بسم الله الرحمن الرحيم
تعودنا نسمع هالمقدمة المعتادة .. اعرف شخصيتك
لكن ياكثر العبارات اللي تجي بعدها...
من اسمك من برجك من لونك من رقمك من ايسكريمك ... الخ
لكن هالمرة تعال اعرفها من مسلسلات الكرتون اللي كنت تتابعها وانت صغنون
يالله نبدأ.......
أفلام كرتون(توم وجيري):
أنت إنسان مهستر وتندمج مع المغامرات والمطاردات ولك ماضي رصاصي فاتح مع مدرسينك ايام الدراسه , تحب الحيّل والمقالب,مزحك ثقيـل تحب تنكتّ وتضحك على روحك.
أفلام كرتون (جورجي وسالي ولين وغيرها من هذا النوع ) :
أنت إنسان رقيق المشاعر وتتمتع بحس مرهف إذا كنتي بنوتة فأنتي تحبين تحطين القدلة على عيونك وتهفينه كل شوي وإذا كنت ولد فأنت تعاني من عقده نفسيه لإن أيام الطفوله كانوا يعملونك (البنيّه) ( وغالبآ) أكثر مايتابع هالنوعيه هم البنوتات.
أفلام كرتون (قريندايزر وغيرها من هذا النوع) :
انت إنسان واثق من نفسك وتحب تشتري العاب جديده وتلعب فيها قدام عيال الفريق وتستعرض وان كنتي بنوتة فانتي من النوع اللي تقصين شعرك بوي وتكفيخ عيال الفريق وتبوقين علوج منهم (وغالبآ) أكثر مايتابع هالنوعيه هم الأولاد .
أفلام كرتون (بومبو) :
أنت إنسان رومنسي تحب الخيال من النوع اللي ممكن وانت جالس مع اهلك فجأه تجلس تسولف على عمرك وتلعب بأصابعك بحماس ويرتفع صوتك وتنسف العالم وراك ( <<< ابو شلاخ )
أفلام كرتون (ماروكو) :
أنت إنسان مطنّش أبو أمّ الدنيا هذي وعايش بـ جو خاص فيك .. إنسان شقي ومزعج شوي تحب تلعب لحالك.. ويحبونك اهلك تلعب لحالك لأنك مسبب لهم وجع راس ( تعجبني يامطنّش واصل وحنّا وراك)
أفلام كرتون (السيدة ملعقة وعقلة الإصبع) :
أنت إنسان خيالي .. تحب تتفلسف وتطول المشاوير وتسوي نفسك فاهم.. إنتبه لنفسك لانك ممكن مع الوقت تصير مثقف وتألف كتاب بأسم ( خريف البحر )
أفلام كرتون (طمطوم) :
أنت شخص طمووح وتبي تسوي عمرك بطل بأي طريقة لدرجة ممكن انك تتبرى من اهلك علشان تقول انك ولد الملك ( آآآه على هالطموح واصل واصل )
أفلام كرتون (لولو) :
أنت إنسان بسيط وقلبك طيب لدرجة تخولك إنك تتخلى عن الربيتين مال الفسحه لتصبح ربية وحده من أجل إدخال البهجه على قلب غيرك تخولك ( ياعيني على الثقافة ) انك تكون مقدام وقت الشدة بس لين احتجت احد ماتشوف الا الغبار
أفلام كرتون (عدنان ولينا) :
أنت إنسان رومنسي جدا جدا وقريب جدا من احد اصدقائك .. تحب المفاخرة والفشار قلبك طيب بس مزاجي يعني ممكن تدق براسك وتكفخ ربعك لسبب تافه ( انتبه لنفسك مو كل مره تسلم الجره .. المره الثانيه يجيك كف يخليك ماتدل الدرب .
افلام (سوار العسل ) :
أنت إنسان رقيق المشاعر جديّ شوي ودايمآ تشيل اغصان الشجر والحصى اللي بوسط الشارع وتمسك يدين الشياب والعجايز عشان يقطعون الشارع وتعطي الكل ماي وبيزات كل ماشفته (يسمونك المؤدب احيانآ بس لا تهتم واصل ,ـهههههههـ حلاوتك )
فلم (باباي) :
أنت إنسان جريء لدرجة كبيرة وقوي عين بصورة لا تحتمل وممل بعض الأحيان , مغرور مع انك غبي أحلى شي فيك أنك متقبل كل شي وتعتبر كل شي .. شي .. ـهههههههههه
......... يالله .. مافي احراج كل واحد يقول شنو كان يتابع ههههههههه
على فكرة كل الموضوع مزح والزعل مرفوض
في انتظاركم
تحياتي
اعرف شخصيتك من مسلسلك الكارتوني 
: 
:
