سأقسم باقي القصة الى جزأين وربما يكونان طويلين
نوعا ما فتحملونا .
8
تبكي نوال بصوت مخنووق محمد ينظر اليها
نوال : محمد وش بتسمية
محمد : هههه اسميه؟ مدري والله سميه انتي اي اسم
نوال :محمد لا تقول كذا...(تبكي).... تذكر يوم تقول بسمي اول مولود يجيك فواز
واذا
كانت بنت فوز
محمد : اللي كنت ابي اسميه فواز مو هذا كان ولد ثاني
نوال : محمد لا تقول كذا (وفي صوتها رعشة البكاء ) خلاص نسمية فواز
محمد : طيب طيب خلاص فواز فواز.... المهم انا بروح المكتب الحين وراح اجبتس بعد
ساعه
نوال :اصبر شوي الحين بتجي امي
محمد :سلمي عليها..... مع السلامة
يهم محمد بالخرووج من الغرفة يصل الى الباب وفجاة تذكر شيئأ
محمد :نوال شوفي لحد يدري عن الولد
نوال : وشلون يعني؟
محمد : لا تقولي بيصير معوق ولا شي قولي تعبان وبس
تصمت نوال وكأنها تعرف محمد اول مرة
محمد : خلااص زي ما علمتك
نوال : طيب (تقولها بصوت محنوق )
مررت ايام وخرجت نوال من المستشفى
ومر شهر فواز تجاوز المرحلة الحرجة ولكنه مازال باقيا في المستشفى حتى يكتمل
نمووه
او ما تبقى من شئ ينمو فيه .وقد تعودت أمه التي ان تزور ابنها كل يوم تقف امام
حاضنتة وكان محمد يرافقها..فلم يكن يريد ان يظهر تذمره من هذه الزيارات
المتكررة.....ولكنه لحبة لنوال كان ياتي معها أحيانا يكون مشغول فتاتي نوال مع
السائق
وفي احد الزيارات عندما وصل محمد الى بوابة المستشفى ومعه نوال لزيارة
فواز..يوقف
محمد سيارته اما البوابة
نوال :وش فيك وقفت هنا ليش ما توقف في الموقف
محمد :لا انا مانيب نازل بروح مشوار عندي شغل انزلي انتي وبعد ساعة اجيتس
نوال :وش هالشغل المفاجئ
محمد :اوووه نوال انزلي انتي وبعد ساعه اجيتس
نوال : محمد ماتبي تشوفك ولدك
محمد : اووووووووووه اقوول صجيتني بتزلين ولا لا؟
نزلت نوال وهي تحمل في عينها قطرات من دمع .تمشي وتتذكر كلام محمد اللذي يردده
عليها كل يوم (لحد يدري لحد يدري )
عرفت نوال ان محمد اصابه شعور بالفشل لقد تحطم عنده حلم الكمال اصبح يخشى من
الناس
لو عرفوا ان ابنه معاق تعرف نوال ما ذا في فكر وقلب ونفس وروح حبيبها محمد
مضت الاياام خرج فواز من المستشفى الى قصر والدة والذي سيكون سجنا له والسجان هو والده
محمد استعد لاستقبال هذا الضيف في منزله استقدم مربية خاصة له تعني بشؤنه كاملة
....بالرغم من عدم اقتناع نوال بهذا لكنه اضطرت لقبوله..وكان عذر محمد هو ان
تتفرغ
نوال لدراستها.....حصلت نوال على شهادتها وبالرغم من تفوقها الا انها فضلت
البقاء
مع ابنها على مواصلة دراستها
سارت الايام كمان كان يريد محمد
وسارت سنة و فواز اصبح اكبر سر في حيااه محمد ، سرا اغلق عليه محمد مئات
الاقفال....يعلم من حوله ان لدية ابن ولكن لم يشاهدووه ولا يعرفون من هو
فواز..وكانوا يظنوا انه لا بد ان يكون شبلا من اسد.....حافظ محمد على هذا
التصور
في اذهان من حوله ..اصدقائة ...شركائه و موظفيين الشركة...وكان ثمن هذا كله هو
اغلااااق ابواب القصر على محمد
لم يكن محمد مقصرا مع ابنه فواز فعندما كبر وبلغ عمره اربع ستوات احضر له كرسي
