اجمل قصة رومانسية قرأها (ولد المكسيما)

[ولد المكسيما]

<span style='color:red'><div align="center">اجمل قصة رومانسية قرأها (ولد المكسيما)</div></span>
<div align="center">سلام علييكم ورحمة الله وبركاته ..

قصة رائعة جدا .. قرأتها بينما كنت اتجول بين المنتديات .. وكانت في غاية الروعة والجمال (( بالنسبة لذوقي ))

ان شاء الله تعجبكم القصة ..

.......
بالنسبة للقصة ان شاء الله راح تكون على اجزاء .. وكل يوم راح اوضع جزء </div>
<div align="center">................................... ................</div>
<span style='color:crimson'><div align="center">العنواان .. §¦§*~°¨¨ مجنووووون فاطمه §¦§*~°¨¨</div></span>
الجزء الاول

كانت فاطمه دلوعه اهلا والكل يحبها وكانت تتمتع باجمل الصفات من جمال واخلاق طيبه وذكاء واما جمالها فخلو على صوب لانها صدق كانت قمر ..كل اللي يشوفها يتخبل على جمالها .. وهي عمرها 19 سنه يعني في اول سنه جامعه وعندها صديقه روح بالروح وياها وهي رريم لان فاطمه كانت وحيده فعشان جذي تعتبر ريم اختها وصديقتها وكل شي ..

والقصه تبتدي

ام فاطمه : حبيبتي فطامي وينج فاطمه

فاطمه : هلا امي انا بغرفتي
طلعت فاطمه من غرفتها عشان تشوف امها شو تريدها
ام فاطمه: وينج فاطمه من متى اناديج حبيبتي
فاطمه : امي كنت اكلم ريم ربيعتي .
ام فاطمه : وتضحك والله اني اغار من هالريم . كل وقتج وياها
وضحكت فاطمه وحضنت امها وقالت : محد مثلج يا حلى واروع ام بالعالم ..
ام فاطمه : يالله خلي عنج هالكلام : تقول حبيبتي فطومه لاتنسين عزيمه خالتج لنجاح بنته انوره من الثانويه
فاطمه : اكيد امي مب ناسيه افا وانا اقدر انسى نجاح نوره .
وراحت فاطمه واتلبست ولبست احلى ما عندها واتمكيجت بمكياج خفيف وبسيط
ام فاطمه : دخلت على فاطمه تشوفها خلصت ولا
وشافت ام فاطمه فاطمه بجمالها وكشختها وقالت لها : ماشاء الله عليج يا بنتي طالعه مثل القمر اقري على عمرج يا بنتي اخاف يحسدونج
فاطمه وهي مبتسمه : على شو يحسدوني امي
ام فاطمه : فطامي بلا حركات تعرفين انج حلوه والكل يمدح فيج من صغرج :
فاطمه " اكيد لاني طالعه على امي حبيبة عمري

صدقها الام لان فاطمه مب بس حلوه بل فاااااتنه..كانت البنت السمره وشعرها البني وعيونها البنيات الحلوات الوساع اللي كانها عيون الغزال وجسمها كانت طويله و موب متينه كان صدق متناسق كانها عارضه أزياء .

ام فاطمه : يالله خلي عنج هالكلام ويالله نروح تاخرنا الدريول يتريانا في السياره
وراحو كلهم العزيمه
وكانت فاطمه احلاهم
ويت فاطمه وسلمت على بنت خالتها نوره وباركتلها على نجاحها
نوره : زين ييتي شو هالتاخير كله ؟
فاطمه : بعد تعرفيني يوم اختار بدله ولبس كيف اتاخر
نوره : بس ماشاء عليج طالعه قمر .. غطيتي علي ..
وضحكت فاطمه
وقالتلها فاطمه: محد يغطي على رقه وحلاة بنت خالتي نوره
ويت من وراهم هند اللي هي بعد بنت خالتها يعني اخت نوره وهند اكبر عن فاطمه بسنتين وهند تغار من فطومه وايد لانها احلاهم ولان الكل يحبها ويحترمها
يت هند وقالت لها مب من خاطرها " هلا فاطمه
فاطمه: هلا ببنت خالتي هند شو اخبارج واخبار الدوام
هند : اكيد تمام
وراحت عنها هند
فاطمه وهي مستغربه : بلاها هند ليش متضايقه؟
نوره : لا حبيبتي هند ما فيها شي بس تعرفين كيف تفكر وهي تعرفينها من صغرها تغار منج
فاطمه : ليش تغار ..؟ هند حلوه وزينه
نوره : بعد تعرفين البنات وغيرتهم
المهم خلصت الحفله والاغلبيه راحو البيت الا فاطمه وامها
وكانو يتكلمون ويضحكون وفجاه دخل ولد خالتها اللي هو اخوهم خالد
خالد كان اكبر اخوانه وكان طيب وخلوق ووسيم وكل البنات متخبلين عليه ويتريون نظره منه بس هو قلبه مب ملك أحــد غير (فـــــاطمه ).
بعد ومن صغره كان متيم في فاطمه مب بس متيم بل يموت فيها : ودخل وفجاه شاف فاطمه
.. وكان يشوفها بنظرات وحب ويقول في خاطره : فاطمه هني واخيرا وينج يا نبض قلبي وينج عني
والكل لاحظ نظراته
ونوره قالت : الناس يسلمون يا خالد
ام خالد : وين وصلت يا خالد
هند اختهم : هه هه هه اكيد عيونه على حبيبته فاطمه . وكانت هند تشوف فاطمه بنظرات كلها غيره

