جامع عالي الكبير ( لا توجد لافته ) .

[abuali]

السلام عليكم

لماذا لا توجد لا فته مثبتة على حمامات ( المساجد او الجامع ) لتلفت أنظار المصلين من داخل وخارج القرية واللملكة ؟ لذهاب مباشرة الى الحمامات بدلا من الدخول الى الجامع ......


المطلوب : ( لا فته توضيحيه مكتوب عيها ........ حمامات الجامع او المسجد ) .

[السيده]

اخوي انت شاب وتقدر تسويها بنفسك شنو بيضرك لو طبعت ورقة وسويت لها تغليف حراري وعلقتها ؟؟ بالعكس بتكسب ثواب

[ABU ADAM]

المشاركة الأصلية كتبت بواسطة السيده

اخوي انت شاب وتقدر تسويها بنفسك شنو بيضرك لو طبعت ورقة وسويت لها تغليف حراري وعلقتها ؟؟ بالعكس بتكسب ثواب

اولا ابوعلي مو شاب ( شايب )

ثانيا ابوعلي اعرفه ( عيار )

>>>>>>>>>>> يأمرون الناس بالمعروف وينسون أنفسهم .....

[عاشقة البحرين]

صح
شباب انتوا تقدرون تسوى هالاشياء
وجزاكم الله خير الثواب

[abuali]

مشكوره أيه العضو الكريمه : السيده على المرور والرد الطيب الجميل

شنو بيضرك لو طبعت ورقة وسويت لها تغليف حراري وعلقتها ؟؟ الجواب (( لسبب عدم معرفتي في التنسيق بين الألوان الجذااابه التي تلفت أنظار المترددين وربما أنسى حرف مثل ما سبق في ( المملكه .... اللملكة شوفي أشلون أكلت حرف الميم لا وستبدلته بحرف أخر ) وخطي يكوووووون كريه ووحش في حالة الكتاااااابه ... و أعذار كثيره أخرى ماتخلص . منها :
1) الأماكن المقدسة لها إدارة ترعاها ولا يحق للأخرين التصرف بدون أخذ الاذن ....2) لربما البعض يكون عنده إعتراض بسبب او بأخر .3...) الكتابة على الجدراااان فيها خطر ومخاطر ما فيي شده ولا ضمه ... أحمل علب خاااصه .... للكتاااابه .....4) ( كثرة كلام البعض الأخر ) ...

العضو السيده : طبعي الورقة ، تغليف حراري ... وما يصير خاطرش الا طيب (( باخذ الفلوس من عند أبو أدم لا من عندي ولا من عندش )) ..... بعلقها .... لكي نتشارك في الثواب



أخي و عزيزي أبو أدم .... صدقت // بس العضو السيده كانت تقصد لك روح العزيمة لدى البعض من الرجال كم من الشباب مثلك خااايب لا ولا تبين بعد وداائما أنا الذي اتصل لك من السمسم و أنت جي اس ام ما تتصل ...... و أما العياره منك : يتوجب عليك تشجيعي وتسوي الأشياء ونروح انثبتها على الجدار مع بعض (( بنتظرك 24 ساعه ... لا تقول ما حصلتني ؟؟؟ تعرف وين نتلاقى .... أوكي )) .



>>> يأمرون الناس بالمعروف وينسون أنفسهم .....هذه العبارة على ما أعتقد تخص غيري ما برد ........ لان الذي كنت ابي اوصل اليه هو لفت نظر الجهات المعنية لتركيب الافته ..

العضو : عاشقة البحرين :
مشكوره على الرد المشجع لشباب لخدمة القرية و مؤسساتها ولكن ....... طبعا ...... بمساندة ومساعدة الأخرين ... الكل من عنده شي // فكره ، رسم وتخطيط ، تكوين مجموعات ،إعلام وإعلان ، أكل وشرب ، تحرك ، عمل ، تشجيع ، مسانده ،رعايه ، افتتاح ، ...... في النهايه عمل مشترك ....

وجزاكم الله خير الثواب

[المداهــم]

لاكن اعتقد اغلب اهالي القرية يعرفون دورة المياه للمسجد

[S.H]

اهالي عالي يدلون
بس اذا واحد من خارج القرية بدل مايدش دورة المياة بيدش محل النسوان

[نجمة السماء]

يا جماعة السالفه بسيطة

بس يبي اليها شوية تحرك

يعني روحو اخذو اذن من اصحاب المسجد

وطبعا ما راح يقولون لا اذا كنتون بتسوون عمل خيري

وطبعو الورقة ولصقوها

العملية كلش بسيطة

واتمنى التحرك من الاخوان الجادين

[ابو زهراء]

المشاركة الأصلية كتبت بواسطة نجمة السماء

يا جماعة السالفه بسيطة

بس يبي اليها شوية تحرك

يعني روحو اخذو اذن من اصحاب المسجد

وطبعا ما راح يقولون لا اذا كنتون بتسوون عمل خيري

وطبعو الورقة ولصقوها

العملية كلش بسيطة

واتمنى التحرك من الاخوان الجادين

صدقتي اختي نجمة ,,,بس الاخ ابوعلي مصعب السالفة ومطولنها ومعرضنها , و مو مخلي شي الا قاله !!!!!
يقول يبغي لها ميزانية وعزيمة واوراق وطباعة ورخصة ومساعدات ويبغي لها جماعة ( فزة ) ويبغي فكره ، رسم وتخطيط ، تكوين مجموعات ،إعلام وإعلان ، أكل وشرب ، تحرك ، عمل ، تشجيع ، مسانده ،رعايه ، افتتاح ........

اقول ابوعلي مو كأنك بالغت وااااااااجد ؟؟؟؟؟؟؟؟؟؟

[جروح روح]

العملية كلش بسيطة


ما قال بالاعضاء

[ABU ADAM]

المشاركة الأصلية كتبت بواسطة abuali

أخي و عزيزي أبو أدم .... صدقت // بس العضو السيده كانت تقصد لك روح العزيمة لدى البعض من الرجال كم من الشباب مثلك خااايب لا ولا تبين بعد وداائما أنا الذي اتصل لك من السمسم و أنت جي اس ام ما تتصل ...... و أما العياره منك : يتوجب عليك تشجيعي وتسوي الأشياء ونروح انثبتها على الجدار مع بعض (( بنتظرك 24 ساعه ... لا تقول ما حصلتني ؟؟؟ تعرف وين نتلاقى .... أوكي )) .

بل الى الحين ما علقت ها لافة على الحماماات ؟؟؟

صدق انك عيار وبخيل يا ابوعلي