عفوا وراح اضع التكملة
وارجو التثبيت
صالح: قسم بالله اذا ما سكتى بفرج باى شى عدالى
بوصالح: اضربها اشوفك ما اقص ايدينك
صالح: ا تشوف لسانها
مريوم: ما عليك منها تراها الا دلوووعه
صالح: صدقج و لله محد عاقل غيرج انتى يامريوم يالله بخليك
بوصالح: وين
صالح: مواعد الربع فمان لله
خلود: يعرف لله بعد
بوصال: بس يابنتى هذا و انا حى مايروم لج بعدين بيقطعج لو مت
خلود: مايقدر
مريوم: بسج انتى حش فى اخوج
خلود: شيخ الرياييل سعيد بن محمد وصل
بوصالح: وانا اشهد
::++يدخل سعيد::++
سعيد: السلام عليكم
الكل: و عليكم السلام
سعيد(قعد عدال ابووه و حب راسه): شحالك طويل العمر
بو صالح: بخير ياولدى
سعيد: هاشحالكن بنات
مريوم+خلود: بخير ربى يسلمك
سعيد: الحمدلله
بوصالح: باجر بنسرح صوب عمك بوسالم
سعيد(تذكر شيخه): اشعنه
بوصالح: البنات يبن يزورن بنات عمهن و مناك بنتغدى عندهن
سعيد: تمام عيل
بوصالح: هايولدى اذا مب عايبنك ما بنسير
سعيد: افااا عليك يابوويه شو هالرمسه هذا بحسبه بيت ابوهن ونحن مانرد عيالنا عن اهلهم
بوصالح: تسلملى و لله
سعيد: صالح دخل البيت
خلود: دخل و طلع
سعيد: وين سار
مريوم: على ما اظن يجهز اغراضه حق السفر
سعيد(مستغرب): وين بيسافر ؟؟!!
خلود: بالله عليك اخووك بيسافر بانكوك
سعيد: بانكوك مره و حده حشى خووويه مب صاحى و لله
خلود: مب صاحى من زماان
بوصالح: يالله بقوم انا عنك بسير ارقد باجر اتجهزن يابنات
خلود+مريوم: ان شاء لله ابووويه
سار بوصالح غرفته علشان يرقد و سعيد قعد مع البنات ...
سعيد: ايييييييييه يا ام لسانين منو قالج
خلود: طال لله بعمرك بنفسه اخوك قال
مريوم: شوفيها بانكوك انزين ؟؟!!
خلود: حليلج انتى و لله مب فى العالم
سعيد: هههههههه قولى شو فيها الحين لا احط لسانج فى جدر
خلود: لله يسلمج كلها امراض و خاصه لايدز
مريوم: بسم لله على اخوويه من هالمرض
سعيد: صبرى خليها تكمل انتى بسم لله الرحمن الرحيم مره و حده
خلود: انزين (تثاوب) نعست و لله اريد انااااااام
سعيد: انزين سيرى رقدى
خلود(وقفت): يالله برايكم
مريوم: صبرى بسير وياج حشى و لا كملت سالفه بانكوك
سعيد: خليها على لله انتى بس هههههههه سيرن رقدن
مريوم: هههه ان شاء لله تصبح على خير
سعيد: تلاقين خير (يطالع خلود) ايييييييييييه حد يرقد وهو اقف
خلود: تشوفنى رقدت بس جذيه حاطه راسى على الباب
سعيد: ههههههه يالله سيرى
سارن البنات يرقد اما سعيد قعد على الكرسى ويتذكر شيخه يا سلام اول مره اشوفها بها الجمال و لله انها حلوه حليلها استحت منى و لله ( باتت عيونى عيونى حيل تذرف ....لين النهار و النهار بين بشوف ..من علتى علتى و الجسم يرجف فى داخلى داخلى يتزاحم الخوف ) طلع من الصاله و افكاره تروح وتودى صوب شيخه .........
الجزء الثالث
::++يوم الجمعه فى بيت بو سالم::++
ام سالم: بوسالم
بوسالم: هاااااه
ام سالم: بغيتك بسالفه قبل لا تدخل على العيال
بوسالم(خايف): صار شى
ام سالم: ماصار شى
بوسالم: عيل
ام سالم: بخبرك ولدك فيصل يريد يخطب
بوسالم(فرحان): لا و لله ترمسين صدق منو يبا ماقالج؟؟!!
ام سالم: قالى عنى ما اخلى منه
بو سالم: منو يريد قولى
ام سالم: يريد مريم بنت عمه محمد
بوسالم: لله يبشرج بخير و اليوم هم ياينا على الغدا برمس ابوها و بنتشاور
ام سالم: ان شاء لله بس لا ترمس جدام العيال الحين سو عمرك ماسمعت شى
بوسالم: ان شاء لله
دخل بوسالم الصاله وكانوا فيصل و سالم و خالد و حمدان و شيخوه قاعدين
بوسالم: السلام عليكم
الكل: و عليكم السلام (ساروا يحبون راس ابووهم )
ام سالم: عيل وين هندوه
شيخوه: راقداه
ام سالم: عنلات العدو سيرى وعيها عيال عمكم بياييون اهنيه حشى الساعه 11:00 متى تريد تنش هذى
شيخوه: ان شاء لله بسير
::++سارت شيخوه توعى اختها ::++
سالم: حمدان شو رايك انسير بانكوك
يلتفت فيصل يطالع حمدان للى منزل راسه: لا مب ساير
سالم: اشعنه مب انته تحن على اريد اسافر
حمدان: اريد اقعد عند قوم ابووويه محد عندهم
سالم: عندهم فيصل و خالد
حمدان: فيصل مب طول الوقت اهنيه فى الدوام و خالد فى الجامعه
خالد: غريبه انته مب حمدان للى اعرفه شو مسويلك غسيل مخ (يضربه فيصل على ريله) اااخ
حمدان: مافينى شى انا مثل ماكنت
فيصل: تعال حمدان
حمدان(يرتجف): هاااااااااااااااه
فيصل: شو فيك خايف تعال اهنيه اباااك
حمدان(وقف جدام اخوه فيصل): هاااااه شوو
فيصل: اندوك مفتاح سيارتى
حمدان(مستغرب): ليش
فيصل: بسير ويااك المسيد (يبتسم)
حمدان(يبتسم): ان شاء لله
خذ المفتاح من ايد فيصل و هو فرحان و مستانس وشغل السياره ورجع ....ودخلت وياه شيخوه الصاله
ام سالم: وعت اختج
شيخوه: هيه الحين بتنزل
بوسالم: عيل وين نوره و عبدالله
سالم: فووق
::++تدخل نوره مع ولدها::++
نوره: نسمع صوتك عمى
بوسالم: سمعتى صوت الجنه ان شاء لله
نوره: امين
عبدالله: بابااااااااااااااااااااااااااااه ( يسير صوب ابووه للى وقف) باباااااااااه وين
سالم: بسير اصلى سير عند ماماه
بوسالم: جيه بعدها الصلاه
سالم: انا بسير (شاف ان عبدالله متعلق فى كندورته) سير عند امك مب فاضلك
فيصل: حرام عليك هذا ولدك
سالم: ادرى مب محتاج منك تنصحنى
نوره: عبوود حبيبى تعال
عبوود: مامااااه اريد باابااااااااااااااه (برطم)
سالم: اوووهوووو (يشل عبدالله ويحطه جدام نوره ويطلع من الصاله)
ام سالم نزلت راسها وبوسالم قعد يطالع سالم بنظره غضب ياويلك من لله يا سالم ...
