
فيصل: برايها ياماايه
شيخوه: اااااه ياربى الحمدلله ربى يوفقك ان شاء لله
فيصل: بسير فوق عنكم
ام سالم: تبانى ارمس ابووك اليوم
فيصل: هيه بعد شو
ام سالم: ان شاء لله
سار فيصل فوق قبل لا يدخل غرفته سار صوب حمدان شاف الباب مسكر دق عليه الباب
فيصل: حمدااااااااااااااااااااااااااااااااان
حمدان(يرتجف): هااااااااااااااااااااااااااه
فيصل: افتح الباب
حمدان(يتخرطف بالكرسى و يطيح على الارض): ااااااااااااااااااااااااخ
فيصل: حمدان صارلك شى (يسمع حمدان يوم طاح)
حمدان (يوقف): لالالالا ماشى
فيصل: تعال افتح الباب
فتح حمدان الباب وهو يطالع الارض دخل فيصل و سكر الباب
فيصل: شو استوى
حمدان(يرتجف):ماشى ؟؟!!
فيصل: من متى تعرفها هالبنيه
حمدان: م م م م ن
فيصل: من متى
حمدان: من سنتين
فيصل: و كم مره اتشوفها
حمدان: فى اليوم مرتين
فيصل: من بنته هذى
حمدان: هذى ما اعرفها و لله من بنته
فيصل: شو اسمها
حمدان: هيفا
فيصل: وين اتسير وياها
حمدان: كل مكان
فيصل: انته شو ما تستحى من للى سويته تعرف لو وصلت هالرمسه حق ابوويه شو بيصير
حمدان: ادرى و لله ادرى
فيصل: كيف بتصلح غلطتك
حمدان: ما اعرف
فيصل(يصرخ): شو ما تعرف عايبنك سواد ويهك
حمدان:.......................(منزل راسه)
فيصل: بخبرك شى عنها هذى للى ما تسمى
حمدان: شوووو (منصدم)
فيصل: لله يستر علينا و على بنات الناس انته مدمغ تعرف هذى من تكون
حمدان: منووووه
فيصل: عطنى تلفونك
حمدان: ليش ؟؟!!
فيصل: عطنى التلفون اقولك
حمدان عطاه التلفون وياب تلفون خالد وراوه ان الرقم متشابه يعنى تلعب بالحبلين و هيه ماتعرف انهم اخوان
حمدان: يعنى خالد يعرفها
فيصل: لا هيه ماذتنه و عطانى تلفونه
حمدان انصدم طلع فيصل عنه و هو معصب من الخاطر من اخوووه كيف هذا جذيه يسويبه اول مادخل غرفته طاح على سريره وهو يفكر يالله شو هالدنيا ماناقص باجر الا اييون ويقولون اخوك ماادرى شو سوى بالبنيه و لازم يتزوجها يا كبرها عند لله قسم بالله ياذبحه واذبحها ...اوووف يالله ....غفت عينه فيصل و سار فى سابع نومه
::++بيت بوصالح::++
مريوم بعد ماطلعوا عيال عمها سارت فوق عند خلود للى بتموت من الصياح هذا حمدان ليش جذيه ياربى قهر قسم بالله شو يعنى اذا حبنى بيموت ...
