وتروح تحب امها على الراس وتسلم على حرمة اخوها
(سعاد أخت فهد عمرهاب ب22 سنه تدرس في جامعة زايد حبوبه وايد وحلوه واخلاقها رفيعه والكل يحبها بطيبتها )
سعاد تشل حمده من عند امها : يا ويلي شو هالحلاوه والطعامه دي ........و تم تبوسها
ب
ليلى: طبعا طالعه على امها
سعاد : ايه حمدوه قوليلها انا طالعه على عموه سعاد مب عليج ولا على ريلج الشين
ليلى: محد الشين الا الي بياخذج
سعاد:هههههههههههههههه
ام فهد: سير بدلي علشان الحين بيي اخوج وبنحط الغدا
سعاد: ان شاء الله my mother و سارت فوق غرفتها
ام فهد: شوه قالت هاي تلوي لسانها
ليلى :ههههه عموه اتقولج ان شاء الله امايه
ام فهد تهز راسها : الحين امايه تخليها تلوي لسانها جذيه والله بنات اليوم حالتهن حاله
و شوي ودخل عليهم فهد و حطت ليلى بنتها عند عمتها وراحت تقول للخدامات يحطون الغدا
الحلقه الخامسه
(في بيت ابوعبدالله )
عبدالله كان في غرفته طالع متسبح ويالس يتسفر ويتعطر ويرن تيلفونه ويشوف في الشاشه اسم سيف ربيعه
سيف:السلام عليكم
عبدالله : وعليكم السلام و الرحمه هلا و الله بهالصوت
سيف : هلا فيك عبدالله شخبارك
عبدالله: الحمد الله يسرك الحال شخبارك انت وشخبار الربع
سيف: ما شي الحال يالسين نترياك
عبدالله : اوكي الحين انا ياي
سيف: اوكي عيل برايك مع السلامه
عبدالله: مع السلامه
ويلس عبدالله يتسفر وتعطر وظهر من غرفته وهو نازل سمع صوت من غرفة اخته شوق وراح صوب الغرفه وكان الباب مفتوح ودخل وما حصلها وحصل الكومبيوتر مشتغل وحاطه اغنية ميحد (طال ليلي)ويلس على الكرسي يسمعها ولفت انتباه صوره على الطاوله وشلها ويلس يطالع فيها ودار في خاطره تساؤلات من هاي البنت؟ما شاء الله عليها قمر هاي ربيعة شوق؟وبعدين اكييد ربيعتها لان الصوره في غرفتها ويلس يطالع الصوره البنت ما شاء الله جمال وعين كبيره الا الشعر الناعم اللي طايح على جتوفها بنت منوهاي؟؟
وشوي سمع صوت وحط الصوره بسرعه على الطاوله مكانها وقام علشان يطلع ودخلت شوق وفي ايدها سندويجة جبن وعصير برتقال
شوق:عبادي انت اهنيه
عبدالله: هلا شوقه هيه سمعت اغنيةميحد على الكومبيوتر وعاد يلست اسمعها
شوق:اها اشوفك متلبس وين بتروح
عبدالله: بروح عند ربعي اوكي برايج انا رايح
شوق:في حفظ الرحمن
وطلع عبدالله من البيتوصورة البنت اللي شافها في غرفة اخته ما غابت عنه هو حتى ما يعرف اسمها ولا بنت منو لكن ما شاء الله جمال عليها صدق دخلت في خاطري ...............وشوي وصل عند ربعه
...................................
في سيارة فهد
فهد: هلا والله باخويه اشحالك المعرس
عيسى: و الله يسرك الحال اشحالك واشحالالأهل
فهد: االحمد الله كلهم بخير ناقنا شوفتك الا انت متى بتي
عيسى: ان شاء الله الاربعاء
فهد: زين و الله وشخبار بنت عمي عساها بخير
عيسى: بخير الحمد الله تسلم عليك .ها ما خبرتني شومسوين في الشغل
ويلسوا يسولفون عن الشغل و الاهل وبعدين سكر عنه
ووصل فهد البيت ودخل وحصل امه يالسه في الصاله اروحها
فهد: السلام عليكم الغاليه ......ويروح ويحبها فوق راسها
ام عيسى: وعليكم السلام و الرحمه
فهد: اشوفج يالسه اروحج وين شيبتج
ام عيسى: سار العزبه هيه يالسه اروحي انت تهيت ما تيلس عندي وترى عيسى مسافر شهر العسل عندحرمته
فهد: اهيت وين اهيت امايه الصبح دوام وفليل اطلع ويالربع المهم ابشرج ترى عيسى وحرمته بيون الاربعاء
ام عيسى: و الله صدق انها بشاره تسر الخاطر ولهت عليهم واييييد...... عيل يعرف ابوك
فهد: لا ما يعرف توه عيسى مخبرني
ام عيسى : هيه قايل بيعزم بيت عمك علشان نتجمع كلنا
فهد: و الله انه راي زين
وشوي ودخل عليهم ابوعيسى وخبروه عن ييت عيسى واستانس وايد وقال انه بيعزم بيت اخوه علشان يتجمعون ويفرحون ويا بعض بييت عيسى وشيخه بنت اخوه
ومرن يومين بلمح البصر وكان يوم الثلاثاء شوق وعليا يالسات في الرباعيه ياكلن ويسولفن
عليا: مستانسه اكييييييييد شواخي بتييد
شوق: الا بطير من الوناسه مب بس مستانسه
عليا: صدق و لهانه على سوالفه شيخه
وتيهن ميثه ربيعتهن وتسلم وتيلس عندهن
ميثه: وينكن انت يا التعبانات من زمان ماشفتكن
عليا: و الله اهنيه انتي الي ما تنشافين ليكون عرستيونحن ما ندري اشوفج محلوه
شوق: هيه و الله انج محلوه
ميثه تسايرهن : وانتن اشدراكن
عليا مصدقه كلام ميثه : صدق الحين عرستي
شوق: و الله انج خامه تعرسين و لا تخبرينا و لا تعزمينا
ميثه:هههههههههههههههه لا ما عرست كنت امزح
شوق: الله يقطع سوالفج تصدقين صدقتج
شوق تشوف الساعه : اوكي برايكن انا بسير البوابه الحين اخويه بيي
ميثه : وانا عليه محاضره برايكن see you latter.............وراحت عنهن وسارن هن صوب البوابه وهن يمشن في الطريج
عليا: منو عبادي بيج
شوق:ههههههههههه هيه عبادي
عليا: اشفيج تضحكين
شوق:ما شيبس عبادي ضحكتني
عليا :جب يا الخامه من كثر ما تقولينها تعودت عليها
شوق: صح انتي منو بيج
عليا : الدريول
شوق: اهاااااااااااا ................. وصلن عند البوابه
شوق: اوكي برايج علايه ..............وتحبها على خدها
عليا: مع السلامه سلمي على خالوه وشميم وبوسيلي خطيبي محمد
شوق:ههههههههههه ان شاء الله .....وصدت عنها تبىتروح
عليا تبتسم: وسلمي على عبادي
شوق:ههههههههه فالج طيب
عليا: لا اضحك يا الخبله يا ويلج لو سويتيها
شوق:ههههههههههههههههههههه بتشوفين
عليا: يااااااااااا ويلج
شوق تصد عنها وتغشت و الابتسامه مرسومه على ويها وركبت السياره
شوق: السلام عليكم والرحمه
عبدالله: وعليكم السلام دومج تلطعيني برااا
شوق: سووووررري
عبدالله: اشفيج مبتسمه
شوق: ما شي جيه حرررررررراااااام الابتسامه
عبدالله: لا ما حرام ..............وسكت عنها ويلس يقول في خاطره اسالها عن البنت شو اقولها شفت صوره عندج منو هالبنت صدق مب حلوه شو بتقول عني انزين انا مب قاصد يعني صدفه شفتها اف مليت من كثر ما افكر شو اقول الحين
يلا بقول يعني اشفيها و اللي يصير يصيرعوذ بالله من هالحاله
عبدالله: شوق ابى اسالجبس لا تفهميني غلط
