هههههههههههههههههههههه
اوكي بخلي............................
ترى اني بعد حصلت لكم قصة بالطريقة البحرينة كشخة بس خل تكمل ذي
.......................
بوسالم: متى ؟؟!!
سعيد: انا يبتها اليوم ويا خالد
بوسالم: تقدر تقولى من وين ضويت امها
صالح: امها روسيه
بوسالم: استغفر لله العلى العظيم محد مخرب بلادنا الا هالوصخ
سالم: ابووويه ماشى انسان مايغلط
بوسالم: تراااك الا كنت مثله هايت ماتعرفون شى طيش شباب
بوصالح: شو تبانى اقولك عاد
بوسالم: يوم انكم تحيدون للى تسونه غلط اشعنه تسوونه ...مامخلين بنيه فحالها تتعرف على هذى و ترمس هذى خبرنى بتاخذها
صالح:......................
بوسالم: ردوا على بتاخذ وحده مرمسنها بالتلفون
فيصل: عنى انا لا
بوسالم: صالح و سالم ردوا على
صالح: لا
بوسالم: يوم انتوا مسوين على بنات البلاد وما اعرف كيف تلحقون هالوصخ اتريوا لين حلالكم اييكم بالحلال مب بالحرام
فيصل: عيل اطالعون بنات برع اشحقه بنات البلاد ماشى اخير عنهن
بوسالم: صدقت يا فيصل (ياشر على سالم) انته علمنى
سالم: لبيه ابوويه
بوسالم: ترضى حد يرمس اختك
سالم: لا
بوسالم: عيل اشتبون فى بنات الناس تغربلونهن ترمسونهن و تفضحونهن فى خلق لله صدقونى الدنيا ادورى وباييى يوم حد يفضح بناتكم ..استغفر لله العظيم منكم من عيال سودا ويه
بوصالح: و لله شو تبانى اقولك
بوسالم: شو تبونى اسوى خبرونى
فيصل: لا اتعب عمرك
بوسالم: خذوا حايتكم بالحلال و لا تاخذونه بالحرام شو ه من الرياييل انتوا ضيعتوا المذهب
صالح: حقك على ياعمى
بوسالم: كيف بتصلح غلطتك البنيه و عندك شو بتسوى
صالح: بتزوج
بوسالم: منوه للى بيزوجك بنته
صالح: بنات الناس و العرب وايد
بوسالم: لا تقعد لى فيها و فيها
صالح: ان شاء لله عمى
بوسالم(يطالع بوصالح): لازم نغير نظره الناس لو عرفوا عن صالح
بوصالح: بخطبله
بوسالم: ان شاء لله بس بقول لكم كلمه يا عيالى
الشباب: تفضل
بوسالم: ماشى اخو يرضى على اخته بس يرضى على غيره ...وصدقونى بنات الناس مب لعبه وهالبنات للى برع و الوصخ مابيفيدونكم بشى و للى يريد يعيش بالحلال يمشى صح و ماعندى رمسه غيرها و للى منكم يرمس بنات يودرهن لان مستحيل و من سابعهن تاخذونهن ..تعرفون ليش لانكم بتقولون انرمسهن و ناخذهن كيف شو يضمن لى انهن مايرمسن غيرى ..وهذا للى عندى انا
بوصالح: صدقت يا اخوى بس لو نقول من اليوم لين باجر مايتغير شى بس كل واحد عقله فى راسه و يعرف خلاص و للى يغلط بيتعاقب
بوسالم: نحن من نفهم اصغار و لا كبار
بوصالح: ماعليه ياخوى ماشى انسان معصوم من الخطا و انا مسامحنه
بوسالم: انا بسامحك بس على شرط (يطالع صالح)
صالح: خير عمى
بوسالم: اريدك تعاملها وتعوضها حنانك وماتتخلى عنها
صالح: عمى محد يقدر يتخلى عن ضناه
بوسالم: وهذا انته قلتها
بوصالح: ماعليك يصير خير (يطالع سعيد) قولهم ايبون البنيه علشان يشوفها بوسالم
سعيد: ان شاء لله
طلع سعيد من الصاله ساير فووق ودش غرفه مريم وشاف العنود شكلها صار حلو وبرئ ..
سعيد: محلاتج
العنود: صبر لين اخبر خطيبى
خلود: صدعتنا بهذا الخطيب منوه خطيبها
سعيد: لو تعرفون منوه
مريم: منوه
سعيد: خالد
مريم: هههههههههههه
العنود: ليش اتضحكين مب عايبنج
مريم: عايبنى و لله يوم من الايام بتكفخينى باى شى انتى ؟؟
سعيد: هاتى ايدج العنود
العنود: وين بنروح
سعيد: تحت عند ابوج ويدج وخطيبج
مريم: منوه تحت سعيد
سعيد: عمى و عياله
مريم: بسير اقولهم يقربون الفواله تعالى خلود
خلود: انزين
سارت مريم و خلود صوب المطبخ علشان يقربون الفواله اما سعيد سار صوب الصاله ...والعنود متقبضه فيه ..
سعيد: تعالى العنود
العنود(خايفه)
صالح: تعالى ابووويه
دشت العنود الصاله ويا سعيد ووقف عداله ...بوسالم طالع ملامحها البريئه و الحلوه
بوسالم: تعالى يابنتى
العنود: منوه هذا
خالد: هذا ابووويه
العنود(تبتسم): انزين (تقربت من بوسالم)
بوسالم: شحالج يابنتى
العنود: بخير (اطالع بوصالح)
بوصالح: ليش خايفه هذا يدج مثل ما انا يدج
العنود: لله يعنى عندى اثنين
صالح: هيه
العنود(سارت صوب ابوها وقعدت فى حظنه): شل ايدك اريد اقعد
صالح: شليتها
العنود(اطالع فيصل وتهمس حق سعيد): منو هذا
سعيد: ههههههه هذا فيصل
العنود: وايد حلو احلى عن خالد
سعيد: هههههه (يضرب على كتف خالد)طاح كرتك
خالد: هههههه اشعنه
سعيد: الحين حطت عينها على فيصل
فيصل: هههههههه ليش يعنى
سعيد: لله يسلمك اتسمى خالد خطيبها (يطالع العنود) تبينها و الا لا
العنود: لا خلاص اريد هذا شو اسمك ؟
فيصل: اول شى عطينى اهنيه بوسه و بخبرج
العنود: عيب عندنا البنات يبوسن الرياييل
الكل نقع ضحك على العنود على الرغم من صغر سنها بس ماشاء لله لسانها وايد طويل و بسرعه تنحب ....
الجزء السابع عشر
فى لندن ...حمدان وراشد متابعين دراستهم عال العال و كلن يجتهد على قوله حمدان لك مجتهد سمجه ...
راشد: يالله يارب للهم طولج ياروح
حمدان: اشفيك
راشد: تعرف انا اموت و لا حد يطالعنى يقعد مركز على
حمدان: هههههه منوه يطالعك هذى العيوز
راشد: هذيج ؟؟!!
حمدان: اى وحده ؟؟!!
راشد: هذى الزنجيه الامريكيه يااخى
حمدان: هههههههههههههااااااااااااااااااى مستواك
راشد: جب يالله
حمدان: حليلها معجبه اول مره تشوف ريال
Miss Anne: Mr Hamdan would you mind to tell me what's goin on?
حمدان: Don’t worry Nothing happened wores
Miss Anne: would you mind to be silant
مارد عليها حمدان قعد يكتب للى هيه مسجلتنه على البورد ..هذى المعلمه معجبه وايد فى حمدان على الرغم من ان عمرها يتجاوز 37 سنه بس تحس باعجاب و الكل كان يلاحظ بس حمدان يتكلم وياها فى حدود لانه اول مره يحس بانه يخون خلود للى كانت فى باله طول وجوده فى لندن ...بعد ماخلصوا كلاساتهم ردوا شقتهم ...دش حمدان و اطاح على الكنبه و غمض عيونه ..
راشد: شفتها مس اان
حمدان: لعنبوها شو تتحسبنى من لندن تركض وراه
راشد: هههههههه شفت من عايب ابتلى
حمدان: ههههههه خااام و لله انك متى عايبت
راشد: يوم تعايب على راعى المغربيات و العراقيات
حمدان: استغفر لله العظيم
راشد: هيه و لله شوف الحين هن يلحقنك
حمدان: اااه ياراشد القلب يعشق بس مره
راشد(مستغرب): منوه تحب انته بالله عليك انته ويهه حب
حمدان: و لله انيه احب
راشد: خبرنى منوه؟؟!!
حمدان: مينون اخبرك انا
راشد(رفع حواجبه): لا و لله
حمدان: ههههههه بخبرك و لله يابوسنيده
راشد: امنوه عندنا فى لندن
حمدان: اتخسى اصلا بنات لندن مايسون عند ضفرها ربعه
راشد: امنوه انزين طفرتبى
حمدان: خلود
راشد(مستغرب): امنوووووووووووه
حمدان: خلود بنت عمى محمد
راشد: احلف و لله
حمدان: و قسم بالله
راشد: مااحيدك تحبها احيدها هيه ميته عليك
حمدان: ادرى و لله اول مادشيت لندن وانا افكر فيها
راشد: يالله سبحان لله مغير الاحوال
حمدان: الحين بيقعدلى صدعه
راشد: منوه هذا بعد ؟؟!!
حمدان: فى حد غيرك يعنى
راشد: لا و لله مستغرب منك و لله
حمدان(وقف): انا مب اول واحد ولا اخر واحد يحب
راشد: ادرى يا حمدان بس بتخلص لها
حمدان: هيه و له بيساعدنى
راشد: بتزوجها ؟؟!!
حمدان: و لله مافكرت فى هالشى ابدا
راشد: عيل كيف جيه
حمدان: اريد اعرفها اكثر مااريد ابين لها انى احبها علشان ماتشوف عمرها على
راشد: لا و لله
حمدان: هيه و لله مب حلوه البنيه تفر عمرها على الريال
راشد: هيه تستوى رخيصه
حمدان: هيه نعم وياليت لو يفهمن البنات هذى الرمسه
راشد: هههههههه اصلا البنات عقولهن صغار
حمدان: مب كلهن و لله فى بنات عقلهن يوزن بلاد
راشد: و النعم فيهم قم اريد اكل شى ماتغدينا
حمدان: يالله انزين
نزلوا راشد وحمدان يتغدون بعد ماخلصوا قعدوا يتمشون وشافوا بنيه قاعده و اطالع العصافير فى حديقه الهايد بارك ..وتقربوا منها
راشد: السلام عليكم
اليازيه: مرحبا
راشد: انتى من البلاد
اليازيه: هيه من الامارات
حمدان: انتى بروحج
اليازيه: لا امى سارت تشرى
راشد: ليش حزينه
اليازيه: ماشى
حمدان: لاصدق
اليازيه: انا مب متعوده ارمس رياييل
راشد: لا بس ليش حزينه
اليازيه رجعت راسها على ورى و نزلت دموعها على خدها وهيه تفكر بقصتها للى عذبتها
حمدان: نقدر نقعد
اليازيه: لا
راشد: اريد اعرف شو فيج
اليازيه: شو بتقدر اتسوى كل شى ضاع
راشد: كيف يعنى
اليازيه: مااعرف شو اقولك
راشد: بنقعد وياج عاملينا كاخوانج
اليازيه: ياليت لو عندى اخوان
حمدان: نحن اخوانج
اليازيه: انتوا معرسين
حمدان: انا بملج
راشد: وانا بعد (يطالع حمدان)
اليازيه: لله يهنيكم (تلف ويها صوب اليهال)
راشد: شوفيج اختى ليش انتى فى لندن
اليازيه: اهرب من الماضى
حمدان: وليش تهربين من الماضى
اليازيه: انا فى حياتى ماقلت للى فخاطرى حق حد و لا قصتى
راشد: انا اريد اسمعها
اليازيه: بتملون
حمدان وراشد: لا مابنمل
اليازيه: بخبركم بس اخاف
حمدان: من شوه
اليازيه: مااعرف
راشد: سرج فى بير بس خبرينا يمكن ترتاحين
اليازيه: ان شاء لله
راشد: نحن نسمعج
اليازيه: انا حبيت واحد من كل قلبى يحبنى و احبه كنت اشوفه فى الاسبوع مرتين و يرمسنى بالتلفون يعنى ماتصورون اشكثر حبيته استمريت وياه خمس سنوات و اخر سنه مرضت انا وسافرت علاج ورديت اتصل فيه قالى انا ملجت انصدمت (صاحت اليازيه و هيه ترمس) قتله كيف و ليش و انا قالى وين كنتى عنى سبع شهور ما اعرف عنج شى قتله انا كنت اعالج قالى شو فيج بالظبط قتله مااقدر اقولك ...قلتله يااحمد مااقدر ..قالى قولى ..(خذت اليازيه نفس الحزن) قلتله فينى السرطان رد عليه وقالى مااصدق ...قلتله بطرشلك التقارير بالفاكس (اتصيح اليازيه)
راشد(منصدم): بعدين
اليازيه: ماشى قعد يهدينى و تعرف شو قالى
راشد: شوه
اليازيه(تبتسم ابتسامه حزن): قالى اول بنت بتكون اسمها اليازيه
راشد(قلبه يعوره): و لله شو صار بعدين
اليازيه: استمريت اتصل فيه بين فتره و فتره وكان يرمسنى عادى و بعدين قبل العيد كنت اتصل فيه و انا مستانسه بس ماكان يرد على كان يعطينى مشغول و اتصل صارلى اسبوعين على هالحاله مايرد على طرشت ربيعتى تتصل فيه و قلتلها قوليله انى اترياه و بعدين اتصلت به وكلمنى وقتله وينك قالى انا كنت مسافر ..قلتله جذاب ..قالى مسافر مع الحرمه جان اقوله منوه الحرمه ...(سكتت و اطالع لبعيد)
حمدان: وبعدين
اليازيه(تشهق من الصياح): مااقدر اكمل احس نفسيتى تعبانه
حمدان: لا تخافين اختى كملى
اليازيه: قعدت اصيح يعنى خمس سنوات راحن جذيه قلتله انته تبا تنسانى ..قالى لا و لله مااريد و بتم ذكراج فى قلبى الابد كنت اصيح و احس ان المرض ياكل كل جسمى من التعب و قلتله خلاص برايك الحين قالى حياج قبل لا يقول مع السلامه بندت التلفون فى ويهه و خلاص حاسه عمرى بموت ..قلتلهم سفرونى لندن و الحين انا اكره الساعه للى رحت فيها اتعالج و خليته بديت اغار من حرمته قلت ياليتنى لو كنت بدالها (تصيح) بس صار للى صار قسمه و نصيب
راشد: هذا هو العمر قسمه و نصيب يااختى
اليازيه: بس و لله لين الحين احبه موووت
حمدان: صح بتحبينه انتى اكثر من حياتج بس لازم تتقبلين الواقع
اليازيه: يااخويه انا انسانه مريضه و اذا مت بعطيكم شى تعطونه اياه يوم بتردون البلاد
راشد: بعيد الشر فال لله و لا فالج
حمدان: كل انسان بيموت
اليازيه: بس تعرف اذا حبيت فى يوم انسانه اتزوجها
استغرب حمدان من كلمتها و شاف فى ويهه اليازيه طيف خلود ولف وطالع راشد للى انصدم من قصه هذى البنيه ...
اليازيه: راشد اشفيك
راشد: لا بس افكر ليش جذيه سوى
اليازيه: مب ذنبه و لله يمكن الظروف للى حكمت علينا جيه و طبعا محد يقدر يوقف عند اراده لله صح
راشد: صح و لله بس هو يحبج
اليازيه: مااعرف
حمدان: ماقالج شى
اليازيه: قالى انتى قلبى و حياتى فى هالدنيا
راشد: لله يعطيك على قد نياتج
اليازيه(وقفت): يالله بخليك اشوف امى
راشد: براايج اختى
اليازيه: مع السلامه و اذا رديتوا البلاد سلموا على دار زايد
حمدان: ان شاء لله
مشت اليازيه لين ماوصلت عند امها بس شبابنا حمدان وراشد قاعدين منصدمين من البنيه ومن قصتها على الاقل يرحمها بس ماشى و البنيه تعرف عمرها بتموت بس شو اتسوى قضاء لله وقدره ...مشى راشد و حمدان و هم يفكرون لين وصلوا شقتهم و هم ساكتين لا يتكلمون و لا شى ...حمدان قعد عدال التلفون ..
حمدان: بتصل
راشد: حق امنوه
حمدان: خلود
راشد: حمدان اريد اعترف لك بشى
حمدان(مستغرب): شووه ؟؟!!
راشد: انا بعد احب
حمدان: لا و لله صدق ترمس
راشد: هيه و لله
حمدان: ومنوه سعيده الحظ
راشد: اختك
حمدان(منصدم): شيخوووووه
راشد: لا هندوووه
حمدان: لا و لله (يبتسم)
راشد: بس يالله اتصل على خلود
حمدان: هيه صح صبر بس قول ان شاء لله سعيد مايرد على التلفون
راشد: ههههههههه ان شاء لله يرد
حمدان: عيل مابتصل
راشد: اتصل يالله
حمدان: صبر بتذكر الرقم
راشد: يالله
اتصل حمدان على بيت بو صالح ...واشويه و يسمع صوت بنت صغيره
العنود: السلاام عليكم
حمدان(مستغرب): هذا بيت محمد
العنود: هيه
حمدان: منوه انتى ؟؟!!
العنود: ياللى ماتستحى شو تبا منوه انا
حمدان: ايييييييه شو هالرمسه بعد
و تمشى خلود و تسمع العنود تصارخ و تنازع و تتوعد وقفت و سحبت التلفون من اذنها
العنود: هاتى التلفون
خلود: مااااشى (ترمس فى التلفون) السلام عليكم
حمدان(مرتبك): مرحباااا الساع و لا يسدن بذمتيه
خلود: حمداااااااااااااااان (فرحانه)
حمدان: هيه كيف عرفتينى
خلود: اعرفك
العنود: ماعليه ماخبرت عليج ابويه
خلود: سيرى خبريه بتلقينه فى الحوش
العنود: بتشوفين (و تطلع من الصاله)
حمدان: منوه هذى ؟؟!!
خلود: يوم بترجع البلاد بتعرف
حمدان: لا و لله
خلود: هيه و لله مابتى ملجه اخوك
حمدان: باييى
خلود: صدق و لله
حمدان: هيه و لله و انا اقدر اطوفها يعنى علشان العيوز تغنيلى
خلود: هههههههههه انزين تريد سعيد
حمدان: لا
خلود(مستغربه): عيل
حمدان: حبيت اطمن عليج
خلود(مستحيه): لله يسلمك
يدخل صالح الصاله
صالح: منوه ترمسين
خلود(مرتبكه): مرحبا حياك حمدان هذوه صالح
حمدان(مستحى ): عطينى اياااه
عطت خلود اخوها التلفون و سارت فوق ...
لا يق عليك الحسن و الزين متميز بالوصل فتان........ تذبحنى النظره من العين واموت انا فى بحر الاعيان
خلود مب مصدقه للى سمعته من حمدان ...معقوله يحبنى معقوله الغرب غيرته يا سلاااااااااااام
وتدخل مريم و تشوف اختها فى عالم ثانى ..
مريم: خلود
خلود(تبتسم): شوه
مريم: اشفيج ؟؟!!
خلود: ماشى ؟؟!! (اطالع برع و تبتسم)
مريم: و لله ياتقولين لى
خلود: اتصل..
تدخل العنود الغرفه
العنود: كانت تكلم رياااااااااااااال
مريم(معصبه): منووووه
خلود: هههه كان حمدان متصل (توقف)
مريم(مستغربه): معقوله ؟؟!!
خلود: هيه و لله
العنود: خبريها شو يبا
خلود: كان يبا ابووج يالله اجلبى و يهج اهنا
طلعت العنود من الغرفه وهيه تتحرطم و سارت غرفه ابوها و على الطاوله شافت صوره ياهل قعدت اطالعه بنظره ..وبالصدفه ابوها طلع من غرفه الملابس
صالح: عنووود
العنود: نعم ابووويه
صالح: شو فيج ؟؟!!
العنود: منوه هذا الولد
صالح: هذا و لد اختى لله يرحمه
العنود: شو يعنى ؟!
صالح: يعنى توفى ؟؟
العنود: و لله
صالح: هيه
العنود: حرام و لله
صالح: تعالى (قعد على السرير)
تقربت العنود من ابوها : هلا ابووويه
صالح: بتسيرين ويا عماتج تشترين لج لبس
العنود: حق شووه
صالح: عمتج مريم بتعرس
العنود: و لله متى
صالح: الاسبوع الياي
العنود: منوه بياخذها عمى خالد
صالح: هههههه لا
العنود: لا يكون عمى سالم
صالح: لا
العنود: يااخى عورت لى راسى منوه خبرنى
صالح: فيصل
العنود(برطمت): ليش عاااد
صالح: شو ليش عاد من زمان يباها
العنود: انزين متى بنروح
تدخل مريم و خلود غرفه صالح
مريم: صالح وين سعيد
صالح: مب فى الصاله
مريم: لا اريد اروح السوق
العنود: بسير وياكم
خلود: ان شاء لله و بنشترى لج احلى فستان
العنود: يا سلااااااااام (اطالع ابوها) ابويه هذا حمدان حلو
خلود(معصبه): يالله بنسير (وتظهر برع الغرفه )
مريم: ههههههه يوم بتشوفينه احكمى عليه
العنود: يالله انزين انسير
نزلت خلود مع عباتها و هيه كان فخاطرها تصقع العنود بكف يوديها سيرلانكا هههههه (قويه البنيه) شافت سعيد جدامها
سعيد: هههههههه بلاج
خلود: ماشى و لله
سعيد: انزين وين الريم
خلود: عند صالح برايك بسير اكويها هذى العباه
سعيد: برايج
دش سعيد الصاله و قعد يطالع التلفزيون الا و اشويه ادش مريم و العنود
العنود: السلام عليكم عمى (تسلم عليه خشم)
سعيد: و عليج السلام يالله من وين ظاهر الاحترام
العنود: من السند
مريم: هههههه بس يوز عنها
سعيد: صبرى يالوحداويه
العنود: عيناويه وحداويه جزرااويه بعد
سعيد: عيل بسميج العنود وحده
العنود: سخيف
مريم: عيب العنود
سعيد: منوه سخيف ؟؟!!
العنود: شوف اعرف انى قليله ادب و لله و انا اسفه
سعيد: ماعليه بعلمج انا الادب بعدين
العنود: متى بنسير السوق
سعيد: يوم بتوصل خلود
بعد ماجهزت خلود طلعوا كلهم السوق ....واتشرت مريم كل لى تباه اما العنود فاشتروا لها لبس رووعه رجعوا البيت و طبعا هذا اخر شى تسويه مريم الان ملجتها بالاسبوع الياى ....
::++ فى بيت ام سالم::++
ام سالم: فيصل تعال بتخبرك
فيصل: هلا امايه
ام سالم: الاسبوع الياى ملجتك
فيصل: لا و لله محد خبرنى
ام سالم: الحين اخبرك انا
فيصل: وين ابويه
ام سالم: ظهر سار صوب العزبه
فيصل: ياحيه و لله
ام سالم: تعال ماطرشت حق اهل حرمتك شى
فيصل: شو اطرش بعد مافينى حيل
ام سالم: فيصل و انا امك لازم تتقبل للى صار قضاء وقدر
فيصل: شو فينى انا الحين
ام سالم: تفكر فى عبدالله
فيصل: امااايه عبدالله لله يرحمه الحين مانقدر نغير شى
::++ تدخل شيخه::++
شيخه: اماااايه اريد فلوس
ام سالم: ليش الغاليه
شيخه: اريد اطلع المغربى
فيصل: وين مفصلتنه ؟؟!
شيخه: فى العين مول حبيبى فيصل ودنى
فيصل: شوووويخ و لله تعبان
شيخه: بسير انا و هندوه
فيصل: خلى خالد يوديكن
شيخه: وينه انزين
خالد يدش الصاله .: انا اهنيه حد قال اسمى
شيخه: ودنى العين مول
خالد: وووووووووووووويه شو اسوى اهناك
شيخه: بسير اطلع لبسى
خالد: امنوه بيسير
شيخه: انا و هندوه
خالد: يالله انزين اطلعن
شيخه: دقايق و انا و هندوه تحت عندك
خالد: بنشوف
طلعوا المول خالد وخواته ...اول مادشوا خالد انصدم شاف روضه مع واحد تتمشى وياه ...: ابوها متوفى و ماعندها اخوى منوه هذا ...قعد يفكر و يفكر ماصدق للى شافه قعد ماسك اعصابه لين ما وصل البيت وصل خواته وسار الكوفى و اتصل على سعيد للى كان طول الوقت يحاتيه ...
سعيد: اشفيك يااخى
خالد: شفت روضه ؟؟!!
سعيد: وين ؟؟؟
خالد: اهنيه فى المول
سعيد: لا و لله منوه وياها
خالد: واحد مااعرفه و لله
سعيد: غريبه هذى البنيه (شاف روضه قاعده فى الكوفى)خاااااااااااااااااالد
خالد: شووه بلاك
سعيد: هذى روضه
خالد(يصد صوبها): هيه و لله بروح ارمسها
سعيد: ايييييييييييييه يالخبل شو بتقول لها
خالد: بقولها منوه هذا
سعيد: بتقولك مالك خص
خالد: لى خص ونص بعد قصورها و لله
سعيد: ياخالد البنت يمكن ماتباك
خالد: انا الف وحده تتمنانى (وقف)
سار خالد صوب روضه للى من شافته وقفت اطالعه
روضه: خالد
خالد: هيه خالد شو تسوين اهنيه
روضه: وانته شو لك انا شو اسوى اهنيه
خالد: منوه هذا للى تتمشين وياها
روضه: مالك خص
خالد: لا تقولين مالى خص الحين لا ......
روضه: شو خالد على شو ناوى
خالد: يالله سيرى البيت
روضه: من تكون انته حضرتك علشان تامرنى
خالد(بدى يفقد اعصابه): بتسير والا لا
روضه(قعدت): مب سايره
خالد: قوليلى منوه هذا
روضه: يااخى هذا يصير ريلى بعد شووه
خالد(انصدم): ريلج
روضه: هيه ريلى
خالد: كيف يحق على عمره يخليج اهنيه فى الكوفى
روضه: سار يتسرى لى هديه وبايي
خالد: اسمحيلى
طلع خالد من الكوفى و الدنيا ادور عليه ولحقه سعيد لانه كان خايف عليه
سعيد: خالد اشفيك
خالد: طلعت متزوجه (يطالع الارض)
سعيد: خالد بس برايها شو تبا فيها
خالد: مصيبتى حبيتها و لله
سعيد: من متى
خالد: من اول يوم شفتها فيه
سعيد: بس خلاص لا اتعب عمرك شو تبا فيها لله يوفقها
خالد: بس تعال كيف ريلها بيخليها فى الكوفى
سعيد: و لله ماادرى
خالد: غريبه هذى البنت
سعيد: شو رايك انسير عند العيوز نتخبرها
خالد: شو بتقول لها
سعيد: بنسالها
خالد: مافينى على المشاكل زين ..خلنا انسير
سعيد: وين
خالد: اى مكان
فى العين مول وبالتحديد فى الكوفى ...روضه جذبت على خالد بان للى معاها يصير ريلها : يالله شو سويت انا ضيعت كل شى بايدى و لله
حمد: هلا حبيبى شو فيج
روضه: ماشى بسير البيت
حمد: ليش
روضه: يدتى اهناك و بتحاتينى
حمد: هههههه تضحكين
روضه: ليش تضحك
حمد: انتى ماحاتيتى رمسه الناس بتحاتين يدج
روضه(وقفت): مع السلامه
حمد: الف غيرج
طلعت من المول و هيه تركض ادور خالد للى اختفى فى لمحه البصر ردت البيت مكسوره الجناح تفكر فى خالد ..
عرفت الناس و الدنيا و طريقى ...عرفت ان الهوى كذب و امانى ..خذانى الشوق و الحب الحقيقى ...لذاك للى عقب وده جفانى ....نسانى الاسف فى عز ضيقى وانا فى غمره اجراحى اعانى ..لقيته فى هوى غيرى غريقى تنكر من هواى و من حنانى ...
سعيد قعد يشوف خالد للى تغير حاله من شاف روضه للى يعتبرها اعز مخلوق على هالارض بعد امه و ابوووه
سعيد: خالد بس عاد
خالد: شووه مافينى شى
سعيد: شو ف شكلك كيف صاير
خالد: ماعليه
سعيد: شو مقعدنا فى امبزره و لله ملل
خالد: وين تبا
سعيد: اى مكان وعن تسرع قلبى بيطلع من الجامه
خالد: هههههههه يالله يالخواف
يرن تلفون سعيد ...
سعيد: الوووو
العنود: عمى
سعيد: هلا عنوووده
العنود: تعال بتخبرك شى ؟!
سعيد: شوه
العنود: عندك خالد
سعيد(يطالع خالد و يضحك): هيه عندى شو تبينه
خالد: منوه
سعيد(يهمس): عنود (يرد يرمسها) شو تبينه
العنود: خلنى اكلمه
سعيد: صبرى ياام لسان (يعطى خالد التلفون)
خالد: الووو مرحبا الساااااااااااع و لا يسدن
العنود: قص على انته بس
خالد: هههههههه شو بلاج
العنود: عندك صوره حمدان
خالد( مستغرب): شو تبين فى حمدان
العنود: اريد اشوف شكله يمكن يخطبنى
خالد: ههههههههههههههههههه
العنود: ليش تضحك
خالد: يوم ملجت عمتج بتشوفينه
العنود(فرحانه): و لله عيل برايك
خالد: وين تبين
العنود: بسير اجهز عمرى
خالد: ليش الشيخه وين تبين
العنود: بسير غرفتى و لله انته حاله
خالد: ههههههههههههههه انزين انزين برايج (سكر التلفون) عجيبه و لله هالبنت
سعيد: هههه شو بلاها الحين
خالد: ههههههه عايبنها حمدان و تبا اتشوفه
سعيد: لله يحفظه ياربى مخبل بنات البلاد
خالد: هيه و لله شو رايك نتصل فيه
سعيد: و لله زين اتصل
خالد: صبر اظهر الرقم
سعيد: يالله انزين
اتصل خالد على حمدان
تووووووووووت تووووووووووووووت
راشد: رد على تلفونك
حمدان: انزين يااخى (يرد على التلفون) الوووو
خالد: مرحبا حمدان
حمدان: خالد
خالد: هيه خالد
حمدان: مرحبا الساااااااااااع و لله شحالك
خالد: و لله بخير شخبارك انته و راشد وشوه الدراسه
حمدان: و لله تسرك حالنا و الدراسه تمام
خالد: ياحيك و لله اقول حمدان
حمدان: هلا
خالد: الاسبوع الياى ملجت فيصل لازم تاييى
حمدان: خلاص عيل من الاحد الياى عندكم
خالد: و لله كم بتقعدون
حمدان: بنقعد اسبوع او اسبوعين فى البلاد و بنرجع لندن
خالد: نترياكم (يشوف سعيد ياشر له يبا يرمسه) سعيد يريد يرمسك
حمدان: عطنى ايااااه
سعيد: مرحبااااااااااااااا الساع و لا يسدن بذمتيه قسم بالله
حمدان: هههههههههههههه صدقتك شحالك ياريال
سعيد: بخير ربى يسلمك
حمدان: وش حال الحرمه
سعيد: بخير تسلم عليك
حمدان: هيه سلم عليها قو للها يسلم عليج الحميدانى
سعيد: هههههههههه بذبحك انته وياها
حمدان: ويا راسك مب جان حرمتك اختى خخخخخخخخخخخخخخ
سعيد: ههههههههههههه خاااااااام امبونك
حمدان: انا خام يا خام
سعيد: وشو لندن وياكم
حمدان: و لله زين مشتاقين حق البلاد
سعيد: و لله مشتاقيلكم نحن بعد
حمدان+راشد: ياحيك
سعيد: وويه بوسنيده عندك
راشد(يسحب التلفون): هيه نعم شحالك بو عسكور
سعيد: بخير ربى يسلمك و شحالك انته
راشد: و لله بخير و طفران
سعيد: من شوه (يسمع صوت حمدان: من الزنجيه الامريكيه ) هههههههههه احلف
راشد: مالت عليها اسم لله برطمها تقول تاير سياره
سعيد: هههههههههه و لله انك
خالد: خسرتونى بسكم
سعيد: بطاقتك خط
خالد: تبانى ادفع 1500 كل شهر عاد الاتصالات ياحبها حق الفلوس
راشد: خخخخخخخخخخخخ عيل برايكم بسير انا الحين سلموا على الاهل
سعيد: ههههه ان شاء لله يوصل و سلم على حمدان و نترياكم الاسبوع الياى
راشد: ان شاء لله
:: فى لندن:::
حمدان: اقولك راشد لازم ناخذ اجازه
راشد: شو اجازه؟؟؟؟ اصلا اجازه هذا الكورس تبدا هذا الخميس
حمدان: و لله قم عيل نحجر
راشد: انزين علشان جيه اريد تلبس يااخى و ياهذا الشعر
حمدان: اشفيه شعرى
راشد: يااخى قطعه
حمدان: هو ناعم جذيه شو اسوى
راشد: هههههههههه
حمدان: يالله انسير نحجز عااد
راشد: يالله يااخى
حمدان: تعال مانعرف شى عن اليازيه
راشد: هيه و لله مااعرف عنها شى بس لله يكون فى عونها يارب
حمدان: هيه و لله
حجزوا حق اول طياره بتسير الامارات و موعد السفر كان الخميس بالليل يعنى يوم السبت الفير بيوصولون الامارات ....طارت الطياره ...و حلت دبى ...
الجزء الثامن عشر
طريق دبى – العين
حمدان و راشد ماخبروهم انهم بيوصولن على المغرب وقعدوا يخططون كيف بيدخلون البيت ..
راشد: تعال شو بنسوى يوم بندش
حمدان: شرده
راشد: شووه شرده
حمدان: بسير انااااااااااام
راشد: و لا ذبابه التسى تسى
حمدان: هب هباك لله حشى بتحسدنيه
راشد: يااخى شو اسويبك كله رقاااد
حمدان: ااااااااااااااااه يادارى كيف صارت
راشد: هيه و لله
حمدان: اتصدق الدار بدون بو خليفه ظلمه و قلبى يعورنى و لله
راشد(نزلت دموعه): لله يرحمه و البركه فى عيال زايد
حمدان: لله يرحمه يارب بس انا مب مصدق ان خلاص مابشوفه
راشد: كل انسان له يوم يا حمدان صح
حمدان(يبتسم): هيه نعم
::++ بيت بو سالم::++
ام سالم: هندوووووووووه و صمخ
هندووه: شووووه امااااااااااااااااااايه
ام سالم: ماتسمعين يعيبج صوت التلفزيون عالى
هندوه: ههههههه امايه مااعرف اسمع الا جذيه
:: تدخل شيخه::
شيخه: صوت التلفزيون لين الحوش
هندوه: يعنى ما اطالع
ام سالم: يالله ياهندوه و على اذان هالمغرب تقطع الكهرباااااا
هندوه: يالله يادعواتج انتى و لله
شيخه: ههههههههه بطلع المغربى
هندوه: وانا بنت البطه السوده مااطلعون لى فستانى
ام سالم: يوم انتى مجابله هالمنكر كيف تبين تخلصين شغلج اخوج ملجته بالخميس
هندوه: يالله بسير اطلعه و يا شيخوه
ام سالم: على خير ان شاء لله
شيخه: انزين
هندوه: اقووول شووويخ
شيخه: شوووه
هندوه: و لله اذا سرتى المول بسير وياج
شيخه: انزين ليش تحلفين ؟؟!!
هندوه: علشان ماتودرينى و تسيرين وياخالد
شيخه: للى يسمع الحين خالد عند الباب واقف
هندوه: خخخخخخخخخخ لا اقول بس
ام سالم: ياويلى من هاللسان ياربى
عند باب البيت حمدان وراشد وصلوا وحطوا شنطهم فى غرفه الدريول وساروا يشوفون اذا حد فى المطبخ مالقوا حد ...دشوا من الباب الخلفى ..
راشد: حووووه اشوى شوى شو هاااا
حمدان: ههههههههههه اريد اخوف امايه صبر
راشد: ليش ماتغنى يا خبل بيتخبلن عليك
حمدان: هيه و لله شو اغنى
راشد: هداياك
حمدان: شورك
راشد: هيه
حمدان: يالله
راشد: يالله عاد ؟؟!!
حمدان: تعال خذ منى هداياك وباقى الصور و اغلى المكاتيب ...ماعا تنفعنى بلياك ...(يمشى حمدان لين الصاله)
ام سالم من شافت ولدها وقف و حظنته و قعدت اتصيح و دش راشد و تغشن البنات يوم شافنه ...
ام سالم: اشعنه ماخبرتونى
حمدان: مابغينا انتعبج بس هاااا ماتخبرين حد
ام سالم: وليش
حمدان(يطالع راشد): قم انرد لندن
ام سالم: ورفجه ماتسير
حمدان: مب ساير فديتج
شيخه: شو تبون تشربون
حمدان: اريد ماى (يطالع راشد) شو تبا
راشد: مابا شى و لله
ام سالم: يالله عنى افداكم ياربى متى يتوا
حمدان: الحين بس
راشد: انا بسلم على عمى و بسير
ام سالم: وين تبا ؟؟؟
راشد: بسير عند العيوز حليلها
ام سالم: عمومتك شلوها
راشد: لا و لله و البيت
ام سالم: عدله لك ؟؟!
راشد: اممم لا بسير البيت انا
ام سالم: ياولدى ماعليه اقعد عندنا
راشد: لا شووه خالوه عيب الريال يقعد فى بيت غير بيته
ام سالم: بيت خالتك هذا
راشد: شو بيقولون مودر بيته وقاعد عند خالته و لا تنسين خالوه ان عندج بنات
حمدان: حشيم قسم بالله خاصه ويا هذيج الزنجيه هههههههههههههههه
راشد: جب جب يالله
ام سالم: منوه هذى الزنجبيه
راشد: ههههههههههههههه مب الزنجبيه ...هذيل السود
ام سالم: بسم لله الرحمن الرحيم لا يكون صابتك بعين
راشد: لا حشى ماقربتها
حمدان: هههههههه انزين
دشت شيخه وهندوه يقربن الفواله ...
شيخه: قربوا ؟؟!!
حمدان: صدق من سماج شيخه
شيخه(مستحيه): لا و لله
حمدان: لا تصدقين عاد وايد
هندوه: حمدااااااااااااااااان
حمدان: هلا ام دويس قصدى هلا هندوه
هندوه: منوه ام دويس
حمدان: هااااااااااااااااه شوووه لا محد
راشد: ههههههههاااااااااااااى خواف
هندوه: خله يخاف انا اكبر عنه
حمدان: انزين اكبر عنى بس دلووع الماما و البابا انا لا تنسين
هندوه: يالله عاد منوه يروملك الحين انته
ام سالم: بسم لله على ولديه لا تحسدينه
هندوه: جانى مب اخته
الا واشوى يسمعون بو سالم داش ويا عياله (فيصل و سالم و خالد) اول ماسمعوهم حمدان وراشد ساروا ورى الباب علشان مايشوفونهم
بوسالم+العيال: السلام عليكم
الكل: و عليكم السلام ..
بوسالم: مقربين الفواله اشوف
ام سالم: هيه و لله يعت و حطيتها
بوسالم: مابترقدين بالليل
ام سالم: تراك انته بتونسنى
بوسالم: حشى اريد ارقد انا مافينى على رمسات الحرمات انا
فيصل: احس بشى غريب
شيخه: ليش ؟؟!
فيصل: ماادرى فى شى مستوى
سالم: حشى الحاسه السادسه عندك
ام سالم: لا اله الا لله بتحسدون ولديه عنده ملجه الاسبوع الياى
فيصل: هههههههههه لا الحمدلله محد بيحسدنيه (وقف)
هندوه: وين تبا
فيصل: ماشى ؟؟ بس فى شى انتن تعرفنه ماتبن تخبرنا
خالد: خل عنك واقعد عنهن
الا واشوى يسمعون صوت حمدان من ورى الباب :
يامن اخذت القلب والروح وياك ..لا تفتكر فى يوم ابعد واخليك
ماذقت طعم الحب ياشوق لولاك ...كل الهنا شفته بنظرات عينك
اشغلتنى من بد ذوله وذولك ...دايم مولع وفكرى يحاتيك
وانا ترى محدن حبيبى فى سواك ...قلب رخص غيرك و بالحيل شاريك
ازعل لزعلك و اشترى بعمرى رضاك ..يامصدر الهامى ترى العمر يفيديك
رسمك بعينى وشاغل البال ذكراك...طيفك يراودنى وقلبى يناديك
ويمشى و يقعد عدال ابوه للى مستغرب ويلف على يساره وشاف راشد قاعد ماصدق بوسالم عيونه لوى على ولده و على راشد وسلموا على بعض
فيصل: ماقلت لكم فى شى غريب
راشد: انزين كيف عرفت
فيصل: جيه اعرف عطورتك ونوعيتها انته وحمدان
حمدان: هههههههه لا و لله المره اليايه مابنتعطر
سالم: وااااااااااع بتون جيه ريحه خايسه واع واع
بوسالم: متى يتوا ؟؟!!
حمدان: من قبل اشويه واصلين
بوسالم: وليش ماخبرتونا
راشد: نريد انسوى surprise
بوسالم: شوو بعد هااا ههههههه
حمدان: مفاجاه (يطالع خالد المهموم): شحالك خالد
خالد(انتبه على اخوه): بخير ربى يسلمك
حمدان: وشو الدوام
خالد: زين و لله
راشد: يالله عيل انا بسير الحين
بوسالم: وين ؟؟!!
راشد: بسير البيت
بوسالم: ليش ماترتاح عندنا
راشد: عمى اريد اسير البيت لان العيوز محد ومناك بستغل الفرصه اعدله لى
ام سالم: ان شاء لله اشوفك معرس
راشد: احم مافينى شكلى نحس كل مااخطب لازم يصير شى
ام سالم: فال لله و لافالك اشفيك جيه
راشد: خالوه انا تعبان و بسير ارتاح اشوفج على خير
طلع راشد من بيت بوسالم وهو يفكر فى هندوه و البنيه للى شافها فى لندن (اليازيه)..وهو فى السياره قعد يفكر ياربى كم قلب عندى انا ولا يكون حبيت اليازيه شو هالحاله ...دش البيت و نزل الشنط وسار غرفته انسدح على السرير سكر عيونه مر طيف هندوه و اليازيه مع بعض ...ومسك تلفون وكان عنده رقم اليازيه و اتصل عليها
راشد: الووو
اليازيه: مرحبا .؟؟؟ منو
راشد: انا راشد للى شفتيه فى لندن
اليازيه: ياهلا فيك شخبارك راشد ؟؟ حمدلله علىالسلامه
راشد: لله يسلمج ؟؟ شو تسوين
اليازيه: ماشى و لله قاعده
راشد: امممم اليازيه
اليازيه: لبيه ؟؟!!
راشد: لبيتى حايه ؟؟بس
اليازيه: انا حاسه ان فخاطرك رمسه
راشد: بصراحه هيه
اليازيه: خبرنى و لا تخلى شى فخاطرك
راشد: انا تولهت عليج
اليازيه(منصدمه): شووووه
راشد: هيه و لله طول الوقت افكر فيج من طلعت من لندن و من اخر مره شفتج فيها
اليازيه: انته تعرف ياراشد ان املى فى الحياه 2% صح
راشد: وين انتى عن لله
اليازيه: مااعرف شو اقولك ؟!
راشد: بتوعدينى ؟!
اليازيه: على شووه
راشد: انج ماتخلينى
اليازيه: راشد شو فيك
راشد: ماادرى حاس انى احبج
اليازيه: مع السلامه
راشد: اشفيج اتضايجتى
اليازيه: شو هالرمسه ياراشد لو ادرى ماعطيتك رقمى
راشد: شوفى فكرى وردى على لان حاسه انى مااقدر اصبر عنج
اليازيه: كيف يعنى ؟!
راشد: بخطبج انا
اليازيه: انا فينى السرطان
راشد: السرطان حميد بعدين مب خبيث انزين و بتتعالجين و بتكونين احسن
اليازيه: ليش ماتفهم
راشد: بس خلاص انا خذت قرارى و بخطبج
اليازيه(ساكته )............
راشد: قولى شى
اليازيه: مااعرف
راشد: صدقينى بحطج فعيونى
اليازيه: انا ماقلت خلاف
راشد: شو تبينى اخطبج و انا شارنج و اريدج
اليازيه: الشور شور اهلى مب شورى انا
راشد: عيل خلاص خلينى ارتاج وباجر ارمسج فاهمه
اليازيه: ان شاء لله
راشد: اتصلى اترياج
اليازيه: ان شاء لله
سكر راشد التلفون عن اليازيه و حس براحه فظيعه فى لحظه ظهر طيف هندوه للى هز قلبه بقو وقعد متيبس انا شو سويت ياربى ...يالله اما اليازيه فى الجهه الثانيه ماقالت حق راشد ان السرطان خبيث مب حميد وانها بتموت لا محاله لان المرض انتشر فى كل جسمها بس بتحاول تجنبه و ماترد عليه الا مرات ..اتنهدت و ردت راسها ورى على الكرسى ..يالله مستحيل انسى احمد للى حبيته من كل قلبى و لله يالله يااحمد كيف انساااك تذكرت اليازيه سالفه المطعم يوم كانت قاعده ويا احمد ...