نوره: بس عبدالله خلاص ما عليه
عبدلله: مامااااااااااااااااه اريد الووح مع بابااااااااااااااااااااااااااه (ويصيح)
خالد: حبيبى عبوود تبا تسير مع عمى خالد الدكان
عبدالله يرفع راسه و الدموع على خده الوردى : هيه اريد
خالد: يالله تعاااااااااااااال اشووف
عبدالله(يبتسم): اااااااااااااااااااااااااااااااه عمى
فيصل: انا منوووه
عبدالله: عمى فصولى
حمدان: ههههههه زين ماقال فضولى
عبدالله: انته عمى حمدانيو
شيخوه: فديت روحك انا
بوسالم و ام سالم ردت البسمه لهم بعد ماشافوا اشكثر عيالهم يحبون يهتمون فى عبدالله المسيكن للى ما يهتم فيه ابووه و لا يسال عنه دخلت عليهم هندوه و هيه حالتها حاله
هندوه: يالله حد يوعى من الرقاد جذا تو الناس
ام سالم: انتى ما تخبرينى كيف ترقدين لين الحين
هندو: شو وراى انزين لا عيال لا ريل و لا شى
بوسالم: ههههههههههه و لله انج
فيصل: باجر يوم بتعرسين شو بتسوين
هندوه: يارب اليوم قبل باجر
خالد: ههههههههه خيبه ملغوثه الاخت على العرس
فيصل: لله يعينه للى بياخذها
بوسالم: يالله يا عيالى انسير المسيد
الكل: ان شاء لله
بوسالم : ما اوصيج يا ام سالم اليوم بوصالح بيتغدى عندنا جهزو الغدا
ام سالم: ان شاء لله
طلعوا الرياييل يصلون فى المسيد و الحريم فى البيت صلن صلاه الجمعه و رتبن الغرف و الصاله لانهم يعرفون عمهم بيسير ويا ابوهم العزبه ...
شيخوه: اماااايه خبرتى ابووويه
ام سالم: هيه نعم بس دخيلج ما تقولين حق ام لسانين
شيخووه: ان شاء لله هههههه
هندوه: شو ترمسون عنى اسمع ترانى
ام سالم: محد رمسج عنج
هندوه: هيه انزين
شيخوه: اماااايه شو فيه حمدان
ام سالم : و لله ما ادرى يابنتى شو فيه خايفه لا صار فيه شى و انا ما ادرى
شيخوه: امااايه ما بيصير فيه الا كل خير
نوره: خالو
ام سالم: عونج يابنتى
نوره: خواتى بايين
ام سالم( و هيه اطالع الحزن فى عين نوره): هيه يابنتى
نوره: زين و لله
شيخوه: وين عبوود
نوره: سار مع عمه خالد
ام سالم: احسن له و لله
نوره: خالوه عندج صابون يديد مب مستخدم
ام سالم: هيه يابنتى بس حق شو
نوره: اريد احطه فى شنطه سالم
ام سالم(تقول فخاطرها كم بتصبرين يابنتى ): ان شاء لله الحين بقوم
نوره: و لله ما تقومين الحين بزقر مينتى بخليها تيبهم
ام سالم: بارك لله فيج يابنيتى
بعد ماخلصوا عربنا من الصلاه كلهم ساروا بيت بوسالم الرياييل فى الميلس و الحريم فى الصاله ...بس سالم مو موجود لا هو لا صالح كلهم عند ربيعاتهم.....
ام سالم قعدت اطالع مريم بدون ما تنتبه : و لله وصدق عرفت تختار يا فيصل
نوره: خالوووه
ام سالم: نعم يابنيتى
نوره: خذت مينتى الصابون
ام سالم: ماعليه يابنتى
شيخوه: شحالج مريوم
مريوم: بخير ربى يسلمج وينج انتى
هندوه: انتى ما تنشافين صح خلود
خلود: هههههههه و لله شو مركبه عاكس هوه
هندوه: لا مب جيه بس محد يشوفكن
خلود: موجودات الغاليه
هندوه(تهمس لها): شفتى حمدان
خلود: لا ماشفته عساه بخير (ترفع صوتها )
هندوه(مرتبكه): بخير ربى يسلمج
ام سالم: عن منوه تنشدين
خلود: ماشى اسال عن عيال عمى شخبارهم
ام سالم: بخير يعلج الخير ياربى
مريم ابتسمت فى ويه اختها خلود ..الا و اشووى حمدان داخل البيت و هو يغنى وشال البقعه فرحان لاخر درجه
((يا كيف نامت عيونك و انته ظالمنى و انا عيونى تعاف النوم لو تزعل اسهر و قلبى لاجل عينك يخاصمنى كانى انا للى خطيت و لازم اتحمل كانى انا للى خطيت و لازم اتحمل ) خلود تغشت ...ودخل حمدان الصاله
حمدان: السلام عليكم
الكل: و عليكم السلام
حمدان: ليش متغشيه (يكلم خلود)
خلود:...........................
