معجب
السلام عليكم
معجب وفي خدها شفت موتي والعذاب
وذبحتني لين ما قلت حي امي وابي
عنبو خدن به التوت والسكر مذاب
من يقول ان فيه مثله انا قص اشنبي
الحلا ثم الحلا والدلع والانجذاب
روعتن كنها فتافيت فلم ن اجنبي
سندرله عصرها واحلف فوق الكتاب
لا مثلها في البحرين ولا ديره ابو ظبي
من بنات الدوحه ومن سميحات الجناب
الجمال الي تحدا الجمال المغربي
ارتبكت وضاعت علومي وسال اللعاب
ولعن ابوه من عبات ماهي مثل العبي
اقلبلت كنها تمشي على هام السحاب
جعل يفداها شبابي وعمري وتعبي
هيبت اخطاها اذا لامست جسمها التراب
هيبت عيال ال مكتوم في داخل دبي
ما سواي الي يشوف القمر لابس حجاب
ولا حد غيري يعانق بكفينه ظبي
شاعر وحسي غلبني بطيبه ونسياب
وكره العب الطفولي من توني صبي
شايب ربي عطاه العمر في عمر شاب
الذكي عندي لو يجادل بيطلع غبي
اسف التعبير قاسي لاكن ويش جاب
منك الي منكب حط منك الذهب منكبي
ماني اقلد وقول انا غير الشباب
وجيب لك السوالف بشكلن لولبي
لاكن اسمع قبل لا تسأل وهاك الجواب
نبذتن عني تفيدك تبي او ماتبي
اكره الكجول ولا داني البدله وكاب
لانها ماهي بسلمي ولا هي بمذهبي
مختلف طبع وقناعات وخلقه وكتساب
وكل هذا قبل لا افخر بعزي ونسبي
هيا انا عجمي وربعي ملوين رقاب
لا غزانه غازي القوم يخسا وهبي
وعينك الي شفتها ماحسبت الها احساب
اه منها و اه من سهمه الي دش بي
التقيتك في طريقي وذاب القلب ذاب
وشفت بك من كل وصف يوافق مطلبي
مبتلي يازين ورحم لجل تكسب ثواب
خاف ربك في ضعيفن في ذنبه وش تبي
تحياتي
يوسف الشغل
معجب 
