[غربه الدار]

أعوذ بالله من الشيطان الرجيم
بسم الله الرحمن الرحيم
اللهم صل على محمد و ال محمد و عجل فرجهم الشريف و اجعلنا من انصاره و اعوانه و العن اعداءهم الي يوم الدين ..
الحمدلله على نعمة الرسالة المحمديه و الولاية الحيدرية ..

..السلام عليكم ورحمة الله تعالى وبركاتة ..

بداية شهر محرم اتشوف جميع الشيعة اللي يلبس اسود و اللي يسهر على خدمة ابا عبدالله الحسين ع و اللي يقعد في مجالس الى الفجر و اللي و اللي ..

و حتي من غير شهر محرم اتلقي احنا بالمنتديات انكتب عن الحسين عليه السلام و حياته و شنو صار وياه في كربلاء ..و قصائد عن الحسين ع و اللي يكتب شعر في الحسين عليه السلام و حتي مجالس الحسين ع على طول السنة و الحمدلله ..

و الامام الحسن عليه السلام بس مولده و وفاته ..

بس هل احنا انسوي الامام الحسن عليه السلام ..مثل ما انسوي للحسين عليه السلام ..
الاجابة ..طبعا لا ..
انا بالحسينية في محرم الحسينية كانت ما اتكفي الحريم من كثر الزحمه ..و المجلس يكون حار باللطم و البجي ..أما الامام الحسن عليه السلام المجلس بارد جدا و الحريم ما يردون عليك بالجواب بالطمية الا بالغصب و شلعت القلب ..

والله العظيم يوم وفاة الحسن عليه السلام ماكو غير كلش كلش 20 حرمه تقريبا بالضبط و يوم مجلس الحسين عليه السلام الكل لابس اسود يوم وفاة الحسن عليه السلام عادي اللي لابسه ملون و اللي بالمجلس يسولف ..ما يسمع و اللي ما يبجي ..

انا كل سنة يصير هالشئ فعلا الامام الحسن عليه السلام مظلوم الي الان ؟؟ ليس له مقام
و ثانيا نادر ما اتشوف منتدى خاص بالحسن عليه السلام ..
احنا الاكثر انهتم بالحسين عليه السلام و حياته و خاصه لو سالت اي احد عن الحسن عليه السلام ما يعرف كثر معلوماته عن الحسين عليه السلام ..

اعتقد اكثر الشيعة ما يعرفون ان الامام الحسن عليه السلام و الامام الحسين عليه السلام لهم نفس المقام عند الله سبحانة و تعالى و هم سيدان شباب اهل الجنة ..روحي لهم الفداء ..

فيا ترى لماذا ..؟

..نسالكم الدعاء