نوعية من البنات تشوفها في البيت غير وعند الناس غير ..
على سبيل المثال:
1_في البيت لو يجي أحد ويناديها .. تقول : هااااااااااااه
لكن خارج البيت (السوق ، الجامعة ، لما ترد على التليفون .. الخ )
تقول: سم او سمي طال عمرك هلا حياتي عفواً ماسمعتك اهلين.... الخ
ليه كذا ليه !! خلك عادي قولي هااااااااه جوا البيت وبرى
2-الملابس:
أنواااااع الخلقنة في البيت .. !!
لكن اذا طلعت .. انيقة..!!
3-خفة النفس:
ونسبتها قليلة جداً (ممكن يكون أكثر تواجدهم في القرى يعني أغلب بناتنا عجازات مثل شبابنا ..
بعض البنات من العجز .. حتى العباية ماتلبسها .. تخلي الشغالة تساعدها ..
4-اذا تبون تعرفون البنت فضوية وإلا مرتبة .. شوفوا شنطتها اليدوية اللي تاخذها معها باستمرار ..
مثلاً شنطت السوق .. بعض البنات الداخل شنطتها مفقود .. والخارج منه مرحوم !! يعني كل شي تلقونة في الشنطة (مناديل ،قراطيس،علوك ، فواتير،غطا روج بدون روج ....الخ)
والبعض الآخر من البنات لااا .. شنطتها أنتكة مثلها
5-راعية الحق والواجب:
بعض النساء .. ماشالله عليها راعية حق وواجب مثلاً: زيارات عائلية .. مناسبات .. مساعدات للغير ...الخ ..كلها تقوم فيها
لكن البعض اللآخر .. تقوم بالحق والواجب على حساب زوجها وبيتها وعيالها .. على سبيل المثال:
تضغط على زوجها انه يوديها .. لبنت عم خال جد امها عشان توها ساكنة في بيت جديد ويبي لها زيارة ونزالة بعد .. بزعمها ان اللي تسوية حق وواجب
طيب ورى ماتسوين حق وواجب في رجلك .. وتعفينه من الزيارت اللي مالها سنع
أنا ماأقول انها لاتروح للزيارة .. لكن اذا تهيأت الفرصة لها من الأفضل انها تروح .. لكن مو على حساب شي آخر تقوم بالحق والواجب
6-بعض البنات الله يهديهم مايفرقون بين الطلعة العادية .. والطلعة للجامعة .. والطلعة للسهرة !!!
يعني الميك اب لكل هالطلعات واحد والبس والشعر كذالك ... يعني وووووووووووين رايحة بالله .. وشوله هالكلافة !! لازم تفرقين بين كل طلعة والآخرى ...
لأن الزين زين لو قام من النوم .. والشين شين لو دعج عيونه
7- الدلع :
هذي غريزة في البنت .. يعني البنت اذا محد دلعها .. تدلع نفسها
لكن فيه دلع عن دلع
الدلع اللي يجي على سجيته ..يااااااااااااااااااااحلوة ههههه
لكن الدلع المصطنع ..وووووووووواااااااااااااااااع ع ع ع يحوم الكبد ..أصلاً ماودك تحكي مع وحدة تصطنع الدلع.. وياكثرهم اللي من ذا النوعية .
8- البنات النصابات :
يمكن تستغربون لو قلتلكم ان فيه بنات نصابات ..لكن الصدق ينقال .. فيه وياشينهم .. عليهم نصبن موب صاحي ..!!
يعني بعطيكم أمثلة ..
** تدرين ان أسير الشوق بكبرة جا يخطبني .. ورفضت لأنه بيسكني مع اهلة..
** شرت هذي التيور من هارفي نكلز كان عامل دسكاونت .. وهي شاريته من سلطانه
** سارة ليه ماجيتي امس للحفلة ..
أمس بصراحة كان زوراج بنت خالتي .. كان في نياره ..وهي نصابة جاينها خوالها من حريملا .. ولا قدرت تروح للحفلة
(أنواااااع النصب) بس مايجي قطرة في بحر نصبكم يالشباب ( )
9- مصلحجيات :
وياااااكثرهم .. يتلزقون بصورة ميب طبيعية موب لله عشان .. حل واجب وإلا عشان فلان الفلاني يقربلك أو غيرة من المصالح .