اليازيه: احمد شوف المعكرونه .؟؟!!
احمد: بلاهاااااااااا يزوووووى
اليازيه: فيها ثوم
احمد: شوفى عصرى عليه الليمون و بيطيح
اليازيه: هههههههههههههه لا و لله
احمد: ههههههه شو اسويبج يعنى كلى
اليازيه: انته كل ويايه
احمد: ان شاء لله (يهمس) يزوووى ؟؟؟
اليازيه: عيونها
احمد: فديت عيونج انا
اليازيه: شووو
احمد: احبج
اليازيه(مستحيه): وانا بعد
احمد: تصدقين يوعان من الخاطر
اليازيه: انزين حد ماسكنك ..
احمد: انتى من كثر ماطالعينى استحى اكل
اليازيه: حشى عليه ماطالعتك و لا شى
احمد: هههههههههههههه
الايام للى كانت قبل بالنسبه لليازيه احلى ايامها ..كان احمد ولا زال اعز انسان تموت فيه على الرغم من انه معرس وعلى اغنيه فاطمه زهره العين هداياك تنزل دموعها على خدها :
تعال خذ منى هداياك وباقى الصور و اغلى المكاتيب
ماعاد تنفعنى بلياك ووجودهن عندى تعذيب
يكفينى اتسلا بذكراك دامك نويت اتصد و تغيب
واوعدك طول العمر ماانساك حتى ولو حطمنى الشيب
ماينكر طيبك و حسناك و انا اجازى الطيب بالطيب
لولاك ماحبيت لولاك لا عشت فى دنيا المحابيب
شفت الهنا والطيب وياك باحساس واقول ومساير
لله يسمحلك نواياك ويحفظك من كل العذاريب
اوادعك و اتامل ارضاك محد حبيبى يعلم الغيب
وامن مت اذكرنى بدعواك شوف الصور و اغلى المكاتيب
مسكت اليازيه تلفونها و قلبها يدق اتصلت على احمد رنه وبندت لانها خافت ترد عليها حرمته وقعدت اشوى الا تلفونها يرن وتشوف التلفون مكتوب عليه القلب ...
أحمد: الوووو
اليازيه: ................
أحمد: يزووووى بلاج ساكته
اليازيه: هلا احمد
أحمد: شحالج
اليازيه: شحالك انته ؟؟
أحمد: بدينا انغير شحالج
اليازيه: انته ماتبانى صح
أحمد: يزوى لا تغيرين السالفه تعرفين انتى شو معزتج عندى
اليازيه(تصيح): لله يوفقك اقدر اتصل فيك
احمد: هيه بس مب دوم برد عليج لان الحرمه بتكون عندى
اليازيه(تزيد فى صياحها): الحرمه
احمد: بلاج يزوووى
اليازيه: برايك (تسكر التلفون)
سكرت فى ويهه احمد للى خاف عليها ورد يتصل فيها وهيه ماترد وهيه تصيح اشوى وبتذبح عمرها غلقت تلفونها وردت فى دوامه الحزن مره ثانيه .حرام عليك احبك واااااااايد ...وتصرخ وتدخل امها عليها
ام اليازيه: اشفيج يابنتى بسم لله عليج
اليازيه(تصيح فى حظن امها)
ام اليازيه: بسم لله عليج غناتى
اليازيه: اماااااااااااااااااااااااايه خلاص كل شى راح (تصيح)
ام اليازيه(خايفه): شو للى راح
اليازيه: اريد اموووت مااريد اعيش
ام اليازيه: لا اله الا لله بس يابنتى
اليازيه(تصيح)
ام اليازيه: خبرينى شوفيج
اليازيه(صياحها يزيد تذكرت احمد)
:: فى الامارات::
وبالتحديد فى بيت بو صالح خلود كانت قاعده تغنى وشاله البقعه ومريم تضحك عليها من الخاطر...
مريم: شوبلاج مستخفه
خلود: انا مستخفه مالت عليج
مريم: تعالى بتخبرج
::++تدخل العنود راده من المدرسه معصبه:::++
العنود: سلام عليكم (فرت الشنط و الكتب وقعدت على الكرسى)
مريم: ليش جذيه فريتى الكتب هااااه
العنود: مااريد اروح المدرسه
خلود: ليش ؟؟!!
العنود: مااريد اسير غصب شوووه
خلود: مب غصب بس شو السبب
العنود: هذى المعلمه الخبله
خلود: شو سوت فيج
العنود: كنت اكل لبان وقالتلى افره و انا ماعندى غيره
مريم: هههههههههههههه
العنود: تضحكين دواج عند ابويه
مريم: شو تبينى اصفق لج مثلا
العنود: شو هذا ووقفتنى ورى بعد
خلود: تستاهلين من طوله لسانج
::يدخل بوصالح ::++
بوصالح: سيرن عدلن الغدا عمج وعياله بيتغدون عندنا
العنود: فيصل بعد
بوصالح: هيه فيصل بعد
العنود: بسير اتلبس عدال (طلعت من الصاله)
مريم: عنووودوه ردى
العنود(من بره الصاله): لييييييييييييييييييش؟؟
مريم: تعالى شلى شنطج
العنود: مافيه
مريم: تعالى اقولج
تدخل العنود الصاله
العنود: يالله تعلى صوتها علشان خطيبها بيتغدى عندنا
مريم(مستحيه ومعصبه): بس جب انزين يالله جدامى
العنود: انزين لا ادزين
خلود: بسير اغير ملابسى
بوصالح: طالعن الغدا قبل
مريم: ابوويه الغدا مخلص من الساعه 1 وشى و الحين 2 الاربع
بوصالح: سعيد وينه
خلود: الحين باييى
سعيد: اسمع حد يزقرنى
بوصالح: انا تعال ؟؟ عيال عمك بيتغدون عندنا
سعيد: ادرى خالد قالى
بوصالح: عيل خلاص لا تطلع
سعيد: ان شاء لله
بوسالم و عياله وصلوا كلهم بيت بوصالح ...حمدان سلم على عمه للى ماكان متوقع انه رد من السفر وسعيد نفس الشى ...
سعيد: حيالله الحميدانى شحالك
...........
تحياتي