<div align="center">
(هاتف ال كاميرا ) انتبهوا...
(جوال كاميرا ) انتبهوا...أصحاب محلات الجوال
يرجعون الصور حتى بعدالمسح
هذا الموضوع تعقيباً للموضوع اليً سبق ونزلته وهو
( ضربه كبيرة لسمعه نوكيا )
لأن الموضوع جداً خطير 0
وإليكم هذا الموضوع:
كل الي معاهم جوالات بكاميرا ... ومصور فيها اهله
او خواته او بناته .... او البنات الي يصورون بعضهم
بجوال الكاميرا خاصة في المناسبات العائلية الصغيرة
يعني اقارب عيال عم او غيره .. وبعده يمسحون الصور
من الجوال .. ترا ما تنمسح نهائيا !!!
وفعلا هذا الي صار معاي .. (صاحب التلفون)
انا معي جوال نو كيا 6600 وفجئه اشوف شاشة
الجوال والقى كلام بالانجليزي وفيه كلمة(ERROR )
يعني بالعربي خربان .. فقلت اروح لمحل زميلي
عنده محل جوال في مجمع كبير ... وقلتله يافلان وش
السالفة قال جوالك يبغاله اعادة تهيئه يعني سفت وير
من جديد يعني بيحملي اصدار الباندا من جديد ... قلتله
الله يخليك الا الارقام ما حفضتها لا بذاكره ولا غيره ..
فقالي لا يهمك احاول اسحبها لك ...المهم حط جوالي
بتوصيلات عنده موصله بجهاز الكمبيوتر .. وبعد
نصف ساعه حملي اصدار الباندا الجديد وقالي خذ
رجعت لك الارقام ما خليتها تروح مع التهيئة ..
وحمدت ربي .. لكن تفاجأت لمن رحت للقائمة
ورحت للاستديو .... حصلت الصور الي انا
مصور به عيال اختي في البر العيد الماضي والله
صور كثيرة فوق الاربعين صورة .. وانا كنت
ما سحها من زمان ولا بقيت ولا صورة بالجهاز ....
اندهشت وقلت له هذي الصور انا ما سحها قال ايه
مو قلت لك ما ني مخلي ارقامك تروح قلت له ..
الحمدلله ارقامي رجعت بس معقولة الصور ترجع ...
قال لي ايه ترجع .. وقالي ياعمي شوف هالمحلات
كلهم يحترون بس بنت تجي ومعها جوال الباندا او
اي جوال بكاميرا وتبغى له صيانة ينبسطون يقولي
والله فلان الي بعد المحل الي جنبنا لاقي صور بجوال
وحده له ولخواتها اظهار كلهم حلوين ويشبهون بعض ..
ويقول ومصوره نفسه وهي لابسة كذا لبس .....
قلت والله المسكينه الحين بتنتشر صورتها وصورة
خواتها بالنت لو نشرها صاحب المحل .......
وقالي غيرهم كثير...........
فانا اقول نصيحة لكل واحدعنده جوال بكاميرا
لا تصور احد من اهلك بالكاميرا نهائي ولو على
سبيل الضحك او اختك تبي تشوف وشلون بيطلع
شكلها بالصورة وتروح تصورها ترا فيه ناس ما
تخاف الله ........ فنصيحتي اذا بتصور لا تصور
الا اطفال اطفــا ل وبس ................
.. السلام عليكم ورحمة الله
عندي معلومة حبيت اضيفها عالموضوع السابق وهو
إرجاع الصور بعد مسحها
سألت صاحب محل تلفونات أثق فيه(صاحب التلفون)
وعنده خبرة بهالسوالف عن هذا الموضوع وعرفت
ان هذي المعلومة صح بس مو بالشكل اللي فاهمينه
السالفه إن الناس ينزلون برامج في التلفون من محلات
الهواتف بس مايدرون هالمحلات شتنزل لهم برامج ,,
المهم برامج والسلام
لكن اصحاب هالمحلات ( مو كلهم طبعا ) اللي ماعندهم
ضمير بس ينزلون برنامج في التلفون يسوي من الصور
نسختين
يعني لما راعي التلفون يصور تصير الصوره نسختين
وحده يشوفها في الاستوديو والثانية تبقى موجودة في
الضبط , بعد ما يمسح الشخص الصورة من الاستوديو
تبقى نسخة في الضبط وتقدرون تتأكدون
يعني هذا برنامج ينزلونه في التلفون ,, نصيحة اللي يبي
يشتري تلفون بوكاميرا يشتريه من الوكالة او من محل
هواتف واثق منه
الله يستر عالجميع
والله أعلم
بس آتمنى تكون معلوماتي صحيحة
شكراً ومع الف سلامة
لاتنسو الدعاء لاخواننا المسلمين في فلسطين والعراق
اللهم انصر المسلمين على اليهود والامريكان
اللهم دمر اعداء الدين وكل من ساندهم ووقف مهعم
اللهم انصر فلسطين والعراق وهون عليهم واجعل نصرهم قريب
وانصرنا وجميع المسلمين يا الله , انك على كل شيء قدير
منقووووووووووووووووووووووووووووووووووووول</div>