يمه *******ابوي

[غربه الدار]

يمه عسانـي فدوتـك لا تضيقيـن

لا ضقتي الدنيا ترى ما اوسعتنـي

يمه فدوك الي على الارض ما شين

يا اللي ربيت بحضنها و ارضعتنـي

كانك علية بعد مـا غبـت تبكيـن

لا بارك الله في ضـروف حدتنـي

الوقت يمه ما مشى لي على الزين

و صدوف بقعاء بالمهالك رمتنـي

تلعب بي الدنيا على العسر و اللين

يا مـا لعنـت ايامهـا و لعنتنـي

و رمتني القـدرة بديـرة غريبيـن

لو كنت ما ابيها و هي مـا بغتنـي

و انتي بكيتي من غلا و الغلا شين

يا غالية عنـدي و يـا مغليتنـي

و ان كان بأسباب الغلا تبكي العين

عساني افدى عينك اللـي بكتنـي

علي فضلك دين طول العمر ديـن

ما اوفيه لو حجيت بك فوق متنـي

يا رب يا قابـل صـلاة المصليـن

ترد لأمي فضلهـا اللـي عطتنـي

طالبك يا منزل تبـارك و ياسيـن

تكتب لها الرحمة مثل ما رحمتنـي

انا جهلت حقوقها و الجهـل شيـن

يا ما غلطـت بحقهـا و أعذرتنـي

و لو قلت بكتب عن غلاها بسطرين

ما اوفيتها لـو ربـع مـا دينتنـي

يابوي

يا بوي مني لك سلام وتحيات
عساك ذخر ايامي المقبلاتي
عنكم لو تبعدني ظروف ومسافات
دايم على بالي وساكن لجاتي
دلعتني يا بوي بد الابنيات
ما مرةٍ كدرتني في حياتي
والله لو اعاني من الوقت قسوات
اني لاخفيها بطول السكاتي
واصبر على الشدات لو هي طويلات
ما ابوح بشي ايكدرك يا غناتي
وامي عسى الله يحفظه حسنة الذات
ابحضنها دايم تكف اعبراتي
كم مرة ما جاه للنوم لذات
الى سهرت يحرم عليها المباتي
اخذت من طبعه اخلاق كريمات
وترك الندم كله على الفايتاتي
وصبرن على جور الزمن والمصيبات
وتعلق في خالق الكايناتي
يالله تجازيهم يارب السماوات
عن خيرهم فينا كثير احسناتي

[الصمت الحزين]

اختى العزيزه غربه الدار
اتمني من العلى القدير ان يستجيب لكلاماتكِ الجميله
راجيا المزيد مما تخطه يداكِ
اخوكم الصمت الحزين

[المنتظرة]

احس بغربه وحشه
وحنين

الأم الأبو
ماهي كلمه وتنقال
هم احساس وأفعال

الأم ضمه اللسان
والأب عطف وحنان

ألأم دفى وبسمه
وألأب سند وفى

صحيح كلامك ياغربه
مانقدر نوصف او نوفي حقوقهم

تحيه وسلام لقلبك الصافي

[غربه الدار]

مشكورين على المرور وتنورة صفحتي بمروركم الكريم أخوي الصمت الحزين والمنتظره