ام سالم: شوفيك برايها تتغشى
حمدان: شو شايفتنى دريول تتغشى عنى
شيخوه: يمكن البنت تستحى
حمدان: لا و لله اخت خلود
خلود: شووووه
حمدان: بسم لله الرحمن الرحيم ما احيدج ترمسينى من طرف خشمج
خلود: كيف تبانى ارمسك من خشمى يعنى
ام سالم: هههههههه غربلات بليسكم شوفيكم انجلب حالكم جذيه مره و حده
حمدان: لا و لله رمسى عدل
خلود: ياربى كيف ارمس
حمدان: قولى شخبارك ولد عمى عساك بخير مت و لا ما مت
خلود: بسم لله الرحمن الرحيم شو ماتخاف من طارى الموت انته
حمدان: كل الناس بتموت
خلود(تعق الغشوه): انته كل سؤال عندك رده
حمدان: هههههههههههههه هيه نعم طال عمرج (ينسدح على ريول امه )
ام سالم: اشكبرك و منسدح على ريلى
حمدان: خلينى قاعد حشى الحين قوم ابوويه باييون
مريوم: خلونا انسير بقعه ثانيه
حمدان: تعالى انتى وين تبين
مريوم: ما اريد اقعد انا استحى
شيخوه: من شوووه
مريوم: ما اعرف
حمدان: قعدى احسلج بعدين امااايه بتخليكن تخرفن رطب
البنات: شووووووووووووووووووووووووووووووووو
ام سالم: حسبى لله على ابليسك من ولد متى قلت
حمدان: خلينى اخوفهن
هندوه(حاطه ايدها على خصرها): انا هند بن سعيد اخرف رطب
ام سالم: ترانى كنت اخرف قبل اشعنه انتى لا
هندوه: انتوا قبل ماكنتوا فى عصر التكنوجيا
ام سالم (تفرها بالجريده): شو هالكتلوج بعد
حمدان: هههههههههههههههههههههههه اى كتلوج يابووويه حطن الغدا حق الرياييل
ام سالم: و اشعنه ماترمس
حمدان: بس جذيه حطن الغدا يالله (يطالع خلود) انتى بعد
خلود(اطالع التلفزيون)
حمدان(وقف مجابلنها): شوفيج زعلانه منى
ام سالم: ودر البنيه
حمدان: صبر امااااه خلينى اعرف زعلانه منى خلوود
خلود: لاه مب زعلانه
حمدان: زين عيل سيرى حطى غدا هههههههههه
حطوا الغدا حق الرياييل و الحريم و تغدوا و من بعدها طلع بوسالم وبوصالح صوب العزبه و الشباب دخوا البيت علشان يسلمون على ام سالم ....
::++فى العزبه::++
بوسالم: بو صالح بغيت اقولك رمسه
بوصالح: قول يا اخوى مايردك غير لسانك
بوسالم: و لله يااخوى فيصل سار حق امه يريد يخطب مريم بنتك
بوصالح: و لله يابوسالم انا ماعندى مانع امرررره
بوسالم: يعنى
بوصالح: انا موافق يابوووك اشفيك القريب احسلها من الغريب بس اترياها تتخرج وان شاء لله تخطبون
بوسالم: كفيت ووفيت يابوصالح بس لازم تشاور البنت
بوصالح: ان شاء لله بنشاورها
بوسالم: لله يرضى عليهم خلنا انسير انشووف النخل للى زرعتهم
بوصالح: يالله انزين
قعدوا بوسالم و بوصالح فى العزبه و الشباب كلهم قاعدين فى البيت يسولفون مع البنات ...بس مريوم وشيخوه قاعدات مع نوره فى قسمهم ...وخلود و هندوه يطالعن التلفزيون مع الشباب و ملانات لانهم يطالعون مباراه
حمدان: هذا مايعرف يلعب شو هذا
هندوه: انته تعرف تلعب يوم دل بيروه مايعرف
حمدان: حد رمسج
فيصل: يا اخى شو تبا فى عوار الراس
خالد: هيه و لله اسكت عنها
سعيد: هههههههههه ليش
فيصل: بس اسمع
هندوه: اخ فيصل شو قصدك
فيصل: مب قصدى شى تعالى ضربينى بعد
هندوه: انا هندوووه بنت ........
حمدان: كل ما حد يرمسها انا هندووه بنت سعيد عيل من بنته بتكونين الدريول
سعيد: هههههههههههههههههههه
خلود: ههههههههههههههه
هندوه(اطالع خلود): اتضحكين بعد
خلود: شو تبينى اسوى
هندوه: بالله عليج ما مليتنى من مجابل التلفزيون وهذيل قاعدين يطالعون المباراه
خلود: شو اسوووى يعنى اطلعهم برع الصاله
حمدان: عاشت بنت عمى
هندوه: لا و لله وين قوم شيخوه
خلود: عند نوره
فيصل: اووووووه هندوه سوى خير ويبيلى ماى عطشان
هندوه: حد قالك انى خدامه
خلود: عيب عليج اذا ماخدمتى اخوانج منو بتخدمين
هندوه: ريلى ان شاء لله
خلود: لله ينطبه من ريل (توقف ) ما عليه ولد عمى انا بقول حق مينتى تيبلك ماى حد يريد يشرب شى
حمدان: اريد بيبسى
خالد: انا و سعيد نريد عصير فراوله
خلود: ان شاء لله (تسحب هندوه وياها)
طلعن البنات صوب المطبخ ...اما باقى البنات عند نوره
::+ غرفه نوره::++
نوره: عطينى الفوطه
شيخوه: شو تسوووين ؟؟!!
نوره: فديتج شيخوه الحين بيوصل سالم و اغراضه مب مرتبينها
مريوم: حتى صالح بيسافر
نوره(اتصد اطالع مريوم): مع منوووه
مريوم: مع سالم ؟؟!!
