** أحلى موقف حصل لكم في المطبخ **

[حرم سعادة الوزير]

--------------------------------------------------------------------------------



*******************************

كثيـر تصادفنا موااااقف بالمطبــخ وخااااصة اللي توها تتعلم الطبــاخ..
وش رايكم كــل وحدة تدون موقفها


*******************************
(هذا موقف حصل لوحدة في بداية زواجها ان شاء الله يعجبكم)

صار لي موقف وانا في بداية زواجي حبيت ادخل المطبخ واسوي صالونة لحم
قلت في نفسي الحين إذا جا من الشغل وهو جوعان حده يستانس في الأكل ويقعد ويمدح فيني جدام أهله .

انزين خلطت البصل واللحم وآلو والخضرة مالت الصالونه وسويت فيها تقريباً ثمانية من الفلفل الأخضر الحار وثمانية من الفلفل الأحمر المدور وخليت على النار والين ما استوت الطبخة...
بعد ساعتين الين ما استوت قلت بتذوق منها اشوي .. الله لا ايراويكم هالطبخة حريقةمن الفلفل ..

قلت يا ربي شاسوى الحين هو جاي ما في وقت أطبخ شي غير قعدت افكر أفكر وش اسوي ...

اي فكرت أخذت ملتين من(( الشكر وذوبته )) وصبيت على الصالونة .

وهو الحين مستانس ايقول لي انا اليوم من الصبح ما أكلت الفطور مع الربع في الشغل علشان أكون جوعان واتذوق عدل من طبيخج من كثر ما مدحتين فيه...

وانا ساكته ما أقدر ارد عليه ابشي واحس ان لوني يتغير ..

نجبت الغدة قام ياكل لقمةوبالعفية بلعها ولقمة الثانية ما قدر يبلع ايقول لي فعلا هالطبخة عجيبة

حار على حلو لكن ما ينبلع هالأكله..... وش امسويه فيها يا بنت الناس ..

قلت لأنه الفلفل اليي اشتريته وااااجد كان حار وقمت سويت فيها ((اشوية شكر وبس ))

قال لي (( هذى الطبخة العجيبة والله صج طباخه من درجة أولى )) قومي جيبي لي خبز وجبن ...

وهذى موقفي ولا زلنا إلى اليوم نتذكرها ونضحك ههههههههه



إذا أخوانا بعد لهم مواااقف ظريفة حياكم معانا ..


حتى يكون ذكــرى خاصة للكل منا ^_*
وللأمــانة الموضوع ((منقوووووووووول ))

عجبني ونقلته..

[اسيرة القلوب]

ههههههههههههههههههههههههههههههههههههههههههه
والله موقف عجيب ههههههههههه

[إيزيس]

بقوليكم مواقف لي بالمطبخ مش حلوة لا مرة ، وتصيح

صار مرة أن ولاد أختي الشياطين فتحوا كبت المطبخ وخلووه مفتوح ، جت سنورة ودخلت داخل وقامت تغافص المهم أنصك الكبت عقب والسنورة داخل ....

إيزيس ما تفكر تدش المطبخ إلا بالغصب وفي السنة حسنة ، يعني إذا ماتت من الجوع بس ، جاي على بالي أسوي لي حركات وخلطات أحطها على بعض وبيطلع شي فن يصلح لأكل البني آدميين

عادي كنت أفتح الكبت واصكه عادي ولا شي صار المهم خلصت الطبخة ، إلا أبغي صحن قزاز شفاف عشان استمتع برؤية انجازي ، وهذا الصحن محطوط بالنهاية
طاااااااااااااااااااخ طووووووووووخ ، آآآآآآآآآآآآخ ، آماااااااااااااااااااااااااااااه ، ميااااو مياوو!:crazy:

أنزهقت حدي وصرخت من قمة راسي ، السنورة شكلها نطت عليي واني انشدخت ، ووافشيلتاه ، تتوقعون عقب هذا لي نفس آكل! :yuk:

===========
مرة أختي اللي أكبر مني قاعدة تقلي بالمطبخ ، مرة وحدة طلعت نار من المقلة لو شوي وصلت للستارة ، أني داشة المطبخ أقول يمكن تنساني ،الاخت لأختها فلازم تسوي لي شي وياها ، ظلت هي تصرخ وأني صرخت ، كانت هي متجمدة نوعا ما بس أستجمعت قواها وجابت قلاص ماي وهوووب بالمقلى ويا نار شبي! أني بعدين رحت أركض وطفيت المقلى ، وأخووي نزل من شقته مذعور!

[حرم سعادة الوزير]

مشكورة اختي اسيرة القلوب وتسلم لي هالضحكة
وانت بعد اختي ايزيس الف شكر لج على المشاركة
وبصراحة هذي مواقف رعب
الله يعطيكم1000عافية حبيباتي

تقبلو تحياتي
ودمتم بود