يوميات بحراني

المغرم · 18-02-2006, 08:52 PM

مرحبا اخواتي واخواني اعضاء عالى نت هذه مشاركة الى احد الاخوات في منتدى كرزكان اسمها ملاك الروح من تأليفها و احببت تقرونها لاني جدا معجبه بالاسلوب العامي الا استخدمته والا انعيشه نحن في بيوتنا اترككم مع القصة ..

الشخصيات:
محمد (بطلنا) عمره 21سنة, مريم 17 سنة(( أخت محمد)) ثانوية عامة , علي عمره 27 سنة (( أخ لمحمد وهو متزوج)) , فاطمة 23 متزوجة , هدى 25 سنة متزوجة .

يوم السبت الضهر (الساعة 4:30 )
جاي محمد من الشغل
محمد: اماااااااه
الأم : هاااا وش تبغي يا ولدي
محمد: ابي أعرس
الأم: أشوف طالع لينا بطلعة جديدة , ومن وين ليك البيزات؟؟
محمد: الجمعية ألي بتطلع ليي له
الأم: متفاءل الولد عبالك جم جمعيتك 1500 دينار ما تزوج هادي
محمد: انزين خل أبويي يساعدني
الأم : وأبوك من وينه ليه يا حظي
محمد: بيزات التقاعد له
الأم: وإذا عطاك بيزات التقاعد إحنا من وينه ناكل
محمد: اووووووووووووهو لا تصكينها في وجهي أنا ابي أعرس يعني ابي أعرس
الأم: والله روح قول إلى أبوك ها لحجي

بدخلة مريم توها قاعدة من النوم
مريم: هااااااا تحشون عليي ها من دخلت سكتون
محمد: قلبي وجهش أنتي الثانية
مريم: سكت انت والي يعافيك معروف بوزك كلش ما ينقط عسل
محمد: شكلش ناوية على سطار
مريم: اماااااااااااااااااااه شوفي ولدش متحجج
الأم: ما عليش منه أنتي سكتي ولا تحشرين روحش فيه
مريم: اففففففففف هالبيت ما ينقعد وياهم
محمد : ها اماه وش قررتين أحين
الأم: أني والله مالي دخل عندك حجي روح كلم ابوك
مريم: عن ويش؟؟
محمد: اقوليش انتين حدش فضولية عمرش ما بتصيرين عاقلة
مريم(( وهي قايمة عن الكف لا ينطبع في خدها)): ويه عشتووووو ماااااااااااالت عليك
وتركض مريم صوب حجرتها ودخلت وفتحت النت وبطلت المسنجر

(( مريووووووووم الحلوة)): هلا ام عباس شخبارش وحشتيني
((جااك الموت يا تارك الصلاة)): عباس رجلش اني مو قايلة ليش لا تناديني بهالاسم وبعدين وين وحشتش الا من ساعتين مفارقتنش في المدرسة.

((مريوووووووم الحلوة)): بعد احبش اموت فيش خخخخخخخخخخ

((مريوووووووم الحلوة)): الا بقول وش غداكم؟؟ احنا غدانا سمج ما تغديت

((جااك الموت يا تارك الصلاة)): حرة غدانا مجبوس دجاج

((مريوووووووم الحلوة)): يالخاينة قولي تجيب صحن حق بت جيرانهم نامت من دون زحير

((جااك الموت يا تارك الصلاة)): بصراحة ما جه على بالي كسرتين خاطري تبين اجيب ليش احين.

((مريوووووووم الحلوة)): وش الفايدة احين وش رايش نروح البرادة نشتري لينا خرابيط اجباس وكاكوات ,,بس أخاف أمي ما ترضى

((جااك الموت يا تارك الصلاة)): انزين خلي اخوش يشتري حقش

((مريوووووووم الحلوة)): ونعم الأخوان كل واحد من أقوله شئ قالي حاظر تأمرين امر,, مسود الوجه ما يرضى عمره ما طاوعني في شئ خليها الطابة مستور

وتمت مريم في الماسنجر تسولف لين الأذان طلعت تصلي,,
مريم في الحمام تتمسح والباب مبطل,,
وطاف عليها أخوها محمد وتطفر عليه الماي عن مزحة
الاخ محمد سكت,, استغربت مريم تقول الله يهديه