متحرك تناسب من هم في سنه وحالته واذا مرض احضر له الاطباء ..لم يكن يخرجه
من المنزل .وكان يشدد على نوال دائما ان لا يدري احد عن فواز
وفي يوم تشجعت نوال وقد اتت الى محمد وهو يشاهد التلفزيون
نوال : محمد الى متى كذا
محمد : خير وش فيه
نوال : فواز حرام عليك ليش ما تبيني اطلعه .....امشية
محمد :نواااااااااااااااااااااااااال وش انا قاليتس؟؟؟
نوال: محمد ليش كذا حراام عليك الولد ما فيه شي وش فيها اذا طلع..طيب انا بطلعة
وما اخلي احد يعرفه
محمد : نوااال اقووووووول انا قلت شي ولازم يتنفذ فااااااااهمه
تبكي نوال
محمد : اوووف ..... بطلع اناااااااااااام احسن
فواز بلغ ست سنوات.لا يعرف من الحيااه سوى البيت ولا يعرف من حدود عالمه سوى
سور
القصر الذي يسكنه...... تعود كل يوم ان تأخذه المربية في عربته المخصصة لمن هم
في
مثل حالته في جولة داخل حديقة القصر.....كانت هذه اللحظة هي اسعد اللحظات اللي
يمر
بها فواز كان اذا شاهد الزهور يضحك ولم يكن يضحك من اجل الضحك كانت ضحكته ليقول
انها جميله وكأن هذه الزهو مثله لا تبقى سوى مكانها لا تستطيع التحرك......في
احدالايام بينما كان فواز في جولته الصباحية في الحديقة وامه تراقبه من بعيد
وهي
تفكر كيف تكسر القيد وتطلق سراح ابنها فواز من سجن والده التي تعرف انه يحبه
مثلها
ولكن حبه لنفسه طغى على حبه له .................يضرب جرس الهاتف
نوال : الو
فاذا بصوت صديقتها التي تعودت ان تخبرها بكل شي الا فواز لم تخبرها به
نوال : هلاااا اماني وينك يالقطوعه
اماني :موجودة والله انتي اللي وينك
نوال : مشغولة والله
اماني : لا يكون قاعدة تكملين دراستك من ورانا
نوال : لاااااا ما فيه امل ارجع للدراسة
اماني : تصدقين اني مستغربة طالعة علينا الاولى ورغم كذا ما كملتي وانتي دايم
تقولين لي زوجي يشجعني........... طيب ليش؟؟
نوال تسكت برهه وكانها تريد ان تقول السبب........... واتخذت القرار
نوال : اماني تبين تعرفين السبب
اماني : ياليت والله
قالت نوال لاماني كل شي وكانت مع كل حقيقة تقولها نوال يكون كالمفاجأة على
اماني
نوال :اماني اسمعي انتي اول وحدة من خارج عائلتنا يعرف ها الشي وزي ما علمتك
ابووه
وحرصة انه محد يدري تكفين لحد يدري
اماني : ليش تسون كذا نوال.....انا ما اقتنعت يوم قالوا انك سقطتي(اجهضتي) ؟؟
وفوق
كذا ما عرفنا الا بعد ما طلعتي من المستشفى؟
نوال : عاد هذا اللي صار ....اماني ابي حل؟؟
اماني :وشلون يعني
نوال : ولدي وضعه كذا يعذبني ابي اسويله شي ولدي ذكي ... يا أماني ويفهم تكفين
شوفي لي حل
اماني : امممممممممممممم نوال شوفي بنت اخوي معلمة ومتخصصة في معهد معوقين ..وش
رايك اكلمها
تعلم ولدتس
نوال :تعلمه عاد؟
اماني : ايه تعلمه هما انتي تقولين انه ذكي... ولا تخافي على سريه الموضوع ابد
ابد
..... هاه اكلمها
نوال : خلاااص يعني وش وما علي من ابووه ولدي اهم وراح اتحمل اي شي يجيني منه
مضى يومان تاتي الخادمة الى نوال
الخادمة : ماما في مدام برا يقول يبغى يشوف
نوال :ما قلتس لتس مين
الخادمة : فيه كلام انا يحي من اماني
تذكرت نوال ما قالته اماني لها ..
