كيف تتخلص من مخالفة السرعة
كيف تتخلص من مخالفة السرعة قبل أن يكتبها شرطي المرور ببساطه شوفوا عليوي شلون تصرف في هالموقف كان عليوي مسرع على شارع الخليج و صاده رادار السرعة ... وقفه الشرطي على اليمين و دار بينهم هالحديث
الشرطي : شعندك طاير ؟؟ عطني الرخصة لو سمحت
عليوي : آسف والله رخصتي ملغيه لأنها منتهيه من زمان.و لا جددتها
الشرطي : انزين عطني استمارة السيارة
عليوي : هذي مو سيارتي .. بايقها...
الشرطي : تقول بايقها ؟؟؟
عليوي : إي بايقها ، بس لحظه تذكرت ، كني شفت الاستمارة بالدرج لما حطيت مسدسي فيه
الشرطي: معاك مسدس بالدرج بعد ؟؟؟
عليوي: إي مسدس ، حطيته بالدرج عقب ما ذبحت راعي السيارة و حطيته بشنطة السيارة
الشرطي: و في جثة معاك بالسياره بعد ؟؟؟
عليوي : إي نعم المسكين الشرطي سمع هالكلااام قام علطول و صوب مسدسه على عليوي و قاله و لا حركه، و كلّم الضابط المسئول و بلّغه عن عليوي و سوالفه و بسرعه جااات سيارات الشرطه و حاصروا عليوي ... المهم ما أطول عليكم ... قرّب الضابط يم سيارة عليوي و قال خلني أتأكد أول
الضابط : ممكن أشوف رخصتك ؟
عليوي: أكيد تفضل و كانت الرخصة سليمه
الضابط: من سيارته هذي ؟
عليوي: هذي سيارتي و هذا استمارة السيارة
الضابط : ممكن تفتح درج السيارة بكل هدوء علشان أشوف إذا في مسدس ؟
عليوي: على هالخشم .. بس ترى ما في مسدس بالدرج .. حتى شوف بنفسك ما في أي شي
الضابط: شي غريب ..الشرطي اللي وقفك قال انه ما عندك رخصة و لا استمارة للسيارة و السيارة اللي أنت فيها مبيوقه و عندك جثة بالشنطة
عليوي : بل بل بل ...الله يغربل إبليسه .. الكذاب ... مو ناقص إلا يقول إني كنت مسرع بعد؟؟؟؟
وقدر عليوووي إن يفتك من مخاااالفة السرعة...
خخخ
العرض العادي