وفاطمه استحت واحمرت ونزلت راسها .
خالد بعد استحى ودعى على هند في خاطره
خالد " السلام عليكم اشحالج بنت خالتي فاطمه
فاطمه : الله يعافيك خالد انت شو اخبارك .
ام فاطمه : بس فاطمه ونحن وين رحنا
ضحكو كلهم على خالد لان ما كان يشوف الا فاطمه
وخالد أبد ما كان يتكلم لانه بس يريد يشوف حبيبته فاطمه .
وقالها وهو يشوفها من فوقها لين تحتها .
خالد : ماشاء الله عليج يا بنت خالتي طالعه اليوم ملاك .
فاطمه صدق ويها محمر : عيونك الاحلى بس عاد لا تبالغ
خالد : وربي ما ابالغ المينون اذا شاف جمالج راح يصحى

نوره : عيل خلا نودي فاطمه مستشفى الميانين عشان كلهم يصحون ويستوون زينين .
وهني الكل تم يضحك
بس خالد كان تفكيره كله في فاطمه .
ام فاطمه " يالله عن اذنكم بنروح البيت الوقت تاخر
ام خالد : وين تو الناس بعدنا ما شبعنا منكم
ام فاطمه : الود ودنا نتم لين الفير بس ما يصير
فاطمه : اكيد القعده وياكم ما تنمل يا خالتي
كلهم وقفو وراحو يسلمون علشان يطلعون وبعد ما وصلت فاطمه عند خالد
. وهي منزله راسها : مع السلامه يا ولد خالتي
خالد وعيونه على فاطمه : مع السلامه يا القمر اووووه قصدي يا بنت خالتي
وعلى طول فاطمه طلعت لانها صدق استحت وما تعرف كيف ترد على كلمات خالد العذبه .
وبعد ما وصلت فاطمه البيت
كانت تفكر في ولد خالتها خالد ونظراته وكلماته الساحره .
اما خالد فكان هاليوم احلى يوم عنده وفرحان لان شاف حبيبته فاطمه

كانت تفكر في ولد خالتها خالد ونظراته وكلماته الساحره .
اما خالد فكان هاليوم احلى يوم عنده وفرحان لان شاف حبيبته فاطمه لان من هو صغير يحبها
وراح عند امه باخرالليل
وتم يدق الباب على غرفه امه
خالد : امايه امايه افتحي الباب ام خالد: مستغربه : خالد شوفيك وين يعورك شو فيهم خواتك ..؟
خالد : باسم الله عليج امي ما فينا شي
ام خالد : عيل ليش ياي هالوقت تعرف ساعه كم
خالد هي الساعه 2 ونص شو يعني .. المهم امي الله يخليج ابي اقولج شي
ام خالد فتحت الباب وهي مستغربه من خالد وتشوفه بنظرات غريبه
ام خالد : قول اللي عندك يا خالد شو فيك؟
خالد امي تعرفين اني احب فاطمه بنت خالتي من صغري ويا هالوقت اللي تخطبينها لي امي اخاف احد ياخذها مني واذا احد خذاها بموت يا امي تعرفين شو يعني بموووووووت .
ام خالد وهي تضحك على خالد . باسم الله عليك من الموت يا خالد الله ياخذ بليسك يا خالد موعينا هالوقت علشان هالسالفه .. لا تخاف فاطمه ان شاء الله ما بتكون الا لك
خالد: ابيج تكلمين امها باجر اوكي
ام خالد : خلاص حبيبي تم بس انت روح نام الحين

............................................

والبقية ان شاء الله بعد فتره .. وانتظر رايكم بالقصة

[حنين الروح]

<div align="center">سلام عليكم

شكلها القصة عجيبة ومشوقة

مشكور ولد المكسيما .. ننتظــر باقي الأجزاء

تحياتي .. حنين الروح</div>

[ولد المكسيما]

<div align="center">مشكوره أختي حنين الروح على المرور الأكثر من رائع من دوقك والله

مع اني توقعت حضور اكثر من قبل الأعضاء .. بس

للأسف .. على العمووم تشكرون ..