تجد نوال الزائرة جالسة تقترب منها
نوال : ياهلا ومرحبا
جلسا وشربا الشاي وتحدثا وشرحت نوال للمعلمة موضوع فواز وما يعانية وما تعانية
هي
من والده
غادة : ممكن اشوف فواز
نوال :ايوا تفضلي هو فووق في غرفته
صعدا سويا الى غرفه فواز تفتح نوال الباب واذا بفواز يستقبلها بأبتسامه محاولا
تحريك جسمه فعرفت امه انه متشوق لاحتضانها ....... تحضنه الام وتضمة الى صدرها
ويبادلها فواز الحضن بعينه سعيدا برائحة امه التي ينتشي فواز اذا شمها
بعدها ينظر فواز الىغادة مستغربا من وجودها فهو لم يشاهدها في عالمة القصري
القسري
فهو لا يشاهد سوى اباه وامه والمربية والخادمة والسائق عندما يكون في
الحديقة.....وكانت نظراته مليئة بالتساؤل
ياترى من تكون هذه التي تشبه عيناها عينا امي؟
المعلمة غادة تقترب من فواز..فواز ينظر اليها ..ويتسم والاعاب يسيل من فمة من
غير
ارداة منه يخرج اصواتا
لا معنى لها الا في ذهن فواز..فهو بكل حال سعيد برؤية غادة .....غادة تسمك يد
فواز
وتقول
غادة : السلام عليكم
فواز يضحك
غادة :فواز انا اسمي غادة وانت وش اسمك؟
يضحك فواز بقوة .تضحك معه غادة ....وامه تنظر اليهما وهي تبسم..لقد اضحكته غادة
عندما نادته فواز ثم سالته عن اسمه....ادرك فواز انها دعابة من غادة ...غادة
تقترب
من فواز اكثر تنظر اليه عينه وقد امسكت كفة بكلتا يدها تسمح عليه
غادة :فواز انا هنا عشان اعلمك ترسم وتقراااا وتكتب...و و امممممممم . ونلعب مع
بعض
نوال : غادة ترا فواز شاطر مررة
غادة تنظر الى فواز
غادة :اكيد باين عليه
ويستمر الحديث بين فواز الذي يتحدث بعينه وضحكاته المتهالكة وهو ملقى على كرسية
المتحرك لا يستطيع الحراك وبين امه ومعلمته الجديدة غادة.كان فواز مسرورا جدا
بوجود غادة معه .تنظر الام الى الساعة وقد بدا عليها القلق.كانت تريد من غادة
الانصراف......لقد حان مجئ محمد وهي تخشى ان يراها
غادة لاحظت قلق نوال ونظراتها المتكررة للساعة
غادة : ام فواز.بطلع الان وبكرة بجي ان شاء الله
نوال :ودي انك تقعدين شفتي فواز وشلون تعلق فيتس بس اللحين يجي محمد و....
تقاطعها غادة
غادة : فاهمة والله شرحت لي عمتي اماني كل شي .........وانا حريصة مثلك
تلتفت غادة الى فواز وتشير بيدها مودعه
غاادة : فوااااااز بااااااي
فواز يصرخ مبديا اعتراضه على ذهاب غادة يكاد ان يلقي حبالا من نظراته المستجدية
لكي تبقى غاده
غادة :فوااز بكره بجي واجيب لك معي اشيااء حلوووة نلعب فيها مع بعض والوان
واشاياء
كثير ة
بااي فواز (تقبل غادة فواز ...وتعقد له حاجبيها بطريقة مضحكة اضحك فواز )
نزلت نوال مع غادة لتوصلها الى الباب وهي تردد عبارت الشكر والامتنان
نوال :هاه يا استاذة غادة وش بتسوين . انتي شفتي فواز . غادة امانه عليتس اذا
شفتي
ان وقتك راح يضيع وما فيه اي فايده قولي .