شوق تصد صوبه : خير شو مستوي
عبدالله: يوم كنت في غرفتج يوم يالس اسمع ميحد
شوق : انزين
عبدالله: بصراحه شفت صورة ربيعتج
شوق: شوووووووو
عبدالله: انتي حاطتنها فوق طارولة الكومبيوتر انا مب قاصد اشوفها
شوق في خاطرها زعلت مب من اخوها من عمرها هيه ما احتفظت بالصوره مع انه تدري انا أي احد ممكن يدش غرفتها : مب منك مني انا الغلطانه خلاص صار خير ان شاء الله
عبدالله :................... انزين ممكن اسال سؤال
شوق: اكيد ممكن خير
عبدالله متردد: شو اسمها
شوق تبتسم في خاطرها يا ترى شو في خاطرك اخويه : وليش ان شاء الله
عبدالله: بس فضول
شوق: لا و الله
عبدالله يحاول يطلع اسمها من اخته : اتوقع اسمها مريم والا اليازيه والا شيخه والا اميره
شوق في خاطرها لا و الله تضحك على منو عبادي : لا واحد من هالاسماء
عبدالله: و لا واحد عيل شو اسمها
شوق: اشفيك عبادي
عبدالله: قلنا بس فضول اشفيج انتي
شوق: انا ما فيني شي
عبدالله:اف منج
شوق ابتسمت
و شوي ويرن تيلفونه
عبدالله: هلا والله بولد العم
فهد: هلا فيك عبدالله .........وين انت انا في بيتكم
عبدالله: و الله رحت ايب شوق من الجامعه وياي صوب البيت
فهد: اوكي اترياك
عبدالله : اوكي
وعشر دقايق وصلوا البيت وكان فهد يالس في الصاله وعنده محمد
عبدالله وشوق: السلام عليكم
الكل : وعليكم السلام
وسلم عبدالله علىفهد
شوق مبتسمه : هلا فهد اشحالك
فهد يوم شاف شوق مبتسمه ذاب وطار من الوناسه اول مره تبتسم لي بعد الخلاف اللي صار : بخير الحمد الله اشحالج وشخبارج ويا الدراسه
شوق:تمام منيحه
محمد: هلا حبيبتي شوق اشحالج وشخبار عليا
شوق تبتسم وتحب محمد على الخد: بخير تسلم عليك وهاي بوسه منها
محمد يرد يبوس شوق على خدها : سلمي عليها وبوسيها على خدها
عبدالله سمع اخوه يوم قال عليا قال اكيد هي وصد صوب شوق وابتسمت له
عبدالله: ول عليك مب هين يا الطويل
و الكل يلس يضحك عليه
والا فهد في عالم ثاني يطالع شوق وهيه تضحك يقول يا رب تدوم هالضحكه
عبدالله : فهد...........حووووووووووووو فهد
فهد: ها خير عبدالله
عبدالله: وينك يا ريال اقولك تفضل يلس
وترخصت منهم شوق وسارت تسلم على امها وطلعت فوق غرفتها علشان تبدل ثيابها وترتاحلها شوي
وخبر فهد عبدالله عن العزيمه وقاله انهم كلهم بيغدون بيتهم ووافق عبدالله ويلسوا يسولفون وبعد شوي ترخص فهد وراح بيتهم
الحلقة السادسه
مر يوم الثلاثاء والكل فرحان انه باجر عيسى وشيخه بييون من السفر ويى
يوم الاربعاء
الساعه عشر الصبح
محمد يركض فوق ويدخل بسرعه غرفة شوق ويسحب اللحاف عنها
محمد: شواقه شواقه قومي
شوق: محمد ولي يرحم والديك خلاني ارقد
محمد: قومي بخبرج خبر ينن قومي
شوق تفتح عينها بصعوبه: شو تبى محمد خير
محمد: شواخي وصلت
شوق: احلف
محمد:والله العظيم توها مرمسه امايه في التيلفون من بيت عمي ..........يلا قرقشي مخباتج
شوق:وليش
محمد وحاط ايده على خصره : بشرتج يا النطع
شوق: سير انت الحين وبعطيك اللي تبيه بعدين
محمد:وعد
شوق:وعد
وطلع محمد عنها وقامت تتغسل وتبدل ثيابها
ونزلت وحصلت امها يالسه تشرب شاي وتتقهوى
شوق سارت صوب امها وحبتها على راسها: صباح الخير يا احلى ام في العالم
شمسه:صباح النور حبيبتي
شوق يلست عدالها : ها شواخي وصلت
شمسه:هيه فديتها توني رمستها توهم واصلنين ودقتلي
شوق: شو عبادي راح الشركه
شمسه:هيه رايح من الساعه سبع
شوق :اها
شمسه:.بقوم اسير عند عمتج سلامه مريضه حليلها
شوق: بلاها امايه
شمسه: ريولها تعورها من يومين شو بتسيرين ويايه
شوق:هيه بسير صبري بروح البس عباتي
وطلعت فوق غرفتها ولبست عباتها وسارن هيه وامها بيت عمتها سلامه
............................
في بيت ابوعيسى الكل مستانس بردت المعاريس من السفر و الكل ولهان على شوفتهم ومسوين كل التجهيزات اللازمه للعزيمه والترتيبات وام عيسى من امس اتوصي الخدامات يجهزون قسم المعاريس ويرتبونه ويبخرونه ويعدلون البيت
كانت لطيفه وامها وشيخه و عيسى يالسين في الصاله
ام عيسى : الحمد الله انكم رديتوا بصحه و سلامه واستانستوا
عيسى : الحمد الله الا انتوا شخباركم وعلومكم اكييييييد البيت مب حلو لاني ان وهالمزيون الي جدامي مب موجود .............وهنيه احمر ويه شيخه جنه حد قارصنها في خدودها
لطيفه:عاد جدامنا تتغزل في حرمتك شوف ويهها احمر نفس الطماطه
عيسى يضحك على شيخه ويقول للطيفه : شو انتي غيرانه
لطيفه: صدق ما عندك سالفه
ام عيسى تكلم شيخه :خليهم ابونهم هاذيله يهال الا انتي شخبارج ابنيتي عساج مستانسه
شيخه: الحمد الله بخير
ام عيسى : ما خبلبج ها الخبل في بلاد برا
شيخه:ههههههههههههه واطالع عيسى وتقول:لا عموه عيسى ما قصر عليه بشي
عيسى يطالع امه: الحين انا الخبل يا امايه الله يسامحج
ويات عوشه بنت لطيفه:ما ما يوعانه
لطيفه تشلها وتبوسها: فديت هالويه يا ربي قومي باكلج حبيبتي ...........وطلعت لطيفه عنهم ويلسوا يسولفون
ويوم يات الساعه 12 دخل عليهم فهد يوم شافهم قال
هلا ما هل هطال الغمام هلا عد الصحاري و النجوم
وقف عيسى و ابتسم لاخوه وكمل
هلا ما رفت اعلام السلام هلا عد البرايا و الرسوم
وتوايهو وسلم فهد على شيخه
فهد: جان قلتولي ايبكم من المطار يا ريال
عيسى : انته مشغول وما حبينا نعطلك وبعدين انا سويت للدريول ويابنا
فهد: المهم وصلتوا بالسلامه ..........ويصد صوب شيخه : شخبارج بنت العم
شيخه بخير الحمد الله شخبارك انت و شخبار الدوام وياك
فهد: تمام الحمد الله و الله بشوفتكم مرتاح
عيسى يتحمحم : اعرف انك تحبني وما تستغنى عني وشوفتي سعادتك
فهد يبتسم ويحب يعاند اخوه عيسى : الا يا ولد امي وابوي ما اطريك اطري شيخه بنت عمي
عيسى: لا و الله ما عليك فهود براويك ما لك خص في حرمتي تفهم
شيخه: مشكور ولد عمي
عيسى: لا مشكور و لا شي اجلب ويهك احسن لك
ام عيسى: ايه قوموا صلوا ابرك لكم
وقاموا كلهم فهد وعيسى راحوا المسيد وشيخه راحت غرفتها تتوضى وتصلي وام عيسى راحت المطبخ علشان تشوف شو سووا وتطمن ان كل شي جاهز
..................
