بسم الله الرحمن الرحيم
والسلام عليكم ورحمة الله وبركاته
-| المشهد الاول |-
وحدة مزيونة بالحيل و حبيبها
بس تخون!!!!
وش تسوي بجمالها؟؟
بياخذها الزمان و تبقى عجوز
عادي طاح الحطب و حلوة الحياة
_ _ _
-| المشهد الثاني |-
غني و ظالم
يطرد المساكين و يستغل الأضعاف
مغرور و فاسق
و مجلسه عامر
كلن يبهر له
و مع ذلك يجمع حسنات من كثر اللي يسبونه
عادي طاح الحطب و حلوة الحياة _ _ _
-| المشهد الثالث |-
يدرس و يشتغل
لاجل يبني مستقبله
تزوج و جاب عيال ثم تقاعد
صار يسكن في مكان و أم عياله في مكان
والسبب العيال
صار دار المسنين بيتهم
عادي طاح الحطب و حلوة الحياة
_ _ _
-| المشهد الرابع |-
مرفوع الكفن أبيض
وصاحبه وسط البياض
بعضهم يبكيو بعضهم عادي
دفنوه لاو تبكبكوا شوي
و اخر الليل سكارى
عادي طاح الحطب و حلوة الحياة _ _ _
-| المشهد الخامس |-
سيارة مسرعة
و تدعم لها واحد
مسكين هندي
و العسكري صديق الطايش
والخطا نصه على الهندي
والباقي على أبو الطايش
و في الليل الطايش يلعب ورق
عادي طاح الحطب و حلوة الحياة _ _ _
-| المشهد السادس |-
غرشة ماي
ما تضره طايحة في السيارة
يناظرها بغضب زعلان منها
و يفتح الشباك ورمها وسط الطريق
واذا اجتمع مع الشباب قال:
متى بنتحضر؟؟؟؟؟؟
عادي.طاح الحطب و حلوة الحياة
_ _ _
-| المشهد السابع |-
اهم شي الثوب نظيف و الغتره مكويه
و القلم ماركة والساعة تضوي
و النعال جلد(( الله يعزكم))والسيارة كشخه
و تلفونه ما يسكت
إما بنات
أو البنوك تبي فلوسها
عادي طاح الحطب و حلوة الحياة _ _ _
-| المشهد الثامن |-
سطحية و مغرورة
غبية و متكبرة و يا ريتها حلوة
تبي زوج مواصفات
ما يقول لا ويكره الاستراحات
لازم وسيم و انيق و متعلم و دخله ممتاز
و يحب السفر
و بعد سنين تلاقي نفسها في الانترنت
تدور واحد يقبل بها
عادي طاح الحطب و حلوة الحياة
_ _ _
-| المشهد التاسع |-
فتح الكمبيوتر
ودخل للمنتدىو كلامه ما يتعدى ان الموضوع روعة و رهيب
و هو ما قراه و لا يعرف الكاتبه
بس يبي يزيد المواضيع موضوع
ويزيد همومنا هم
علشان يصير صاحب الألف موضوع
و يتميز
والمشكلة انه يتميز
عادي طاح الحطب و حلوة الحياة
_ _ _
-| المشهد الأخير |-
الكذب اثم ومع ذلك نستخدمه
و ندري ان هذا حرام و مع ذلك نجربه
نتذكر السهرة و الفرح و السفر
و ننسى الجالسين على كتوفنا
و نتناسى ان معهم كتاب يسجل افعالنا و نياتنا
كل شي محسوب
حتى النظر
نسينا ان ورانا يوم علاماته قربت
ومع ذلك كلنا ناسين
أن بقيت على حالك تتناسى لازم تعرف
مشاهد ن الحياه... 
العرض العادي