ما لحقت تتطلع من الحمام والا قلاص الماي في الوجه

مريم: هااااااااااااااااااااااااااااااا بسم الله
محمد : هههههههههههههههههههههههه عشان تتعلمين الادب ويا هالوجه
مريم: حمااااااااار ومدت لسانها طلعته من بوزها
محمد: مشكلة الجهال
مريم: الجاهل انته ويا هالوجه
محمد: ذلفي ذلفي صلي
مريم: صلى الله جوفك قوم انت صل مو بعدين بتقول صليت

وتروح مريم عنه تصلي وبعد ما كملت صلاة راحت الحوش إلى أمها وكان محمد قاعد((الأم تشرب قدو))

مريم : اماه اماه
الأم : هاااا
مريم : وش العشى
الأم: والله مادري متحيرة وش تبغين؟؟
مريم: امممممممممممممممممممم نبي معكرونة
محمد: لا والي يعافيش خلصوا العشيات ما نبي معكرونة
مريم: لا والله مو على كيفك
محمد : لا على كيفش انتي ,, اني عندي سؤال ابي اعرف ليش البنات كلها تحب المعكرونة وش السر!!
مريمتسوي روحها جادة) تبي تعرف السر؟؟
محمد: ايييييي
مريم : جيب ادونك
محمد: (( قرب ادونه))
مريم( تحط بوزها في ادونة)) بووووووووووووووووووووووووووووووووووو وتصرخ في ادونه
ويلحق وراها وتركض حجرتها
ويشخشخ الباب عليها
محمد : بطلي الباب احسن ليش
مريم: (( احين تقول اني يعني بنحبس في الحجرة وتفكر)) انزين ببطل بس أخر مرة لا تسوي فيني شئ ها,, بكوي ليك ثيابك مال الشغل
محمد : اوكي (( يضحك وعلى وجهه علامات الانتصار)) 
مريم: يعني آمان أبطل؟؟
محمد: بطلي

ورجعوا إلى أمهم مرة ثانية
الأم: أشوف انتهت المعركة بصلح اليوم
محمد: أي عقدنا هدنة أنا وياها
الأم: الله يهديكم
ويرن تلفون البيت وتشقح مريوم ركيض على التلفون
محمد : أي قامت بتلكو
مريم: هاع هاع
(( وتشيل التلفون)) شافت الرقم وعرفته
مريم: لا يمكن الاتصال حاليا بالرقم الذي طلبته ,, ذا نمبر يو كولينغ كانوت بي اكست
......: تكلمي عدل ويا هالوجه تلفوني ما فيه فوجار
مريم: انزين وش تبغين؟؟
فاطمة: وين امي؟
مريم: ليش وش صاير شتبغين فيها؟؟
فاطمة: وش هالحشرية الي ما بتجوزين عنها
مريم: إن شاء الله اللحين بسكر في وجهش محترمتنش لأنش ضيفة على التلفون(( وتفكر انها تنقعها على التلفون تضربها خيانة فيها وبعدين نجفت))
مريم: اماااااااااااااااااه بتش تبغيش على التلفون
الأم: انزين
وتأخذ الأم التلفون من عند مريم وتتكلم
الأم: الو
فاطمة : هلا أمي شخبار
الأم: بخير والحمد لله شخبارش أنتين
فاطمة: ماشي الحال
الأم : ها وش تبغين
فاطمة : أماه فشلتيني يمكن بس ابي اسال عن احوالش
الأم: أنتين ما تتصلين وتخسرين تلفون الا حق شئ
فاطمة: خخخخخخخ( متفشلة) باجر بنجي نتغدى أني ورجلي وش بتسوين الغدى
الأم: وش تبغين
فاطمة: امممممم سوي دجاج وعيش بدون حمصات
الأم : اوكي
فاطمة: يالله مع السلامة