في بيت ابو عبدالله
الكل يالس يتجهز علشان يرحون بيت عمهم وبعد ما يت شمه من المدرسه راحت تتلبس لانهم اتاخروا صارت وحده ونص ومحمد كان ما رايح المدرسه لانه ما فيه
يروح و الكل يالس يتلبس ويتجهز
عبدالله : خلصوا انتوا بترحون تتغدون والا تتعشون خبروني
ام عبدالله: اشفيك بسم الله خلصنا
وتنزل شمه وشوق من فوق
ام عبدالله: وينه حمود
محمد: انا هنيه امايه يلا انروح
وقبل ما يطلعون من البيت رن تيلفون البيت ورد عليه محمد
محمد كالعاده يصارخ علشان يبين انه صوت ريال : الو
عليا تضحك : الو هلا حمادي اشحالك
محمد تذكر انه صوت عليا ووط صوته شوي : هلا عليا انا بخير الحمد الله
وهنيه سمع عبدالله اسم عليا ويالس يطالع سماعة التيلفونوشوي وبي يقول لمحمد يب السماعه ارمسها عليا هاي اللي حرمتني النوم من يوم ما شفتها في الصوره ويقول في خاطره اسميها ذبحتني
محمد: صبري شويه شوق اندوج عليا تباج
وهنيه تشل شوق سماعة التيلفون
وتقول شوق : اسبقوني انا يايه وراكم
وطلعوا كلهم الا عبدالله الي واقف وما تحرك من مكانه
ام عبدالله: يلا عبدالله اشفيك واقف
عبدالله: سيروا امايه السياره مفتوحه انا ياي بروح ايب شي من فوق نسيته
وطلعوا عنهم وتم عبدالله يطالع شوق وهيه ترمس عليا وتخز اخوها بعين
عليا: الا اقول وين تيلفونج ليش ما تردين كم مره سويت عليه
شوق : كنت اتسبح وبعدين مودرتنه فوق الشبريه حتى الحين في غرلافتي ما شليته
عليا: اها
شوق: اوكي حياتي اول ما ايي برمسج
عليا: برايج الغاليه سلمي اوكي
شوق: ان شاء الله يوصل السلام في حفظ الرحمن
وبندت شوق سماعة التيلفون ويلست ترمس اخوها: اشفيك واقف متصمل اهنيه
عبدالله: شخبارها
شوق: لا و الله و انت شدخلك
عبدالله : شواقه سؤال ما فيه شي اشفيج انتي
شوق: بخير الحمد الله تشقح
عبدالله: اها الظاهر انها ربيعتج وايد .............لا اطالعيني جذي بعد سؤال ما في شي
شوق : هيه ربيعتيه وايد
وهنيه يدخل عليهم محمد
محمد:حووووووووووو انتوا اشفيكم واقفين اتاخرنا على الناس
عبدالله : شواقه بنكمل كلامنا بعدين اوكي
شوق: يلا طوف تاخرنا على قوم عمي
وطلعوا من البيت سايرين بيت عمهم وكانت الساعه ثنتين ونص وام عبدالله يالسه تتحرطم وتتنازع في السياره لانهم لطعوها وايد
الحلقه السابعه
و في سيارة عبدالله في طريجهم لبيت عمهم كان محمد راكب جدام عدال اخوه و
ام عبدالله وشمه وشوق راكبات وراء و المسجل مطول عليه على اغنية نوال
تدري أنا وياك قصتنا مثل شمس وقمرمن أول الوقت حتى آخره ماينتهونكل يدور صاحبه
حكم القدر تشرق تبيه يغرب يبيهاوفي السمايتخالفون
و عبدالله ومحمد يالسين يغنون ومنسجمين ويا الاغنيه
ام عبدالله: الله ياخذ بليسكم اسميكم صرعتونا بندوا هالمنكر وانطموا
وعبدالله لف صوب امه مبتسم ويالس يغني وياشر عليها
والكل يضحك عليهم
ام عبدالله طنشته و تصد صوب شوق : الا اتخبرج منو كنتي ترمسين مب عليا بنت محمد
وهنيه عبدالله يقصر على صوت المسجل لان انتبه على اسم عليا
محمد: اشفيك قصرتله
عبدالله: ما شي عورني راسي ...............ويلس محمد يتحرطم
عبدالله: حمود اسكت لا تيلس تتحرطم
شوق وهي تصد لامه : هيه امايه علايه ام عبدالله: شخبارها من زمان ما يت و لا شفت امها من يوم عرس شيخوه
شوق: والله توها تتخبر عنج بخير هم الحمدالله يسرج حالهم .......قالت لي يوم تيي شيخوه بيتنا ادق لها تيلفون عسب ايون يسلمون عليها
ام عبدالله و الله فيهم الخير.............الا هي ما انخطبت
وهنيه عبدالله في خاطره يقول يا ربي تكون مب مخطوبه لالالا عليا لي مب لغيري وبدت ملامح الحيره و الحزن في ويه عبدالله ويطالع من المرايا الصغيره شوق يتريا منها الاجابه ما قادر يصبر وشوق اطالعه وهيه مبتسمه تشوف اخوها تغير ويها ويطالعها يترياااااا منها الاجابه
شوق وهيه مبتسمه : لا امايه بعدها ما انخطبت
وهنيه ارتاح عبدالله وردت الابتسامه على ويه ويطالع شوق في المرايا ويبتسم و وحط شريط ميحدوطول عليه على اغنية
ورد جوري فوع وجناتك و الزمرد فيك خصيته
و المحاسن في تحياتك رد قلبي يوم شليته
ويلس يغني وياه من الخاطر واستغرب محمد ويلس يطالعه ويقول في خاطره توه يقول راسه يعوره والله انه غريب وانسجم هو الثاني ويا الاغنيه ويلس يغني ويا اخوه وضحكت شوق من الخاطر على عبدالله وتقول في خاطرها اسميها يابت راسك بنت محمد يا عبادي والله جان بتاخذها ما بتحصل بنيه احسن منها وهيه ما بتحصل احسن منك يا الغالي و الله فرحتلك من الخاطر وتستاهل كل خير يا اخوي
أما في بيت ابو عيسى الكل يالس يتريا قوم ابو عبدالله وفهد حالته حاله يا داخل يا طالع بعدين راح ييلس في ميلس الريال ما عارف شو بيسوي يوم يشوف حبيبة قلبه ونور العين شوق ويقول في خاطره متى بتحس فيني هاي ودي اذبحها تقولي اخوي انا احبها لا مو بس احبها الا مايت ومولع فيها الله ياخذ بليسج يا شواقه لو تحسي فيني شوي لكن ما عليه يا بنت العم لين ما ايب راسج اسميني ما بودرج وبخليج مش بس اتحبيني الا تذوبين يوم تشوفين وبعدين ابتسم وقال في خاطره
و الله اني مصدق عمري وايد
ويشوف ساعته ويقول :هذيلا اتاخروا
وشوي تدخل عليهم عوشه وميثه يركضن
عوشه تقول للطيفه:ماما قوم عمي عبدالله ياين برا
ام عيسى : يا مرحبابهم والله
وقاموا فهد وعيسى و طلعوا الحوش وطلعت شيخه ولطيفه وام عيسى يستقبلون ضيوفهم
نزل عبدالله واهله وراح يسلم على عيال عمه وتوايهوا
عبدالله يسلم على ام عيسى : هلا عموه اشحالج
ام عيسى : الحمد الله اشحالك انت الغالي عسالك بخير
عبدالله : الحمد الله ما نشكي باس
وتيه شيخه وتوايها
عبدالله يبتسم لها : الحمد الله على السلامه الغاليه
شيخه: الله يسلمك يا الغالي شخبارك
عبدالله: الحمدالله
وتي وتسلم على امها وتلوي عليها وسلمت على شوق وشمه اللي كانن ميتات من الفرح بشوفتها
فهد يالس يطالع شوق مانزل عينه عنهامن يوم نزلت من السياره
عيسى: اشحالكن بنات عمي
شوق وشمه: بخير الحمدالله يسرك الحال
وسلم على ام عبدالله وسلم فهد على البنات وام عبدالله ودخ عليهم ابوعيسى وسار الريال ميلس الريال و سارن الحريم ميلس الحريم ويلسوا يسولفون وشمه وشوق متلصقات بشيخه الا ولهانات عليها حيل ويالسه تسولف وياهن وتخبرهن عن سفرتها والحريم يالسات يسولفن اروحهن وفي ميلس الريال يالسين يسولفون عن ربعهم وعن الشركه والمشارع وغيره من سالف الريال
وبعدين شوي وحطوا الغداويلسوا يتغدون وبعدين شربوا جاهي بعدين راح ابوعيسى يوطي راسه وخلا الشباب اروحهم في الميلس
ويلسن شمسه وام عيسى منسدحات في غرفة عدال الصاله تحت ولطيفه ترخصت منهن راحت ترقد بناتها والا شيخه طلعت هيه وشوق وشمه قسمها
شمه: ياي يا شويخ والله قسمج فنان بصراحه