والجزء الثاني من القصة راح اوضعه بكره ان شاء الله

وكما ايضا ابين لكم ان هنااك اجزاء غير B) </div>

[نسايم ليل]

اهلا اخي ولد المكسما
اتحفتنا بهذه القصة الرائعة
واحنا بانتظار الجزء الثاني :rolleyes:
سلامي


<marquee direction=right> اختكم نسايم ليل</marquee>

[ملاك الحزن]

<span style='color:indigo'><div align="center">مرحبا اخي ولد المكسيما..
مشكور ,, القصه روعه B)
واحنا بانتظار بقيه الاجزاء

تحياتي لك وللجميع
ملاكـ </div></span>

[blue eyes]

تشكراااات خوي ولد المكيسما على القصه الحلوه والعجيبه ..
ننتظر الاجزاء الباقي..
الله يعطيك العافية خوي ..
blue eyes

[ولد المكسيما]

الجزء الثاني:
للي تعذب المخاليق ولا ملامحها اللي فيها براءه الاطفال ولاا خدودها اللي كانها ورود ورديه كيف اوصفج يا فاطمه كيف ؟
وفهد هو اصلا يموت على الشعرفكانت اول قصيده يكتبها لبنت .
وربعه سمعو الخاطره وقاله صديقه مروان : الله عليك يا فهد شو هالكلام العذب شو اليوم ياي وتقولنا خواطر اخاف بس الاخ متعذب.
وضحك فهد وقاله : لا بس حبيت اقول خاطره لان هالخاطره مميزه عندي .
وفي اليوم الثاني قامت فاطمه وراحت عند امها
فاطمه : صباح الخير يا أحلى واغلى ام بالعالم
ام فاطمه وهي مبتسمه : صباح النور يا احلى فاطمه او قمر على قولت خالد وتمت الام تضحك ..

فاطمه وهي منحرجه : امايه عاد ليش تضحكين لا تعلقين على كلام خالد ولا هو جذب يوم قالي قمر
الام : هههههه لا يا بنتي ما اضحك على كلامه بس اضحك على حبه صدق عيال هالايام حبهم غير.
وتمت فاطمه تضحك على كلام امها .
وفجأه رن موبايل فاطمه :
فاطمه : الو
ريم صديقتها : هلا فطومه هلا بصديقه عمري
فاطمه : هلا وغلا بالغاليه
ريم : شو اخبارج ؟؟ وينج البارحه ما عبرتينا ولا دقيتي علي تعرفيني ما اقدر على بعدج
فاطمه: كنا معزومين على نجاح نوره بنت خالتي .
ريم : هاااااااااا اشوف بعض الناس ما عبرونا لازم اكيد شافو الحبيب حبيب الألب.
فاطمه : بسج عاد لا تذكريني .ترى اخاف اسرح فيه
ريم : يا ويلي على الحب ..
فاطمه وهي مستحيه اونها : احم احم
ريم : فطومه حبيبتي تعالي اليوم بيتنا بنتغدى وبعدين بنروح سيتي سنتر علشان نتشرى اوكي
فاطمه : اوكي بس غريبه شو تبين تشرين وليش؟
ريم : يعني محد يروح السوق الا اذا شي مناسبه
فاطمه : لا بس مستغربه مب من عوايدج قولي ريم شو عندج
ريم : امممممممممممممم الصراحه ابي اشتري اشياء حق اخوي اللي يسوى عندي كل شي اخوي فهـــــد
فاطمه : فهد ؟(وعلامه تعجب في ويها) ..
فاطمه : بس فهد مسافر حق الدراسه
ريم : حبيبتي فهد خلص الدراسه يا صباح الخير لا انتي داريه لا فيه ولا في اخوي
فاطمه : وانا شو عرفني في اخوج اصلا انا ما شفته ولا مره
ريم : يالله بسج رمسه تعالي بيتنا الحين سمعتي ألحيـــــــــــــــن .
فاطمه: زين باسم الله شو فيج محرجه خلاص الحين بقول حق امايه