وتسكر الام التلفون وتروح ود تقعد على القدو في الحوش
مريم: ها اما وش تبغى فاطمة منش
الام: تقول باجر بتجي هي ويا رجلها تتغدى وتسال وش بسوي الغدى
مريم: و ان شاء الله وش بتسوين الغدى
الام: قالت تبغى دجاج وعيش بس بدون حمصاات لان رجلها ما ياكل حمصات
مريم: لا والله واحنا شناكل حتى نغرم مالينا كار
الام: انتون بسوي ليكم فيه حمصة
مريم: أي عبالي بعد
محمد: أي لو احنا انجان ما سوت لينا بس لانه حق رجل بتها
الام: غيورين
محمد: صح لو لا
الام: والله على حساب بتي
محمد: بنشوف احنا لين تزوجنا عماتنا يسون لينا جدي
الام: انزين عن هالهرار قوم روح اشتر خبز حق العشى
مريم: ها ليش الخبز جه ما بتسوين معكرونة
الام: لا ما يمدي اسوي معكرونة احين باجر
محمد: ويه فشلوها اماه سوي بلاليط
مريم: لا والي يعافيش اماه لا تسوين بلاليط سوي فاصوليه اهون
الام: بلاليط مو عشى هذا يجعم بسوي فاصوليا اليوم
ومحمد بطلعة الروح راح يشتري خبز وقاعد يتحرطم بعد,,
وسوت الأم العشى وتعشو وبعد ما كملت العشى مريم ومحمد راحوا يطالعون فلم أجنبي في ام بي سي تو ومسوين المحل ضلام ولما كمل الفلم
محمد: مريم
مريم: ها
محمد : باجر عندي موضوع وياش
مريم: اوه من متى تصير عندك وياي مواضيع في تطور
محمد: ها تبيني اهون
مريم: لا والي عافيك انزين قوله احين
محمد: لا ما يمدي بروح انام باجر عليي شغل
مريم: افففففف يعني لازم تحمسني
محمد: تصبحين على خير
مريم: وأنت من اهله احلم فيني عاد ها
محمد: انجان تبيني اتخرع
مريم: افا
محمد يالله بلا افا تسوين روحش تكسرين الخاطر باي
وقامت راحت مريم تنام واهي تفكر شنو الموضوع ألي يبيها فيه
ولا جاها نوم تقول في قلبها إن شاء الله عاد موضوع يستحق تفكري عليه الله يستر

يا ترى شنهو هذا الموضوع؟
اذا تبون تعرفون شنو الموضوع انتظروا الجزء الثاني

اتمنه اني تعجبكم القصه واتمنه التفاعل مع القصه

تحياتي المغرم

شعيب العالي · 18-02-2006, 11:02 PM

سلام

القصه حليوّه بس متى بتخللي لينا الباقي

تحياتي ... العالي

غــارق · 18-02-2006, 11:25 PM

سلام

قصة حليوة
نبي التكملة بسرعة

تمنياتي للجميع بالتوفيق

المغرم · 18-02-2006, 11:54 PM

مشكورين اخوان على الرد وانشاء الله
كل ليله بخليه حلقه عشان تصير مشوقه اكثر

تحياتي المغرم

CuTe FrIeNd · 19-02-2006, 02:38 PM

قصة عجيبة وخصوصا انها باللهجة البحرانية خخخخخخ

شكرا لك أخي

أختكم
cute friend

coool girl · 19-02-2006, 06:45 PM

القصة عجييييبة وهي واقع المواطن البحراني صج
وانشاء الله تحط لنا الباقي لأن الصراحة القصة
رووووووووووووووووووووووووووووعة
ننتظر على احر من الجمر...

الفردوس · 19-02-2006, 07:35 PM

قصه والله فله
والباقي متى يالله انا متحمس لتكمله

المغرم · 19-02-2006, 08:36 PM

الجزء الثاني

اليوم الثاني الساعة ست الا عشر دقايق صباحا
محمد راح الشغل ومريم بعدهي نايمة

الام: مريم مريووووووووم قعدي لبسي للمدرسة
مريم: انزين بعدهي وقت
الام : أي وقت الباص يجي ست وثلث وانتي لحين نايمة
والله تبينه يطوف عنش وبعدين بتقولين هرب
مريم: افففف يالله صباح خير
الام: قومي لا بقلاص الماي عليش احين
مريم: اني اعرف تيمي متى اقوم الساعة ست باقي عشر دقايق لا تروحينهم عليي
الام: والله في الطقاق بعدين ما بدور ليش سيارة توديش ابوش توه جاي من الشغل

وراحت الام عن بتها ويوم جت ست بالضبط رن تلفون مريم وقعدت بخمول وكسل اهي طبعا تسبح من الليل لان ما عندها وقت ,,دخلت الحمام خمس دقايق ووالعشر دقايق الباقية لبست ومشطت شعرها وسوت كل شئ وتوجهت للمدرسة

في المدرسة من الصبح قبل لا يدق جرس المدرسة البنات في الصف
منى( زميلة مريم): مريوم
مريم: هاا
منى: سويتين واجب الاكاونت
مريم: وييييييييييييييييييييه ما سويته نسيت
منى: من متى اصلا انتي تسوين شئ في بيتكم
مريم: احين جيبي دفترش بلا كلام فاضي لا يودي ولا يجيب
منى: لحظة
وعطت منى مريم الواجب وحلته وارتاحت
((مريم طالبة ممتازة وذكية بس عيبها ما تحب تتعب روحها في الدراسة تعتمد على شرح المعلمة))

الضهر رجعت مريم من المدرسة وشافت اخوها محمد قاعد يم التلفزيون
مريم: سلام
محمد : عليكم السلام
مريم: اووووه شصاير راجع اليوم من وقت من الشغل لهلحد مو قادر تصبر تبي تقول الموضوع
محمد: لا عيوني اليوم مافي اوفر تايم
مريم: اها زين راحة له
محمد : أي راحة أي بطيخ الشهر ده كله مافي اوفر تايم يعني معاشي بجي حده بدة حق الجمعية
مريم: اها انت كم تدفع للجمعية
محمد: 150 دينار
مريم: بووووووووو وانت معاشك 150 من وين تاكل من وين لك حق بترول ووووو الخ
محمد: شنسوي ربش كريم
مريم: يالله توكل على الله,, بروح اني ببدل ثيابي وبصلي وعلى الغدى قولي الموضوع
محمد: اوكي
مريم: الا بقول وين امي؟
محمد: منبطحة في حجرتها
مريم: وش الغدى؟
محمد: دجاج
مريم: جت فاطمة وزوجها تغدو؟
محمد: أي جو اضاهر وراحوا بعد الغدى
مريم: اها اوكو سي يو لتر

وراحت تبدل وتصلي وبعدين نجبت غدى ليها ولمحمد وعلى الغدى
مريم: يالله استاز محمد(( استاذ محمد))
محمد: شنو يالله
مريم: اوهو لا تنرفزني
محمد: انزين انا بت الحلال امس مو كلمت امي عن اني ابي ازوج
مريم: أي والمطلوب مني
محمد: عاد ابيش انتين تدورين ليي بنية حلوة وزينة حق اخوش المحترم
مريم: من صجك انت
محمد: لا امزح وياش عجل ,, اكيد من صدقي
مريم: شلون بتعرس وانت ما عندك بيزات هذا عرس مو لعبة
محمد: بتطلع ليي جمعية
مريم: انزين شنو هالجمعية كلها الف وخمس امية هذي حدها مهر وضيفة وحفلة الخطوبة والبنية من تملج عليها مصاريفها عليك من وين بتجيب هادا
محمد: اقدر
مريم: وين تقدر وانت ما تشوف راتب الشهر دة كله حق الجمعية من وين تاكل انت عشان تاكل بت الناس وياك وتصرف عليها
محمد: ربش كريم
مريم : لا عيوني انت تفكيرك في الزواج سطحي وثانيا اول شئ سو ليك محل انت راس مالك في البيت حجرة حتى بدون حمام
محمد: اففففففففف لا تعكرين مزاجي
مريم: لاني اقول الصج مو؟
محمد: ادري كلامش صح بس لو بتابع هالاشياء عمري ما بتزوج
مريم: انت استقر في شغلة و ثبت روحك اول وبعدين فكر
محمد: والمطلوب
مريم: اصرف النظر عن الزواج احين لين ما تكون روحك شوي
محمد: انا ادري ما بقدر اكون روحي
مريم: ليش ما تقدر تكون روحك اكو اخوك كون روحه شوفه عمره كم 27 شوفه وش سوى,,قبل اشتغل عااامل في شركة وجمع وجمع ما غرته مغريات الدنيا وسوا ليه شقة واشترا ليه سيارة,, وبعدين الله وفقة واشتغل في الحكومة واشترى ليه ارض وتزوج والحمد لله عايش
محمد: هذا غير وانا غير
مريم: شنو الفرق بينك وبينه ما في فرق الا ان اهو يجود البيزات وانت تلعب فيها
محمد:رجاء لا تقارنين بغيري اذا تبين تقارنين طالعي الاوادم اكو فلان ابوه سوا ليه شقة وفلان ابوه ساعده
مريم: ويعني ابوي مقصر وياكم؟؟
محمد: انا ما قلت مقصر بس
مريم: بس شنو؟؟ ابوي الي يقدر عليه يسويه واهو تقاعد شتبغي منه استح شوي
محمد: اوكي بس خلاص هونت
مريم: احسن

وقام محمد غسل أيده وراح حجرته يراجع حساباته
ومريم راحت تريح شوي

في حجرة محمد
انبطح وقعد يفكر (( ليش انا بس الدنيا متوقفة عندي ليش اناو انا وانا...........)) لا الاخ راح في سبات عميق نام وترك الدنيا ورى ضهره

تحياتي المغرم

مثلث برمودة · 19-02-2006, 09:50 PM

تسلم يالمغرم على هالقصة الجميله وفي جزاء ثالث بعد لو رابع ترى واي حلوه القصه

غربه الدار · 20-02-2006, 07:00 AM

يسلو المغروم على هيك قصه بس (في بعض الكلمات مو فاهمتهااااااااااا)مثل يا حظي و انجان ومتحجج ولله يعطيك الف الف الف عافيه على القصه الحلوه

الفردوس · 20-02-2006, 09:02 AM

تشكر على هالقصه الحلوه

الـعـرَّاب · 20-02-2006, 02:30 PM

الى الأدبية مع التحية ..

coool girl · 20-02-2006, 05:29 PM

قصة جميلة
وننتظر الباقي

شعيب العالي · 20-02-2006, 06:02 PM

سلام

انزين
وفي باقي لو ويش

ترى ننتظر

تحياتي .... العالي

شهد · 20-02-2006, 06:19 PM

[size="5"]سلاااااام عليكم...
درامة بحرااانية رائعة..
بصراحة أول مرة أقرأ قصة منقوولة..
عجبتني وااجد ..:blush: ..

وننتظر الأجزاء الباقية..

تحياتي[/SIZE]

المغرم · 20-02-2006, 06:27 PM

الجزء الثالث:

العصر الساعة خمس
قعد محمد من النوم على إزعاج في بيتهم ويوم طلع إلا حواته المتزوجين اهني ويا اولادهم

في الصالة
هدى وفاطمة يسولفون
هدى : بتجين وياي سوق واقف المغرب؟؟
فاطمة: مادري إذا زوجي ما بيجي إلا الليل بجي وياش
هدى: اتصلي ليه شوفي
فاطمة: بعدين ,, احين لين عرفت مريوم بتنقهر أنش قلتين ليي روحتين عليها طلعة
هدى: خخخخخخخ إلا هي وينه
فاطمة: منجعسة
هدى : اها تبيني أقومها من النوم أهي حق الهيامة فالحة
وراحت هدى إلى مريم
هدى: مريم قومي انجان بتجين وياي سوق واقف(( وتسوي روحها تلبس))
مريم: ها سوق واقف :77_77:
هدى: أي بسرعة قومي انجان بتجين اكو أني لبست ما بنتظر
مريم: أنزين بس صبري اغسل وجهي والبس
هدى : يالله اكو انتظرش في السيارة
مريم: أنزين بس مو تعجليني ضرب هرانة تزعجين الفريق
هدى: بسرعة بسرعة
وراحت هدى انخشت المطبخ
قامت مريم بسرعة ووجها مخفس من النوم وشعرها منشور
ودخلت الحمام,, واهي في الحمام طلعت هدى من المطبخ

ومريم سمعت ضحك عرفت انه مقلب من مقالبهم السخيفة عشان يقعدونها من النوم بس انقهرت :angry_smile: ,, وطلعت من الحمام وهي مو مفيستنهم وهم يضحكون عليها
راحت المجلس وقعدت تطالع التلفزيون لين ما أذن
بعدين فاطمة وهدى راضو مريم وودوها وياهم سوق واقف
ورجعوها وكل وحدة راحت بيتهم
وما صار شئ محرز هاليوم ونامت الساعة وحدة الليل

