أنقذوا أطفالكم من دردشة حدود ..

death zone · 02-07-2007, 05:35 PM

شات حدود وما ادراك ما شات حدود

في البدايه ماعرفت وين احط هالموضوع ..

بس بنزله هني و الادارة تتصرف بنقله الى اي فرع

بس بسألكم سؤال يا اخوان في احد منكم ما يعرف موقع اسمه دردشة حدود

http://www.hodood.com

لكن الي يحز في الخاطر ان تلقى أطفال ما تتعدى أعمارهم 10 و 11

ينوجدون في هذي البيئة الوصخه

وفي من يستغلهم ويسقيهم ابشع و اقذر الكلمات

ويستغل صغر سنهم و يجرجرهم الى افعال لا تحمد عقباها

تخيل طفل صغير عمره 11 سنه يدردش مع رجل او إمرأة عمرهم ثلاثين سنه

والله العالم اي نقاش الي يدور بينهم وا لى وين بيوصل

يمكن هذا الطفل بنت صغيره وتوها مفتحه على الدنيا

وووو من الحوارات والاشياء الي تصير بهالموقع الرخيص و امثاله واجد

لكن اكثر شباب البحرين امطيحين في هذا الموقع

والله مواقف اتجيب القرف اخجل من ذكرها

انا من زمان والله خاطري هالموقع ينصك عن البحرين

لان اكثر الي يدخلونه هم من مراهقين و مراهقات بحريينين

وقصص ومآسي وايد صارت من خلال هالموقع الرخيص

كل الي اتمناه ان اي بيت عندهم مراهقين او اطفال

يراقبونهم ويحافظون عليهم من هالمواقع الوصخه

لان الطفل مثل العجينه اللينه و اي شخص يقدر يشكلهم على حسب هواه

تحياتي

death zone · 04-07-2007, 12:53 PM

ليش محد يرد
ـــــــــــــــــــــــــ

$*$* الحزينة $*$* · 04-07-2007, 05:49 PM

الحين الدردشة صارت شي ترفيهي بالنسبة الى الكبار والصغار

حتى انه استغرب ساعات اذا ادخل الدردشة بان جهال يدخلون هالدردشات

وين مراقبة الاهل ؟؟؟

صار الجيل الجديد كلا دردشات وغيرها من مواقع مو مفيدة

بس الصراحة يجب على الاهل مراقبتهم

ويسلمو على الموضوع

sweety girl · 05-07-2007, 02:36 AM

بصراحهـ ..

هالايام الاوادم كلهـا طايحهـ في دردشات ..

ويش يسون في الدردشه ماادري ..

معنى حتى جهال الحين كله على دردرشهــ ..

بس الحمدللهـ .. احنا حاذفين الالجافا ماادري شنو اسمها ..

عشان محد يدخل

sjan · 05-07-2007, 08:52 AM

اممممممم

انا ادخل جات حدود واشوفغ الزين واشوف الشين

واهي على قناعه الي يدخل

بس ما اعتقد في اطفال اصغر عمر لاقيته اهناك 13/14

وهدا قليل بعد

بس انا استخدم جات حدود بس لتضييع الوقت

sjan · 05-07-2007, 08:54 AM

ترا حتى لو منعوه الف جات بدخلونه هدا مو حل

حــبــر الدموع · 15-07-2007, 09:29 PM

للأسف أخي العزيز الحكومة تغلق المواقع السياسية و لا تغلق المواقع الخليعة

هم يريدون ذلك فكيف تناشدهم في ما يريدون .

أنت تخاطب عدوك أن لا يعاديك

الله يحمي شباب البحرين

ALINASSER · 15-07-2007, 10:18 PM

يعني الامر متوقف على دردشة حدود !!!

الامر اكبر بكثير خلوها على الله بس

أين أنا منك · 15-07-2007, 10:51 PM

قصة الدردشات أخي الكريم بالنسبة لشي ثاني أرحم بكثير جداً ..

(الصلاة )
أوادم توصل عمرها 23 سنة ومايدرين الصلاة وينه ..

الله يهدي الجميع ويحمي شبابنا

شكرا لك أخي لموضوعك الجميل الذي يدعوا الخير للجميع

sjan · 16-07-2007, 12:47 AM

عدل خليتون كل شي وطالعتون الجات

وترى الجات فيه واجد اشياء مفيده

وحتى لو ما يفيد مو ضروري يضر

درباس · 17-07-2007, 05:58 AM

هناك فتوى للسيد علي السيستاني دام ظله

تحرم دخول الشات

درباس

r0binho10 · 17-07-2007, 11:41 AM

سلام

لا أعتقد بأن الدردشة تحظى بأهتمام من هم في سن العاشرة الى سن الرابعة عشرة فهم يشكلون القلة الأقلية في الدردشة .. و لكن لا يخفى ان المراهقين هم الفئة الأكبر في شات حدود و أغلب النوايا هي التعارف على الجنس اللطيف .