شوق: صدق ما شاء ديكوره حلوالحين هذا ذوق ريلج
شيخه: لا عيسى كان مسافر بريطانيا يوم مسوين القسم ويا وحصله مجهز من كل شي هذا ذوق فهد
شوق: ول عليه صدق ذوقه حلو عيل قسمه هو اكيد اينن
شيخه: هيه فنان بصراحه و اللون بعد اينن فستقي وفيه حليبي على بني ياي صدق روعه
شمه: ابى اشوفه شيخوه
شيخه: حلفي بس انتي
شمه:و الله
وهنيه دخلت كرستينا يايبه لهن عصير كوكتيل وحطته على الطاوله
كرستينا :any thing more
شيخه:no thank you
وطلعت كرستينا من الغرفه
شوق: من زمان ما يينا بيت عمي وخاص من بعد وفاة المرحوم ابويه
شيخه:الله يرحمه يا ربي .........يلا شربن العصير
شمه: ما رديتي عليه شيخوه ابى اشوف قسم فهد
شيخه: و الله جان تبين تشوفينه اول ما تطلعين من الباب على ايدج اليمين
ما تخافين يكون موجود
شمه:هو في الميلس ويا عبادي وتنقز وتطلع من الغرفه
شوق : ههههههههههههه غربلات ابليسها
شيخه: امبونها فضوليه و ما تخاف
ويلسن يسولفن عشر دقايق ودخلت عليهن شمه
شمه: صدق صدق فنان و الله انه ياخذ العقل بصراحه شو ديكور شو لون كل شي كل شي فيه حلو
شيخه: زين ما حصلتيه هناك
شمه: لا ما حصلت حد
ويلسن وكملن عصيرهن بعدين راحن يصلن العصر وقررن ينزلن تحت وهن طالعات من الغرفه
شوق: هذاك قسم فهد
شمه: هيه
شوق: و الله انج شوقتيني اشوفه ضربني فضول
شيخه: انا نازله تحت
شمه: انا بنزل وياج
شوق: ايه تريني بشوفه وبرد
شيخه: بتحصلينا تحت
ونزلن عنها وهيه راحت صوب الغرفه وتمشي بسرعه علشان تشوفه وتطلع بالمره تنزل وياهن وبطلت الباب ودخلت صالته ويلست اطالعها وكانت كبيره وصدق فخمه عقب مشت وسارت لين ما وصلت غرفة النوم ودخلت ويلست تشوفها و قالت :واااااااااااااااااااااااااااااااو
وشافت تمثال كبيرمن تحت دائري وفي نهايه من فوق صورة بنيه صغيره فاجه يدها وينزل الماي منها لين ما يوصل لتحت في قاع التمثال بصراحه هيه انبهرت فيه ويلست اطالعه عيبها وايد وشافت على الطاوله دفتر شكله حلو ويلست اطالعه وشلته وفتحته حصلت قصيده تقول
من كم سنه وعيون قلبي مساهير و الحال في حال مكدر ومغبون
أظهر لك الفرحه ووجه التباشير أخاف لايمسك من همومي ظنون
عطني سبب واحد لصدك وتفسير ان كنت لك غالي ومازلت مضنون
ويلست تقراها وفي النهايه مكتوب التاريخ وتوقيع ( المغرم بS)
وبدلت الصفحه اللي بعدها ويلست تقرا القصيده الثانيه اللي تقول
قالوا تحبه قلت بالحيل احبه واحب التراب اللي وطت به خطاويه
قالوا غلاته يا ناس صعبه اوصف غلا اللي عن غلا الروح مغليه
يحفظه ربي من عنا كل كربه بكل صوره في كتابه ويحميه
انفتح باب صالة فهد ودخل وفر سفرته على الكنفه اللي في الصاله وهنيه سمعت شوق صوت زاغت وعقت الدفتر فوق الطاوله ويايه تبى تظهر الا فهد دخل غرفته تفاجاواستغرب يوم شافها وهيه ارتبكت وما عرفت شوتقول لكن استانس وفرح من الخاطروشاف انها مرتبكه وايد ومب عارفه شو تقول وحب يربكها زياده
فهد وعاقد حياته :شوق انتي شو تسوين هنيه
شوق مستطمله وما تعرف ترد عليه :انا ..انا ...كنت... ....وسكتت
فهد: ها شو تسوين
شوق وهيه بعدها متردده : تحريت قسم شيخه ودخلت بالغلط
فهد : اها لا هذا قسمي قسم شيخه اللي في اليسار
شوق: انزين............. مشكور و السموحه منك ..........وسارت تبى تطلع وهي مرتبكه و هو يالس يطالعها ويضحك في خاطره خطفت ودعمت الطاوله فطاحت المزهريه اللي عليها وانكسرت
شوق حطت ايدها على ثمها وانحرجت وايد ونعست عيونها وبان على ويه الاحراج ومزيج من الخوف و الحزن
فهد: ما عليه فدوى عن راسج يا غناتي
وبعدين انتبه لنفسه وهيه ما سمعته شو قال ويلست تبى تلم اللي كسرته
فهد: لا لالا برايه خليه الخدامه بتشله
وهيه ما صدقت يقوله جذيه طلعت بسرعه من الغرف مستحيه على اللي سوته ويلست تقول لعمرها صدق و الله اني غبيه يوم تابعت شميمي صدق اني خبله ويلست تسب عمرها لين ما وصلت تحت
شمسه: وين كنتي شوق
شوق: كنت يالسه اصلي امايه شو نروح
شمسه:يلا انا قلت لشميم تروح تقول لاخوج عبدالله
شوق: عيل وين شيخه
لطيفه :بتحصلينها في المطبخ
وراحت شوق صوب المطبخ وحصلت شيخه يالسه تجهز صحون للبسكويت و الكيك
شيخه يوم شافتها: عنبو دارج وينج انتي
شوق: سكتي شواخي شافني فهدوانا في الغرفه
شيخه تودر اللي في ايدها: شو تقولين......فهد شافج
شوق مبوزه : هيه
شيخه: هههههه و شو قالج
شوق: شو قال بعد شوتسوين وقلت له ادور على غرفة شيخه
شيخه: يالجذابه
شوق: عيل شو تبيني اقوله
وبعدين سارن وقدمن الكيك و العصير وتموا شوي و ترخصوا وساروا بيتهم واول ما وصلت شوق البيت سارت غرفتها وقفلت على عمرها الباب ويلست تضحك على خبالها وتذكرت الاشعار اللي كاتبنهن فهد الله ياولد عمي يعرف يكتب شعر صدق الكلمات كانن كشخه واذكرت التوقيع المغرم ب S اكيد هاي اللي يحبها يا ترى منو
هاي بعدين قالت في خاطرها وانا شدخلني فيه اقوم ابرك لي اتوضأعلشان اصلي وبعدين بسوي حق علايه تيلفون ونشت سارت تتوضا لصلاة المغرب
الحلقه الثامنه
راحت شوق تصلي المغرب عقب ما خلصت مصليه طلعت ويلست في الصاله اللي فوق وكانت شمه يالسه تتطالع التلفزيون وشلت سماعة التيلفون ودقت لربيعتها عليا تيلفون لانها وعدتها يوم ترد من بيت عمها تسويلها تيلفون
شوق: شميم قصري على التلفزيون ابى ادق تيلفون لعليا
وشمه تتافف وتقصر للتلفزيون واطالعها شوق بنظره ولفت عنها
رن التيلفون في بيت عليا وكانت ام عليا يالسه تتطالع الاخبار وقامت وردت على التيلفون
شوق: الو السلام عليكم
ام عليا : و عليكم السلام و الرحمه هلا بشوق اشحالج
شوق: يسرج الحال خالوه شخبارج انتي
ام عليا : الحمد الله وشخبار امج الغاليه من زمان ما شفتها
شوق: و الله اليوم تتخبر عنكم تقول من زمان ما يتوا صوبنا
ام عليا: ردت العروس من شهر العسل
شوق: هيه اليوم ردوا
ام عليا : تستحقون سلامتهم حبيبتي .........صبري شويه فديتج بزقر عليوه
عليوه................ عليوه.......... وينج يا ابويه تعالي ربيعتج شوق على التيلفون
عليا: يايه يايه خير امايه بلاج
ام عليا: اندوج شوق تباج ...............وعطتها سماعة التيلفون
عليا: هلا ومسهلا
شوق: هلا فيج غناتي وحبيبتي وعمري بعد
عليا:وللللللللل كل هذا حقي
شوق: اكيد عيل حق منو
عليا: ها متى يتوا من بيت عمج
شوق: تونا واصلين صليت وييت اسويلج تيلفون
عليا: اها شخبار حمادي فديت روحه ههههههههههه
شوق: الكل يتخبر عنج صار حمادي وغير حمادي
طبعا عليا ما فهمت لشوق شو تقصد
عليا : اكيد خالوه شمسه فديتها سلمي عليها
شوق:هههههههههههه ان شاء الله
عليا: بعد ما سكرت عنج سرنا بيت خالوه امنه
شوق: والله مب من العاده تحبين تروحين هناك عسب ميثوه بنت خالتج على قولج الكريهه
عليا:امايه قالت لازم تروحين ترى محمد ولد خالتي ياي من بريطانيا
شوق: اها اللي يدرس هناك صح خبرتيني عنه الحمد الله على سلامته
عليا : الله يسلمج
شوق: صح عليوه لو تدرين شو صار لي اليوم ببيت عمي بصراحه موقف ما انحسد عليه
عليا: ها خبريني شو صار
قامت شمه وطفت التيلفزيون
شمه: والله انج حشره بنزل تحت اطالع التيلفزيون ابرك لي
شوق: ابرك ...........ونزلت عنها شمه
عليا: ها شو صار
ويلست شوق اتخبر عليا اللي صار بالتفصيل وعليا ماتت من الضحك على شوق
شوق: وايد مستانسه هاااااااا
عليا: عاد فهد
شوق: شفتي عاد انتي حظي المعثر
عليا: تستاهلين اروحج سايره لغرفته
شوق: لكن تصدقين انها جنان وذوقه روعه صدق فنان الديكور و اللون وكلها على بعضها حلوه
عليا: اها شواقه تعالي والله اني ملانه ولا عارفه شو اسوي
شوق: بليز شوفي الساعه
عليا: انزين اشفيها توها الساعه سبع الا ربع فديت روحج شوق
شوق: عبادي ما بيخليني ايي وامايه ما بترضى
عليا: انزين خبريها انتي شو الخسرانه وعبدالله ما دام امجراضيه ما بيقول شي
شوق: اوكي بتخبرها بسويلج تيلفون
عليا : اوكي
وبندت عليا ونزلت شوق تحت وحصلت امها وعبدالله يالسين في الصاله يشربون عصير وشمه يالسه عدال التلفزيون ويت شوق ويلست عدال امها وحبتها على خدها
ام عبدالله:خير ان شاء الله ما طار طير الا في راسه خبر
شوق:احم بصراحه امايه توني كلمة عليا وقالت تباني ضايقه وتباني اروحلها
ام عبدالله تودر كوب العصير على الطاوله:الحين ما تشوفينها الساعه كم
شوق:بعدها الساعه سبع امايه
عبدالله :برايها امايه انا بوديها بعدين توها الساعه سبع وما بتتاخر
ام عبدالله استغربت من كلام عبدالله معقولهوهودوم اللي يرفض وبعدين هيه واثقه وتعرف زين قوم عليا بس خافت ان عبدالله يعصب على اخته
ام عبدالله : انزينه بس ما اباج تتاخرين شواقه
شوق تبتسم لاخوها عبدالله وتحب راس امها: ان شاء الله
شمه: شواقه بروح وياج
ام عبدالله :وابويه شميم وبتخليني اروحي يلسي وانسيني
شمه بملل:خلاص ما بروح
عبدالله: حتى لو ما قلتي ما بتروحين........وصد عنها وقال لشوق : اترياج في السياره.............. ...وطلع برا
وطلعت شوق فوق عسب تلبس عباتها وتسوي تيلفون لعليا وتقولها انها بتيي
..............................
وفي المقهى يالس فهد وربعه علي ومحمدوحمدان وسعيد يسولفون ويتضاحكون ويطنزون على بعض
سعيديصد صوب فهد : عيل وين ولد عمك من زمان ما شفناه
فهد: الحين بدقله ايي صوبنا
محمد: هيه دقله تيلفون خلاه ايي
وشل فهد تيلفونه وسوا لعبدالله
عبدالله : هلا و الله بولد العم
فهد: هلا فيك والله شحالك
عبدالله : توني مفارق ويهك شوولهت عليه
فهد: وايييييييييييد الحين وين انت يا ريال
عبدالله : هنيه في الدار ليش
فهد : تعال المقهى الشباب يتريونك ولهانين عليك
عبدالله: انزين خلاص انا ياي
فهد: خلاص نترياك
وبند عنه وشوي ويات شوق وركبت في السياره عدال اخوها
عبدالله : عنبو ساعه
شوق: سوري فديتك
وشوي يدق عليهم الجامه محمد
محمد : حووووووووووو وين رايحين
عبدالله: ما لك خص ما ادري ليش دوم ترز بويهك
شوق تضحك: بيوصلني بيت ربيعتيه
محمد: منو عليا
شوق بدت تمل من فضول محمد:هيه
محمد: فديتج شوق سلمي عليها امانه انزين
عبدالله يرفع الجامه : سير لاه
شوق تضحك وترفع صوتها علشان يسمعها محمد : ان شاء الله
وفي بيت عليا محتشره هناك على الخدامات علشان يرتبن شوي ويجهزن عصير وفواله علشان شوق يايه ويلست ترتب غرفتها اللي عافستنها فوق تحت
عليا: ميري جهزتي الفواله
ميري: yes
عليا: where my mother
ميري : I don’t know
عليا : انزين خلاص .............وسارت تيلس في الصاله
وفي السياره كان يسود الصمت بين شوق وعبدالله وهوما يدري ليش سمح بشوق تسير مع انه دوم يمانع وشو بتفيده هاي الروحه يمكن يوم سمع انه حبيبته ضايقه تبى شوق توانسها رضى وما قال شي
شوق بغت تقطع الصمت : اشفيك ساكت
عبدالله: شو تبيني اقول
شوق:امممم أي شي
عبدالله : ما عندي شي اقوله
شوق: متاكد
عبدالله صد واطالعها باستغراب : انتي شو تبين
شوق بمكر: مثلا اسلم على العرب اللي رايحتلهم
عبدالله يبتسم على مكر اخته :هيه سلمي
شوق: ما تبى اقول شي
عبدالله يقول هالكلام ويعرف انه مستحيل : في خاطريه اشوفهم
شوق: ده بعدك يا اخوي هاي قويه عاد
عبدالله : اعرف
شوق: لف ايمين الفله الورديه
ووصلوا جدام فلة قوم عليا ودقت تيلفون اتقولها انها وصلت
عبدالله :و الله من يوم شفتها في الصوره وانا متخبل بصراحه طول ما غابت عن خاطري
شوق: هههههههههههه الله يعينك يا اخوي
عبدالله : صدقيني اباها ولا ابى حد غيرها اباها و الله العظيم اباها وبقول لامايه انبي اباها علشان تخطبها لي
شوق:ههههههههه و الله مصدقه بس بعدين بنكمل الكلام يلا باي .........ونزلت عنه وهي تضحك على اخوها وتعرف انه عليا معجبه بعبدالله من يوم ما شافته في عرس شيخه صح هيه ما قالت لها بلسانها بس هيه تعرف عليا زين ما زين لانها اربيعتها من يوم كانوا صغار و قالت : الله يوفقكم يا ربي يجمع بينكم وطول الدرب عبدالله يفكر بعليا الملاك اللي شل قلبه وسار المقهى صوب قوم فهد و الربع
ودخلت شوق وحصلت عليا تترياها في الحوش
عليا: ول اتاخرتي عليه من الصبح واقفه اتريا
شوق: سوري الغاليه وحبتها على خدها
مرن على الصاله وحصلن ام عليا و عمتها يالسات وسلمت شوق عليهن وسارن فوق غرفة عليا
......................................
في بيت ابو عيسى
كانت شيخه يالسه تسوي عصير كوكتيل لها ودخلت عليها عمتها
ام عيسى: ها شيخه انتي هنيه
شيخه: هيه و الله عموه يالسه اسويلي عصير
ام عيسى: يا حبيبتي لا تعبين عمرج وليش حاطينهم هالخدم
شيخه: فديتج الا عصير في شو التعب
ام عيسى : عيل وينها كرستينا بغيتها تزهب الفواله سلامه حرمة هلال وحرمة ولدها وبنتها العاش بين الحين
شيخه: خلاص عموه سيري انتي وانا بزهب الفواله فديتج
ام عيسى : خلي كرستينا اتساعدج غناتي
شيخه: ان شاء الله عموه
وطلعت عنهاوراحت شيخه تزهب الفواله وترتبها في صالة الضيوف وتسوي عصيروعقب ما خلصت وشوي ويو الضيوف ورحبوا فيهم ويلسوا يسولفون
سلمى بنت هلال : ما شاء الله عليج شيخه تقولين للقمر قم بقعد محلك
شيخه: مشكوره فديتج عيونج الحلوه
ام سلمى : صدق شرهانه عليج يا ام عيسى ما تينا و لاتخطفي صوبنا
ام عيسى : شو اقولج يا اخويتي و الله من حقج تزعلين
ام سلمى : عاد زورونا انتي وشيخه والله انها القعده عندكم ما تنمل
البنات صدق استانس ويا شيخه الله يخليه يا رب
ام عيسى : الله يخليلج ولادج يا الغاليه
يلسن يسولفن شوي بعدين ترخصن الحريم وساروا بيتهم
..............................
و في غرفة عليا
شوق: و الحين هذا اللي مكدرنج صدق ما عندج سالفه الا طراطيش كلام
عليا: صدق اخاف يصير و انا الحين ما افكر بالعرس اصلا
شوق: امج شو قالت لج
عليا : قالت ان احساسها يقول اني بكون من نصيب محمد ولد خالتي امنه
شوق : فال الله ولا فالج يا عليوه
عليا : اشفيج بعد انتي امايه تقول
شوق: انتي في بالج حد عليوه
عليا متفاجاه من كلام شوق: الله ينطبج يا الخامه شو هالكلام
شوق تنخز عليا: ما شي بس قلت يمكن
عليا : وخري عني لاه
شوق: يسلم عليج حمادي
عليا: فديت روحه يا ربي الله يسلمه من الشر ان شاء الله
شوقو هي شاقه الحلج:ويسلمون عليج ناس بعد
عليا : منو تعنين
شوق : الله يسلمج اعني عبدالله
انصدمت عليا من كلام شوق عبدالله اكيد هاي تمزح شو تقصد وتغير لون عليا وعطى ويه الوان جنه قوس قزح و لاحظت شوق عليها ويلست تضحك عليها
عليا: ههههههههه حلفي بس انتي
شوق: و الله
عليا تفاجات : وان شاء الله هو شدراه فيني
شوق سكتت بعين قالت : عليوه بقولج شي بس بليز لا تعصبين
عليا زاغت : شو عندج شوق
شوق: عبدالله شاف صورتج ...........وهنيه فجت عليا حلجها وحطت ايدها على ثمها و قالت : شو تقولين
شوق: صبري شوي بفهمج السالفه
ويلست شوق اتخبر عليا عن السالفه
عليا: صدق الله يسامج يا شواقه
شوق: قلت اسفه خلاص
عليا : انزين سكري على الموضوع
ويلسن يسولفن وشافت شوق الساعه وحصلتها تسع ودقت حق اخوها
عليا: يلسي شواقه
شوق: لا و الله سيري لاه لو ما واسطت ناس.......... ما كنت ييت وتغمز لها
عليا طنشتها وكنها ما فهمت شو قالت : انزين سلمي على خالوه وشميم وحمادي وبوسيه على خده اوكي
شوق وتبتسم : وبس
عليا بعناد : هيه وبس
شوق: حرام كسرالخواطر
عليا ضحكت وما ردت علىشوق وبعدين شوي ودق عبدالله تيلفون و قالها انه برا يترياها وترخصت منهم وطلعت وركبت السياره وساروا صوب بيتهم
الحلقه التاسعه
طلعت شوق من بيت عليا وركبت السياره سايرين صوب بيتهم وفي الطريج عبدالله يتريا شوق تتكلم تقوله شي عن عليا بعدين تعب من كثر ما اتريا وصد صوبها
عبدالله يطالع شوق : اشفيج ساكته قولي شي تكلمي
شوق عاقده حياتها: شو تباني اقول
عبدالله: اف منج ......انزين قلتيلها عبدالله يسلم عليج
شوق بملل: هيه
عبدالله : انزين وشو ردت عليج
شوق: ما ردت علي
عبدالله والحزن بدا عليه : اها
شوق: جان تباه اخطبها من اهلها
عبدالله يبتسم : هيه ما بترفض
شوق: وليش ترفض ما بتحصل احسن منك انت اتاكل على الله وخبر امايه
استانس عبدالله وفرح من الخاطر من بعد ما سمع رمست شوق
ووصلوا البيت وحصلوا ام عبدالله راقده ومحمد وشمه يالسين يطالعون التلفزيون طلعت شوق غرفتها وصلت العشا ولبست ملابس النوم ورقدت بالمره من التعب
يلس عبدالله ويا اخوانه يوم يت الساعه 12 طلعوا كلهم يرقدون وعبدالله يلس يفكر ومن كثر وناسته بكلام شوق ما رقد ويلس يفكر بحبيبة القلب عليا
..................................
في بيت ابو عيسى
الخميس الساعه عشر الصبح في غرفة عيسى
شيخه: عيسى يلا قوم تعبت من كثر ما اوعي فيك
عيسى مب فاتح عينه وبكسل: انزين بقوم حبيبتي و الله بقوم
شيخه وتير ايده :يلا تراني مب رايحه لين ما تقوم
عيسى يلف عليها يطالعها ويبتسم
شيخه ترد له الابتسامه : يا كسول
عيسى : يا ويل حالي ما استحمل
شيخه اطالعه باستغراب : ما تستحمل شو
عيسى : ابتسامتج تذبحني يا ربي ارحمني
شيخه تضحك عليه وتقوم عنه : انزين يلا قوم عن الدلع
عيسى ايرها من ايدها : وين رايحه
شيخه تلف صوبه :رايحه عند عموه حليله اروحها يالسه في الصاله انت نش وتغسل ولحقنا علشان تتريق
عيسى مبوز : نزلي وياي
شيخه: صدق انك دلوع اغنية عيضه باختصار تنطبق عليه
عيسى : كيف
شيخه : مقطع دلوعه اهله وانا في ابتليت هذا تعرفه ...........وتضحك ولفت عنه
عيسى:هههههههههههههههه
قام وتغسل وبدل ثيابه ونزل االصاله وحصل شيخه وامه وفهد يالسين يتقهون ويلس عندهم وتريقوا ويلسوا يسولفون
..........................
في بيت قوم عليا عليا يالسه في غرفتها على النت تكلم ربيعتها ميثه على الماسنجر ميثه باسم(للايام الجميله علامات لا يمكن نسيانها ولك نبضه داخل قلبي لا يمكن فقدانها) و عليا باسم (اذكروني عندما يكون القبر داري ويكون الحجر وسادتي ويكون الثوب الأبيض ثوبي )
(للايام الجميله علامات لا يمكن نسيانها ولك نبضه داخل قلبي لا يمكن فقدانها)
عليوه السبت الساعه كم بتداومين
(اذكروني عندما يكون القبر داري ويكون الحجر وسادتي ويكون الثوب الأبيض ثوبي )
الساعه ثمان الصبح لين الساعه ثنتين وانتي متى
(للايام الجميله علامات لا يمكن نسيانها ولك نبضه داخل قلبي لا يمكن فقدانها)
ههههههههههه انا الساعه عشر لين الساعه 12
(اذكروني عندما يكون القبر داري ويكون الحجر وسادتي ويكون الثوب الأبيض ثوبي )
وليش تضحكين ويا ويهج
وهنيه دخلت كرستينا
كرستينا:ريال تحت يريد انتي
عليا مستغربه: منو
كرستينا : انا ما يأرف
عليا : وين ابويه وامايه
كرستينا : بابا روح مزرعه ماما روح بيت ماما لتيفه
عليا: ياه البلشه سيري انا يايه
(للايام الجميله علامات لا يمكن نسيانها ولك نبضه داخل قلبي لا يمكن فقدانها)
حووووووووووووو وينج بلاج ما تردين
(اذكروني عندما يكون القبر داري ويكون الحجر وسادتي ويكون الثوب الأبيض ثوبي )
الحين بظهر يونا ضيوف برايج ميثوه باي
(للايام الجميله علامات لا يمكن نسيانها ولك نبضه داخل قلبي لا يمكن فقدانها)
اوكي باي
وسوت تسجيل خروج وبندت الكومبيوتر ولبست الشيله البيضا ونزلت
واول ما دخلت الصاله شافت محمد ولد خالتها امنه يالس على الكنفه اللي عدال الباب ويفصص بتيلفونه
عليا : احم........... السلام عليكم
محمد يوقف مبتسم كالعاده : و عليكم السلام هلا عليا اشحالج
عليا : هلا فيك محمد تفضل ايلس اشحالك واشحال الأهل
محمد : بخير الحمد الله يسلمون عليكم
عليا تيلس في الكنفه اللي مجابلتنه : الله يسلمهم من الشر .....
وتسأله: شو تشرب
محمد: لا ما يحتاي
عليا: لا افا عليك من سنه ما دخلت بيتنا وتقول ما يحتاي
عليا تسأله : عصير برتقال
محمد: اوكي خلاص ما نقدر نردج يا بنت خالتي
.وقالت عليا للخدامه تيبله عصير برتقال
محمد: قالوا عمي رايح المزرعه وابويه مطرشني اعطيه هالاوراق
وهنيه دخلت ام عليا
ام عليا : هلا و الله بمحمد ابويه اشحالك و الله توه ما نور البيت
ايي محمد صوب خالته ويحبها على راسها : هلا خالوه اشحالج
ام عليا : بخير الغالي يسرك الحال
ورحبت فيه وسالت عن اهله واستاذنت من عندهم عليا وسارت فوق غرفتها
ويلس شويه وشرب العصير وعطى خالته الاوراق عسب تعطيهن ابو علياا
وترخص منها وراح
.................................................. ..........