الا و اشوى ادق مريوم الباب
مريوم: خلوود فتحى الباب
خلود: دخلى مفتوح الباب
دخلت مريوم وشافت اختها بحاله هب زينه
مريوم: ليش جذيه تسوين بعمرج حبيبتى
خلود: شفتى انه مايحبنى
مريوم: ترانى قتلج و انتى للى ماسمعتى شو اسووى يعنى
خلود: بس احبه انا (تصيح)
مريوم: خلى هذا الحب لج لا تبينين انج تحبينه لان هذا مب من صالحج
خلود: وفيصل
مريوم(وقفت): انتى ما تتوقعين انا اشكثر احب فيصل و لله تحيدين يوم توفت امى
خلود: هيه
مريوم: هو الوحيد للى قالى اذا تميتى اتصيحين الصياح مابيرجع امج
خلود: انزين (تمسح دموعها)
مريوم: و لله ياخلود اتمناله كل خير و حتى لو لله وفقه مع غيرى بكون فرحانه من داخل
خلود: مريوم كيف تقدرين تتحملين جذيه
مريوم: خلى ايمانج بالله قوىو لا تضعفين فى مثل هالمواقف لان هذا شى مايرزى
خلود: هيه صح
مريوم: اريدج توعدينى
خلود: على شو
مريوم: انج تشلين حمدان من مخ و تخلين كل شى على لله
خلود: صعبه و لله يا مريوووم
مريوم: ماشى شى اسمه صعب يمكن يحبج فى يوم شو دراج
خلود: بعد الكلام للى سمعته اليوم ما اظن
مريوم: شو كنا انقول مساعه
خلود: خلاص اوعدج غناتى انى بخلى كل شى على لله
مريوم: صافى يالبن
خلود: ههههه صافى ياقشطه على قوله اخوانا المصريين
مريوم: يالله عيل ننزل قوم ابوووى باييون الحين
خلود:. عيال عمى ساروا ؟؟!!
مريوم: هيه يالله انسير
خلود: يالله
نزلن البنات تحت فى الصاله وكان بوصالح قاعد يقرا الجريده
مريوم+خلود: السلام عليك بووويه
بوصالح: و عليكم السلام تعالن اقعدن
مريوم: ان شاء لله
بوصالح: هااا شو الجامعه وياكن
خلود: و لله عال العال
بوصالح: ونتى يامريوم ؟؟!!
مريوم: و لله الحمدلله يابوويه امشين
خلود: ابووويه وين صالح وسعيد
بوصالح: صالح ما اندله وين بس سعيد سار ويا عيال عمج
مريوم: ابوويه نريد انزور خالو و البنات
بوصالح: ان شاء لله يابنتى بس اخاف شى عندهم باجر
خلود: باجر الجمعه ماعندهم شى
بوصالح: و لله ما ادرى خلينى اتصل على بو سالم
خلود: يالله اتصل بسرعه ابوويه (تضربها مريوم على ريلها) انزين
:+:: يتصل بو صالح على اخوه بو سالم :+::
توووووووووووووووووت توووووووووووت
بوصالح: السلام عليكم
بوسالم: و عليكم السلام حيالله بوصالح
بوصالح: اقوولك ياخوويه البنات يبن يسرحن صوبكم باجر اذا ماعندك مانع
بوسالم: افاااااااا يابوصالح اتزعلنى منك ترااه
بوصالح: اشعنه وانا اخوووك
بوسالم: البيت بيتهم ومتى ما يبن يسرحن صوبنا حياهم لله ترانى بمثابه ابوهن
بوصالح: تسلم و لله يا اخوى باجر على الغدا يايينك ان شاء لله
بو سالم: ان شاء لله يا خووى بترياك
بوصالح: فمان لله
بوسالم: لله يحفظك
سكر بو صالح عن اخوه ورجع يرمس بناته
خلود: شو قال عمى
بوصالح: اتزهبن باجر و بنسير بعد صلاه الجمعه بمر عليكن و بنسير
مريوم: ان شاء لله يابووويه
::++يدخل عليهم صالح::++
صالح: السلام عليكم
الكل: و عليكم السلام
بوصالح: هايولدى من وين يايي
صالح: ياى من صوب الربع ابوويه انا بسافر ويا سالم ان شاء لله
بوصالح: وين ؟؟!!
صالح: بانكوك
مريوم+خلوود: بانكوووووووووك
صالح: هيه بانكوك عندكن مانع
خلود: عشتوا سمعوا انتوا وين يبا يسافر
صالح: شو اخت خلود اشوفج اتمانعين
خلود: بقولك شى بانكوك مب حق الشغل انزين
صالح: لا و لله حق شو عيل
خلود: مابرمس احسن لى بدالى ما تينى ضربه تفقدنى الذاكره
مريوم: هههه انزين سكتى عنلاتج
بوصالح: اشعندك اهناك
صالح: شغل ابوويه بسير ويا سالم
بوصالح: سير وين ما تبا ....
صالح: ان شاء لله (يدور مفتاحه ) وين مفتاحى
خلود: سافر بانكوك
يالله ابي ردود عشان اكمل:fish: