[s]هذي قصة يمكن رومنسية شوي بس حبيت انكم تقرونها اني قريتها في منتدى ثاني وحبيت اني انزلها هني
وهذي اهي القصة
الساعة ثمان صباح يوم الخميس بتاريخ 15/1 (يوم عرس شيخه بنت عبيد على ولد عمها عيسى )
شيخه عمرها 21 سنه حلوه ما شاء الله عليها تدرس في الجامعه في كلية الهندسه متربيه احسن تربيه متوفي ابوها من سنتين ونص واخوها عبد الله تحمل المسؤوليه بعد وفاة ابوها )
كانت منسدحه فوق شبريتها ويردها شريط الذكريات لقبل سنتين ونص قبل وفاة ابوها في حادث سياره الأبو الطيب اللي الكل يشهد باخلاقه واحترامه لكل الناس وتربيته السنعه لولاده ما كان يقصر عليهم بشي من مال وحب و حنان ونصيحه وكان مدلعهم وايد وكانت دوم زوجته
(ام عبدالله (شمسه)) تقوله: لا ادلعهم وايد ترى الدلع الفارط مب زين و بيضيعهم
ويرد عليها بالابتسامه اللي ما تفارق ويهه: فديت روحهم يا شمسه هذيلا حياتي كلها وسعادتي في دنياي و اللي بيحملون اسمي بعد وفاتي تبيني ما ادلعهم بعد انا اعرف اولادي زين يا
ام عبد الله ومربنهم على الأخلاق الزينة
شمسه وترفع ايدها للسما : ربي يخليك ويحفظك لنا يا ابوعبد الله
شيخه كان عمرها 18 سنه في الثانويه العامه في ذلك الوقت ومر على ذاكرتها موقف في يوم كانت راده من المدرسه وحصلت ابوها يالس على الكنفه يطالع التلفزيون
شيخه والابتسامه على ويهه : السلام عليكم
عبيد : و عليكم السلام بحياتي و شيخة الحريم
راحت شيخه صوب ابوها وحبت راسه ويلست حذاله
عبيد : ها حبيبتي بشريني اشوفج مستانسه عسى الامتحان كان زين
شيخه : الحمد الله كان الامتحان سهل وان شاء الله بيب علامه زينه
عبيد : ها الغاليه تراها اخر سنه اباج تيبي لي ذيج النسبه اللي ترفع الراس وتفرح الخاطر
شيخه وهي تحط ايدها على جتف ابوها وتحضنه : ان شاء الله يا الغالي وبعدهم بيزقرونك يا ابو البش مهندسه
ابتسم لها وحبها على خدها
شمسه: ها الدلع انتي يتي
شيخه: الحين انا الدلع ولا شواقه البزايه وشميم وسكتوا عن حمودي اللي ماخذ الدلع كله يحليلي انا وعبود نحن اللي طالعين ولاد البطه السوداء
شمسه : الله و اكبر الحين انتي مب دلوعه قومي بدلي ثيابج ونادي اخوانج عسب نتغدى
شيخه: ان شاء يا غناة روح شيخه و بعدهم كلهم
نزلت الدمعه من عيون شيخه وقامت ويلست ولوت على المخده ويلست اتصيح بصمت وتقول في خاطرها اه يا ابوي يا غناتي وروحي وكلي الحين بنتك صارت عروس ياليتك معي يا عيوني وادخلني انت لين الكوشه اه كيف بتكون وناستي فرحتي كنت تقول دوم ان شاء الله تكون شيخه من نصيب عيسى تحققت امنيتك يا حياتي الله يرحمك ويغمد روحك الجنه يا لبوي
وحطت راسها على المخده وغمضت عيونها
وشوي وادق شوق الباب وتدخل
(شوق عمرها 19 سنه في الجامعه في كلية IT رغم انا مغروره شويه ودلوعه الا الكل ينبهر من جمالها الهادي واخلاقها العاليه وادبها وطيبتها وحنية قلبها )
شوق : يا كسوله بعدج ما قمتي
شيخه رفعت راسها وتبتسم : صباح الخير شواقه
شوق : بلاهن عيونج غناتي متنفخات كنتي تصيحين
شيخه: لا ما كنت اصيح
شوق: لا والله شواخي صدق شبلاج غناتي انتي تعبان يعورج شي زعلانه من شي والا حد ييصح في يوم عرسه
شيخه: لا ما فيني شي حياتي
شوق: صدق شواخي ما فيج شي
شيخه: هيه صدق ..............الا اشوفج واعيه بدري ما العاده
شوق: انتي ما دريتي عرس اختي وحبيبتي شواخي اليوم
شيخه تبتسم :صدق
شوق:هيه و الله انتي ما تدرين
شيخه:ههههههههههههه ....
شيخه: بشتاقلج وايد غناتي وبشتاق لسوالفج
شوق ودمعتها نازله على خدها الوردي : وانا اكثر يا الغاليه صدق بفتقدج و بحس بفراغ كبير بعد ما تروحين يا غناتي ............ وراحت صوبها وحضنتها وتمت تصيح بصوت عالي
شيخه وصوتها حزين ما قادره تتكلم خانقتنها العبره : ايه يا الخبله جيه انا وين رايحه الا بيت عمي فرت حصاه من بعده يعني
شوق وهيه تصيح: ما تصور اقوم الصبح وما احصلج جدامي وما اصبح على هالويه الحلو وبيلس اسولف ويا منو وبعدين الأهم منو بيسوي لي ام علي اللي احبها
شيخه وتبعد شوق من حضنها : هههههههههههههه الحين همج كرشج يا الدبه لا تخافين كل يوم بتحصليني عندكم وبسويلج ام علي
شوق وهيه تمش ادموعها :صدق عيل برايج روحي جان بتين اتسويلي كل يوم اياها
شيخه:هههههههههههه الله يقطع سوالفج ........انزين متى بتيي اللي تعدل
شوق: قالت الساعه وحده الظهر بتكون موجوده
ودخلت عليهن شمه (عمرها 16 سنه في اول ثانوي حبوبه وحلوه ويه بيبي فيس وجمالها هادي اكثر وحدها تشبه امها في اول ثانوي شاطره في دراستها )
شمه: صباح الخير ......راحت ويسلست حذالهن على الشبريه
شيخه وشوق : صباح النور
شمه: شخبارج عروسنا اليوم وما احساسج وما شعورج بفراق البيت و التوجه الى بيت العريس ابن العم عيسى
شيخه: ههههههه تبين الصدق
شمه: اكيييييييييييييييد الصدق
شيخه: شعوري بالخوف والحزن الكبير على فراق امايه وعبادي وعلوه وشواقي الا انتي يا شميم
شوق: هههههههههههه حلوه هاي
شمه وهيه مبوزه: ههه لا بايخه نفس ويهج
شيخه وتصد صوب شمه : لو ما بشتاق لج يا غناتي شميم بشتاق لمن يعني
شمه راحت صوب شيخه ولوت عليها وحبتها على خدها : بشتاقلج يا حبيبتي حيييييييل
شيخه وتلوي عليها : وانا اكثر يا عمري
و يلسن البنات يسولفن عن العرس كيف بيسون تسريحاتهن ومكياجهن ومتى بيطلعون العروس
وشو الاغنيه اللي بتطلع عليها و الاغنيه اللي بيدخل عليها المعرس وعن العرض اللي بتسويه العروس في الكوشه وعن تسريحة العروس كيف يبهن وغيره من سوالف البنات
ومضى الوقت وهن يسولفن وتريقن ويت الساعه 11 وراحت شيخه تتسبح وتسترخي شوي علشان تكون مرتاحه وويها منور .....ونزلت شوق وشمه تحت في الصاله و حصلن عمتهن سلامه يالسه في الصاله سلمن عليها ويلست شوق وياها وراحت شمه فوق توعي محمد من الرقاد
سلامه: وينج شواقي ما تنشافين
شوق : و الله اهنيه عموه الا انتي من زمان ما يتينا وما تنشافين
سلامه: الحين منو اللي لازم يي انا العمه والا انتي
شوق تبتسم : فديت روحج الجامعه والدراسه شاغلتنا
سلامه: لا اعرفكن تستحن من ناصر ترى ناصر ولد عمتكن وببعدين دومه برا مايي الا في الليل و يوم تين بقوله ما يي البيت
شوق: افا عليج فالج طيب ما طلبتي بيي كل يوم لين ما تروغينا وتقولن لا تين يا بنات عبيد
سلامه: انا اروغكن انتن ريحة الغالي يا بنتي
شوق: فديت روحج عموه وحبتها على راسها
......................