و العصر سارت ام عبدالله ابوظبي علشان تزور اختها ليلى لان بنتها حمده تعبانه ومرقده في المستشفى شلها عبدالله ويلست عندهم شويه وردوا صوب العين الساعه ثمان المسا كانت شوق في غرفتها يالسه على النت تقرا قصه وشمه يالسه هيه وربيعتها اليازيه في الصاله يطالعون التلفزيون ومحمد برا يلعب كالعاده كره قدم
ام عبدالله : السلام عليكم ورحمة الله وبركاته
تقوم شمه و اليازيه يسلمن عليها وتخبرت اليازيه عن اهلها وقالتلها تسلم على امها وطلعت فوق غرفتها ترتاح وتصلي العشا
اليازيه : شميم انا بروح اوكي
شمه : يزوي وين رايحه توها الساعه ثمان يلسي شوي ترى ما من بعده بيتكم بنوصلج انا و الخدامه جان تخافين
اليازيه : لا امايه بتهد عليه انا قلتلها بروح ساعه و الحين من ثلاث ساعات
شمه مبوزه :ما ابى
يدخل عبدالله ويسلم
عبدالله : السلام عليكم يا بنات
شمه و اليازيه : وعليكم السلام و الرحمه
عبدالله : هلا و الله باليازيه اشحالج
اليازيه بصوت واطي : الحمد الله بخير
عبدالله: من وين هالمستحى يزوي احيدج ام لسانين
اليازيه وحاطه ايدها على خصرها واطالعها بعصبيه : انا ام لسانين معليك عبادي ما برمسك
عبدالله:ههههههههههههه هاي اليازيه اللي اعرفها
شمه: عيادي بروح انا وفكتوريا بنوصل يزوي
عبدالله يطالع اليازيه وهو يحب يغايضها : ها الخوافه تبين حد يوصلج
اليازيه بصوت عالي وتحط ايدها على خصرها اللقطه المعتاده اللي تسويها : عادي برايني خوافه
عبدالله عاقد حياته: حووووو انا مب اصغر عيالج تصارخين
اطالعته بخوف ورد وقال عبدالله: يلا قولي عبدالله لو سمحت خلا شمه وفكتوريا يروحون ويايه يوصلوني والا ترا بخليج تروحين اروحج
اليازيه موطيه راسها ومحمر ويها ومستسلمه : عبدالله لو سمحت خلا شمه وفكتوريا يروحون ويايه يوصلوني
شمه: حرااااام عليك عبادي
عبدالله:هههههههههههههههههههههههههههه ويطلع فوق رايح غرفته
هو يحب يتمازح ويا اليازيه هيه بنت يرانهم ومتعوده عليهم ومتعودين عليها من يوم كانت صغيره وهيه البنت الوحيده علشان جذيه تي عند شمه علشان يتسلن ويلعبن ويذاكرن رباعه
و في الليل سار عبدالله وابوعيسى المزرعه في بوكريه وبيلسون هناك يومين يعني بيون يوم الأحد
ومضى يوم الجمعه الكل مشغول بالمذاكره والتجهيزات لانه باجر السبت يعني بداية دوامات ومدارس وجامعات و اسبوع يديد
السبت الصبح
الساعه سبع الصبح
تلبسوا شمه ومحمد وتريقوا وساروا مدارسهم وقامت شوق ويلست تتلبس لان دوامها الساعه ثمان ونزلت تحت علشان تتريق
شوق تحب امها على راسها : صباح الخير
شمسه: صباح النور و السرور حبيبتي
ويلست وتريقت عند امها ويوم يت الساعه سبع ونص قامت علشان تسير الجامعه
شوق: فكتوريا .............فكتوريا
فكتوريا: yes
شوق : سيري شوفي الدريول برا
فكتوريا : الدريول ما في منيه هو روح
شوق معصبه: وين روح
فكتوريا : يروح الأزبه
شوق: الله ياخذ بليسه ............وتصد صوب امها: تسمعين امايه شو تقول
و الحين انا كيف بداوم المحاضره تبدا الساعه ثمان ها امايه
شمسه : هذا منو قاله الله ياخذ بليسه يا ربي
شوق معصبه : الحين انا شو اسوي
ويرن تيلفون البيت وترد عليه شمسه
شيخه: الو صباح الخير
شمسه : هلا حبيبتي صباح النور
شيخه:شخبارج امايه شو صبحتي
شمسه: الحمد الله بخير يسرج حالي
وهنيه شوق تكلم امها : امايه بسوي على عليا تخطف عليه
شيخه:اشفيها شوق
شمسه :تبى تروح الجامعه و الدريول راح عنها العزبه
شيخه:امبونه هذا مخالف
شوق: امايه اسويلها
شمسه تكلم شوق: امايه فضيحه تركبين عندهم مب عدله يا ام مايه مهما يكون هذيلا ناس غرب
شوق: عيل شو تبيني اسوي لو تاخرت هالأستاذ غلس ووسخ طول ما يتفاهم وما ابى اطنش المحاضره
شيخه: عيسى راح الشركه و الدريول رايح بعمي المزرعه الا صبري امايه بروح اشوف فهد جان داوم
شمسه: هيه امايه شوفيه
وراحت شيخه وحصلت فهد يشرب جاهي في الصاله وقالتلها
فهد بحماس:هيه نعم بخطف عليها الحين بقوم
اكيد الريال بيوافق ما صدق على الله و السالفه فيها شوق ما بتطير الشركه وطلع ساير صوب بيت عمه
وردت شيخه وخبرت امها انه فهد ياينها وطبعا شوق يلست تتحرطم انه فهد بيوديها حتى لو ولد عمها هيه تستحي منه وخاصه من الموقف اللي استوى اخر مره في بيتهم
الحلقه العاشره
طلع فهد من البيت وهو فرحان حيل لانه رايح صوب غناة الروح وفي الطريج يالس يقول ليش ما خذ رقمها من شيخه بحجة اني اول ما اوصل اسويلها تيلفون عسب تظهر لي وسوى تيلفون على البيت وردت عليه كرستينا
فهد : كرستينا سيري نادي ماما شيخه بسرعه
كرستينا: اوكي بابا
وراحت كرستينا تنادي شيخه ويات وشلت سماعة االتيلفون
شيخه : الو مرحبااااااااااا
فهد متردد يقول لشيخه لكن قال شو فيها : هلا شيخه............ اقول كم رقم موبايل شوق
شيخه مستغربه شو يباه رقم شوق : رقم شوق
فهد : هيه عسب اول ما اوصل ادقلها تطلع لي
شيخه: اوكي الرقم *******
فهد: اوكي برايج شيخه مع السلامه
شيخه : باي
وبندت سماعة التيلفون الحين شوق بتعصب ليش اعطي رقمها فهد انزين لو عطيته جيه بياكلها بعدين زين انه بيوصلها الجامعه اظني انهما يعرف رقم البيت و الله ما ادريبه احسن لي اروح اشوف عموه جان بتتريق
واول ما وصل فهد بيت قوم شوق سوالها تيلفون وتمت شوق اطالع الرقم مستغربتنه بس قالت برد
فهد: الو شوق طلعي برا انا اترياج في السياره اوكي لا تتاخرين ........وبند التيلفون
شوق فاجه حلجها هذا فهد كيف عرف رقمي وانزين خرعني لا كلام ولا سلام جذيه بسم الله شو هالاسلوب بعدين من عطاه رقمي اكيد شيخوه محد غيرها
شمسه :منو هذا امايه
شوق: هذا فهد امايه يقول انه وصل
شمسه: وابويه عليج بعدج واقفه سيري بعده زين ياي يوصلج الجامعه
راحت شوق وباست امها على راسها وهي يالسه تفكر في طريجها اركب جدام والا وراء و الله عيب عليه اركب وراء جيه هو دريول اف من هاي الحاله وحصلت فهد يالس يترياها في السياره ومنزل الجامه
شوق :السلام عليكم
فهد : و عليكم السلام و الرحمه يلا ركبي
وراحت وبطلت الباب الجدماني وركبت ويهها طماطه من المستحى وهوابتسم من الخاطرعليها وعارف انها مستحيه منه وهيه تقول في خاطرها هذا ليش ما مشى و الله انه بلشه الحين بتاخر اف منه ويالس يطالعها هويحب يستفزها مع انه ماتهون عليه لكن يحب يغايضها عاد ما يقدر يتخلى عن طبعه (راعي الطبيع ما يوزعن طبعه)
و قالها :حوووو ما سكرتي الباب زين
