فستان خطوبة وآخر لحنة

[أم يوسف]

السلام عليكم ورحمة الله وبركاته

شخباركم إن شاء الله زينين ؟؟

عالعموم اليوم جايتنكم وجايبة ويايي هدية من عند صديقتي

هذا إعلان عن فستان خطوبة وعن فستان للحنة وفيه أجزاء بسيطة من الفساتين .. واللي تحب تشوفهم كلهم تدز لي رسالة خاصة وبطرشها على البنية صاحبة الفساتين ..

[العنود]

مشكورة اختي ام يوسف واجد حلوين

[أم يوسف]

حاضرين خيو

[قوت القلوب]

تسلمين خيو
على الذوق الرائع

[اميرة]

ثانكس خيو اهو حلو بس لو تحطين الصورة كامله يكون افضل

[أم يوسف]

خيو ما يصير أحط الصورة كاملة في الانترنت .. لأن بعدين لو فكر أحد يستأجره يكون الكل شايفه قبله .. بس ترى صاحبة الفساتين من عالي يعني يقدرون يروحون لها بيتهم ويشوفونهم كاملين :blush:

[تفاحة الجنة]

مشكوووره
هذي بس لقطات من بعض الجوانب وتبين حلوه اشلون لو كامل000

[أم يوسف]

اقتباس: المشاركة الأصلية كتبت بواسطة تفاحة الجنة     مشكوووره هذي بس لقطات من بعض الجوانب وتبين حلوه اشلون لو كامل000

اللقطات من بعض الجوانب تبين حلوة بس إذا كاملة يبين روعة

[زهراء]

شكراً اختي بس لصور ماتطلع عندي

خسارة

[أم يوسف]

ضغطي خيو على الصورة رايت كلك واختاري show picture :blush:

[أم يوسف]

مشاركة للرفع

[العاصفة]

اقتباس: المشاركة الأصلية كتبت بواسطة أم يوسف     .. واللي تحب تشوفهم كلهم تدز لي رسالة خاصة وبطرشها على البنية صاحبة الفساتين .. [i]

أحذري من هذا!!!!!!!!!!!!
ليس كل معرف لبنت يعني ان صاحبته انثى ، تحرزا اخشى ان تقعي فريسة لمحاولة مبتذلة فكوني يقظة

[أم يوسف]

اقتباس: المشاركة الأصلية كتبت بواسطة العاصفة     أحذري من هذا!!!!!!!!!!!! ليس كل معرف لبنت يعني ان صاحبته انثى ، تحرزا اخشى ان تقعي فريسة لمحاولة مبتذلة فكوني يقظة

إي والله النت ماله أمان .. لكن كل إنسان وضميره .. وإذا السالفة جدي بخلي البنية تعطيني رقم زوجها عشان إذا اتصلوا وشاف الرجال إن اللي كلمته بنية يعطيهم رقم زوجته .. وإذا لا فحسابه عسير

[$*$* الحزينة $*$*]

مشكورة اختي ام يوسف واجد حلوين

[المهمومة]

مشكورة خيووو **** ام يوسف****
بس يا حسافة ما يطلعون عندي سويت على قولتج رايت كلك
بس ما يطلع عندي شنو اسوي
والله خاطري اشوفهم
مشكورة مرة ثانية خيوو واتمنى اني اشوفها
تحياتي

[أم يوسف]

أولا العاصفة مسامحة ما قدرت أرد على الرسالة الخاصة لسببين .. الأول إني توني اليوم شايفة الرسالة الخاصة .. والثاني إن ما أقدر أرد إلا بعد 50 مشاركة .. وعدد مشاركاتي للحين ما وصل لهالعدد

المهمومة: خيو أني الحين شلت الصور لأن خفت ينتشر الفستان عالفاضي .. والمشكلة الحين عرفت إن الرسائل الخاصة مو شغالة عندي .. يعني لو بغيت أدزه ليش عالخاص ما أقدر

[Posy cat]

وأني بعد ما يطلعون عندي الصور
حسافة ...
بس ع العموم مشكورة اختي

[أم يوسف]

حاضرين ولو

عموما أني براسل الإدارة وبشوف إذا في إمكانية تفعيل للرسائل الخاصة .. بس لو شغلوها ليي بس براوي الجادات أوكي ؟؟ عشان لا يفجه الفستان