[Al Sayed]

اقول يالعاليه و المشيه ملكيه
الفقر ما يولد الا الارهاب ====>((التخريب))
الناس ميته
اذا واحد تخرج و مجموعه اقل من تسعين وما حصل لا بعثه ولا منحه وابوه معاشه 300 دينار لو اقل وما يقدر يدرسه على حسابه و حتى لو قدر يدرسه حده جامعة البحرين وانت تعرف شروط الجامعه التعجيزيه اللي ماحد يقدر يتخرج منها
يعني يظل ما عنده الا ثانويه يعني في ايامنا يقولون مو مكمل دراسه يعني شنو الشغله اللي تبينه يحصلها.......... وتالي اذا طلع مظاهره قالوا ليش طالع ويش يبي يشتغل وهو ما عنده الا ثانويه يبي يشتغل مدير ....انت عطيته فرصه وما درس وصار مدير ..... لو ذنبه انه انولد فقير......الواحد غصبا عنه ينفجر و يحرق و يكتب و على قولتك (( يخرب))
انا ضارب لك مثال من الف مثال وفي امثله كثيره
وكثير من ((التخريب)) يكون سببه الشرطه نفسهم لا الشباب و انتبه انا ما قلت كل (( التخريب ))

واحنا ما نطلب عفو ملكي
لو انسد جوع الناس
لو درسوا الطلاب المحتاجين
ولو........
ولو........
ولو.......... و قائمة الحقوق بتطول
جان لا صار ((تخريب)) على قولتك و لا صار اي شي ولا بنحتاج للعفو الملكي

واذا كثرة العفو الملكي ساهم في ((التخريب))
وعجل كثرة السكوت الشعبي جعلهم يتمادون في سرقتنا و ظلمنا

ليش اولادهم يمتلكون القصور و السيارات و الارصده في البنوك وهم في بطون امهاتهم واولاد الناس يموتون وهم بعدهم ما حصلوا بيت ملك وتالي تقولي ليش يخربون هل اولادهم ناس من الدرجه الاولى و باقي الناس درجه عاشره او بدون درجه و اولادهم احسن من اولادنا في ويش ويقولون النظام الطبقي انتهى وراح من العالم .... هيهات هيهات ما يروح

ما في ثوره قامت في اي بلد او اي مكان الا لازم يكون فيها تخريب و دمو وشهداء و ضحايا ووووووو
(( وما اقصد بالثورة قلب نظام الحكم لكن اقصد بها ثورة طلب الحقوق))
الا اذا ابي كل شي يجي بسهوله وانا اطالع التلفزيون او نايم ويجون ويعطوني حقوقي عجل ينطبق علي المثل اللي يقول وانتون بكرااااااااااامه (انطر يا حمار لين يجيك الربيع))

وما ادري اقول لك يا اخي لو يا اختي
على العموم يمكن اكون مخطأ لكن هذا رايي اللي يمكن ما وفقت في كتابته لانه انا ما اجيد اعبر عن اللي في داخلي بشكل واضح لكن احب انك تكون من اللي يقرون بين السطور و تكون تلقطها على الطاير على مايقولون وانا مو ويه اللي ((يخربون)) و لا ويه ((التخريب)) لكن ما احب اجي اظلم الناس واقول عنهم ((مخربين)) و انا ما ادري ليش هالفقير كان طالع