شيخوه: شكلهم متفقين و لله
نوره: ماعلينا الحين خلونا انرتب
شيخوه: انزين
الا واشوى يسمعون حمدان للى مشهور من بين اخوانه بصوته الحلوه و خاصه يوم يدق عود ...هو قاعد فى الصاله و شال عود اخووه وقاعد يدق عليه و اول ماسمعن صوته البنات للى فى المطبخ ترابعن لين الصاله و للى فوق نزلن و ام سالم بعد طلعت من غرفتها لان بصراحه صوته يجنن و كان يغنى اغنيه لا حشى
::++:: لا حشى و لله ماجفيته ..لا و لا بنساه لى غالى وش حياتى لو تناسيته وش حل بعمرى و حالى ....و لله ان يوم لا قيته كانها الفرحه تراولى ايه احبه حيل و اغليته لانه اغلى من ذهب و ماسى ....صدنا فى الروح و لقيته و فى حنايا الروح مكانى وش لكم لو كان خليته ::++::
فيصل: روووووووووووووعه بصراحه
هندوه: اول مره اعرف ان صوت الحميدانى حلو
ام سالم: ويييه بسم لله عليك ياولدى شيخوه
شيخووه: هااا اماااااااه
ام سالم: سويلى دخون بدخن الحميدانى بشبه
خالد: هههههههههه تخاف عليه
هندوه: لا و لله
ام سالم: عين الشاب نشاب
فيصل: ههههه انزين (التفت طالع مريوم للى مب منتبه له)
شيخوه: امااايه
ام سالم: نعم يابنتى
شيخوه: باجر مابسير الجامعه
ام سالم: اشعنه
هندوه: ليش حبيبتى تخلينى بروحى شو قالولج ناطور اهناك
فيصل: بس بتسيرين (يطالع شيخوه) ليش ما بتسيرن
شيخوه: ما على دوام
هندوه(تقعد على الكرسى امبرطمه): ليش ماسويتيلى مثل جدولج
شيخوه: نذاله
نوره: وين عبدالله
خالد: راقد فى غرفه امى
ام سالم: راقد يابنتى
خالد: فديته ماخلى شى الا و اشتراه متى بيدخل المدرسه
نوره: بعد سنه ان شاء لله
الكل: ان شاء لله
نوره: بترخص عنكم ؟؟!!
فيصل: وين قعدى
نوره: ماخلصت اغراض سالم (وسارت و تبعتها مريوم وشيخوه)
فيصل نزل راسه هذى الانسانه كم بتصبر على هذا .....مر اليوم بسرعه وردوا كلهم بيوتهم ..وبوصالح كان اسعد انسان فى هذيج اللحظه فيصل للى كلهم يتمنونه يكون من نصيب الدنيا منو يقول انه بياخذ بنتى ...اول ماوصلن البيت البنات سارن غرفتهم وبوصالح قعد فى الصاله مع ولده سعيد
بوصالح: سعيد
سعيد: نعم بووويه (يعدل قعدته)
بوصالح: اليوم يو ناس يريدون يخطبون اختك مريوم
سعيد: لالالا يابوويه لا توافق محد بياخذ مريوم غير فيصل
بوصالح: هههه خلنى اكمل ياولدى
سعيد: السموحه يابوويه
بوصالح: مسموح بس للى بيخطب اختك فيصل ولد عمك سعيد
سعيد(مبطل عيونه): لا و لله
بوصالح: واشفيك صدق
سعيد: احلى خبر سمعته فى حياتى و لله
بوصالح: ها شو قلت
سعيد: الريال ما عليه كلام و انا موافق بدون ما ارد عليك بشى
بوصالح: لله يهيدك ياولدى انشاور مريوم
سعيد: هذا الواجب يابوويه صبر بسير ازقرها
طلع سعيد و خبر الخدامه تزقر مريوم .....
::++غرفه مريوم::++
كنيستا: مدااااام
مريوم: نعم
كنيستا: بابا فى يريد تحت
مريوم: يالله الحين
بسرعه مريوم لبست شيلتها البيضا و نزلت تحت ..
::++دخلت الصاله::++
مريوم: هلا بوويه طلبتنى
بوصالح: هيه نعم
مريوم: امر يابويه ادلل
بوصالح: فى ناس يبون يخطبونج
مريوم(منصدمه): شوووو بس انا صغيره
سعيد: لا تستعيلين و فكرى
مريوم: بس من قوم امنوه
بوصالح: ولد عمج فيصل
مريوم(قلبها بدق بقو): فيصل
سعيد: هيه فيصل ؟؟!!
بوصالح: انا خبرتج و اريدج تردين على يوم الاحد لانى بشوف عمج
مريوم: ان شاء لله
بوصالح: سيرى ارتاح يابنتى
مريوم: تصبحون على خير
طلعت مريوم من الصاله مب مصدقه فيصل يخطبنى معقوله وتركض بسرعه واول مادخلت فرت عمرها على السرير و فتحت شعرها الطويل للى يوصل لين الركب و شافت طيف فيصل على السطح ...مستحيل و لله مب مصدقه وتذكرت امها ...وينج يامااايه للى تبينه بيصير فديتج ياربى و تصيح
الجزء الرابع
::++السبت::++
سالم قاعد يزهب عمره علشان الطياره بطير على الساعه 12 الظهر وهو ناش من وقت اليوم ونوره قاعده اطالعه
سالم: جهزتى شنطتى
نوره: هيه
سالم: انزين
يدخل عبدالله
عبدالله: بااابااااااااااه بلوح معاااك
سالم: لا تسير معاى و لا عندك خبر اقعد عند امك
عبدالله(يتقرب من ابوه): باباه شلنى فوق
سالم: ما اروم اشلك
عبدالله: وين بتسير
سالم: بركب طياره
عبدالله: الله باباه اريد لوووح معاااااااااااك
مارد عليه سالم وقعد يكمل تعديله نزل هو ونوره للى شاله عبدالله و هو يصيح يودع اهله قبل لا يسير
سالم: يالله اخليكم مع السلامه اشوفكم على خير
بوسالم: دير بالك على نفسك
سالم: ان شاءلله
ام سالم: وهالله هالله بعمرك ياولدى
خالد: توصل بالسلامه
سالم: عيل وينه فيصل
ام سالم: سار الدوام
سالم: هيه سلموا عليه
ينزل عبدالله من عند امه ساير صوب ابووه ...
عبدالله: بابااااااااااه
سالم: هاااه
عبدالله: تعال بسرعه (برطم)
الكل قعد يطالع عبدالله هذا الصغير كيف يكلم ابووه و سالم ولا على البال ..
سالم: سير عند عمك خالد بيوديك الدكان
عبدالله: لاه اريد الوح معاك
سالم: يالله ياهذى البلشه الحين شلى و لدج
نوره: تعال عبدالله
عبدالله: لالا ماماااااااااه انا احب باااباااااااااااه اريد اروح وياه (يتمسك فى بنطلون ابووه)
سالم: سير عند ماما يالله
بوسالم: خاف ربك فى هالولد
سالم: شو تبونى اسوى
عبدالله(يصيح): بابااااااااااه لا تلوووح باابااااااااااااااه
سالم: سير عنى وصخت البنطلون
عبدالله: لالالالالالالاه بااباااااااااااه (يصيح)
نوره شلت ولدها و هو يصيح من الخارطر اشوى وبيقطع عليهم من الصياح و هذا سالم و لا على البال طلع من البيت و اتصل على الروسيه جاكلين و تقابلوا فى المطار و بالصدفه شافهم راشد للى يصير ولد خالته الوحيد وانصدم يوم شافه بس سالم ما انتبه عليه وكان هو وجاكلين يمشون مع بعض كاى عاشقين ..ولا تردعمهم العادات فى البلاد
طريق دبى العين راشد كان فى عمر شيخوه و هند يعنى فى نفس السنه بس هو اكبر بشهور..كان هو و هندوه كله ضرابه اول ماوصل العين سار بيت خالته للى هيه بمثابه امه و كلهم يعرفون ان المرحومه عندها من الذريه بس هالولد و بو سالم يحبه كانه واحد من عياله ..