وفي غرفة محمد فوق (محمد عمره 13 سنه في اول اعدادي اخر العنقود مدلع وايد والكل يحبه نسخه من المرحوم ابوه مستواه زين في الدراسه ويحب اخته شوق وايد ومتعلق فيها لدرجه انه يسمع كلامها واوامرها على عكس خواته ويشتشيرها في أي شي يبى يسويه )
شمه: حمادي يلا قوم تراني تعبت من كثر ما اوعي فيك قوم
محمد: انزين خلاص بقوم شميم خليني
شمه : ما بخليك لين ما تنش جدامي و تغسل ويهك
محمد: اف انزين قلت انزين سمعت خلاص فكينا الله يخليج
شمه:ما ابى
محمد: غلسه ويا هالويه بقوم طلعي
شمه تقوم من الشبريه: بطلع لي ما قمت برد اطفربك
محمد: انزين اخبرج شو تبيني اسوي
شمه: ما شي الكل قايم في البيت الا انت
محمد : لا حول ولا قوه الا بالله
شمه تبتسم وتطلع من الغرفه:يلا يلا نش
محمد يتحرطم مكانه : الله ياخذ بليسها طيرت النوم من عيني وضيعت علي حلمي كنت اضارب علوه ولد يرانا ومطلع الدم من خشمه وغالبنه ........ الله ياخذج يا شميم
وقام من فراشه راح يغسل ويبدل ثيابه
........................
محمد نازل من فوق وحصل امه وخواته يالسات ........ يا وحب امه على الراس ويلس حذاله
محمد: صباح الخير امايه
شمسه: صباح النور و السرور غناة روح امايه ............. وتلف ايدها عليه وتحبه على خده
وراح صوب شوق وحبها على خدها : صباح الخير
شوق: صباح الخير حبيبي
شمه: بسم الله حتى ما بح عليه
محمد يطالعها ويلف ويها عنها ويطلع برا
شمه: ويا الويه
شوق: احلى عن ويهج يا الخامه
شمسه (الام ): خان عنكن السوالف الفاضيه وينها شواخي
شوق: تتسبح وتسترخي قبل ما تيي اللي تعدل
شمه: الساعه وحده بتيي يعني بعد نص ساعه ما باقي شي
شمسه: بروح اشوف عبادي وينه غناتي اكيييييد تعبان من تجهيزات العرس
شوق: نتعب في عرسه ان شاءالله
شمسه ترفع ايدها للسماء : ان شاء الله .اشوفكم كلكن عرايس واشوف عبادي وحمودي معاريس
وتدخل عليهن ليلى( عمره 25 سنه معرسه ساكنه في ابوظبي وعندها بنت عمرها سنه اسمها حمده وريلها فهد ولد عمها )
أ خت شمسه يعني خالة البنات : ان شاء الله يا اخويتي
شمسه: هلا و الله بليلى
شوق : توه ما نور البيت خالوه
ليلى تسلم على اختها وتقول لشوق :منور بوجودج شواقي
ويلسن يسولفن وشوي وصلت اللي تعدل وطلعن فوق علشان تبدا لانه ما باقي شي لين تخلصهن و تعدل العروس
في بيت سالم أبو عيسى الساعه 4 العصر
(يالسه ام عيس وعيسى و فهد اخوه (عمره22 سنه يشتغل ويا ابوه في الشركه شاب وسيم وايد طول وعرض متخرج من الثانويه وما دخل الجامعه وفضل يساعد ابوه في الشركه مغرور وسامته وايد)
ام عيس عايشه: عقبالك يا فهد يا وليدي
فهد: امايه الله يهديج ليش تفاوليلي
ام عيسى : شو افاولك عساك تعرس واشوف عيالك و عيال عيالك يا رب يا كريم
عيسى: لالا امايه لا تعورين راسج ويا فهد يقول بعده صغير يبى يمتع حياته
ام عيسى: شوه صغير ما شاء الله ريال عمره 22 سنه من وين صغير بعد هاي الا شايب
ويدخل عليهم ابو عيسى : صدقك يا ولدي شو تبى في العرس وويع الراس
ام عيس : الحين العرس ويع راس يا ابو عيسى
فهد يبتسم : هااااا ابويه رد اشوفك سكت
ابو عيسى : لا لا يا الغاليه انا ما قصدي هوه زين جان بيحصل وحده شراتج حلوه واخلاق واصل وفصل
ام عيسى: اتحرى عندك شي
عيسى: يا سلام يا الشيبه رومانسي ترى نحن هنيه
ابو عيسى: اعرفك انك هنيه جيه انا شو قلت يا مسود الويه
فهد يضحك : حوو المعرس فشلوه
عيسى: ما عندك سالفه
ابو عيسى: يلا نروح المسيد أذن العصر
فهد وعيسى : ان شاء الله
............................
في بيت عليا ربيعة شوق (عليا كبر شوق عمرها 19 سنه ونفس الكليه يحبن بعض وايد من يوم كانن صغار ويا بعض كانوا قوم شوق يرانهم وبعدين تحولوا عنهم في الفله وهي وحيدة امها وابوها ومدلعه وايد وحلوه وطيبه وايد واخلاقها رفيعه وجمالها هادي ورقيقه وحساسه وايد )
عليا يالسه في غرفته وادق تيلفون لشوق
علياء : الو مرحبا
شوق : مرحبتين بهالصوت
علياء اشحالج غناتي
شوق: منيحه
عليا : ها خلتي متعدله والا بعدج
شوق : لا مخلصه الحين بدت شواخي .... و انتي لا تتاخرين الساعه السبع اباج تكوني عندنا
عليا: ان شاء الله انتي تامرين امر حياتي ............ها شخبار شواقي اكييد خيفانه ومتوتره
شوق : شوي
عليا: اوكي حياتي see you later
شوق: باي الغاليه
ومر الوقت والمعازيم وصلوا وخالاتها وعماتها وحريم عمومتها طلعن يسلمن عليها في غرفتها ويباركلها وبعدين راحن خيمة الحريم اللي كان تصميمها يطير العقل وديكور حلو والكوشه حمرا
ويا الاضواء تينن والساعه 7 راحن شوق وشمه وعليا ربيعة شمه الخيمه وكانن ما شاء الله حلوات ومسكتات لكن كانت شوق تفوقهن جمال والكل يلس يناظرها ويتبع حركاتها والحريم يلسن يرمسن عن حلاته
الحرمه الاولى: ما شاء الله اللي لابسه عنابي منو منهن بنات شمسه
الثانيه: هاي شوق متخرجه كبر لطوف بنتي .........ما شاء الله تبارك الرحمن مزيونه
الحرمه الاولى: يا حظه اللي بياخذه
الثانيه: وانتي صادقه يا اخويتي الله يخليها لاهلها
الاولى: آمين
........................