غادة : لا لا .لا تقولي كذا يا ام فواز...... بالعكس فواز بدا لي عنده قدرات
ممتازة وقادر انه يتعلم بشكل طبيعي بس ابي منتس تساعديني
نواال : ابشري والله انتي تامري امر
غادة : اللي اقصده انه بسوي له برنامج تعليمي كامل.بعلمة وشلون يقدر يستخدم
القلم
بفمه وشلون يقرا بعلمة اشيااء كثير........ومتأكد ان اي شي بطلبة بتوفيريه لي
لكن
الشي اللي ابي ومهم اني اقدر اطلعة من البيت
نوال : لاا الا كذا صعبة يا غادة لو ابوه يدري ....مصيبه
غادة :لازم يا ام فواز الولد لازم يشوف العالم باخذه اودية السوق اودية ملاهي
اوديه حدايق لازم يشووف
نوال : ايه داريه والله........ بس
تقاطعها غادة
غادة : شوفي انا مستعده كل يوم ربوع اجي الساعه تسع ونطلعه ونرجعه 12 الظهر قبل
رجعة ابوه
نواااال: غادة صعبة والله
واما الحاح غادة وا اصراها وتطميناتها تستجيب نواال للرغبة
وبالفعل بدأت غادة بالعمل مع فواز وفي كل يوم تاتي غادة الى فواز تنفذ برنامجها
التعليمي معه
كانت استجابه فواز مذهله لم تتوقع غادة ان يحقق فواز هذا التقدم بهذه السرعه
ومرت الايام ياخذ فواز دروسة بكل حماااس وتحمست غادة معه اكثر وامه ازدات ثقة
في
مقدرة نوال وقد لاحظت التغير الذي طرأ على فواز بعد ان اصبح يخرج من البيت
بحصبة
غادة وامه او بصحبة غادة والمربية ......
كل هذا يصير من خلف محمد .الذي تعود كل يوم ياتي فيه الى المنزل يصعد الى فواز
يقبله ويخرج
..وكل مرة يقول له الله يرحم حالك يا ولدي
الام كانت تخبئ كل شي عن محمد الاقلام والالوان والصور والالعاب التعليمية التي
احضرتها غادة لتعليم فواز
وفي ليلة جميله....كان محمد يهم بالخروج من المنزل فهو على موعد للذهاب الى احد
اصدقائة لمشاهده المبارة النهائية...ولكن مع اصرار نوال وتوسلها ان يشاهدها هنا
في
البيت معها ومع فواز ، محمد استجاب واتصل على صديقة معتذرا
نوال امرت الخدم باخراج التلفزيون عند حوض السباحة سر محمد بما تفعله نوال ولم
يندم على عدم الذهاب الى اصدقائة .بدأت المبارة نوال وفواز ومحمد يجلسون
يتابعون
المباراة بحمااس....كان حماس نوال من اجل زوجها الذي مع كل هجمة من المبارة
يقفز ،
فواز كان يشاهد ردات فعل ابيه يضحك بقوة
يضحك محمد وتضحك نوااااال ...... لم تمر نوال بلحظة سعيده مثل هذه الحظة منذ
سنوات.......كان جو عائلي حميم
نوال : فواز وش تشجع؟؟
محمد ترك المباراه والتفت الى نوال وفواز مستغربا من السؤال الذي توجهه نوال
الى
فواز وكان ينتظر ردة فعل فواز او اجابته
