تعالوا نشوف وش بيصير في العرس

[عيون الخير]

تعالوا نشوف وش بيصير في العرس :

# العروسة من الساعة 7 الصباح بتتوجه الى الكوافير ومابتخلص الا

الظهر او العصر.

العروسة : يله بسرعه خلوني اروح الاستيديوا

قبل الزحمة .........

خواتها : يله نروح ......................( وبتشك لك ديك الصور حوالي 15

ومافوق صورة ) " شوف عاد كم بيطلع المبلغ

# الحين المعاريس بدأو يتوجهون الى الصالة ،، وهناك تقوم العركة مع

حارس الصالة وبيدور الحوار كالتالي :

*المعازيم : جايين وكل وحده معاها بطاقتها بأسمها .

* الحارس : وين داخلين ؟ ممنوع دخول الأطفال ...........

*وحده من المعازيم صاحبة الطفل: بس هو صغير عادي .

* الحارس : لاياحجية مايصير على ماأعتقد

مكتوب في البطاقة " ممنوع

اصطحاب الاطفال ونوماً هنيئاً"

* احدى المعزومات : يله ياحجي دخلها رحم الله والديك"

( في النهاية اذا كان الحارس طيب بيدخلها واذا كان لا بتضطر الحجية

ترجع بعد مامشى عنها الا جابها

#العروس الساعة 11 مساءً توها

جاية من " الكوافير " بعد مادفعت " الف

ريال " على روحها . ( ماصارت هذي خربوشتين

بتحطها ) :blush:

#يله الحين العروس توجهت الى الصالة ............
#اهل العرس : يله ياجماعة الخير الكل

يشيل اولاده عن المسرح

العروس وصلت ....................

# تدخل العروس ،،،،،،،،تطفىء الأنوار يخيم الصمت على الحضور

وتنطلق العين نحو العروس في ذهول ...........

# احدى المعازيم : شوفي فستانها يفشل ........

# الاخرى : اي والله ماعندها ذوق .

# اخرى : لا اني عندي يمشي حالة .

# الاولى : بس تسريحتها حليوة مع المكياج ...............الخ

( لو نجلس من هني للصبح مابنخلص من تعليقات المعازيم )


#بعد ماتوصل العروس وتجلس الحين يبتدي الشغل ........يبداً التصوير

الفوتوغرافي ، والفيديو ............." لين ماتقول بس

# الساعة 2 الفجر ..........يبدأ اخوة العروس يدقون على خوات

العروس ( يله نبغا ندخل المعرس )

أهل العروسة : لاماخلصنا بعدنا مستانسين بعد شوي .

# المعرس : بس انا نعست يله بسرعه ولا باروح البيت

# اهل العروسة : لا اجلس تسلى بره شوي ........( يعني بيظل الى

الساعة 3 الفجر مثل لين ماياخذ له غفو )

# اهل العروسة : طق طق طق

# المعرس يرد : الوووووووووو

# اهل العروسة يله جاك الفرج ادخل . ( [

]مسكين ماقال بيجيه الفرج)

# اهل العرس : يله تغطوا ياجماعة المعرس بيدخل .......

# المعازيم : يؤ يؤ الحين بيدخل وين بوشيتي ؟

# الثانية : اني مابتغطى هو بيطالع

في عروسته لو بيطالع في

؟؟؟؟؟؟؟؟؟؟؟؟؟؟؟؟؟؟؟ لاتعليق .

#الثالثة : اووووووووف الحين عاد اذا دخل المعرس بنخلص احنا ؟

احنا نبغا متى بس يفتحوا هالبوفيه نبغا ناكل ونروح البيت ،،،،،

#الاخرى : اي والله متى ناكل ابغا ارجع البيت

قبل لايطردني زوجي .

( ماعليكم الحريم لايخافوا لا من رجال ولا من غيره

#دخل المعرس : يمشي المعرس وبجنبة امه او اخته على المسرح

عيونه محتارة " تروح يمين ولا يسار " ولا يخلي عيونه على عروسته؟

# يمشي يمشي لين مايوصل الى عروسته بعد " جهد وجهيد "

#وصل المعرس : يرفع الحين هو طرحة العروسة ويقبلها في جبينها

" على فكرة مو الكل يقبل العروسة في جبينها افهموها انتون عاد"# شوي الا دخل ابو العروسة .

