سين سؤال ليش صوت المؤذن عند صلاة الفجر ضعيف بالقريه؟

[abudawod]

السلام عليكم ورحمة الله وبركاته
اليوم لاحظت شغله يمكن كنت شاك فيها من زمان أكثر المساجد عندنا بالقريه يقصرون على صوت السماعه عند صلاة الفجر وتروح علينا نومه

اليوم لما مسك الحاج عبد الله حسن المكرفون ونادى لصلاة الآيات كان الصوت قوي وواضح .

يعني معقوله المساجد تراعي أن الناس تكمل نومها على حساب أداء الصلاة صحيح أن احنى كل واحد عنده تلفون أو منبه بس سماع
الاذان ضروري للغافل
والحين طبعا مافي مكيفات تغطي على صوت الاذان مع هذا الصوت ما يوصل ويكون ضعيف أشلون لو اجا الصيف.

[اسيرة القلوب]

جان انت تسمع على خفيف احنا المسجد صوب بيتنا ولا نسمع ماياذن معظم الوقت سواء كان مغرب ظهر صبح مافي قليل اذا ياذن ولا اذا اذن تسمع صوت الجهال يعني لهدرجه الاذان يتعبهم

[sjan]

لان حسين الهباش مريض



:baaa2:

[ابو سلمان]

اللي يبغى الصلاة ماتفوته

[Nello]

قبل كم سنة جيران المساجد وخاصة الجامع اشتكوا بأن الصوت يزللهم لذلك تم تخفيض الصوت

[abudawod]

أبو سلمان في موضوعنا يا مرحبا يا مرحبا،،

لو أنه واحد ميت تسمع الصوت واضح حتى لو كنت في سابع نومه تتخرع وتفز من مكانك تخاف يكون نسيبك او شي والاذان صوته ضعيف بصراحه ما عرفنا ليكم.
يقول الاخ sjan السبب أن حسين الهباش مريض يا ريت يكون هذا السبب بس المشكله صار ليها سنتين أو أكثر ،يمكن الي قاله الاخ Nello أقرب للحقيقه
بصراحه هذا الشي مخجل اذا كان الصوت عندهم قوي غيرهم ما يوصله الصوت

[سام]

بسم الله الرحمن الرحيم
والصلاة والسلام على محمد وآل محمد
أولا نشكر الأخ أبو داوود على الموضوع وثانيا (( إلي يبغي الصلاة ماتفوته )) ثالثا ماأعتقد أن الكلام عن الإزعاج الي يسببه الأذان لجيران المسجد صحيح لأن ولامرة أحنا اشتكينا من صوت الأذان ونحن جيران للمسجد ( الجامع الكبير ) هذا كله كلام هرار والي يبغي يصلي ماراح يعنمد على صوت الأذان مثل مايعتمد على منبه التلفون الي يرن كل خمس دقايق على أقل تقدير وشكرا لكم وسامحوني على الإطالة

[محمد عادل]

بالفعل ..

كان الصوت لصلاة الخسوف بقوه ..

قعدت من نومي ..

الي فيه الخير بيصير ان شاء الله ..

تحيتاي

[أبـن الـع ـلـويـيـن]

الصراحة في فريجنا الصوتـ ينسمعـ كوضوحـ الشمسـ .. !
ما اشوف مشكلة في الصوت ..!

[abudawod]

الاخ سام أحترامي الشديد لك ولاكن الشغله مو منبه أو تلفون هذا اذان لازم الكل يسمعه الي يبي يصلي اكيد ما راح ينتظر يسمع أو ما يسمع صوت الاذان

في نفس الوقت الاذان ضروري لانك اذا قلت انك ما تسمعه وماتعتمد عليه أهني يصير وجوده تقريبا مثل عدمه هذا القصد من الموضوع

[أبو ناصر]

أنا شقتي صوب المسجد ولا اسمع الأذان على الله وعلى التلفون


أرى أنه يجب رفع صوت الأذان لا تخفيضه

[مسك]

الاذان مهم جدا لماذا اذن هو سنة نبويه
في الدديرة الجامع القديم على كيفك كيفك الاذان يوم في يوم مافي
الحمدلله فريق السادة جدا راقي والاذان اسمعه منتظم ما يفوتون الله يعطيهم العافيه والصوت قوي .
اما بالنسبة لاهمية الاذان بالعكس نحتاج انا نسمع الاذان بانتظام مو لان الي يبي الصلاة ماتفوته لان بسحان الله بعض الاحيان اكون مشغوله والساعة جنبي ولاهيه مثلا ادرس اذاكر احتاج اني اسمع الاذان علشان اقوم .

[الامبراطور]

بلفعل مثل ما قال Neloفي ناس تضايقت من صوت الاذان بعدين خفضو صوته

اذا انا الاول اسمع الاذان مع انا بيتنا عند لجبيلية الحين ولا كأنة في اذان على اللة و الساعة


واذا بعض الاعضا تقول انها ما اشتكت اعتقد انة الجامع حوالية اكثر من بيت