نوال : فواز تشجع نصر ؟؟
فواز ساكت لم يضحك ضحكته التي هي لغته الوحيدة
نوال :فواز تشجع هلال ؟
يضحك فوااز ضحكة تكاد ان تخترق اذان محمد
نوال تلتفت الى محمد الذي لم يجد تقسيرا لضحكة فواز عندما سالته امه عن الهلال
نوال :شفت يا محمد فواز.فواز يشجع هلال
فجأة يقفز محمد فرحااا بالهدف نواال تصفق فواز يضحك
يعود الهدوء مرة اخرى لكن مازالت نوال سعيده جدا بهذه الامسية الرائعة فهي بين
احب
اثنين لديها زوجها محمد وابنها فواز
يقتحم صوت جرس الباب هذه اللحظات السعيدة .يقوم محمد يفتح الباب وقد امر نوال
ان
تدخل داخلا...فهو يتوقع ان ياتية احد ليشاهد معه المبارة...دخلت نوال وهي تشتم
بصوت غير مسموع هذا الزائر الوقح
ووبالفعل يفتح محمد الباب ويجد احد الاصدقاااء
محمد : اهلاااااااااااا
الضيف :هلا والله .ياخي كل اللي في الاستراحة نصراويين ويوم قالوا انك منتب
جااي
قلت وش يحشرني بينهم يرنفع ضغطي على الفاظي قلت اشوفها عندك دامك هلالي .على
الاقل
نحمس بعضنا
محمد : يا هلا والله هاذي الساعة المباركة ،،اقلط اقلط حياك الله
يسير محمد اما الضيف مرردا عبارات الترحيب .شاهد محمد فواز لم تاخذخ امه معه
عندما
طلب منها الذهااب.يطلب محمد من الضيف الانتظار لحظة .الضيف ينتظر ظنا وجود نساء
بالداخل
يقترب محمد من فواز يمسك العربه ينادي المربية او الخادمة تاتي الخادمة
محمد:شيلي فواز وديه غرفته
فواز ينظر الى ابيه نظرة لم ينزلها ....... كانت لهذه النظرة وقعا غريبا عنيفا
على
محمد ......مازال فواز ينظر وقدد بللت اهدابة الدمووع ويبكي بصوت
مخنوووق...محمد
وقف ينتظر حتى يتم انصراف فواز ويضمن اختفائة عن مجال نظر الضيف وهو في الواقع
يريد التخلص من نظرات فواز التى كانت يالصفعات على وجه محمد ....لم تذهب نظرات
فواز الا عندما استدارت العربه متجه الى داخل القصر وتدفعها الخادمة بهدوء ولكن
كان فواز قادرا على تحريك رأسة لاستدار ليكمل حديث عينيه الذي تحمل في كل نظرة
سؤالا
ليش يابابا ليش يابا با ليش يابابا؟؟؟؟؟؟؟؟؟ وهذا ماكان يهرب منه محمد عندما
شاهد
عينا فواز
كان فواز ينتظر في كل يوم قدووم غادة..... استمرت غادة ببرنامجها التعليمي مع
فواز
بسريه تامه
ويمر عام ..الساعه العاشرة صباحا يضرب جلس الهاتف ترد نوال وهي قد اشرفت منذ
قليل
على تجهيز فواز ليوم دراسي جديد
نوال : الوو (كانت غادة )
غادة: هلا ام فواز
نوال :هلا غادة اسمعي لا يكون بتعتذرين تراا ما اقدر على زعل فواز....
