بقوليكم مواقف لي بالمطبخ مش حلوة لا مرة ، وتصيح صار مرة أن ولاد أختي الشياطين فتحوا كبت المطبخ وخلووه مفتوح ، جت سنورة ودخلت داخل وقامت تغافص المهم أنصك الكبت عقب والسنورة داخل .... إيزيس ما تفكر تدش المطبخ إلا بالغصب وفي السنة حسنة ، يعني إذا ماتت من الجوع بس ، جاي على بالي أسوي لي حركات وخلطات أحطها على بعض وبيطلع شي فن يصلح لأكل البني آدميين عادي كنت أفتح الكبت واصكه عادي ولا شي صار المهم خلصت الطبخة ، إلا أبغي صحن قزاز شفاف عشان استمتع برؤية انجازي ، وهذا الصحن محطوط بالنهاية طاااااااااااااااااااخ طووووووووووخ ، آآآآآآآآآآآآخ ، آماااااااااااااااااااااااااااااه ، ميااااو مياوو!:crazy: أنزهقت حدي وصرخت من قمة راسي ، السنورة شكلها نطت عليي واني انشدخت ، ووافشيلتاه ، تتوقعون عقب هذا لي نفس آكل! :yuk: =========== مرة أختي اللي أكبر مني قاعدة تقلي بالمطبخ ، مرة وحدة طلعت نار من المقلة لو شوي وصلت للستارة ، أني داشة المطبخ أقول يمكن تنساني ،الاخت لأختها فلازم تسوي لي شي وياها ، ظلت هي تصرخ وأني صرخت ، كانت هي متجمدة نوعا ما بس أستجمعت قواها وجابت قلاص ماي وهوووب بالمقلى ويا نار شبي! أني بعدين رحت أركض وطفيت المقلى ، وأخووي نزل من شقته مذعور!