# شويتين : دخلوا اخوة العروسة .

# بعد ثلاثلا شويات: دخلوا ولا د عم

العروسة ، واولاد خالتها وعمتها

..................زالخ ( يمكن حتى اولاد الجيران يدخلوا )

# وبعد هذا اللقاء الحافل وبعد مايسلموا جماعة الخير الا دخلوا على

العروسة ،، هني يبتدي الحفل ،،،،،،،،،

# تدق الطقاقة: اغنية (( يادار لاهنتي ولا

هان راعيش )) ويبتدي

الرقص الا على اصولة بعد ماينخلط المسرح " اولاد وبنات "

((هذي تمسك ايد ولد عمها وذيك ايد ولد خالتها والثالثة ايد خطيبها ))

؟؟؟؟؟؟؟؟؟؟؟لاتعليق .............

# احدى الحاضرات : شوفي شوفي هذاك الولد كشخة.

# الثانية وذاك بعد احلى شوفي رقصته.

# احدى الحريم : يله عاد خلصوا رقص نبغا ناكل ....(( مصرين الحريم

مايطلعوا الا بعد ماياكلوا ))

#الحين الساعة 1000 : يله يامعازيم البوفيه

جاهز ........

# احدى الحريم : اشوة ماقلنا بنقوم ناكل

متنا جوع ......(( يعني احد

ضربش على ايدش تجلسي الوقت هذا كله ))

#الجميع متجه الى البوفية : وهنا تعلن الحرب بين هذي

وتلك .......كيف؟

1 : يؤ وش هالصفاعة شوي شوي .

2 : انزين احدة داس لش على طرف .

3: صلوا على النبي يله اكلوا وانتون ساكتين .

ويبدأ الطمع هني :

(( كل وحده ماتخلصي ولا صنف الا تجيبه اليها وفي الاخير تشوف

لصحون ماتغيرت .))

# وحده من الحريم : يؤ اني اشوى جبت لي

صحن سفري باشيل لي

اكل والى زوجي "" هههههههه هذا اذا شفتي داك الزوج مسكين

اتخيل مابتوصل الا زوجها راح الدوام ""

اي نكمل : وباشيل لآولادي وشغالتي

وجيراني

# وينتهي العرس على خير والساعة وصلت (( 2000 ))
#واصحاب المكروباصات ينتظروا برا مساكين ونايمين داخل السيارات

والكل يتوكل على بيته بعد انتهاء الحفل الميمون .

********************

مبرووووووووووووووووووك

**********************

اتمنى اني مااكون اتثاقلت عليكم مع اني طولت عليكم بس هذا

السيناريوا الا يحصل في كل زواج حالياً ..............




وبعد مانشوف تعليقاتكم عن سلبيات الافراح اليومين دول لنا وقفة اخرى معكم .




منقول لعيونكم الحلوة


ختكم في اللــه ..

عيــون الخــير ..

[cool]

أنا أنقهر لأن لين النسوان يتأخرون عادي ،، لكن الصبيان مساكين من تجي الساعة عشر إلا التلفون يرقع & يالله أرجع تأخر الوقت &
القهر هم يتأخرون إلى الساعة 1 الليل عادي

[الجبيليه]

من يقول نتأخر براحتنا؟

الا ساعات حتى مانلحق حتى نشوف العروس الا والمطاريش تنادي يللا ويللا

بكره ورانا دوام ... كأنه بس هم اللي يشتغلون ...

والله حاله

الجبيليه

[همس الورود]

هههههههههههههههههههههههههههههههههه
مساكين
بس مو كلهم
هههههههههه
في عرسي بعزمكم
بس مو تسون مثلهم
ههههههههههه

[CuTe FrIeNd]

خخخخخخخخخخخخ

حليو موضوع اختي عيون الخير تشكرين عليه خخخ

مثل ما قالت اختي الجبيلية احنا بعد ما يرضون هالينا نتأخر حدنا للساعة 12 خخ

أختكم
cute friend

[warm snow]

هههههههه

كول من قال 1 الا 2 او ثلاث له

ههههههههههههههههههههههه


بس حلو يعني سهر من الجماعة

[حشرجة الروح]

من المفترض ان تكون هذه الليله ليلة " مباركة" الا اننا في هذا الزمن تحولت الى ليله" شيطانيه" وملعونه من كثرة المعاصي التي بها .....