غادة :لا بجي انشاء الله بس حبيت اقولك خبر
نوال: خير ان شاء الله
غادة : لا خير خير .. عندك جريدة الرياض؟؟؟
نوال :لا والله ليش ؟
غادة : طيب ارسلي السواق يجيبها وبتصل عليتس بعد ربع ساعه ضروري تجبيها الان
غادة : طيب طيب افتحي صفحة سبعة
نوال تفتح الصفحة ....وهي خائفة قلقة متشوقه لا تعلم
نوال: اوكيه انا الان في صفحة سبعه وش اقراا بالضبط ؟
غادة :عندك تحت في الزاوية مستطيل فيه خبر اقري علي هالخبر وانا بسمعك
نواال :ايوة موجود طفل سعودي يحقق المركز الاول في معرض رسوم الاطفال في
اليابان
غادة : طيب اقرى تفاصيل الخبر
نوال : اكيد يقربلك هالولد صح غادة
غادة :هذا حبيبي هذا.بس واللي يرحم والديتس اقري
نوال : حققت لوحة الزهرة المركز الاول في معرض رسوم (تقرا نوال بسرعة الى ان
تصل )
وقد حازت هذه اللوحة على الميدالية الذهبية وهي لطفل سعودي اسمه فواز محمد
الكامل
تسمرت نوال مكانها لم تستطيع الكلام وصوت خافت قادم من السماعه انه صوت غادة
غادة :الووو نوااال نوااال ايه ايه هذا فواز ولدتس فوااز فواز
نوال: غاااااااااادة صحيح هالخبر غاااادة صحيح والله..غادة انا قاعده
احلم.....غاااادة مع السلامة
ترمي نوال السماعه تصعد الى فواز في غرفته.....وما ان فتحت الغرفه الا وتصرخ
صرخة
منتشية
نوال : فوااااااااااااااز فواااااااااااااااز حبيبي فوااااااااااااز
تبكي نواااااااااااال تحتضن فواز بقوووه.فواز يحاول ان يجد تفسيرا وينظر الى
المربية التي كانت تطعمة وجبة الافطاار فيجد ان المربية اكثر استغرابااااااااا
وما ان اخبرت نوال المربية بالخبر حتى قفزت واحتضنت فواز
تفتح نوال الجريدة تشير الى اسم فوااز
نوال:حبيبي فواز شووف اسمك اسمك مكتووب شوووف( وتقبله)
ادرك فواز انه حقق شيئا اسعد امه كل هذه السعادة ولكن لا يعلم ماذا حقق واكتفى
بسعادة امه وسرورها
شرحت غادة عندما اتت لنوال كيف رسم فواز هذه الرسمة عندما استطاع ان يتحكم
بالالوان من خلال الفم
وكيف شاركت في هذه المسابقة العالمية عندما رات الاعلان عنها في الجرايد
اقترب موعد مجئ محمد....وضعت نوال في ذهنا كيف ستخبر محمد بهذا الخبر السعيد
واكملت استعدادها
يدخل محمد البيت. الطعام جاهز يبدل محمد ملابسه يمر على فواز يجده نائما....
وعلى
مائدة الطعام
محمد يمد يده ليكشف الغطاء عن احد الاطباق ونوال جالسه امامه
محمد : بسم الله
تضع نوال يدها على الغطااء
نوال قبل ما تاكل ...........قريت جرايد اليوم ؟
محمد :وش هالسؤال ؟ ايه قريتها في المكتب ؟
نوال : قريت الريااض
محمد : ايه قريتها على السريع.......اقول شيلي يدتس ابي اكل تراني ما افطرت
اليوم
نوال :مافيه اكل الا بعد ماتقرا الجريدة (تخرج نوال الجريدة من تحت الطاولة)
محمد :نواال بالله هذا وقته ؟؟
نوااال : نو نو لازم تقرا الجريدة قبل.......اقرا صفحة سبعة بس
محمد :هاااااتي.مدري وش عندتس .اكيد شايفة ساعه جديدة وتبين اشتريها لتس
نوااال: بدون تعليق
محمد :مانبي تعليق .هاه وش فيها صفحة سبعة ما فيها شي
نوااال : عندك تحت على اليسار اقرا
محمد : طفل سعودي يحقق المركز الاول في معرض رسوم الاطفال العالمي في
اليابان...مشاء الله عيالنا
يجي منهم مهوب سهلين والله
نوال :عيالك ؟؟ماعندنا الا فواز
محمد : فواز؟؟ الله يرحم حالة بس انا اقصد عيال السعودية