10-تحمق :
فيه نوعية من البنات تحمق بسرررررعة .. مثلاً ..لو تقولها .. وش ذا اللون موب زين عليك (من باب المزح ) ..عصبت وحمقت
وقالت وش فهمك بالذوق يا قروي .. انت حدك جلابية من حلة القصمان
11-ابقولكم شي في صف بعض الشباب موب كلهم .. يعني يجيك شاب فـــــــــــــــــي حاااااااااالة موب يم أحد .. وتجي البنت تقول : شوفي هذا قليل الأدب من الصبح يلاحقنا .. مالت عليه .. ذا البايخ .. ودك من يسنعه .. والولد مووووووو حولها تلاقوونه مسيكين يفكر في شي ثاني
تكفين شوفي شكلة بس انتي واغسلي يدك .. اصبري علي وبهزئه .. وهوووووو موب يمها الضعيف ... لكن تصير مع البنات كذا .. يظنون ظن سيء فيهم
12-راعية سوالف:
يووووووووووه هذي النوعية متعبة مررررررة
يعني تجيك الوحدة تسولف تسولف تسولف ماتعطي أحد فرصة انه يحكي وكن مافيه إلا هي ..
13- الضعيفة فيه بنات ضعيفات لكن موكثير .. هذولي البنات يرضون بأي شيء ..
مالهم رأي ..
كل شي عندها ايه ..
ماتعرف كلمة لا ...
و اذا أحد سألها تكون اجابتها بكلمة (مادري)
ماتناقش .. ولا شي
فيه بنات زي كذا بس موكثير .
14-فرفووووووووشة و فرووووووحة :
يعني تحب الضحك والفرفشة والتعليق .. النكد والطفش ماتعرفة .. وتتعب نفسياً اذا قعدت مع ناس ثقيلين دم
وحتى لو كان مامعها احد يضحك ويسولف .. تروح تشوف وجههاا بالمراية وتقعد تعلق على نفسها وتضحك ههههه
15-شايفة نفسها:
يااااكثر البنات اللي شايفات انفسهم .. البعض من البنات يحق لها تشوف نفسها..
لكن بلاااااك اللي مايحق لها .. على ايش شايفة نفسها ... مادري؟؟؟
ماتكلم الناس إلا من طرف خشمها
واذا حكت مع أحد مستحيل تناظرة
واذا ردت ترد عقب الشين
غالباً هذي النوعية من البنات ماعندهم سالفة ..
16-راعية الطرب والشكشكة :
هذي النوعية من البنات ماتمشي إلا بمسجلها .. وأشرطتها في شنطتها ..
17-فتاااااانة .. هذي النوعية تحب تشعللها وتحب تشبها بين الناس .. يعني اذا صار موقف او مشكلة تزيد الطين بله
18-التبذير:
أغلب البنات مبذرات .. قليل البنات البخيلات واللي يحافظون على القرش ..
19- غيووووورة :
الغيرة وماأدراك ماالغيرة ..
كل البنات غيورات لكن نسبتها تختلف من وحدة للثانية ..
يعني بعضهم غيرتها شينة ويبان عليها اما بالنظرات أو بالكلام .. ولابعض الآخر لا
وفيه غيرة عن غيرة
بعض البنات يغاروون .. لكن يحاولون يطورون انفسهم للوصول لنفس مستوى اللي يغارون منهم .. وهذي الغيرة زينة
لكن البعض الآخر يغاررون ويحشووون ويحقدون وبس وهذي الغيرة شينة مرررة
20-راعية السوق:
هذا دااااااايم دووووم بالسوق ..لو ماتشتري بس تروح للسوق هذي هي هوايتها
ونسبتها ماشالله كبيرة جداً
21-الطبيخة :
ماتسولف إلا عن الطبخ والمطبخ والمواعين
وماتروح عند احد إلا وصنف من أصناف الطبخ سابقها
22-تمســــــــكن لين تمكـــــــــن
مايحتاج تفسير لها
23-العناد :
بعض البنات عنيداااااااااااات وممكن انها تسوي شي يخالف عاداتها وتقاليدها عشان تنفذ اللي براسها ..كذا عناد بس
25- أم دميعة :
هذي لو تقولها .. بخ .. صاحت
دمعتها قريبة وعلى طول تصيح وياشينها
المفروض تصير دمعتها عزيزة عليها موب أي شي يصيحها
بس القهر اذا الوحدة ماتبي تنزل دمعتها عشان موقف وتنزل ذا الدموع غصب
____________
البنـت العنيـــده ..