شوق راحت وفجت الباب وردت اتسكره بقوووو:اوكي الحين
فهد :شوي شوي على الباب بتكسرينه
سكتت عنه شوق ويالسه في خاطرها تقول هذا فاضي وانا ورايه محاضره الله ياطولج يا روح ساروا و الصمت كان يسود بينهم وشوي وصاح تيلفون شوق واستحت تردعليه وطنشت
فهد: ما تسمعين تيلفونج ليش ما تردين
شوق بعصبيه هذا شو خصه : ما ابى ارد
فهد : والله على راحتج
شوق تشوف الساعه وحصلتها ثمان الا ربع وبان على ملامحها الحزن وشوي بتصيح
وهنيه يوم شاف فهد شوق زاد سرعته وهيه قالت زين انه عرف لكن خافت من السرعه وشوي بتصارخ من الخوف وهو يالس يراقب ملامحها مغمضه عيونها ومحمره ومتقبضه وهو يضحك عليها في خاطره
وشوي شوق صرخت وهيه مغمضه عيونها واتمسكت في كندروة فهد ويلست تقوله : تخيلك فهد خفف ولي يسلمك تخفف شويه تراني اخاف ورفجة كل غالي تخفف
هنيه فهد صدق ما هانت عليه وخفف السرعه وتم يضحك عليها بصوت عالي :خلاص يا بنت الحلال خففنا فجي عيونج
وهنيه شوق بطلت عيونها وملامح ويها تقول طفله خيفانه ويلست اطالعه وهو مبتسم يضحك عليها
فهد يضحك عليها : انزين ودري كندورتي بهدلتيني
وهنيه شوق انتبهت لعمرها و استحت وايد وقالت : اسفه
فهد:ما تحريتج جذيه خوافه هههههههههههههههههههههههههه
شوق قالت والله ما بسكت عنه صدق طفره : كيفي صدق انك ما عندك سالفه
وهنيه وقف السياره فجأه و اطالعها وهي مستغربه منه : انا ما عندي هاي يزاتي مودر دوامي وياي اشل حضرتج ها انزين عادي بصراحه انا ما ورايه محاضره والدكتور بيهزبني اذا اتاخرت
شوق بانت عليها ملامح الحزن : انزين سوري
ابتسم فهد ابتسامة نصر : جذيه اباج .........وحرك السياره ووصلوا الجامعه
رن تيلفونها وطلعته من الشنطه وردت عليه
عليا : حووو انتي وينج الساعه ثمان الحين انا بدخل
شوق : توني واصله برايج عليوه الحين بنزل باي
وسكرت عنها وكانت تبى تنزل
فهد وهو مبتسم : الساعه كم بتظهرين عسب اييج
شوق بسرعه تقول :لا لا الدريول بيي يشلني
فهد :وشوما تبيني اشلج
شوق ادورلها عذر : لامب جذيه لان ربيعتي ويايه ...اوكي برايك ومشكور على التوصيله نزلت ودخلت من الباب وهو يالس يطالعها ويقول في خاطره يا ويل حالي و الله انها ملاك يارب تكون من نصيبي لين ما دخلت وبعدين راح دوامه
شوق يالسه تمشي بسرعه لين ما وصلت القاعه واستانست يوم شافت الدكتور بعده مب واصل
عليا : وينج انتي اتاخرتي
شوق تيلس : يا بوج خليني اخذ نفس
عليا :ههههههههه تستاهلين محد قالج تتاخرين
وشوي ودخل الدكتور وبدا ينادي الاسماء وبعدين بدا يشرح
...........................................
في بيت ابومحمد( ريل خالة عليا )
نزل محمد من فوق ودخل الصاله وحصل امه امنه(ام محمد)يالسه تتقهوى
محمد باس امه على راسها : صباح الخير يا جميل
امنه ابتسم : صباح النور يا نور عيني
ويلس عدالها وصبت له جاهي ويلس يشرب بعدين قرر يفاتح امه بالموضوع اللي شغل باله طول الليل
محمد: امايه
ام محمد: خير
محمد: انا وافقت انج تخطبين لي عليا بنت خالتي
ام محمد ودرت كوب الجاهي وصدت صوب محمد مستانسه : والله ما خيبت رايي فيك يا محمدوبعدين عليا ما بتحصل احسن منك وفديتها حرمه حلوه واخلاق وما عليها قصور
محمد: يبتسم : على خير ان شاء الله
ام محمد : انا برمس خالتك اليوم ان شاء
محمد ابتسم لها وكمل جاهي ونزلت ميثه من فوق وخبرتها امها انهم يريدون يخطبون عليا
ميثه:منو عليوهبنت خالتي ما غيرها
ام محمد:هيه عليا بنت خالتج
ميثه : بصراحه انا ما احبها ولااطيق اعيش وياها مغروره وشايفه عمرها ما ادري على شو
تتحرا عمرها مزيونه
محمد عاقد حياته ويطالع اخته : حووووو ما اسمحلج وبعدين تراها احلى من هالشيفه من حقها تتكبر
ميثوه عصبت : احلى عني سير لاه صدق ماعندك سالفه ابرك لي اسير غرفتي بصراحه من الصبح نسمع كلام احسن لي اسكت وقامت وراحت غرفتها
(ميثه بنت خالة عليا جميله بس مب نفس عليا وشوق وهيه تغار من عليا وتحب تعارضها وتغايضها وعليا سأمت من حركاتها وصايره عليا ما تيي بيتهم علشانها وهيه كبر عليا وفي كلية اداره واقتصاد)
...............................
الساعه عشر ونص كانت شوق وعليا علهن بريك لين الساعه 11.5 خذن سندويشات وعصير وراحن ياكلن في كلس فاضي
عليا:جيه وينه الدريول
شوق: الله ينطبه ان شاء الله راح العزبه ونه
عليا واحمر ويها : وعبدالله وينه
شوق شافت ان ملامحها اتغيرت : الله يسلمج رايح المزرعه
عليا :اها
شوق : وانزين ليش احريتي تقول طماطه
عليا اونها معصبها : شو حمرتي وليش احمر صدق ما عندج سالفه
شوق: انزين يا بوج خلاص كليتيني
عليا: قلتيلي فهد يابج اها
شوق رافعه حاجب واحد فوق: اشفيج
عليا: تصدقين شوق احساسي يقولي ان فهد ولد عمج هو اللي بياخذج
شوق : بسم الله الله يخيب احساسج وليش تقولين جذا
عليا: مجرد احساس تصدقين فخاطري اشوفه فهد هذا اللي ملعوزنج مره كف على الويه ومره حصلج في غرفته ومره يايبنج الجامعه وخلاج متنرفزه بصراحه ما ادريشو اقول عنه
شوق: تخيلج لا تذكريني عليه حركات نفس ويه
عليا: بس احساسي يقول انه طيب
شوق: ويا هالاحساس اللي عندج احساسي واحساسي
عليا : تعرفي كيف دريت انه طيب
شوق: كيف
عليا: تقولين اعتذر لج اكثر من مره يوم غلط عليج وبعدين صفعج دليل انه يغار عليج
شوق: بليييييييييييز لا تمين تتتفلسفين عليه
عليا: انتي حره بس بذكرج
شوق بعصبيه: وبشو بذكريني
عليا وشوي وبتموت على شوق من الضحك من كثر ما هي معصبه
وتقول بصوت واطي : انه فهد بياخذج
طنشتها شوق ويلست تكمل اكلها
.............................
في الشركه فهد يالس في مكتبه ووياه الموظف احمد
فهد: هذي كل الأوراق اللي تباني اوقعها
أحمد هيه أستاذ
فهد : اوكي خلاص عيل
أحمد : مشكور استاذ ...........ويطلع من المكتب
وشل فهد سماعة التيلفون واتصل لاخوه عيسى
فهد : الو مرحبااااااااااااااااااااااا عيسى
عيسى : مرحبتين و الله
فهد: انزين عيسى انا بظهر الحين بظهر بمر على ربيعي وبنسير ابوظبي
عيسى: فهود جيه انت اليوم ياي متاخر و الحين بعدها الساعه وحده
فهد: اتاخرت ترى اخت حرمتك ما حصلت حد يوصلها الجامعه ووصلتها
عيسى : قول بنت عمي وليش بعد اخت حرمتك
فهد : انزين بنت عمي المهم انا بروح ابوظبي
عيسى : اوكي خلاص
فهد : يلا مع السلامه
عيسى : في حفظ الرحمن
وبند فهد سماعة التيلفون وشل تيلفونه وسويجه من على الطاوله وطلع من الشركه رايح صوب البيت علشان بيدل ثيابه ويوم نزل