وطاف هالاسبوع ما صار فيه أي شئ غريب عن الروتين

اليوم الاربعاء في المدرسة(( في الفسحة)) مريم وربعها

مريم: يالله اليوم على من الي يشتري
زينب: اليوم على صديقة
صديقة: لاا والله اول امس اني مشترية ليكم اليوم مو عليي
زينب: انزين اني امس مشترية مو عليي
صديقة: اني مو قصدي انتين اليوم على ناس قاعدين وساكتين يعرفون روحهم
زهراء: هههههههههههههه اففففففففففف متمللة ادش
مريم: يالله يالله دشي اني ابي كوك ( كولا) وطعمية وكاكو وجبس
صديقة وزينب: احنا بعد نفس الشئ
مريم: يعني كلنا نفس الشئ ما بنتعبش
زهراء: شنسوي يالله نقوم
مريم: اوكي احنا بنروح مكانا وانتين جيبيه ليي
زهراء : اوكوش

وراحوا قعدوا وجت زهراء بعد شوي ,,وهم قاعدين ياكلون

مريم: الااااااااااااااااي اليوم الاربعاء حليو
زهراء : ليش
مريم: اولا اخر يوم دراسي فانتاستك وثانيا الليلة فلم هندي
زينب: أي اشوة ذكرتيني عن الفلم الهندي اني شايفة مقاطع تدرون بطولة من ؟
مريم: بطولة من ؟
زينب: شاروخان وآشوريا راي
مريم: واااااااااااااااااااااو ان شاء الله ديفداس
زينب: والله ما اعرف اسمه بس شكله حليو
مريم: خخخخخخ زينب عاد أنتي كله تقولين ليي شبيحطون وفي الأخير أنتي تنسين واني أطالعه
زينب: أي والله اكل الجبن وما يسوي
مريم وصديقة وزهرة: خخخخخخخخخ تعترف انها تاكل جبن واجد :tongue_smile:

ودق الجرس وقاموا توجهوا للصفوف

صديقة: اوهو احين علينا بنك :confused_smile:
مريم: احلا شئ كله سوالف
صديقة: وااااااااااااع ما اشتهيه
ودخلوا الصف وكل وحدة متعايره ووقت الهده توجهوا للباصات ورجعوا بيوتهم,, وسيدة دخلت مريوم النت تتصفح فيه فقي المنتدى الي مشاركة فيه..

تحياتي المغرم

coool girl · 20-02-2006, 06:36 PM

ننتتظر...

شهد · 20-02-2006, 06:40 PM

... متابعييين...

ننتظر البقية..

زهير علي · 20-02-2006, 06:41 PM

ننتظر

مشكوره على القصة

بنت الفريج · 21-02-2006, 01:42 PM

ننتظر

تحياتي بنت الفريج

حشرجة الروح · 21-02-2006, 04:06 PM

شكرا اخي المغرم
القصة جدا روعة واروع ما فيها انها تحاكي الواقع....
ننتظر البقية بشوق ولهفة

المغرم · 21-02-2006, 05:50 PM

الجزء الرابع
*************************

محمد من راح الشغل ما رجع بيتهم راح بيت خالته يتغدى

محمد: يالله يالله
الخالة: تفضل ما في احد
محمد: شحوالش خالتي
الخالة : الحمد لله
محمد: مافي اخبار يمين يسار فوق تحت
الخالة: لا والله هذا احنا على ما كنا
محمد: وين سعيد عجل ؟؟
الخالة: اكو من جه من الشغل راح نام خبرك اليوم الاربعاء وعشان السهر في الليل
محمد: أحين بروح أقعده مافي احد في الدرب
الخالة: لا روح
طق طق طق
سعيد: ((ولا كأنه يسمع حاقر))
محمد: سعيد أنا محمد بطل الباب
سعيد بطل الباب ووجه يقطع النصيب من هالنوم
محمد: مسامحة اخوي اضاهر أنا غلطان
سعيد: تعال يالحبربش تسوي روحك خفيف
محمد: ما تشوف شكلك انت روح عند المنظرة الي يشوفك اليوم ما يتوفق باجر
سعيد: بروح أحين اغسل وجهي وأنت ادخل الحجرة
محمد: عن المهلة عاد
سعيد: (( وهو طايف)) أنزين

