السلام عليكم خواتي الفاضلات
مشكورين على تقديم اطباقكم الشهية
اليوم انا عندي طبق سهل وجدا لذيذ لمحبين السجق
طبق اليوم
المقادير:
سجق
سجق، فليفله ، آلو ، جزر ، بصل حسب الرغبة ، باذنجان ، مشروم ، وطماط ، مكعب ماجي ، بهار وملح
الطريقة:
نقطع السجق حلقات ونقطع الفليفة بعد حلقات مع الآلو والجزر والباذنجان بالحجم الي انتو تحبونه ولا تنسون البصل هو حسب الرغبة لان اني مااحبة بصراحة.
بعدها نقلي الباذنجان بروحة ونشفه عن الدهن ونفس الشيء للآلو
ونضع السجق مع الفليفة والمشروم والجزر مع بعض في مقله ونضيف معهم طماطم مقطق من 1 الى 2 طماطم لان يعطي صلصله للطبق مع مكعب واحد ماجي ونضيف عليهم البهارات مع الباذنجان والآلو ونغطيه ونخلي النار هادئة لمده 10 دقائق.
راح يتشرب البخار ويغلض عندنا الصلصة وراح تفوح منه ريحة طيبه وحلوة وكل من ياكلها ويعرف يطبخها بيدعي لي بس حاسبو على صوابعكم .
ولا تنسون تزينونها بالخيار والجبن المبشور
وبالهنا والشفاء
بس انا عني بصراحة زوجي يموت في هذه الطبخة كل سبوع لازم اسويه مرتين او ثلات بشكل اسبوعي