بنات صالون ساشا

[AL'Manamaa]

بنات صالون ساشا اللي في عالي مسلمين او لا اللي يشتغلون؟؟؟؟
ردوا اليوم علييي

[ملكة عالي]

في بحرينيات وفي فلبينيات
بس ما انصحش اتروحين هالصالون لان ما يسوون شي عدل
يعني راحت امي وقصوا حواجبها
وراحت اختي وسووا شعرها صوب طويل وصوب قصير خخخ
صالون بنت سهيل زين

[ايمان]

في بحرينيات وفي فلبينيات
بس ما انصحش اتروحين هالصالون لان ما يسوون شي عدل
يعني راحت امي وقصوا حواجبها
وراحت اختي وسووا شعرها صوب طويل وصوب قصير خخخ
صالون بنت سهيل زين

دا عل زين ما اقول مو زين ..حق الحفاف بس ..
بس حق الشعر لاحد يروحه .. ترا غااالي .. !! ولا عاد اللي شعورهم شوي طوال .. مرة سووني بـ 36 دينار ..

المهم صالون ام فراس وااااجد زين .. بس يمكن محد يعرفه زين لانه صاير مغاور موقعه

[اسيرة القلوب]

تبغين صالون لقصاص الشعر مافي على كنوز الا صوب مدرسه الابتدائيه للبنين


وفي وحده بعد اسمها زينب في العفراء تقص الشعر حليووو

[نور الزهراء]

اني رحت لهم وما قصوا شعري عدل

خلوني اصيح من قلب

في العفراء احسن وحدة هناااااك زهرة ... اخت ليلى الي من المالكية الي تحف العرايس

الصراااحة شغلها مرتب وما في عليه

اني ما ارووح الي اليها

وصالون كنوز اشوف الكل يمدحه

بس ولا مرة رحته

[zoz]

بنات تعرفون احد يحف حلو في اسكان عالي سواء في صالون او في بيتهم

وصالون ام فراس هذا (شغله مضبوط لحفاف او لا)

[غــارق]

سلام

عذرا على التطفل ..

اعتقد ان الموضوع مكانه الانسب و الطبيعي هو عالم حواء ..

تم نقله هناك

غارق

[AL.Manamea]

هلا بنات انزين صالون ام فراس وين بالضبط؟؟ في عالي صوب وين واذا احد يعرف الاسعار للمكياج والاستشوار والتسريحه يخبرني ضروري

[ندى الزهور]

الصراح اني مااروح الا بنت اي سهيل شغلهم مضبوط في الحفاف احف عند سلمه هي مسلمه او فريدى وهدي بعد مسلمه
والشعر يسوون احليو والحلاوه بعد حلو اتمنى اتروحون ليه

[السوسنية]

الحفاف عند أم ناصر من أسكان عالي في بيتها :: حفافها محترم تحف عرايس على طول .. بيتها مقابل بيت أبو الشيخ سعيد النوري ..

وعندكم صالون سارة في سوق واقف مو فالحين إلا في الحفاف صدق حفافهم شي - اختاروا هندية. .

والشعر صالون العفراء على قولة البنات - يسوّون الشعر يهبّل - وترى عن تجربة ها ...

[الحنووووونة]

مرحبا انا انصحكم للحفاف في فاتنة الخليج وايد حلوو وخصوصا وحدها اسمها (سوميا) واذا تبون تقصون شعركم وتسون استشوار روحوا صالون مون صج محد يروح له بس وايد زين واسعاره حلوو واذا ميكب وتسريحة مافي احسن من صالون سلوى يطلعونج وايد حلوة

[AL.Manamea]

اني يعجبني صالون سلوى واااجد حلووو يوم خطوبتي رحت هناك وطلعوني حلوه بشهادة الكل

ورحت لهم عقب خطوبتي باسبوع عندي كان خطوبة بعد صرت حلوه

وعندكم صالون نادرة في توبلي صج صج حلووو من المكياج ، الشعر ، التساريح انتي اختاري تسريحه وتضبطها لج شغلهم حلو ومرتب

وسمعت صالون وصال بعد بس ماجربته

الحين ابغي اعرف عن صالون ام فراس لو احد يتبرع لينه ويحط مكياج ، او اسعارهم للتساريح والمكياج والاستشوار ، وجزاكم الف خير

[ام ريم]

مرحبا..

صالون ساشا ما اعرفه عنه شي
بس انصحج بصالون ام فراس

وبطرش لج رقمها ع الخاص

[AL.Manamea]

عندي رقمها

بس امبي اعرف وين يصير بالضبط ؟

[الماسة]

صالووووون ام فراس كشووووخي تسووووووي

الشعر والحفااااااف


بيتهم على شارع صوب دوار الجحله عليه لافته مكتوب عليها



اللهم صل على محمد وال محمد

صوب نادي عالي الجديد

[AL.Manamea]

امم ممكن توضحون لي اكثر وين الصالون بالضبط ام فراس لان مااطلع في عالي واني في اسكان عالي ، وماادري بشي ، لو زين احد يعرف المكياج يبتدي من جم ؟؟ والشعر والتسريحه ، غالي او رخيص ، واذا عندكم صور لمكياجها تحطونه

[الماسة]

مادري شلون اوصف ليش

بس اذا بتروحين على دوار الجحله في بيت

مكتوب عليه اللهم صل على محمد وال محمد

ابين واضح مقابل نادي عالي الجديد

اسعارها كلش زينه المكياج يبتدي من

3/5/10 على حسب الا تبغينه

وشعر يعتمد على تسريحه وطول شعر

هم اسعار شعر زينه مو غاليه كلش

[AL.Manamea]

مشكورة حبيبتي

ان شاءالله اروح لها