ريم : اترياج بسرعه لا تتأخرين
فاطمه : اوكي يالله باااااي
ريم : بااياااااات

فاطمه : امايه الحين بروح عند ريم يمكن ولا ؟
ام فاطمه : الحين افا يعني محد بيتغدى وياي
فاطمه : امي اسفه بس ريم تترياني
الام ونبرت حزن : تعرفين يا فاطمه انا ما ابي اخرب على طلعاتج بس مثل ما تعرفين اني مالي غيرج بحياتي . ابوج الله يرحمه توفى من خمس سنين يوم يتله نوبه قلبيه لان كان فيه القلب وانا ما يبت غيرج وما عندي الا انتي واذا صار لج شي وتمت تصيح الام ..
فاطمه والدمعه بعيونها : امايه انا بكون عندج لاخر حياتي لا تصيحين يا امي انا بكون وياج بس الله يخليج ما ابي اشوف دمعه بعيونج ترى دموعج غاليه
الام( وهي تمسح دموعها) : اسمحيلي يا بنتي ما كنت ابي اضايقبج في هالوقت بس تذكرت ابوج ..
فاطمه : في حد ما يتذكر ابوي .. اصلا ابوي كان دوم يوصيني عليج يا امايه .. وانا ما راح اخليج
.وراحت فاطمه وحضنت امها
ام فاطمه : يالله يا بنتي روحي عند ريم تترياج البنت .
فاطمه: لا خلاص بتم وياج
ام فاطمه: لا يا بنتي انا بروح عند خالتج فاطمه وانتي روحي عند ريم
فاطمه : اذا بتروحين بيت خالتي فاطمه خلاص يعني مطمنه عليج الحين اقدر اروح .
وراحت فاطمه اتلبست بسرعه وراحت بيت ريم صديقتها
اما ام فاطمه فراحت عند اختها فاطمه
ام فاطمه وهي داخله بيت اختها
ام فاطمه : السلام عليكم
فاطمه اختها وبناتها نوره وهند وخالد: وعليكم السلام يا هلا والله
(اما خالد عيونه على الباب وفي خاطره يقول وينها وينها حبيبة العمر) .

نوره : خالو وين فاطمه ؟ليش ما يت وياج
ام فاطمه : فاطمه يا غناتي راحت عند ريم ربيعتها
خالد وهو متضايق ويقول في خاطره ( هذا وقت تروحين هناك )
خالد : يعني خالو هي بتروح وما بتي بعدين هني
ام فاطمه : ولا ما دري يا ولدي هي قالت بتروح ويا ريم وبعدين بيروحون يتشرون
هند وهي رافعه خشمها : بعد تروح السوق ويا ربيعتها وبروحهم بعد
ام فاطمه : ما فيها شي يا بنتي هي ما راحت مكان غلط
ثانيا بنتي تروح ويا بنت محترمه وفاطمه ما تطلع الا بشيلتها وعباتها.
خالد : ثانيا يا هند لا تدخلين
نوره : لازم يدافع عنها
وخالد يشوفها من طرف عينه : نوووووروووه بتسكتين عني ولا ؟
خالد صدق كان معصب علشان كلام هند ولان ماشاف فاطمه
نوره : لا لا الله يخليك ما فيه على حشرتك خلاص سكتنا.

أما فاطمه فهي كانت بيت قوم ريم
ريم وهي معصبه : فطومه ليش تأخرتي ..
فاطمه : اسمحيلي يا ريماني بس امي كانت تصيح وما رمت اروح عنها لين ما اواسيها .
ريم (وبويها علامه تعجب): ":ليش تصيح ؟
فاطمه ونبره صوتها كلها حزن : تصيح على الوالد اللي راح .
ريم : الله يرحمه .اذا انتو جذي تقولون ومتضايقين هالكثر عيل انا شو اقول .. وراحت ريم ويلست على الكرسي وهي ميته صياح .
فاطمه وهي خايفه على ربيعتها : ريم ريم شو فيج ليش كل هالدموع
(ريم وعيونها كلها حزن ودموع )
ريم : اصيح اصيح يا فاطمه لان ييتيييييمه تعرفين شو يعني يتيييمه على الاقل انتي عندج امج الله يخليها بس انا انا انا ؟ وتمت تصيح
فاطمه : انتي شو يا ريم عندج عمتج الله يخليها اللي ما تقصر وياكم عندج اخوج فهد .
ريم: محد يا فاطمه يقدر يا خذ مكانه الوالدين انا فقدت امي يوم كان عمري ست سنين امي راااااحت بمرض السرطان وما حست بحنانها يا فاطمه وابوي من كثر ما هو متعلق بامي كان يسرع مثل الميانين وهو بعد مات بالحاددث وفقدتهم اثنينتهم بنفس اليوم .. ااااااااه يا فاطمه ما تعرفين كيف اتالم ما حسيت بحنانهم ..
فاطمه وعيونها تدمع على ربيعتها : بس يا ريم عندج اخوج فهد الله يخليه لج.
ريم وتشوف فاطمه وعيونها محمره من الصياح : فهد .. ههههههههههههه شو تنكتين فهد . فهد فهد؟؟
فهد يا فاطمه هو نص ميت .فهد يا فاطمه كان اكثر واحد متعلق في امايه الله يرحمها كان يموت فيها ويوم فقدته صارت له مرض نفسي لانه كان محتاج لحنانها وبعد ما خلص الثانويه سافر وكمل دراسته بالخارج عشان شوي ينسى .فهد يا فاطمه اكثر واحد متعذب بس شو اقول انا .. ما عندناا حد يا فاطمه ما عندنا حد ..وراحت حضنت فاطمه وهي تصيح
فاطمه وهي بعد تصيح : ريم انا وياج انا اختج وامي هي امج يا ريم .بس الله يخليج لا تصيحين اطلبيهم الرحمه هذا قضاء الله وقدره .
مسحت ريم دموعها وقالت لفاطمه : اسمحيلي يا فاطمه يبتج هني وزدت همومج.
سساره : افا عليج يا ريمان .. اذا ما تشتكيلي انا بتشتكين لمنو ؟. انا يا ريم وربي اعتبرج اختي وحبيبتي وربيعة عمري
مسكت ريم يد فاطمه وقالتلها : الله لا يحرمنا من بعض
ويالله نروح نتغدى تراني ميته يوووع .

واما في بنت فاطمه خالة فاطمه :
ام فاطمه : يالله اسمحولي بروح البيت .
فاطمه : تو الناس يا اختي
ام فاطمه : أي تو الناس الحين الساعه 8 بروح اكيد غناتي فطوم في البيت .يالله من رخصتكم .
نوره : بحفظ الله يا خالتي وسلمي على فطومه وااااااااايد
هند : (وهي تشوف اخوها من فوق لتحت ): وانت يا اخوي ما تبي تسلم على حبيبة القلب
خالد وهو منقهر : مالج خص .
ودخل غرفته لان كان منقهر واااايد لان فاطمه ما يت اليوم .

والساعه 11 مساء:
ام فاطمه: ها فاطمه شو ان شاء الله استانستي
فاطمه : اكيد امايه استانست واااايد
ام فاطمه : هي تذكرت بنات خالتج يسلمون عليج .
فاطمه :الله يسلمهم .. امممممممم اكيد الحين معصبين علي لاني ما رحتلهم
ام فاطمه : اكثر واااحد منقهر هو فار س الاحلام خالد.
وتمت الام تشوف فاطمه من طرف عينها وهي تبتسم
وفاطمه (وهي منزله راسها) .. ها شو أي أي أي أي خالد خالد
ام فاطمه وهي تضحك " شو فيج قاعده تقولين حروف الهجاء
وتمو يضحكون .

ام خالد راحت عند ولدها تشوفه لان من راحت ام فاطمه وهو ما طلع منها :
ام خالد : خالد خالد انت واعي ولا نايم
خالد وهو منسدح على السرير: هلا امي لا واعي تفضلي
ام خالد : بلاك يا ولدي شو فيك ليش متضايق ؟
خالد " ما تبيني اتضايق وانا قايلج تكلمين خالو سعاد .
ام خالد وهي تستعبط : أي سعاد ؟
خالد : امايه الله يخليج لا تستعبطين يعني منو سعاد تراج ما عندج الا اخت وحده سعاد ..
ام خالد :: هااااااااااااه قول ام حبيبة عمري ام القمر ام قلبي فاطمه
خالد ويشوف امه وهو يضحك " هي ام حبيبتي فاطمه
ام خالد : شوف خالد انا كنت بكلمها اليوم بس شفت الوقت غير مناسب لان الكل قاعد ويانا بس اوعدك عن جريب راح اكلمها ولا تزعل يا خلودي .
خالد : اكيد امايه .. الله يخليج بسرعه كلميها
ام خالد : يالله عليك شو كثر حناااااان قلت لك خلاص بكلمها يالله خلني اروح انام لاني تعبانه اليوم
خالد وهو في نفسه يقول (:ااااااااااااااااه يا امايه انا اللي تعبان من الحب)


وطلعت فاطمه من الغرفه تشوف شو سالفه هالصراخ.
فهد وهو يكلم اخته ويمسح دموعها : حبيبتي يا ريم تعرفين اني رحت اكمل دراستي .
ريم وهي تشوف اخوها بنظره حب وشوق : للدراسه ولا تشرد عشان ما تحس بمعاناة خلاص يا فهد انسى امي وابوي راحو من كم سنه لين الحين محتاجنها
فهد ترك يد اخته وقال وهو حزين : اااااه يا ريم محد بيحس بشوقي لامي ريم امي راحت عني وانا عمري 10 سنين وكانت بالنسبالي كل شي ما اقدر ما اقدر بدونها اتخيلها بكل زاويه في البيت محتاج لحنانها يار يم . ودمعت عيون فهد .
اما فاطمه فما قدرت تتحمل على طول دمعه نزلت بعيونها .
فهد حب يتغير السالفه : المهم ريماني انتي شو اخبارج .؟
ريم : والله اني شوي بخير بس الحين اكيد بخير بوجودك اخوي .
ريم وهي تشوف فاطمه وتبتسم
وتقولها : فاطمه تعالي اعرفج على اخوي .
فاطمه منزله راسها ويت عند ريم وفي خاطرها تقول ( هو شافني وخلص ) .
ريم: فهد اعرفك على صديقه عمري واختي فاطمه .
فهد وهو يشوف فاطمه بنظرات : هلا والله بفاطمه تشرفت بمعرفة وحده حلوه مثلج .
فاطمه استحت وما قالت شي غير : تسلم عيونك الاحلى .
فاطمه استغربت من جرأته .
المهم بعد ما استأذنت ريم من اخوها انها بتروح للحفله مع فاطمه .
اخوها فهد راح عند أصدقائه اللي من مده ما شافهم .
بس بخياله بس رسمه فاطمه اللي صدق كان متخبل عليها وقال: قلت هي قمر قلت لا القمر ماخذ من حلاها .كيف أوصفها وهي ما تنوصف من جمالها .رسمه عيونها
................................

شنو راح تتوقعون يصير بين فهد ؟؟

وفاطمه وخالد شلون بتكون علاقتهم ؟؟

وهند هل انها توافق تغازل وتكلم شاب ؟؟

بالجزء الجايي راح تعرفوا

وان شاء الله راح تواصلوا معاي القصة

[ليلـــى]

<div align="center">مرحبا..

ولد المكسيما..

قصه حلوه وتستاهل كل المعاني الجميله ..

أسلوب شيق ..

وأنتظر البقيه بشغف ..!!

اتوقع.. يصير شئ ..بين فهد وفاطمه..

وتتأثر العلاقه شوي بين خالد وفاطمه..

بس بعدين ترجـــــــــع ..

سلامـــــــــي..

..

ليلى

..</div>

[ملاك الحزن]

<span style='color:royalblue'><div align="center">هاااااااااااي

نحن بانتظار الجزء الثالث على احر من الجمر
القصه واايد مشوقه :rolleyes:

تأخرت علينا :unsure:

ملاكـ B) </div></span>

[ولد المكسيما]

الجزء الثالث
وبعد هاليوم اتصلت ريم من الصبح حق فاطمه وفاطمه في سابع نومه

ريم تتصل فيها
ريم : الو فطومه فطومه
فاطمه وهي معصبه لان مخربين نومها وبتعب تقول : الو منو ؟
ريم : منو يعني انا ريمان
فاطمه : الله يهديج يا ريم تتصلين صباح الله خير في هالوقت
ريم : أي صباح الله خير الحين الساعه 11 قومي بسج رقاد
فاطمه : شو تبين خلصيني والله فيه نوم
ريم :فطموه اليوم نحن معزومين على بيت قوم لطوف ربيعتنا وكل بنات للمدرسه بيروحون هناك يعني وناسه .
فاطمه وفجأه نشت من المخده : والله صدق رووووعه يعني بنات المدرسه بيجتمعون صدق وناسه بنتذكر ايام المدرسه .ريم : هي والساعه 8 نكون هناك وانا ابي اروح عشان اشتري بدله حلوه لهالمناسبه لان الكل بيكون موجود ابي اتكشخ .
فاطمه : ليش يا حلوه ما عندج بدله يعني
ريم : لا عندي طبعا بس ابي اشترلي بدله يديده .شو بتين وياي ولا ؟
فاطمه : اكيد بيي ومره وحده اشترلي بعد
ريم : خلاص عيل تعالي بسرعه لا تنسين
فاطمه : لا حبيبتي البارحه ما تغدين ويا امايه حرام ما تهون علي بيي العصر وبنتشرى اوكي .
ريم: خلاص حبيبتي اشوفج على خير بس تعالي بسرعه عشان نلحق اوكي بااااي
وسقرت فاطمه من ريم وراحت عند امها تستشريها وطبعا الام وافقت .

(بيت فاطه خالة فاطمه)
نوره : والله احس من زمان وما شفت بنت خالتي الغاليه فاطمه .
هند وباستهزاااء : يعني شو من زمان من اسبوع كانت هني .
نوره : تعرفيني متعوده عليها ولازم اشوفها
بروح اتصل فيها .
هند .: روحي روحي وانا بروح اتصل في منى
نوره : انا منى الصرراحه ما عرف ليش ما ارتاح لها احسها حركات وشايفه عمرها .
هند وهي معصبه : والله حبيبتي من لازم ترتاحيلها اهم شي انا ارتاحلها انزين .
نوره : انزين انزين عفان الله بلاج شبيتي علينا تقولين انتي الاكبر مب كاني اكبر منج
هند وتأشر على صبعها : بسنه وحده اكبريعني ما شي فرق وايد
نوره : بسنه بشهر باسبوع المهم اكبر منج .خلا اروح اكلم فاطمه احسن من مجابله ويهج .
هند وهي منقهره : روحي روحي وانا خلا اكلم منى احسن .
واتصلت هند في صديقتها منى . وصح كلام نوره لان منى من النوع المتكبر وايد وعليها سوالف وحركات .
هند : الو مرحبااااااااا
منى : مراحب يا هلا بهنود
هند : هلا فيج .شو وينج
منى : ويني بعد في البيت قاعده عالمسنجر
هند : انتي ما تملين من المسنجر
منى : لا والله وناسه بس انت يلو تجربين بتعرفين كيف .
هند : وين اجرب ما عندي مسنجر واصلا ما احب الكمبيوتر.
هند : لانج ما تعرفين شو داخل الانترنيت حبيبتي اذا تبين تحبين وتعيشين بالغرام يلسي عالانترنيت والمسنجر .
هند وعلامه تعجب في ويها : والله كيف
منى : انتي تعالي بيتنا وبعلمج كل شي .
هند : والله زين خلاص الحين بقول حق امايه وبيي بيتكم اوكي
منى : اوكي يالله اترياج
وطبعا هند للاسف كانت ساذجه وما تعرف صديقتها منى شو تقصد بهالكلام .

اما ريم وفاطمه راحو يتشرون عشان عزيمه اليوم . وهم يتشرون فجأه شافت ولد خالتها خــــــالد ومعاه صديقه محمد .
خالد وهو مستغرب ومبطل عيونه : محمد محمد مب هاي فاطمه .
محمد : أي فاطمه .؟
خالد : حبيبة القلب روحي وعمري قوم قوم خلا نروح هناك
محمد : الله يعينا على الفلم الهندي
وراح خالد ويا ربيعه محمد وخالد عيونه على فاطمه :
خالد بصوت ونبرات كلها حب : انا احلم ولا اتخيل فاطمه موجوده ؟
فاطمه وهي منحرجه : هلا يا خالد شفت عاد الصدفه شو اخبارك يا ولد خالتي .
خالد وفي خاطره ( لا تقولين ولد خالتي قولي خطيبي او حبيبي: تمام يسرج الحال يا بنت خالتي .ها شو تسوون هني


ريم ,وهي تشوفه بدلع وتقول: زين قلت شو تسوون زين جمعت قلت يمكن ما شفت غير فاطمه .
وهني فاطمه ضحكت برقه : وخالد استحى وقال : لا افا عليج يا ريم كيف انسى ريم صديقه فاطمه المفضله
اما محمد فماكان يتكلم ولا كلمه لانه عيونه على عيون ريم ومتخبل عليها وساكت .ريم حست بنظرات محمد واستحت وااايد اول مره احد يشوفها بهالنظرات .
فاطمه : شو اخبارك محمد ؟
محمد في عالم ثاني عالم ريم .
خالد : محمد محمد وين وصلت
محمد : ها شو شو شو شو السالفه ؟
خالد : نحن اللي نسالك شو السالفه وين وصل تفكيرك
محمد يرمس شوي شوي ويقول لخالد : معاها معاها ما تشوف كيف حلوه ورقيقه
خالد : منو
محمد : منو بعد صديقه حبيبة القلب
خالد : ريم
محمد : الله حتى اسمها حلو ريم شيخه الحريم
خالد وهو يقرص محمد : بسك فضحتنا فضحتنا .
فاطمه وهي مستغربه : بلاكم عن شو تتكلمون
خالد : هاا لا لا ما شي ما شي محمد يقول انه يوعان بيروح ياكله شي.
فاطمه :ها خلاص عيل نحن نترخص عشان ما نتاخر اوكي يا ولد خالتي مع السلامه .
خالد : مع السلامه يا فاطمه واشوفج على خير
محمد وعيونه على ريم : مع السلامه فاطمه وووووو وو مع السلامه يا يا ريم .
ريم وهي منحرجه ومنزله راسها وبصوت رقيق : مع السلامه يا محمد .
وراح محمد وخالد . وفرحت خالد غير لان شاف حبيبته واما محمد فكان سرحان في ريم

فاطمه وهي ميته من الضحك
ريم وهي مستغربه على فاطمه : شو فيج ليش تضحكين ؟
فاطمه وهي مبتسمه : لا حبيبتي سلامتج بس تذكرت نظرات الولهان على بعض الناس .
وهني ريم فهمت شو تقصد وابتسمت : تصدقين فطومه . ما عرفت ان خالد عنده صديق بهالحلاه والجمال .
فاطمه : طبعا لان خالد ما يمشي الا مع الحلوين مثله
ريم : خلي عنج هالرمسه وقومي نتشرى يالله


في بيت منى صديقه هــــــند:
منى : زين والله ييتي تعالي قعدي عندي براويج اشياء تخبل.
هند : والله شو هيه؟
منى : شوفي انا اكلم واحد عالمسنجر بس شو يموت فيه اتصدقين يحبني واي شي ابي ينفذلي.
هند : وانتي تصدقين انه يحبج حبيبتي هذا اكيد يقص عليج
منى : أي يقص علي اقولج يموت فيه بس انا مب بس اكلمه بالمسنجر اكلمه بعد بالتلفون .
هند وهي مستغربه وتشوف منى بتعجب : بالتلفون ؟ منى كيف ترضين على عمرج تغازلين .يمكن يقص عليج .
منى : والله انج فاضيه شو يقص علي اقولج يحبني وينفذلي كل شي وما انام الا بكلماته الحلوه والله حياتي صارت روعه وياه ..اااااااااه كيف احبه
هند وهي بعدها مستغربه : يعني صدق تحبينه يعني ما يقص عليج .
منى : اقولج احبه وبعد بيتزوجني تخيلي تاخذين واحد عن قصه حب والله روعه بس انتي لو تجربين هالشي بتشوفين
هند : لا لا لا حبيبتي خليني بعيده عن هالسالفه شو تبين خالد اخوي يذبحني .
منى : وهو اصلا شو عرفه .ما بيعرف عن شي انتي بس طيعيني وكلمي واحد وبتشوفين كيف حياتج بتتغير؟
هند: كيف ارمس واحد لا لا لا ما يستوي
منى : يالغبيه هاي بس فتره خطوبه بعدين هو بيتزوج صدقيني .
هند : ها مممممممممم يتزوجني مممممممم ماعرف خليني افكر
منى : فكري يا عمري وانا بعطيج رقم صديق اللي اكلمه الحين وبتشوفين كيف حياتج بتتغيرللاحلى .
هند وهي تفكر بالسالفه : ماعرف بس بفكر .
ومنى فرحت لانها قدرت تتجذب على هند اللي بسهوله قصت عليها .


