طلاب جامعة البحرين ممكن (( ضروري )) ..

[همس الشجون]

السلام عليكم



بس بغيت اسأل اللي بالجامعه ، إذا كنت مسجلة مادة وكنسلوا السشكسن اللي كنت مسجلة فيه ، يرجعون لي الرسوم والله شلون ؟؟ أو شلون أتصرف لأنه الصراحة أول مرة أسجل مادة ويسكرون السكشن ، وتوني اليوم اطالع الجدول في النت وادري انه بندوه .. صح ال 24 دينار مو شي بس في جامعة البحرين حتى الفلس يسوى .. كفاية المواد اللي خسرونا اياها في معادلات الخطط الجديدة ، أو أنه لازم يخلوني اسجل مادة بدالها وهاي حل ما يناسبي لانه ما فيه مواد تناسبني بس على الاقل اهون ؟؟!


ياريت ألقى جواب ..


احد يقدر يفيدني في هاي الموضوع ؟؟!

[درباس]

وعليكم السلام أختي الكريمة ..

هناك ثلاثة حلول لمشكلتكِ أختي ..

1. إذا كان السكشن مكنسل تطلبي من قسم التسجيل غداً الأحد أول يوم دراسي .. يضيفونش في

سكشن ثاني بنفس المادة على الوقت الي يناسش وإذا كانت في سكاشن ثانية الى هذه المادة ..

أو بيطلبون منش تروحين إلى قسمكم وتسوين آد جير ..

2. الحل الثاني .. تطلبي من قسم التسجيل إذا المادة السابقة ما تناسبش إضافة مادة بديلة عنها

هذا إذا كان عندش 3 مواد .. فقسم التسجيل بيوافقون على طلبش بحكم عندش 3 مواد فقط وفترة

التسجيل انتهت ..

3. الحل الثالث وهذا اسهل شيء .. حذف المادة لأن فترة الحذف تنتهي تاريخ 27 /9/2007

والرسوم يرجعونها اليش كاملة ..

---

الله يستر .. بس بسألش أختي اشلون تعرفين السكشن مكنسل ؟؟

درباس

[همس الشجون]

هلا اختي درباس ..

مشكوووورة على الرد اختي ( تسلمين ) ..

المشكلة محاضراتي في المدينة .. في الصخير بس mw شكلي باجر بتعنى وبروح .. والاغلب بحذف المادة ..

بالنسبة للسكاشن المكنسلة .. انتي فتحي الجدول على النت واذا السكشن مكنسل المادة بتكون محذوفة من الجدول .. أو في صفحة الجدول الدراسي تلاقين السكاشن المكنسلة تحتها مكتوب إنه السكشن مكنسل بس حاليا ما تفتح الصفحة بس اذا بتتأكدين تأكدي من جدولج في الموقع ..

ولا تخافين اختي المادة اللي كنسلوها لي مسائي ومواد المسائي اكثر يكنسلون سكاشنها لانها ما يكون فيها عدد طلاب كافي .. اما الصباحي عادي ما يتكنسلون الا نادرا في المواد اللي محد يآخذها مثل الانج 112 وغيره



ومشكورة مرة ثانية ..





همس