دخل البيت شاف حد فى المطبخ ويوم تقرب شاف هندوه تسوى بيض
راشد: بووووووووووووووه
هندوه: ااااااااااااااااه بسم لله الرحمن الرحيم
راشد: شحالكم
هندوه: راشد
راشد: هيه راشد شو شايفه شيطان
هندوه: ههههههههههههه لا سكنى
راشد: وين خالوووه
هندوه: فى البيت
راشد: سيرى سويلى درب يالله
هندوه: انزين بسم لله
سارت هندوه داخل الصاله ...
هندووه: امااااااااااااااااااااااااايه
ام سالم: هاااااااه
هندوه: فى ناس عيونهم سود يبونج
خالد: يالله ياهالبنت حشى منوووه
يدخل راشد
راشد: انا (يدز هندوه لين ماطاحت)
ام سالم: ياويلى انا راشد (تصيح)
راشد: فديتج و لله انا خالوووه
خالد: شحالك يارياااال
راشد: الحمدلله
يدخل فيصل وشيخوه
فيصل: مرحبا السااااااااااع (يتوايهون)
راشد: لله يحيك (يطالع شيخوه) شحالج شيخه البنات
شيخه(مستحيه): بخير ربى يسلمك
هندوه: لا و لله عيل انا شو ؟؟!!
راشد: انتى هنده بالبيض
فيصل: هههههههه جنيت على عمرك
::+::يدخل حمدان::++::
حمدان: هلالالالالالالالالالا بو سنيده
راشد: هلا و لله الحيميدانى
حمدان: يااخى انته شو تبا فيها الحين شوف للسان
راشد: لاه اشوفها اطوله قسم بالله ياقطعه
هندوه: هه من تكون يعنى ؟؟!!
راشد: لا و لله
ام سالم: وابووى انا عليج سكتى
هندوه: انزين
راشد: عيل وين نوره و عبدالله
فيصل: فوق
راشد: وين سالم
فيصل: سافر
راشد: هيه (يفكر باللى شافه فى المطار)
فيصل: اييييييييه اشفيك
راشد: عن اذنكم بسير انا
ام سالم: وين بتروح
راشد: بسير ويا فيصل اريد اراويه شى
فيصل: وين توك ياى مسرع ما تبا تراوينى شى
راشد(يطالع فيصل بانه يريد يقوله شى): لا و لله فى شى لازم تعرفه
فيصل: يالله انزين
طلعوا فيصل و راشد لين الدجهجدام البيت
فيصل: شو السالفه ؟؟!!
راشد: وين مسافر سالم
فيصل: بانكوك لله يعزك
راشد: مع منوووه
فيصل: مع صالح ولد عمى محمد
راشد: تعرف انا منو للى كاسر خاطرى
فيصل: منوووه ؟؟!!
راشد: نوره
فيصل: ليش(مستغرب)
راشد: يااخى لو انا ما تهمنى مصلحتكم و سمعتكم ما رمست سالم مسافر مع وحده روسيه
فيصل(منصدوم): اشوووووووووووه
راشد: هيه وهالروسيات ما ايبن الا غير الامراض
فيصل(حط ايده على راسه): ا توقعت
راشد: انا المهم قلتلك و ما اريدك تزعل منى
فيصل: افااا عليك يابوسنيده مستحيل ازعل منك
راشد: يالله سلم على الاهل
فيصل: وين طال لله بعمرك
راشد: فينى ارقاااااااااااد
::++يدخل بو سالم بسيارته اول ماشاف راشد نزل بسرعه::++
بوسالم: ولدى راااشد
راشد: مرحبا عمى
بوسالم: شحالك بوويه
راشد: الحمدلله
بوسالم: متى رجعت هاااه
راشد: اليوم و لله ياعمى
بوسالم: ما بتدخل
راشد: لا اسمحلى عمى العيوز برووحها اهناك
بوسالم: تعال عااد نباك تزورنا
راشد: ان شاء لله عمى (يحب راس بو سالم)
بو سالم: حمدلله على سلامتك ياولدى
راشد: لله يسلمك عمى يالله فمان لله
فيصل: وداعه لله
راشد: مع السلامه
طلع راشد من بيت بو سالم اما فيصل قعد يفكر لاى درجه سالم طلع نذل معروف عن راشد مايجذب لو شو ..هذا مايفكر ان عنده حرمه ولد ويخون يالله كيف
::++فى بانكوك::++
سالم غارق بالحرام لاخر درجه يشرب خمر و يسير الديسكو مع جاكلين الروسيه ...فى مطعم تنا نتا الشهير فى بانكوك قعد سالم مع جاكلين للى كانت مب طبيعيه
سالم: حبيبى شو فيج
جاكلين: انا فى مشكله حبيبى
سالم: مشكله شو و انا احلها لج
جاكلين: فى ناس يهددونى
سالم: ليش
جاكلين: لان خرجت من روسيا
سالم: شو قالوا
جاكلين: يريدون مليونين
سالم: عاادى مقدور عليه خلينا انسير نوقع
جاكلين(تبتسم): اوكيه
سالم(يحط ايده على ايدها): حبيبى انا علشانج اسوى اى شى
جاكلين: انااحبك كتير يا سالم
سالم: انا مب بس احبج اموت فيج
جاكلين: انتوا الاماراتين من وين لكم فلوس
سالم: هههه ترانا نشتغل بعد شو
جاكلين: انا تعبانه خلينا نسير الفندق
سالم: يالله
سالم بعد ماطلع معاها حط ايده على خصرها و لايهمه شى و لا يفكر فى اهله فى الامارات غرقان غرقان بالحرام و هو مايدرى
::++فى الامارات::++
ام سالم: هندووووه و صمخ
هندوه|: هااا شو فيج
::++ينزل حمدان من فوق::++
حمدان: ما تسمعين اماااه تزقرج
هندوه: عاش دلوع الماما
حمدان: يالغياره حشى عوذ بالله
هندوه: براينى
شيخوه: شوفيج انتى على الصبح رمسى عدل
هندوه: انتى للى شو فيج
فيصل: هند عيب (يصرخ فى ويها)
هندوه(خايفه): انزين
فيصل: من اليوم وبادى اذا ما احترمتى حد واطاولتى عليه و لله ماتلومين الا نفسج
هندوه: انزين
شيخوه: فيصل لا تعصب بعمرك
فيصل: اختج خلت فينى اعصاب
ام سالم: خلاص ياولدى
حمدان: امااايه
بوسالم: ولا يزقرنى حشى
حمدان: انتوا الاثنين بغنيلكم
خالد: سمعنا يا محمد عبده زمانك
حمدان: طال لله بعمرك انا حمدان بن سعيد مب هذا محمد عبده
فيصل: انزين يالله غن
حمدان: دايم اداركم و لو طبع عنيد لوكان بحر الحب فى جزر و مد ..وشوقى عليكم دوم ما ينقص يزيد و مازال قلبى صافى العهد و الود مواعيدكم بالحيل ماهى مواعيد و بالحيل فيكم صار مايصدق الوعد كبرتوا و وفنا ولا نرجع نعيد قال المثل للى صد عنك تراى صد ..
هندوه: يا سلاااااااااااااااااااااام روووعه حمدانووووه
بوسالم: فديتك ياولدى
فيصل: يالله بسير الدوام انا
شيخووه: بالسلامه يا خوى
فيصل: لله يسلمج
طلع فيصل من الصاله و شاف نوره وولدها و حس بقبضه فى قلبه و عبدالله من شاف عمه فيصل ركض صوبه بسرعه و شله فيصل فوق
فيصل: فديت روحك ياربى انا بوسه يالله اشووف
عبدالله: امممممممممممممممممماااااااااااااااح
فيصل: ههههههه عيب شو هاااا
عبدالله: عمى بوثه
فيصل: وين تبا تسير (يطالع ملابسه) شو هذا ليش ملبسينه هاللبس
نوره: ماعنده ملابس
فيصل: عطاج سالم فلوس
نوره: هيه
فيصل: كم عطاج
نوره: 500
فيصل: لحظه (يزقر امه من الصاله) امااااااااااااااااااه
ام سالم(من داخل الصاله): ها ياولدى
فيصل: تعالى اشووويه
وصلت ام سالم لين فيصل: شو ياولدى
فيصل(معصب): هذا ملابس ياهل يده سعيد
::++من سمع بو سالم اسمه فز من مكانه وسار صوب فيصل ::+
بو سالم: شوفيك يا ولدى
فيصل: ولدك المحترم شوف شو ملبس ولده و عاطى حرمته 500 و حضرته محد يدرى متى بيرجع
نوره: بس يافيصل هذا يكفى
فيصل(معصب): لين متى انتى بتمين جذيه كل شى تسكتين عنه
ام سالم: مالها دخل ياولدى
فيصل: حمدااااااااااااااان (يصرخ)
حمدان: هااا شوووه
فيصل(عطى نوره الولد): اندوك 3000 و اشتر حق عبود ملابس اليوم
نوره: دخيلك يا فيصل ما يريد و لله مايريد
فيصل: انا بحسبه ابوووه انزين لا تردينى يانوره واندوج انتى 3000
نوره(حاطه ايدها على ثمها )
ام سالم(تسحب الفلوس من ايد فيصل): خذى يابنتى و لا تردين اخوج
نوره: بس خالووه ما اريد عليه شى و لله
بو سالم: اشهد انى ربيت ريااال ( يضرب على جتف فيصل)
فيصل: حمدان يالله شل عبدالله و امه اتشروا
حمدان: ان شاء لله (يطالع نوره) يالله
نوره: ان شاء لله
شيخوه: بسير وياج
نوره(تبتسم): انزين يالله
طلع فيصل و هو معصب من هذا الوحش الادمى سالم ما يحس فى ولده و لا يشتريله ملابس و لا ياكل نفس الناس اى نوع من الرياييل هذا سار دوامه وهو يفكر فى للى قاله راشد ...اما نوره و شيخوه قعدوا يتشرون حق عبوود من كل مكان لان فيصل قاللهم و حمدان وصل عبود الجمعيه و اشتراله كل لى يريده ورجعوا البيت و هم محملين باكياس عبدالله للى كان فرحان وطاير من الفرحه ...على الساعه 11:00 فالليل عبدالله ما يريد يرقد قعد يتريا عمه فيصل ...واشوى ويريد يرقد بس يقوم يركض يغسل ويهه علشان ما يرقد ...نوره ماقدرتله و قعدت مع ام سالم فى الصاله
نوره: خالووه شوفى عبدالله مايريد يسير يرقد
ام سالم: يا نوره خليه يتريا عمه
نوره: ان شاء لله بس خالوووه
ام سالم: لا بس و لا شى
نوره: خالووو مب جانى مثقله عليكم انا وولدى
ام سالم: اذا قلتى هالرمسه مره ثانيه بزعل عليج و لا ارمسج طول حياتى
نوره: لالالا خالوه الا هذى الرمسه
::++يسمعون صوت حمدان قاعد مع عبدالله ::++
حمدان: ليش مب رااقد
عبدالله: انا اتريااا باباه فيصل
حمدان(انقبض قلبه وكانت دمعته تنزل): ان شاء لله باباه سافر و هذا عمى
عبدلله: هيه باباه سالم ثافر و باباه عمى فيصل اهنيه (يسمع صوت سياره فيصل) عمى ياااااااااااااا عمى يااه
حمدان: هيه انزين
يدخل فيصل البيت اول مادخل شاف عبدالله يركض صووبه
عبدالله: عمى فيصل
فيصل: امووت انا شحالك حبيبى
عبدالله: عمى فيصل انا اثتريت اثياااااااااااااااااااء وااايد
فيصل: و لله شو اشتريت
عبدالله: كل شى و عمى حمدان اثترالى العاب و حواوه
فيصل(يطالع حمدان و يبتسم): و لله
عبدالله: هيه وايد
فيصل(يدخل الصاله مع حمدان): و شو بعد
نوره: انزل عن عمى
عبدالله: انا ما اليد (يحط ايده على رقبه فيصل مايريد يخليه)
ام سالم: نوره
نوره: لبيه خالوه
ام سالم: بنخطب اختج مريوم حق فيصل
نوره: و لله (اطالع فيصل)
فيصل(يبتسم): هيه و لله
حمدان: مبرووك و لله تستاهل
الا و اشووى يسمعون عبدالله يصيح ودموعه تنزل بشكل فضيع كانها نهر
فيصل: شو فيك حبيبى
عبدالله: عمى ؟؟!!