فوق في غرفة شيخه دخلت عليها امها واول ما شافتها شيخه قامت وحضنتها ويلست اتصيح
شمسه: والله وكبرتي يا غناة روحي وصرتي عروس ...........بس حياتي لا تصيحين بيتخرب المكياج وبعدين حياتي انتي ما رايحه بيت غرب بيت عمج حياتي وعيس ريال و النعم فيه ما بيقصر عليج بشي وحرمة عمج طيبه و بعد بتخليج شرات بنتها لطيفه ...........يلا حبيبي سكتي
شيخه تمش ادموعها : ان شاء الله
اللي تعدل : جيبي اعدلك اياه اكيد ضاع من كتر ما تصيحي
ونزلت شمسه (الام) تحت راحت الخيمه
والساعه 10 راح عبد الله غرفة اخته (عبدالله بن عبيد اخو شيخه عمره 25 سنه حنون طيب القلب من مات ابوه وهو دافن عمره في الشركه و الشغل وما فكر بالعرس كل تفكيره باخوانه وامه وكيف يعوضهم عن غياب ابوه ويوفر لهم كل اللي يريدونه ولا يقصر عليهم بشي
طبعه هادي وايد بس اخوانه يحترمونه وايد لقلبه الكبير وكان وايد متعلق بابوبه وموته اثر عليه بشكل كبير وخلاه يعيش في حالة حزن وحتى لو ابتسم في ابتسامته وتعابير ويهه حزن كبير)
عبدالله: الف مبروك شواخي .ويبتسم مبروك حبيبتي .......ويقترب منها ويحبها على الراس
شيخه: الله يبارك فيك يا اخوي
يا عبدالله ويلس حذالها وحط ايده على كتفها
عبدالله يبتسم الابتسامه اللي تحمل كل الحب والحنان : والله وكبرتي يا شواخي وصرتي حرمه ابقولج شي اعرفج حرمه ما عليج قصور وانج متربيه احسن تربيه واخلاقج ما عليهن رمسه اف يا غناتي لا تخلين حد ينقد عليج ويقولون ما عرفوا يربونها دابري ريلج وراعيه واهتمي فيه ولا تقصرين عليه بشي هذا اللي كنت ابى اقولج اياه وديري بالج على عمرج حياتي
وقام وحبها على يبهتها وابتسمت ابتسامه حلوه ومدت ايدها لاخوها ومسكها من ايدها علشان يوديها الخيمه
ودخلت العروس على موسيقى كلاسيكيه وكان عبدالله ماسكنها من ايدها وكانت وراها شوق
و ميثه بنت لطيفه تمشي جدامها تعق ورد وعدالها اختها عوشه شاله المدخن وكانن شمه وشوق ورا العروس يمشن يعدلن لها الطرحه وصلها عبدالله الكوشه وظهر ويلست اتسوي عرض في الكوشه بعدين يلست وبدا الرقص ورقصن البنات
واما برا كان عيسى وفهد( وناصر ومحمد وسلطان ربع عيسى ) واقفين برا خيمة الريال
عيسى: الله يهديك يا عبدالله متى بندخل ما صارت حاله
فهد:ههههههههههههههه
عيسى يطالع وهو معصب : قلت شي يضحك
عبدالله : بلاك مستعيل الحين بتدخل
عيسى: يلا عيل شو نتريا
عبدالله: اصبر شويه بسويلهم تيلفون ........ودق عبدالله على تيلفون شوق وقالها ان المعرس الحين بيدخل
شيخه: وين رايحه يلسي ويايه
شوق: احلفي بس انتي بروح البس عباتي تريدين عبدالله يجتلني
شيخه: و الله بديت اخاف
شوق: شعور عادي
ونزلت شوق من الكوشه وراحت تلبس عباتها ويلست هيه وشمه ولطيفه اخت عيسى وعليا ربيعتها في طاوله بعيده شوي عن الكوشه
واطلبوا من الفرقه انهم يغنون( طال ليلي ) لميحد ودخل المعرس وكان محمد اخوها يرزف جدامه وعبدالله حذاله وابوه
يوم وصل الكوشه شل الطرحه وباسها على يبهتها ويلس حذالها وسلم عليهم ابوه وعبدالله وطلعوا
وكانت شمسه يالسه بعيد ونزلت دمعتها اتذكرت المرحوم عبيد وتقول الله يرحمك يا ابو عبدالله ويغمد روحك الجنه يا ليتك كنت موجود وتشاركنا فرحتنا بعرس شواخي يا ريت شكثر بتكون فرحتي و فرحة العيال بس الله ماراد ومحد يعترض على حكمه والنعم بالله
و لاحول ولا قوه الا بالله الله يرحمك ويرزقك فسيح جناته
وشوي وغطوا العروس علشان اخوه فهد وولد عمتها نار وولاد خوالها وولاد خاله بيدخلون يسلمون ودخلوا وسلموا و طلعوا بس فهد في اخر الخيمه عند الباب حصل حرمة عمه شمسه
فهد: هلا خالوه اشحالج
شمسه: بخير ربي يسلمك .....عقبال ما اشوفك معرس يا فهد
فهد يبتسم : ان شاء الله ..........وطلع
وشوي وطلعوا المعاريس من الخيمه رايحين بيتهم وبيسافرون بعد يومين باريس يقضون شهر العسل
اما في بيت عبيد استوت مناحه الام اتصييح من صوب وشمه من صوب ثاني وشوق من صوب
ودخل عليهن عبدالله ومحمد
عبدالله: خير شو فيكن بلاج امايه
شوق: شواخي راحت
عبدالله: بسم الله زيغتني تقول مايت عليكن حد
محمد: و الله اشكالكن تضحك ......... ويطالع اخوه ويلسو يضحكون ويتطنزون عليهن
شمسه: جب يا مسودين الويهه الحين خبروني شو يضحكم
و يقترب عبدالله من امه ويحبها فوق الراس : يا حلاته اللي معصب انا
شمسه: وخر عني
محمد: تراني يوعان ابى آكل شي
شمه: يعلك اليوع دوم يا ربي
محمد: بسم الله يا النحسه شو سويتلج تسمعونا احد كلمها
عبدالله: خلاص شميم غناتي قولي لميري تحط لنا شي ناكله صدقه حمودي يوعانين
و قامت شمه وراحت المطبخ وشوق راحت تغسل ويها وتبطل شعرها وتبدل وبتنزل تتعشى و الام قالت ما تبى تعبانه بتروح ترقد وبعد ما تعشوا كلهم راحوا برقدون من التعب .
الحلقه الثانيه
في بيت عبيد
يوم الجمعه الكل قام متاخر لانهم تعبوا وايد امس الساعه 11 الصبح نزلت شوق من غرفتها و حصلت امها واخوها عبدالله يالسين في الصاله وسلمت عليهم ويلست وياهم
شمسه: بعدني احس اني تعبانه وريولي تعورني
شوق: و الله حتى انا كسلانه وتعبانه من كثر ما مشيت البارحه بس كل في سبيل شواخي يهون عقبال ما اتعب في عرس عبدالله
عبدالله: لا انا بعدني ما حصلت اللي اباها
شمسه: ها بنات خالاتك اشر على اللي تباه وبروح اخطبلك اياها
عبدالله:ما اريييييييييييييييد
شوق: اشفيهن و الله انهن حوات بنات خالتي صالحه لو تشوف وضحه ما شاء الله عليها ملاك
عبدالله: شو وضحه بعد انتي وضحه صغيره
شمسه: شو صغيره عمرها ثمنتعش في الثانويه وين صغيره
شوق: انزين عزا بنت عمتي فاطمه مزيونه والحين هيه سنه ثالثه جامعه
عبدالله: يوم احصل اللي اباها بيي اقولج امايه الغاليه سيري خطبيلي اياها
ومحمد ينزل من الدرج
محمد: الظاهر انا بعرس وعبدالله بعده ما عرس
شمسه: فال الله ولا فالك يا الخبله اونه هوه بيعرس
شوق: هلا حمادي صباح الخير
ويي يقرب صوب امه ويبوسها على خدها ويروح يحب اخوه على راسه ويحب شوق ويلس حذالها
محمد:صباح النور يا احلى والطف خت في هالدنيا
شوق تبوسه على خده : مشكور حياتي
محمد: فكتوريا فكتوريا
وتيي فكتوريا من المطبخ : نعم
محمد: سيري حطيلي ريوق
فكتوريا: اوكي
وراحت تحطله ريوق وميري طرشتها شمسه تروح توعي شمه علشان تتريق ويقومون يذاكرون لانه باجر عليهم مدارس
وفي بيت سالم ابو عيسى
قاموا بدري كلهم علشان البيت كان متروس من الحريم اين يصبحون ويباركون للمعاريس
عيسى ياشر لشيخه لانه ما يقدر يدخل الصاله كلها حريم وطلعتله
شيخه: خير
عيسى: ما ملن هذيلا متى بيروحن
شيخه:شو تبانه نروغ العرب
عيسى:انزين تعالي يلسي عندي انا ملان ابى اسولف وياج
شيخه:و الله شو بيقولون عني راحت تنخش و الحريم يالسات وتبى عموه تعصب
عيسى مد بوزه اونه زعلان : انا مالي خص تعالي يلسي عندي
شيخه: و الله انك دلوع
وياتهم لطيفه: انتو شو تسوون هنيه
عيسى:ما شي يالس اكلم حرمتي والا ممنوع حرم علي
لطيفه:لا مب ممنوع بس ليش واقفين عند الباب
شيخه: ما شي بس عيسى ياي يقولي انه بيروح يصلي المسيد
لطيفه: انزين يلا شواخي نروح انشوف امايه شو تسوي شفتها رايحه صوب المطبخ
شيخه تبتسم : يلا
عيسى يطالعها متغيض منها :براويج يا شيخوه
وطلع غرفته راح يبدل ويتلبس علشان يروح المسيد وخطف على غرفته اخوه فهد علشان يروحون رباعه
...........................
في بيت سلطان ابوعليا
عليا يالسه على النت وداخله الماسنجر تكلم ربيعتها منال مصريه وياها في الجامعه
منال: ازيك فين انتي من يومين ما شفتكيش
عليا : ترى يوم الثلاثاء الساعه 10 رحت البيت حضرت بس محاضره وحده ويوم الاربعاء ما عندي محاضرات
منال: شوق ازيها
عليا: بخير تمام بس تريتج يوم الخميس وانتي ما يتي العرس سامعتنها معصبه عليج لانج قلتي انج بتيين
منال: كنت مشغوله خالي وزوجته ياين من مصر ورحنا انا وماما وبابا واختي شيماء نستابلهم في مطار دبي وما ادرت اجي العرس
عليا: انا قلتلها اكيد استوت عندها ظروف وشواقه طيوبه بتعذرج
منال: و لاتزعل ان شاء الله احضر عرسها وعرسي انتي كمان
عليا: تخيلج خليني اخلص الجامعه وبعدين افكر في الموضوع وبعدين تو الناس عليه انا صغيرونه نونو
ويلسن يسولفن عن الجامعه وربيعاتهن وخبرتها عن خالها وزوجته وزيارتهم لهم وبعدين طلعن علشان كل وحده تروح اتسوي واجباتها
لانه باجر السبت دوام عليهن
.........................................
الساعه ثمان في الليل فضى بيت ابوعيسى وكانوا كلهم يالسين في الصاله
عيسى وزوجته وفهد ولطيفه امهم والابو
لطيفه: فديتج امايه شكلج تعبان
الام :هيه شويه تعبت اليوم ما شاء الله البيت ما فضى
فهد: الله يعافيج يا امايه ويعطيج القوه
الابو : انا بروح اصلي العشا وبروح ارقد اليوم الظهر ما رقدت وباجر علينا دوامات............ونش عنهم وراح يصلي
الام : ها لطوف شو بتروحين اليوم
لطيفه: شو امايه مليتي مني
شيخه: حرام عليج لطوف عموه ما قصدها جذيه
الام: انا امل منج بس انتي هنيه من اسبوع وريلج يمكن ما يعيبه
عيسى: وليش ما يعيبه بعد مب بيت اهلها وهم عندهم لازم تكون موجوده
لطيفه: لا لا امايه انا قلتله علي باجر بيي ياخذني وبعدين امايه من قالج انه بيعصب علىهالامور علي طيب و عادي
فهد:صدق يبى يرتاح منج ومن عيالج الحشره
لطوف معصبه: الحين انا الصدعه وعيالي ما عليك يا فهود يوم تسوى بيت ويتك قول اللي تباه
فهد :افا وليش العصبيه بعد كنت امزح يا الغاليه انتي وعيالج عسل تنحطون على الجرح يبرأ
الكل:ههههههههههههههه
لطيفه: ما عليك فهود اطنز بنشوف العيال اللي بتيبهم والا اللي بتقبل تاخذ يا التيس
عيسى:ههههههههههههه حلوه هاي تشبيه بليغ حيث شبه فهد بالتيس
فهد:هههههههههه بايخه تنكت حضرتك
شيخه يالسه تضحك على سوالفهم
الام : و الله انكم ما تستحون و ما عندكم سالفه وانتي قومي سبري بناتج جان عشتهن الخدامه والا لا وخليها تحط لنا العشا بنرقد
شيخه: صبري لطيفه بروح وياج
فهد: انا بروح عند الربع ................ يلا مع السلامه
الام: ما تبى عشا
فهد: لا امايه اتعشوا انتو انا بتعشى عند ربعي...........وطلع عنهم
راحت لطيفه تعشي بناتها ورقدتهن وتعشوا كلهم بعدين راح كل واحد غرفته علشان يرقدون و فهد ما بطئ عند ربعه الساعه12 وصل البيت وراح يرقد لانه باجر عليه دوام
الساعه12 يصيح موبايل عليا هيه بعده ما راقدها طالعه من الحمام متسبحه ويالسه تنشف شعرها وشافت على الشاشه شوق وردت عليها بسرعه
عليا : الو
شوق: هلا علايه اشحالج
عليا : بخير تمام خير صاير شي
شوق : لا ما صاير شي
عليا : خرعتيني اتصدقين خفت يوم شفت رقمج
شوق:ما ياني رقاد ومليت من التيلفزيون قلت بس حق علايه حبيبتي
عليا: مفتقده شيخه صح
شوق: هيه و الله واييييييييييييييييد مفتقدتنها
عليا: كان العرس هيبل وايييييييييييد ومرتب وكله على بعضه والعروسه ملاك ما شاء الله عليها و العريس ما شاء عليه حلو
شوق: وانا كنت اينن صح
عليا:هههههههههههههههههههههه مب تينني بس الا تطيرين العقل والكل كان منبهر فيج
شوق: صدق
عليا:هيه و الله خالوه نوره متخبله عليج وايد وامايه والحريم الكل كان يمدحج
شوق: تراني مزيونه ما شاء الله عليه
عليا:عبدالله اخوج اللي دخلها صح
شوق:هيه هو فديت روحه
عليا:تصدقين يشبهج وايد
شوق: مب وايد اكثر شميم تشبه
عليا: لا والله وايد يشبهج العين والخشم وكل شي كل شي
شوق:اه تعبت ياني رقاد باجر بنكمل كلامنا باي غناتي
عليا: تصبحي على خير
شوق:وانت من اهل الخير
وبندن التيلفون وكل وحده فيهن راحت ترقد علشان عليهن جامعات باجر
............................................