همهـا تكون شـديـده ..
وكل من يقابلهـا " بتلوى ايده " ..
ومن يطـاوعها تزيـده ..
ومن تطيعـه .. هذا "عـيـده " ..
تعاند نفسـهـا .. حتى لـو عاشت وحيده ..
== == == ==
البنـت الثقيـله ..
هـذى قليــــــله ..
نظراتها تطــرح قبيــله ..
ومن تعجبـه .. مسكين ياويلـه ..
تعطيه وجـــه ؟ .. ( مستحيـله ) !!
ماينفع معاهـا مليـون حيله ..
دايــم رزه .. ومو طويـله ..
== == == ==
البنـت القصيـره ..
هذى كثيــــــــره ..
وطبعها .. داهيـه وبصيـره ..
دايم .. لسانها طـويل .. وخطيــره ..
لو هى حرمـه ..او صغيــره ..
صوتها يرعــد فى ديــره ..
البعـد عنهــا ..تــراه خيــــره ..
== == == ==
البنـت الثـرثاره ..
ياهى برباااااااااره .. وفيهـا بثـاره ..
ليمن حكت .. ماتوقـفهـــا اشاره ..
تحكى فكل شـي .. وفأى عبـارة ..
تفهم فى الطبخ .. فى الموضه .. وفى الاداره ..
حتى فـى فـن العيـاره ..
دبــه .. تزعجك .. تمرضك .. تجيب المــراره ..
== == == ==
البنـت الفتــون ..
عليها عيـون .. تجيـب الجنــون ..
وجهـهـا .. يحـرك شجــون ..
ويتعــب .. قـلـوب وظنــون ..
كل يبهـــا لـه تـكــون ..
مادروا .. انـها مـن الداخل .. فـراغ وسكـون ..
مادروا .. انها صــوره .. للنـظر .. بس بالعيـون ..
== == == =
البنـت اللـعـوب ..
تسحـــــر قــلـوب ..
تلـعـب .. ولا يمكـن تـتـوب ..
تخـدع ... وتخـفى كل عيــوب ..
عشاقـهـا واجـد .. طلــوب ..
ترمى وتضـيع فى الـدروب ..
بين الشــباب .. سبـب الـحــروب ..
== == == ==
البنـت القبيـحـه ..
ياهى جــــــريحه ..
دايـم صـــريحه ..
واطباعها ... طيبـه ومـريـحـه ..
ماتحب كثر الظهور .. تخاف الفضيحه ..
تبي .. معجـزه .. وتكون صحيحه ..
تغير ملامح وجـههـا .. وتـصبـح مـليحــه ..
== == == ==
البنـت الغـبـيـه ..
دايـم غـبـيـه ..
استيعـابـهـا .. بـطـئ شـويـه ..
مـرة تـحـكى لـبنـانى .. ومره بدويه ..
فيـهـا .. سـذاجـه .. وعـفـويـه ..
لاهـى ضعـيفـه ولا قــويـه ..
مـاشـيــه .. بـس بالـنـيـه ..
== === == ==
البنـت المغــروره ..
هذى مشـــــــهـوره ..
ماتراعــىلأحــد شـعــوره ..
بس غلاف .. او مثل صــوره ..
من كـل زينـه .. هـى غـيـوره ..
تبتسم .. مجامله ..او للـضــروره ..
من كل شـي .. مـقـهـوره ..
دايـم تـقـول .. " انا مسحوره
.................................................. ..............
لا تزعلون يا بنات ( منقول )
الله يعيني على الكلام الي راح يوصلني
__________________
مواصفات البنات ( خاص للبنات ) بس عساهم مايزعلون 