فيصل: ها حبيبى ليش تصيح
عبدالله: انته يوم بتتزوج ما بتكون عندى
الكل انصدم من رمسه عبدالله ياهل بو اربع سنوات يرمس من قلبه فيصل ماقدر يستحمل الرمسه
فيصل: منو قالك حبيبى
عبدالله: يوم بيكون عندك بيبى بتخلينى
فيصل: لا مستحيل اخليك
عبدالله: لا انته جذاب (ويسير عن عمه يصيح يركض فوق)
فيصل: عبوووود
نوره سارت صوب ولدها للى كان يركض وهو يصيح دخل قسمهم واندس ورى السرير و قعد يصيح اما فى الصاله فيصل نزل راسه و نزلت دمعته و حمدان لف يطالع التلفزيون علشان محد يلاحظ دموعه
ام سالم: ياولدى هذا ياهل
فيصل: شو ياهل يا اماايه الولد صار عقله اكبر من سنه
ام سالم: شو بتسوى يعنى
فيصل: ما اعرف و لله يا اماااايه
ام سالم: ولله ما ادرى (اطالع حمدان) حمدان ...(مايرد عليها) الحميدانى
قام حمدان للى غلبته دموعه على هالولد الصغير ومارد على امه سار فوق وهو مب حاسه بالدنيا فى ولد جذيه يا خساره فيك هالولد يا سالم
فيصل: امااايه قومى رقدى
ام سالم: ان شاء لله ياولدى
سار فيصل غرفته و هو يتذكر كلام عبدالله صح انصدم بس شو يسوووى ...قعد على الكرسى و مسك تلفونه و اتصل على سالم ..
تووووووووووت توووووووووووووت
سالم: مرحبا ؟؟!!
فيصل: السلام عليكم
سالم: و عليكم السلام شحالك فيصل
فيصل: بخير ربى يسلمك وصلت
سالم: هيه و صلت
فيصل: زين و لله حمد لله على سلامتك انته و صالح عيل وينه اريد ارمسه
سالم(مرتبك): طلع اييب غراض و باييى
فيصل: هيه زين عيل سلم عليه ومتى بترجعون ان شاء لله
سالم: ماادرى و لله على حسب
فيصل: يعنى كم بتقعد ؟؟!!
سالم: شهر بالكثير
فيصل: ايووا تتحسب عمرك عزوبى
سالم: ردينا للكلام للى ما احبه
فيصل: جاوبنى
يسمع صوت حرمه تزقر سالم و للى غيض فى فيصل اكثر وسالم سكتها
سالم: انزين فيصل سلم على الوالده
فيصل: من عندك
سالم(منحرج): لالالا محد عندى
فيصل: شو هالصوت عيل
سالم: تلفزيون
فيصل: اقول براايك اريد ارقد
سالم: مع السلامه
سكر فيصل التلفون و هو متاكد اميه بالميه ان سالم مع وحده قعد يفكر شو هالانسان صدق انك نذل ياسالم و لله نذل رقد فيصل على الكرسى و دموعه ماقدر يقاومها ....
::++فى قسم نوره::++
نوره: عبدالله حبيبى يالله قوم
عبدالله: .....................
نوره: شو فيك حبيبى انسير نشترى حلاوه
عبدالله(يطالع امه امبرطم): لا ماليد
نوره: يالله البس عمى تحت
عبدالله: انزين
نوره: هااااااااااااااات ايدك
عبدالله: اندوووج
نوره: اوووووووووووباااااااااااااااه فديتك انا (تحب خده)
نوره لبست عبدالله كندوره سوده وقعدت اطالعه و هو يتعطر وشافت فيه انه يشابه ابوووه سالم يتعطر من عطره ويمشط شعره من مشطه بعد ماخلص شاف صوره ابووه تقرب منها
عبدالله(يمسك الصوره يحطها على صدره): احبك باابااااااااااه (يبوس الصوره)
نوره(نزلت راسها ): يالله حبيبى
عبدالله: ان شاء لله
نزلوا فى الصاله شافوا الكل قااعد حتى راشد كان موجود بس مالحقوا على بو سالم وبوصالح لانهم سرحوا صوب العزبه ...