يمكن ان يقول البعض ان الدردشة ليست بأهمية بقية المواقع التي تتغاضى عنها الجهات المسئولة و جعلوا المواقع السياسية شغلها الشاغل ... لكن لن تتوقف مراهقة الشباب عند هذا الحد و حسب بل سيتجهون لكل السبل الممكنة ... لذا أتفق مع الكاتب في نصيحته للأباء بأبعاد أنظار الصغار عن هذه الدردشة .

شكرا أخي

ابو ريم · 17-07-2007, 11:11 PM

yaslamoooooooooooo

المظلوم · 18-07-2007, 12:48 AM

السلام عليكم ..

هو بس في حدود ! .. حتى في منتدياتنا نشوف بلاوي .. والله الساتر على عبيده ! ..

.. قنوات كثيرة أيضا فتحت باب الدردشة .. وإليك التعليق على ما يحدث !! .. ( سواد وجه عينك عينك ) ..

تمنياتي

sjan · 18-07-2007, 05:15 AM

الجات ما يخرب احد

يمكن يدخلون ناس الجات مختربين من اول

بس الجات ما يعلم السب

ولا يعلم قله الادب

درباس · 18-07-2007, 09:23 AM

اقتباس:

الجات ما يخرب احد

يمكن يدخلون ناس الجات مختربين من اول

بس الجات ما يعلم السب

ولا يعلم قله الادب

سجان من قال ؟؟؟

روح شوف البلاوي التي تصير .. والقصص الي تتنقل بين المنتديات كلها من الجات ..

وما في دخان بدون نار ..

درباس

حــبــر الدموع · 18-07-2007, 11:56 AM

سجان فكر بمنطقية

شفت في عمرك حوار جاد في الشات

حديث عن قضية معينة .

غير السخرية بين طرفين و الفائز هو من يضحك الجميع على خصمه

أو فتاة و الذئاب تترصدها ... كل يصبح في هذه اللحظة أطيب الناس

و الفتاة تصبح أرق المخلوقات ...

كيف تقول أن الشات لا يفسد أحد ؟

بل الشات كان طريق لمفسدة الكثيرين و القصص و الواقع يشهد

هذا غير النزاعات الطائفية بين جهلاء

و شتم كل بلد للآخر

إن أكثر ما أتعجب منه إذا أدخل الشات و أشوف ناس يقولون (ملل ، ملل)

أقول .... مو الشات وسيلة من وسائل التسلية و تقضيت الوقت مثل ما يقولون

إنزين شلون صايرة المعادلة

يعني الشباب قاعدة تحارب الملل بالملل

أنا كانت لي فترة أدخل الشات كثيير .

صدقوني دورت حسنة وحدة فيه ما لقيت غير تفاهة و ناس تافهة

و إن كان في ناس فاهمة ... فالله يعينهم .... و أكيد قريباً ينسحبون

وجهة نظر ... شوي شوي علي

ولد الحارة · 18-07-2007, 05:06 PM

ادري ان ممكن ما يكون فيه حوار جاد

بس هدا جات مو مأتمر

هدا مكان لمضيعه الوقت

انا ادخل الجات على طول ما اشوف خربني

الجات ما يخرب احد

يمكن ناس مو زينين يدخلونه اي بس محد يخرب احد من الجات

sjan · 18-07-2007, 05:10 PM

^
^
^
^

سوري كتبت الرد بنك اخوي

ادري ان ممكن ما يكون فيه حوار جاد

بس هدا جات مو مأتمر

هدا مكان لمضيعه الوقت

انا ادخل الجات على طول ما اشوف خربني

الجات ما يخرب احد

يمكن ناس مو زينين يدخلونه اي بس محد يخرب احد من الجات

والي صج بيخترب ما بيخترب من جات

اهناك الف موقع خلاعي وغيره

نجمة السماء · 19-07-2007, 08:47 AM

احمد ربي كثيرا

لانني لست ممن يدخل الشات

أصلا ليس لديي الوقت الكافي لدخولمثل هذه المواقع

لكنني اعتقد ان فتوة مرجعنا الأعلى تفي بالغرض

ولا مجال للنقاش أكثر

فالحلال بين والحرام بين!!!

sjan · 19-07-2007, 08:01 PM

هادي الفتوه تنطبق على الي يقلد السستاني