تنظر نوال الى محمد وتضحك بسخرية
نواال : كمل كمل بس
محمد يقرا الخبر وما ان تصل عينااه الى اسم (فواز محمد الكامل )
محمد : وشوووووووو؟؟
نوال :وشو اللي وشووووو؟؟
يعود محمد الى الجريدة يقرا مره اخرى ليتاكد من الاسم
محمد : اقوول ترااه تشابه اسماااء يعني ما فيه فواز الا ولدتس ولا فيه محمد
الانا
ولا فيه الكامل الا حنا
وبعدين ما تشوفين حالته .اقول بس خلينا نتغدا اصرف
تصرررررخ نوال في وجه محمد لاول مررررررررررة منذ زواجهما
نوال: ايه فواز هذا فووواز ولدك ......ليش انت ماتبي تفهم هاذا فوواز هو اللي
رسم
وهوو الي فاااز
تتسمر عينا محمد في نووال وهو لا يصدق ما قرأه وما سمعه من نواااااااال
تكمل نوااال
نوال : محمد اصحى اصحى شف فواز وش سوى شف فواز رفع رااسك وانت تبي تسجنه
حراااااااااام عليك حراااااااااااام
وتبكي نواال وقد وضعت رأسها على االطاولة يفتح محمد الجريدة مرة اخر ينظر الى
اسم(( فواز محمد الكامل) ثم ينظر الى اعلى باتجاه الدور العلوي مكان غرفه فواز
..يلقي بالجريدة يركض يصعد الدرج يتعتثر يستعيد وقفته ينادي فواز فواز يفتح
الغرفه
يجد فواز مستيقضا
يحضن محمد فوااااااااز يقبله قبلات كثيرة في كل انحاء وجه ويقول له
محمد : فواز حبيبي اسف اسف اسف انا غبي انا حماار ولدي حبيبي
نوال كانت تقف فاقتربت تشارك محمد في احتضان فواز وتقبيله وفواز كان يضحك ليبدي
سرورة بعودة ابيه اليه
قصت نوال لمحمد كل شي وما ذا فعلت من اجل فوااااااز ليحقق هذا الانجاااز
يقبل محمد جبين نوال المشررررررررررق
محمد : نوااال يا حظي لانك زوجتي ويا حظ فواز علشانك امه
نوال : ويا حظنا بفواز
يتامل محمد فوااااااااااااااز بابتسامة حانية ولمسات دافئة على شعر فواز
محمد :نوال هاتي جوالي
نوال: ليش
محمد :بتعرفين ليش هاتي جوالي
تحضر نوال الجوال الى محمد
محمد يتصل على جميع من يعرف وكان يدعوهم الى مناسبة عشااء في منزلة على شرف شخص
يرغب في تعرفيهم عليه
وبعد يومين
جاءت المناسبة وجاء موعد العشاء وامتلاء المجلس الفخم بضيوف محمد والكل يتساءل
ياترى من هو هذا الشخص الذي حرص محمد على تعرفينا عليه ومما زاد استغرابهم ان
محمد
لم يجعل المناسبة في المزرعة كما تعودوا منه........كانت تخمينات الضيوف حول
الشخص
الذي جمعهم محمد من اجلة تدور حول شخصية مشهورة او امير او وزير...فمحمد يحرص
كل
هؤلاء على تلبيه دعوته
يبنما هم يتحاورون وكل يقول توقعاته يطل عليهم محمد قائلا
محمد :حياكم الله احب اعرفكم على شخص يشرفني ويسعدني انكم تتعرفون عليه
يقف الضيوف جميعهم بانتظار صاحب البشت الذي سيدخل (فهم توقعوا ذلك) ..يغيب عنهم
محمد برهة .يسمع الضيوف صوت صرير العربة.تتخلله ضحكات غريبه عليهم...يدخل عليهم
فواز اولا المستلقي على عربته وخلفة ابيه يدفعة يتوسطا المجلس يقف محمد
محمد : جمعتكم اليوم علشان اعرفكم (يشير محمد بكفة الى فواز )بـ فواااااااااااز
<span style='color:teal'><div align="center">هلا ,,
وااااااااااااو قصة رائعة وجميلة
تستحق المشاهدة والتصفيق
بالعكس أخوي الهمباوي
قصة حلوة ;)
لوزين يسونها مسلسل ويحطونا في التلفزيون
ونحن بانتظار القصة الثانية ؟؟
:rolleyes:
انزين وبعــــــــــديـن
كــمـل يا أخـــي شـــوقتنا
العرض العادي