وبعد ما ردت فاطمه وريم من السوق كانت الساعه تقريبا 6 مساء يعني ما تأخرو وايد وكان عندهم وقت عشان يتلبسون ويتمكيجون . وفاطمه قررت انها تتلبس في بيت ريم عشان مره وحده يروحون ويا بعض لان كل اغراضها كانت وياها وراحت فاطمه والتلبست وكان لبسها اللون الاحمراللي ياي على شكل فستان بسيط ومكياجها بسيط وحلو وفتحت شعرها البني وكانت صدق كانها الورده بجمالها .

أما فهد اخو ريم اللي ياي من السفر كان يبي يسوي مفاجأه لاخته ريم بقدمومه وكان يدور عليها وما لقاها وقال اكيد هي بغرفتها وهو ما يعرف ان فاطمه اللي بالغرفه وفجأه يوم دخل كانت فاطمه صاده لصوب المنظره يوم فهد دخل
فهد تم يصارخ من الفرخه وقال : ريماااااااااااان مفاجأه
وصدت فاطمه وشافت رجل غريب ما تعرفه وهي مستحيه ما تعرف شو تسوي لانها ما كانت متغطيه لا بالشيله ولا العبايه وفجأه سكتت ونزلت راسها وما تعرف شو تقول .
اما فهد فكانت بيده هديه ومن المفاجاه او من جمال فاطمه الهديه طاحت من ايده تلقائيا من دون قصد وتم ساكت وهو يطالعها ويقول في خاطره ( انا أحلم ولا شو السالفه؟ من هذي هاي اكيد حووريه لا أي حوريه اكيد ملاك ما شفت احد بجمالها وهو يطالعها وساكت وهي منزله راسها .
فهد بعد ما حفظ شكلها : ايييي مممممممممم اسمحيلي كنت ابي ابي ابي اختي ريم بس ما عرفت انج موجوده ؟
فاطمه على طول خذت الشيله وتغطت وهي مستحيه وويها صدق محمر وترد برقه : لا عادي انا الغلطانه لاني ما بندت الباب . ونزلت راسها
فهد : اسمحيلي اختي
وطلع من الغرفه وهو حاط راسه على غرفه اخته ويقول : واااااااااااااو شو هالجمال في حياتي ما شفت في جمالها .
وبعدين يت اخته ريم اللي ما كانت تعرف ان اخوها فهد موجود وهي يوم شافته
ريم فتحت عيونها وتمت تشوفه وتصااااارخ : فهههههههااااااااااااااااااد وتميت تصيح ويت وحضنت اخوها
ريم وهي حاضنه اخوها بالحيل وتصيح وتقول : فهد وينك فهد ليش خليتني من 4 سنين بروحي تخليت عني يا اخوي .وتمت تصيح

انتظروا الجزء الرابع

[ولــ الديرة ـــد]

<div align="center"> <_< أقووول

:( ولد المكسيما وينك ولد المكسيما ليش صار للقصة حوالي 10 ايام
ولي الحين مانزلت الجزء الخامس يا خوي..</div>

[خادم الحسين]

خخخخخخخخخخخ...فلم هندي...او مسلسل كويتي....

صج يعني قصه حلوه ...ننتظر الاجزاء الباقيه على احر من الجمر..

اخوكم في الله ..

[المحبه للخير]

ههههههههههههههههههه

صدق قصه حلوه ومشوقه يلا احنا ننطر الجزء الرابع

صدق فلم هندي يعني

[مرسى القلوب]

<div align="center">قصة روووووووووعة

ما فينا صبر للانتظار <_<

ارجوك بسرعة تنزل الجزء الرابع ;)

نتظر الجزء الرابع

<span style='color:blue'>سلامــــــي،،
مرسى القلوب </span></div>

[بنت البحرين]

قصة حلووووووة

ما فينا صبر للانتظار <_<

ارجوك بسرعة تنزل الجزء الرابع ;)

نتظر الجزء الرابع