نوره: السلام عليكم
الكل: و عليكم السلام
فيصل: عبوود تعال صوب عمى يالله
عبدالله(منزل راسه يطالع عمه)
فيصل: خلاص بسير ماباييى يالله امااايه جهزيلى الشنطه
عبدالله: لالالا
فيصل: تعال
خالد: تحبنى انا عبوود
عبدالله: هيه كلكم احبك حتى راثيد
راشد: فديت ويهك ياربى
فيصل: يالله تعال
ركض عبدالله صوب عمه وقعد جدامه : عمى ريحتك حلوه
فيصل: هههههه شو كنت اتشمنى ريحتى خايسه
شيخوه: شو نوع ريحه عمووه فيصل
عبدالله: ما اعرف
حمدان: اندوك جلكسى تباااا
عبدالله(يهز راسه بالايجاب)
خالد: راشد
راشد: شووو
خالد: شوف شو بسوى
راشد: انزين
خالد: انا فيصل حقى انا
عبدالله: لالالاه حقى انا
خالد: لا مالى انا سير انته عند حمدان
عبدالله(امبرطم): لالاه هذا حبيبى انا
فيصل: بس لله يهديك شو فيك
خالد: لا ماشى انزين
ام سالم: فيصل
فيصل: لبيج
ام سالم: عمك بوصالح رمسك ابووك اليوم و البنيه موافقه
خالد: مبرووك
فيصل: صبر شو يعنى
ام سالم: يعنى خلاص بنخطب لك مريوم
عبدالله: شوفيها خالووه مريوم
نوره: بتصير حرمه عمى
عبدالله: شويعنى حرمه عمى
شيخوه: يعنى عمى فيصل بيتزوج
عبدالله(قام من جدام فيصل)
فيصل: تعال وين رايح
عبدالله: ماااااشى بقعد اهنيه
فيصل(قلبه يعوره): تعالى عندى
عبدالله: لالاه مابااااا (عيونه تلمع من الدموع)
فيصل: لله يهديج ياماايه الحين لازم ترمسين
شيخوه: حبيبى خالوه مريوم تكون اخت ماماا
عبدالله: ماباااااااا(تنزل دموعه)
فيصل: حبيبى عبوود تعال بنسير الدكان
عبدالله: مااابا(سار صوب حمدان ولوى عليه)
حمدان: حبيبى خلالاص
عبدالله: عمى حمدان انته لا تخلينى
حمدان: منوه بيخليك
عبدالله(يطالع عمه من طرف عيونه البريئه للى تنزل دموع): عمى فيصل
فيصل: انا بقعد اهنيه مابروح مكان
عبدالله(يلف ويهه صوب اليدار يصيح)
نوره: شو هالحركات عبدالله عيب عليك
عبدالله: مابااااااكم ما احبكم (يصيح ويطلع من الصاله)
طلعت وراه شيخوه و مسكته وساروا صوب الحديقه للى ورا يلعب بسلحفاته للى يابها له فيصل
عبدالله: عموووه سيخوووه
شيخوه: هههه قول شيخوووه مب سيخوووه
عبدالله: عمى فيصل يحبنى
شيخوه: هيه وايد يحبك
عبدالله: قولى و لله
شيخوه: و لله منو يابلك هذى السلحفاه
عبدالله: عمى فيصل
شيخوه: حلوووه
يا لله اريد اشوووف تعليقاتكم يا حلوووووووووين
الجزء الخامس
قعدت شيخوه فى الحديقه مع عبووود و الكل فى الصاله صابه هدؤ رهيب من بعد ماطلع عبدالله
ام سالم: فيصل جيه ما عليك دوام
فيصل: عليه
ام سالم: هبابك لين تسير
فيصل: ان شاء لله اذا احتجتوا شى اتصلوا فينى
ام سالم: ان شاء لله
الا و اشووى يدخل سعيد بن محمد سيارته وشاف وحده قاعده تلعب عبدالله دقق فيها شافها شيخوه و تم قلبه يدق بقوه ياسلام على هالغرشوب نزل من سيارته وتغشت عنه شيخوه
سعيد: السلام عليج بنت عمى
شيخوه: و عليكم السلام
عبدالله|: اشحالك خالى
سعيد: بخير يا عيون خالى (يطالع شيخوه) حد فى البيت
شيخوه: اخوانى اقرب ولد عمى
سعيد: ان شاء لله بس سويلى درب
شيخوه: ان شاء لله
شلت شيخوه عبادى وسارت داخل و خبرت اهلها ان سعيد ولد عمها برع ...
سعيد: هوووود
فيصل: هدااااااااااا يا سعيد البيت بيتك
سعيد: تسلم و لله
ام سالم: شحالك ياولدى
سعيد: و لله بخير خالوووه
خالد: سعيد هذا ولد خالتى راشد
سعيد: جيه اعرفه الريااال شحالك بوسنيده
راشد: بخير يعلك الخير
سعيد: جيه وينك محد سمع عنك و لا شى
راشد: شو اسووى انشغلت بالعيوز
سعيد: هيه حليلها
سارت شيخوه صوب المطبخ تعدل الفواله و حطت الكيك للى سوته ووصلت صوب الصاله وقربوا الاكل
سعيد: انا مب ياييى اكل
ام سالم: وابووويه عليك انا و لله انك يا تتقهوى
سعيد: خالووه فديتج انا مب ياييى اكل قلت امر اسلم عليكم
نوره: ماعليه ياخووويه
سعيد: شحالج انتى
نوره: بخير
سعيد: انتى امرره حالج مب عايبنى
نوره(مرتبكه): ليش
سعيد: عنبوووه جيه الا من اربع سنين معرسه و حالتج تقولين عيوز مخرفه
شيخوه: حراام عليك ياولد عمى بعدها شباب
سعيد: اووه نسيت ان عندج محامى ههههههههههه
::++تدخل هندوه::++
هندوه: السلام عليكم
الكل: و عليكم السلام
ام سالم: شيخوه يابنيتى الشمس من وين شرقت اليوم
حمدان: ههههههههههه من الشرق
هندوه: شو فيكم
راشد: مافينا شى ..!!
فيصل: عيل بترخص انا منكم بسير الدوام
ام سالم: مرخوص ياولدى
فيصل: يالله مع السلامه
عبدالله: عمى فيصل
فيصل: عونك
عبدالله: اليد حواوه
فيصل: ان شاء لله من هعالعين لهالعين
عبدالله: تعال
فيصل: شووو
عبدالله: بوووثه
فيصل تقرب من عبدالله للى باسه على خده قبل لا يروح ....رجع وقعد عدال امه اما فيصل قعد يطالعه وهو اشوى بيصيح طلع من البيت ساير الدوام ....
تمر الايام و الشهور وسالم بعده ما رجع من السفر و تقرر يوم الخطوبه للى كان يوم الخميس و عبدالله طبعا كبر و كبر حبه لعمه ...........
::++يوم الخطوبه::++
ام سالم: هندووه واحطبه
هندوه: ها شوفيج ياامااايه
ام سالم: استعيلى اختج تتريانا تحت
هندوه: منو بيودينا
ام سالم: راشد
هندوه: ليش راشد يعنى ؟؟!!
ام سالم: بسج و لله
هندوه: ها نزلت
::++دخل راشد::++
راشد: خالووه يالله اتصلوا من بيت خالى بو صالح
ام سالم: يالله خلصت
راشد: ها شيخه البنات خلصتى
شيخوه: هيه نعم ؟؟!!
نزلت هندوه
هندوه: صبرووووووووا
راشد: يالله انزين
ركبوا كلهم فى سياره راشد الاستيشن الاسود عليها مخفى اسود ما ينشاف منو للى فى داخله فى السياره هندوه محتشره تريد تسمع شريط و امها ما تريد
هندوه: عنبوووه حط اى اغنيه
راشد: هههههههههه شو تبين احطلج انزين
هندوه: اى شى حط حمد العامرى
ام سالم: يعله يكون ريلج
هندوه: لا و لله اسمع كيف تدعى علي
راشد:خلاص مابحط
ام سالم: حطلها يابوووك
راشد: ان شاء لله
شغل راشد الشريط على اغنيه حمد العامرى احبك
انتظر ردودكم