و يوم السبت في الشركه كان فهد يالس في مكتبه ودق احمد عليه الباب
احمد: ممكن ادخل
فهد: جيه انت دخلت
وراح احمد ويلس في الكرسي
احمد: اباك تساعدني في هالاوراق
فهد: انا الحين بروح البيت وبوصل عيسى المطار
ويرن تيلفون المكتب
فهد:الو
ريهام : اهلين استاز فهد
فهد: هلا ريهام خير
ريهام : الاجتماع بعد عشر دقايق
فهد: لا ريهام اجلي لاني الحين انا بطلع عندي شغل وبعدين خلي الاجتماع
باجر
ريهام:اوكي استاز
ورد فهد يكلم احمد : اوكي احمد يوم برد بشوف وياك الاوراق
احمد: اوكي خلاص بكلمك بعدين ........وطلع من المكتب
وبعد اشوي طلع فهد رايح البيت لانه ما بقى شي عن موعد طيارة اخوه
.....................
وفي الجامعه
عند البوابه كانت عليا وشوق وميثه يالسات يترين سيايرهن وشوي شوق شافت سيارتهم
شوق: اوكي بنات بشوفكن باجر ان شاء الله
عليا و ميثه : في حفظ الرحمن
وفي السياره
شوق: تاخرت عليه وايد من الصبح واقفه عند البوابه
عبدالله: كان عندي شغل واول ما خلصته ييتج بالمره
شوق: الحين بتيي شواخي صح علشان تسلم علينا اليوم بيافرون
عبدالله: هيه
وبعدين شغل عبدالله المسجل على اغنية عيضه المنهالي
تدري ان موت احبك واني مالي غير حبك
واللي ينبض في ضلوعي ما هو قلبي هذا قلبك
وكانوا ساكتين يسمعون الاغنيه لين ما وصلوا البيت ما قالوا ولا كلمه
وشوي وصلت لطيفه عند اهلها و يلست تسلم عليهم وتودعهم ونزل عيسى
يسلم عليهم وطلعت شمسه تسلم على فهد
شمسه: وابويه عليك يا فهد بيت عمك شو تستحي تدخل
فهد: لا عمتي بس و الله مستعيلين
شمسه: تراني بزعل عليك ما تيى تسلم علينا و لانشوفك ويوم تبى عبدالله دقتله يطلعلك برا
فهد:افا عليج عموه كله ولا زعلج ما تهونين
وعند باب الصاله
شوق تكلم عيسى: هلاهلا بشواخي عيسى تراها غاليه
عيسى:افا عليج بيت عمي شيخه في العين
شمه: المهم و الاهم لا تنسون هديتي انزين
الكل يالس يضحك عليها
وطلعوا برا
شمسه: شوق وشمه تعالن سلمن على ولد عمكن
شوق من دون نفس: هلا فهد اشحالك
فهد: تمام ما شي الحال
شمه: هلا بولد عمي القاطع من سنين ما شفتك
فهد:هلا و الله بشميم اشحالج وشخبار الدراسه وياج
شمه : انا الحمد الله لكن اول ثانوي ما راحمني
فهد: ما شاء الله الحين اول ثانوي
شمه: ترى من كثر ما تيانا تعرف اي صف انا
عيسى: يلا اتاخرنا
وايي محمد يركض من المعلب بعد ما شاف سيارة فهد ولد عمه
شيخه:هلا و الله حبيبي اشحالك ..........ويسلم عليهم
محمد:تمام ها بتسافرون
عيسى: هيه الحين رايحين المطار
محمد: لاتنسونا يبولنا شي سنع ويسوى
عبدالله: برايكم سيروا تخرتوا جان بتيلسون تسمعون هذربة محمد ما بترحون وبتطير عنكم الطياره
وركبوا السياره وراحوا المطار و يلست الام تصيح وشمه وشوق يسكتنها والا عبدالله راح عند ربعه ومحمد راح يكمل لعب كرة القدم
الحلقه الثالثه
الجزء الاول
وصل فهد عيسى وحرمته المطار وودعهم ورد رايح صوب ربعه وبعدين بيروح البيت وطول الدرب يفكر بشوق بنت عمه ويقول في خاطره لين الحين زعلانه وتكرهني وما تحب شوفتي بس هيه الغلطانه ويلس يذكر الموقف اللي صار بينهم قبل سنه ونص كان فهد ياي بيت عمه يشل عبدالله لانهم متواعدين يروحون يتغدون رباعه وحصل شوق نازله من سيارة غريبه وراح صوب شوق
فهد وعاقد حياته : انتي يايه ويا منو
شوق: ويا منو يعني اظني شفت اللي بالسياره لانها ما فيها مخفي ربيعتي و الدريول شي ثاني بعد
فهد وهومعصب و يصرخ في ويهه شوق : شوووووه
ربيعتج وليش تركبين عندها ان شاء الله حتى لوكان دريول انتي ما تستحين وشو بيقولون عنا الناس
شوق معصبه : ايه لا تصرخ في ويهي وبعدين انت ما لك حق عليه اخويه عبدالله هو الوحيد اللي من حقه يسألني تفهم والا لا
فهد: لا اطولين لسانج عليه لا اقص لج تفهمين
شوق تصد عنه تبى تدخل : صدق انك سخيف وما عندك سالفه
فهد يمسكها من ايدها و يصفع شوق كف على ويها
فهد بعصبية: انا سخيف وما عندي سالفه
احمر ويه شوق ونزلت دموعها ودخلت داخل تركض
من ذاك اليوم وشوق ما تكلم فهد وما خبرت بالسالفه حد الا شيخه اختها و عليا ربيعتها لان شيخه قالت لها لا تقول لعبدالله لانه بيهزبها ليش تركب عند غرب حتى لوكانت عند ربيعتها والدريول وعلى تصرفها مع ولد عمها فهد
وتم فهد يخفف ياياته بيت عمه وما يي الا في المناسبات وكل ما يي يشوف شيخه وشمه و مايشوف شوق لانها ما تنزل يوم يكون ياي بيتهم
وابتسم فهد في خاطره وقال والله انها حلوه ومزيونه ما شاء الله عليها وزادت حلاه عن المره الاخيره اللي شفتها فيها طول عمري احب شخصيتها وثقتها بنفسها وغرورها وتم طول الدرب يفكر فيها صورتها جدامه ورن تيلفونه
لطيفه: الو مرحبا
فهد: مرحبيتين و الله بهالصوت
لطيفه:فهود وين انته الحين
فهد: طالع من المطار رايح عند الربع.... خير بغيتي شي
لطيفه: لا ما شي سلامتك بس امايه تنشد عنك قلت بقوم اسويلك تيلفون اشوفك وين انت
فهد: فديت روحها و الله انا ما بتاخر بسير عند ربعي وياي
لطيفه: انزين برايك عيل مع السلامه
فهد: مع السلامه
.................