قعد محمد يفتش ويعسعس انجان يشوف شئ في الحجرة
شاف صينية الغدى في الحجرة مقرفة الا يقول: باااااااااال وش هالوصاخة على اصول,,

سعيد: ها وش تسوي تعسعس
محمد: اشوف وصاختك مخلي صينية الاكل تحت السرير
سعيد: ايي نسيتها
محمد: علينا المهم وش الأخبار
سعيد:: مغبرة ولا في شئ جديد ومن صوبك
محمد: مثلك تماما
سعيد: اناهالايام خاطري اعرس
محمد: احلف؟
سعيد: والله ليش احلف
محمد: لان انا بعد ابي اعرس قلت الى بيتنا وسكتوني ما عندي مكان ومو مكون روحي عدل
سعيد: لا انا عادي
محمد: أي انت مسند على ظهر أبوك مسوي ليك شقة وفلوسك الي تجمعها حق الخطوبة وبعدين أنت توك متوظف في الداخلية تقدر تستلف قرض ما أقول إلا الله لينا
سعيد: تف تف صل على النبي أخاف أطيح ولا ليي طقة
محمد: أنا ما أحسدك بس أقارن بين ظروفك وظروفي
سعيد : يالله الله كريم
محمد: يرخص الحريم على اربع اسكريم
سعيد: ويش اليوم في طلعة شئ؟
محمد: ويش الخال ما نظم لينا طلعة
سعيد: ما سمعت شئ
قام محمد اتصل الى ولد خالته الثاني عباس
محمد: الو مرحبا
عباس: مرحبتين يا نور العين
محمد: شنو البرنامج الليلة
عباس: الليلة بنروح السينما وبعدين بنروح مطعم نتعشى والخال مو ويانا
محمد: اها
عباس: عاد البنات ويانا
محمد: هااااااااااااااااااااااااا !!!
عباس : يعني أنت وأختك مريم وسعيد وأخته علياء وأنا وأختي بتول
محمد: افففففففففففف ما نبيهم ما بناخذ راحتنا
عباس: انا مواعد اختي وقلنا بالمرة نودي البنات لأنهم كسروا خاطري ذيك المرة يوم يبون يطلعون
محمد: ما اعتقد امهاتنا بيخلونهم يطلعون
عباس: أنا أمي موافقة وسعيد أمه أكيد موافقة كذا مرة تخليهم يروحون السينما أحين على أمك أنت
محمد: اوكو يصير خير
وبند محمد من عند عباس ولد خالته
سعيد: ها ويش صاير؟
محمد: يقولون البرنامج الليلة سينما ويانا البنات
سعيد: اها
محمد: أحين بشوف أمي ترضى أودي مريم أو لا

وقام محمد طلع من بيت خالته على الساعة خمس العصر ورجع بيتهم,, دخل البيت إلا مريم تطالع التلفزيون بروحها

محمد: سلام
مريم: عليكم
محمد: رديها كامل لا أهون عن المفاجأة ألي مسويها حقش
مريم: ها مفاجأة وعليكم السلام والرحمة والبركة والله والنبي يحيك
محمد: أي جذي مو مثل منساعة ( وإذا حييتم بتحية فردوا بأحسن منها او ردوها))
مريم: اووووو وش صاير اليوم يقط حكم و أدلة
محمد: المهم ما أطول عليش
مريم: شنو ؟؟
محمد: اليوم المغرب برزي روحش
مريم: على وين؟
محمد: بنروح السينما
مريم: كللللللللللللللللللللللللللللللللللللللللوش وراحت بتحب اخوها
محمد: تباعدي عني
مريم: انت تتمنى اني احبك حبة
محمد: مستغني عن حباتش
مريم: الااااااااااااي
محمد: بس
مريم: بس شنو؟؟؟؟؟؟؟
محمد: أمي تتوقعين بترضى؟
مريم: اففففففففف حصلنا لينا عرقالة اشك في ذلك بصراحة لازم أمي بتعنجج
محمد: وين أمي خلنا نروح نقول ليها
مريم: يالله والله يستر (( وهي قاعدة تسمي وتدعي في قلبها ان أمها توافق ))بصلي ركعتين لله إذا أمي وافقت
محمد: اوووووووو لهلحد

هل يا ترى بتوافق الام او بتروح عليهم هالطلعة