هذه الخاطرة نشرت اليوم في جريدة الميثاق
يا بحـــــر
جيتك يا بحر طلبتك تغسل همومي
ابيك تهون علي مصايبي وتمسح دموعي
جيتك ابي منك كلمة تواسيني
ابي احس بالامان وابيك تدفيني
يا بحر جيت اتغني لك بهمومي
ابي كلمة انسي بها العذاب وتريحني
يا بحر فديت لك روحي
ورميت عليك ايام سنيني
راحت ما ابيها صارت ماضي
ابيك حميم ايامي ودربي
ابحكيلك يا بحر قصة العاشق الولهان
فقد حبيبه وتراه مو ندمان
حبه حب تشهد عليه الايام
صار بداخله شوق وهو لشوفته عطشان
ذبحه الشوق ومن الشوق مرضان
دوا علته قطع حبل الحرمان
يا بحر اقطع حبل حرمانه وخله فرحان
تراه يترجي منك دوا علته هو للحب عشقان
مغرم وما الومه من منا ما صار للحب غشيان
وده يطير لكن هو مكسور الجنحان