و في بيت ابو عبدالله
شوق يالسه اطالع التيلفزيون في الصاله اللي فوق ويت تيلس عندها شمه
شمه: شو يالسه اطالعين
شوق: شوما تشوفين شو يالسه اطالع
شمه: اشفيج بسم الله لا تاكلين بعد
شوق سكتت عنها ويلست التابع التلفزيون
شمه: كم بتيلس شواخي في باريس
شوق: ما ادري
شمه: حليله عيسى طيب وما عليه كلام وحلو ما شاء الله عليه
شوق:هيه
شمه: لكن تصدقين فهد احلى واوسم عنه بوايد
شوق:................
شمه: اسميه قاطع اول كان ايينا وايد الحين ما نشوفه الا في المناسبات
شوق:.................
شمه: بسم الله انا اكلمج ردي عليه يالسه اهذرب من الصبح وانتي ساكته و لا جنه حد يرمسج
شوق: وشو تبيني اقولج
شمه: تعرفين شي اموت واعرف ليش تكرهين فهد منه طيب وما يغلط على حد
شوق: ما لج خص اكرهه ابغضه كيفي
شمه: و الله انج مغروره والا محد يكرهه ولد عمه بليا سبب شوق: شميم يا تسكتين يا تجلبين ويهج تفهمين
راحت شمه غرفتها ويلست شوق اطالع التلفزيون شوي بعد بندته ونزلت تحت تيلس ويا امها
..................
و في الطياره
عيسى يبتسم ويطالع شيخه
شيخه تبتسم : اشفيك اطالعني جذيه
عيسى: فديت يا ربي هالويه
شيخه احمر ويها
عيسى : يا ويل حالي على المستحى يا ربي شو هالملاك اللي جدامي يا ربي ارحمني
شيخه: عاد بس عيسى نحن في الطيارة ونا س حولينا
عيسى : يسمعون واحد يالس يتغزل في حرمته حرام
شيخه نزلت راسها ويلست تبتسم وتقول في خاطرها فديتك يا ربي والله لا يحرمني منك
....................
في غرفة شمه كانت شمه واليازيه يالسات يذاكرن دروسهن
(اليازيه عمرها 16 سنه كبر شمه وهي بنت يرانهم ربيعة شمه الروح بالروح وتيي تذاكر عندها لانهم نفس الصف ويحبون بعض وايد )
ودخلت عليهن ام شمه (شمسه) وتقوم اليازيه تسلم عليها
شمسه: هلا حبيبتي اليازيه اشحالج
اليازيه: بخير ربي يعافيج خالوه
شمسه: وينج فديتج من زمان ما شفناج وشخبار امج
اليازيه: امايه دومها تنشدني عنج وتسلم عليج وايد
شمسه تكلم بنتها شمه :شو شميم ضيفتي ربيعتج
شمه:هيه امايه بعدين اليازيه مب غريبه
شمسه: انزين انا بودركن تذاكرن وتقول لشمه :وينها شوق محد في غرفتها
شمه:امايه شوق في المطبخ يالسه تتفنن
شمسه: بروح اشوفها شو سوت لنا .......وطلعت من الغرفه
اليازيه: فديت خالوه شمسه و الله انها عسل
شمه: اكيييييييييييييييييد امايه فديتها عسل وياسمين وكل شي حلو
اليازيه: هههههههههههههه
شمه: يلا ذاكري اسميها ما تخلص سوالفج يا العيوز
اليازيه: الحين انا العيوز يا النطع
شمه : محد النطع الا انتي انطمي وذاكري والا سيري بيتكم
اليازيه: ول عليج ما تستحين تطرديني من بيتكم خلاص انزين بروح
شمه:هههههههههه من صدقج الحين انا امزح تعالي بلا دلع بنات
ويلسن البنات يذاكرن دروسهن وبعدين نزلن اليازيه وشمه علشان اليازيه تبى تروح بيتهم وحصلن محمد على السلم
اليازيه: اشحالك حمود
محمد: حمود في عينج انا اصغر عيالج تزقريني حمود
اليازيه: ول عليك طالع شرات اختك ملسون
شمه:هههههههههههههههه
محمد: وينه اخوج نصور اليوم ما طلع يلعب ويانا كره
اليازيه: نصور الله يسلمك يالس يذاكر لان امايه ما خلته يظهر من البيت
محمد:اها ..............وطلع فوق غرفته علشان يتسبح ويبدل ثيابه
ووصلت شمه اليازيه عند الباب وراحت المطبخ تشوف امها وشوق .
الحلقه الثالثه
الجزء الاخير
في المطبخ كانت شوق يالسه تسوي كنافه ودخلت عليها شمه
شمه: الله شو هالريحه السنعه شواقي شو مسوية
شوق : و الله يا أخت شمه مسويه كنافه
شمه تبى تاخذ قطعه وتضربها شوق على ايدها
شوق: صبري يا الطفسه شوي
شمه: ما فيني صبر يوعانه حييييل
ويرن تيلفون الصاله
شوق : ما تسمعين التيلفون شميم قومي ردي
شمه: سيري انتي
شوق تضرب شمه على راسها : يا العيازيه بروح ارد لكن يا ويلج لو مديتي ايدج تفهمين
شمه تمثل اونها مطيعه: ان شاء الله
وراحت شوق ترد على تيلفون الصاله
المتصل : الو السلام عليكم
شوق : وعليكم السلام و الرحمه
المتصل: هلا و الله اشحالج
شوق مستغربه ما تعرف الصوت :منو
المتصل: شو ما عرفتيني
شوق بدت تعصب : لا منو يتكلم
المتصل : انزين لا تعصبين
شوق : صدق قلة ادب ................. وبندت التيلفون
شوق: اف صدق ما عنده سالفه وتافه
ومن الصوب الثاني فهد يالس في مكتبه يضحك على شوق ويقول في خاطره فديت يا ربي بنت عمي ويرد مره ثانيه يسوي تيلفون
قامت شوق تبى تروح صوب المطبخ ويرن التيلفون مره ثانية وترد عليه شوق
المتصل : الو
وتقول شوق في خاطرها هذا هو نفس الصوت الحين براوي الخام
شوق : صدق انك قليل ادب وتافه ومب ريال شو هالمساخه ادقدقون تيلفونات على بيوت الناس وتاذونهم انتو ما تستحون
فهد يقول لنفسه ول عليها سبتني استاهل اروحي مدور حق عمري السب :شوق انا فهد
وهنيه تبلمت شوق وسكتت مره وحده
فهد: الو الو الو ايه وين رحتي
شوق: الو شو الموقف البايخ
فهد :ههههههههههه بس انتي ما قصرتي كل الكلام الشين قلتيلي اياه
شوق: تستاهل وبعدين خير شو تبى
فهد: جيه حرام ادق تيلفون على بيت عمي
شوق: اف ........... لا اله الا الله
هنيه فهد حط في خاطره شوق لين الحين تكره وما تحب تسمع طاريه ولا صوته : موجود عبدالله
شوق: اظني عبدالله عنده موبايل ليش ما دقيت عليه
فهد: حصلته مغلق واريده ضروري هو تحقيق
شوق : مب موجود ظاهر
فهد: انزين سلمي على خالوه شمسه ..........مع السلامه
وبندت شوق بدون ما ترد عليه
فهد بند السماعه ويقول هيه يا بنت ما قادره تنسين شو هالكره الل يتكرهيني اياه الله يسامج بس
وشوي ويدخل عليه عبدالله
عبدالله : السلام عليكم ولد العم
فهد: وعليكم السلام وينك انت يا ريال من الصبح ادورك
عبدالله: خير ان شاء عسى ما شر
فهد: اول خبرني ليش غالق تيلفونك
عبدالله : البطارية فضت ولا حطيته في الشرج خير
فهد: الله يسلمك ابوي يدورك علشان مشروع خليفه الظاهري
عبدالله: يلا نقوم انروحله المكتب
وطلعوا فهد وعبدالله رايحين مكتب ابو عيسى
في باريس في الفندق اللي نازلين فيه المعاريس
عيسى: يلا شيخه خلصي من الصبح اترياج
وتطلع شيخه من الغرفه : انا جاهزه
عيسى يروح يمسكها من ايدها وينزلون من على الدرج : وين تبين تروحين
شيخه تبتسم :اممممممممم على كيفك كل مكان حلو
عيسى : اوكي بوديج مكان روعه ينن
شيخه: اوكي يلا ................
وطلعوا علشان يتمشون بعدين بيروحون يتعشون في أي مطعم حلو
.........................
شوق : انزين علايه اترياج باجر
عليا : ما اقدر استحي وبعدين باجر الخميس اخوج اعتقد يكون موجود
شوق: لا عبدالله ما يلس في البيت وبعدين بنيلس في غرفتيه اشفيج انتي
عليا : اوكي بقول لابوي وابشوفه
شوق: عمي حليله طيب ما بيقول لا
عليا : اوكي برايج شواقه اسمع امايه تناديني
شوق: برايج غناتي سلمي عليها
عليا: يوصل
وبندت عنها
ام عليا: وينج انتي من الصبح اناديج
عليا: كنت يالسه ارمس شوق وين بتروحين امايهاشوفج لابسه عباتج
ام عليا: بروح انا وابوج عند عمتج مزنه مريضه
عليا: انزين في حفظ الرحمن ........سلمي عليها امايه
ام عليا: ان شاء الله فديتج
وطلعت ام علياوراحوا بيت مزنه ويلست عليا في الصاله اطالع التلفزيون
.......................
ام عيسى : الو فهود وين انت
فهد: فهود الله يسامحج امايه انا عند الربع تبين شي الغاليه
ام عيسى: تعال فديتك وصلني بيت عمك
فهد: الا بيت عمي انتي ما طلبتي يا الغالية
ام عيسى: يلافديتك لا تتاخر عليه
فهد : عشر دقايق واكون عندج.......وبند التيلفون وترخص من ربعه وطلع عنهم
ويقول في خاطره اشفيني كنت ما احب اسير بيت عمي و الحين من شفت شوق اخر مره وانا متخبل عليها مع انها ما تواطني لكن ما عليج يا شوق لي ما خليتج تتخبلين عليه نفس ما انا متخبل ما انا فهد
وبعد عشر دقايق وصل البيت وراحوا هو وأمه وأخته لطيفه بيت عمه
حصلوا محمد عند الباب
ام عيسى : هلا محمد ابويه اشحالك
محمد: الحمد الله بخير تفضلوا
لطيفه: ما شاء الله عليك يا حمود اسميك تتطول بسرعه شو تاكل كيماوي انت
محمد:هههههههههههه
ام عيسى : اتشاهدي على ويهج لا تاكلين الولد
لطيفه : ما شاء الله وبعدين انا عيني بارده اشفيج امايه
محمد: تفضلوا قربوا الحين بروح ازقر امايه من بيت عموه فاطمة
ودخلوا ويلسوا في الصاله
وقبل ما يروح يزقر امه راح يخبر شوق وشمه انه قوم عمهم موجودين ينزلن لين ما تيي امهم
شوق وشمه نازلات ودخلن الصاله
شوق: هلا و الله بخالوه هلا
ام عيسى : هلا شواقي اشحالج ..........ويتوايهن الحريم
فهدمانزل عينه عن شوق ويطالعها ويقول في خاطره صدق انها مخبلتني
شمه: هلا فهد اشحالك
فهد: يسرج حالي اشحالج انتي
شمه: زي البومب
شوق اضطرت اتسلم على فهد : هلا فهد اشحالك
فهد: بخير يا بنت عمي اشحالج انتي
شوق : تمام
وراحت شوق تيب عصير لقوم عمها وعطت لطيفه وخالتها وراحت تعطي فهد
فهد: تسلم ايدج يا بنت عمي
شوق بدون نفس : مشكور
وراحت ويلست عدال لطيفه
فهد : شمه ها شو اول ثانوي
شمه: عم بندفش
فهد: شدي حيلج عاد
شمه: خير ان شاء الله
ام عيسى: لا ما شاء الله شميم ما ينخاف عليها
شوق : لطوف ليش ما يبتي بناتج
لطيفه: سكتي الله يرحموالديج مفتكه من حشرتهن
شوق : حرام عليج والله انهن عسل
لطيفه:ههههههه أي عسل
فهد : امايه انا بروح اصلي المسيد وبردلكن
ام عيس برايك ابويه الله يحفظك
وطلع فهد ويات شمسه وسلمت عليهن وقامن يصلن وتمن يسولفن وبعدين يا فهد وترخصوا وراحوا
وبالباجر يوم الخميس الصبح الساعه تسع صاح التيلفون وردت عليه ام عبدالله
ام عبدالله: الو
شيخه: فديت يا ربي هالصوت هلا امايه اشحالج
شمسه: هلا حبيبتي شواخي هلا غناتي اشحالج
شيخه : بخير الحمد اشحالكم انتوا واشحال اخواني
شمسه : بخير الحمد كلهم بخير شخبار عيسى
شيخه: يسلم عليج امايه
شمسه: الله يسلمه من الشر يا ربي ويردكم سالمين لنا
شيخه: والله اشتقت لكم وايد
شمسه: ونحن يا امايه اشتقنالج حييييل ها شخبار عيسى وياج
شيخه: الحمد الله عيسى ما يقصر عليه بشي
شمسه : الحمد الله
وتمن يسولفن شوي وسكت عنها
.............................
في بيت ابوعليا
عليا : ابويه اليوم ابى اسير عند شوق البيت
ابوعليا : ليش ابويه تبين تسيرين عندها انتن ما تتشاوفن في الجامعه
عليا: علينا واجب ونبى نسوي رباعه وبعدين ابويه انت تعرف شوق واهلها
ام عليا: والنعم فيهم والله خله تروح ما فيها شي بيت ربيعتها
ابوعليا : جيه انا قلت لا
قامت عليا تحب راس ابوهل
ام عليا : متى بتروحين
عليا : العصر امايه جذيه الساعه اربع ونص وان شاء الله بنخلص المغرب
ابو عليا: خلاص عيل انا بوديج
عليا: اوكي my father
..................................
و العصر في بيت ابو عبد الله شوق يالسه تجهز البيت علشن ربيعتها بتيي وخلت الخدامات يسولها حلويات وعصاير وفطاير
شمسه: اشفيج مرتبشه من الصبح
شوق: شو مرتبشه ربيعتيه بتيي
عبدالله: و خير يا طير
شوق:وصح عبدالله بتيي الساعه اربع ونص لا تكون موجود في البيت علشان ناخذ راحتنا
عبدالله : وبعد تطردوني
شمه: هاي قويه بصراحه عبود رد عليها
شمسه: ول عليج يا الفتانه قومي شوفي اخوج محمد هذا وذاكريله اشوي عنبودومه هايت
عبدالله: عبود في عينج يا الخامه انتي ما تستحين
قفط ويه شمه وسكتت وما تكلمت
شوق:ههههههههههههههه
عبدالله: انطمي انتي الثانيه
وسكتن وما تكلمن وقامت شمه ادرس محمد وعبدالله طلع من البيت بيسير بيت عمه
ويات عمتهم فاطمه ويلسن هيه وشمسه في الصاله
..............................
الساعه اربع ونص
شوق : الوعلايه شو ظهرتي
عليا : الحين اظهر من البيت
شوق: علايه يبي الصور اللي صورتيهن في الجميرا ابى اشوفج بليز
عليا: انزينه اوكي
شوق : حطي في بالج تراني باخذ صوره
عليا: اعرف انج ما تقدرين و لو لثانيه انج ما تشوفيني لذا ما مشكله بعطيج صوره
وبندت عنها وراحت عليا غرفتها علشان تيب الصور ونزلت وركبت السياره ويا ابوها رايحه بيت شوق
الحلقه الرابعه
وصلت عليا بيت شوق وقالت لابوها يمر عليها المغرب ودخلت وحصلت شوق تترياها في الحوش وسلمت على ام عبدالله وعمة شوق فاطمه وطلعن فوق غرفة شوق
عليا : واو والله غرفتج كشخه وايد وديكورها حلو
شوق : مب انا اللي مختارتنه هذا عبادي اخويه
عليا: ما شاء الله عليه ذوقه ينن
شوق: يبتي الصور
عليا: هيه ........ويلست اطلعهن من الشنطه
شوق تمد ايدها: اشوف اشوف ...........وااااااااااااااااو و الله انج تهبلين وشوهالجمال كله وين مخبتنه
عليا: لا مخبتنه و لا شي مب متغيره وايد لاني مب مسويه شي الا جحالو أي شدو وردي
شوق: انا هذي باخذ اوكي .................وراحتوحطتها عدال الكومبيوتر
عليا: اوكي مب مشكله
ويلسن يسولفن ويدرسن بعدين راحن الميلس كانت الفواله محطوطه هناك
محمد ينادي اخته شوق : شواقي شواقي
شوق : هذا صوت محمد فديته عليا اظني ما تستحين منه
عليا : من هذا خطيبي تبيني استحي منه هههههههههه
شوق: حمادي ادخل
محمد: لا تعالي انتي
شوق: مب يايه تعال شو تستحى احيد الحريم اللي يستحن مب الريال
ودخل محمد الميلس
محمد: شواقي قولي لامي ما حصلتها اني بروح بيت ربعي نصور انزين
شوق: عنبوما تستحى جيه سلم
عليا شافت محمد وايد مستحي منها ومب معطنها ويه قالت بغلس عليه شوي : اشحالك حمودي حبيبي
هنيه ويه محمد صار احمر وابتسم وقال بصوت واطي : بخير
وشوق نقعت من الضحك على اخوها اللي كان شكله يضحك
عليا: شو مسوي في دراستك
محمد:زين الحمد الله
شوق: خلاص حمادي روح بخبرها امايه
محمد:لا خلاص ما بروح بيلس وياكن
شوق: احلف بس انت يلست بنات انت شدخلك
محمد عصب على شوق :اشفيها عليا ما تستحي مني
شوق: حمادي ما فيني على غلاستك اظهر لا اناديلك شميم
محمد وماد براطمه : انا بسير
عليا: باي حبيبي
محمد يبتسم :مع السلامه تعالي كل يوم................وطلع عنهن
وهنيه ماتن شوق وعليا من الضحك
وشوي وسوت عليا تيلفون لابوها وقالتله انها خلصت وعشر دقايق وترخصت عليا عن شوق وراحت بيتهم
وراحت شوق وشغلت تلفزيون الميلس ويلست اطالعه وتاكل
وعند الدروازه كان عبدالله وفهد واقفين
فهد: يلا عبدالله انا بترياك هنيه سير بدل وتعال
عبدالله: وليش تترياني هنيه هبط داخل
فهد: لا ما يحتاي انت لا تتاخر
عبدالله : يا ولد الحلال سير المبرز بخلي ميري تيبلك عصير
فهد : انزين انا بسير المبرز انت لا تلطعني
ودخل عبدالله البيت وراح غرفته وفهد سار صوب المبرز ودخل ووقف متصمل عند الباب شاف شوق يا محلاة هالملاك يا ربي ما قدر ينزل عينه عنها منه يدري اللي يسويه غلط ومب زين الا انه كان واقف يتامل ملامحها عيونها الحلوه اللي مجحلتنهن والويه الطفولي والشعر الطويل الناعم ويقول في خاطره الله يجعلها من نصيبي ان شاء الله وهي كانت حاطه الشيله على جتفها وطايحه خصله على ويها يالسه فوق الكنفه وما انتبهت ان حد دخل
وبعدين فهد قال في خاطره انه مسخها وايدوتعدى حدوده ورد على ورا شوي ودق الباب
فهد:احم احم
شوق تخرعت قامت وعدلت شيلتها ودخل فهد الميلس
فهد: السلام عليكم
شوق واقفه : وعليكم السلام
فهد:هلا بنت عمي اشحالج
شوق لهجتها كالعاده ما تغيرها مع فهد : الحمد الله بخير
وكانت شوق تبى تظهر ووقفها صوت فهد
فهد: شوق وين رايحه
شوق صدت صوبه : نعم
فهد سار صوبها : ليش تعامليني جذيه بعدين انا مب غلطان لا تنسين انج الغلطانه
شوق ترفع واحد من حياتها : انا الغلطانه
فهد: الحين مب المهم اني انا الغلطان او انتي المهم موضوع وانتهى
شوق: انزين انا ما قلت شي انت اللي فتحته
فهد وملامح الحزن في ويهه : ومعاملتج لي ما جني ولد عمج تصدقين حتى يوم افكر ايي اتردد احس عمري مب مرغوب فيه
شوق: هذا بيت عمك متى ما تبي تييه تعال محد مانعك
فهد: انزين انتي للحين زعلانه شو اسوي لج علشان ترضي قلنا خلاص موضوع وانتهى من زمان وانا اسف قلتها كم مره
شوق: وقلتلك خلاص انا بعد نسيت
فهد:كلامج وتصرفاتج وياي تقول انج زعلانه و ماتطيقين تشوفين شكلي مب صح
شوق سكتت ولفت عنه تبى تطلع
فهد: شوق تكرهيني صح
شوق: انت شرات اخويه لو اقدر اكره عبدالله بكرهك انت ...............وطلعت عنه من المبرز
ويات الخدامه وقدمت العصير ويلس يفكر بكلام شوق تعتبرني نفس عبدالله اه يا شوق لوتعرفيني كيف انا متعلق فيج وطيفج ما يخليني اتهنى في حياتي المهم انها ما تكرهني وهاي اول خطوه لي يالله عسى ايي اليوم اللي بتحسين فيني
ويلس يفكر فيه وبعد شوي سوا تيلفون حق عبدالله
فهد: حوووو انت ما خلصت
عبدالله : الحين نازل شو شربت عصيرك
فهد:هيه يلا انا بترياك عند السياره .............وبند عنه و شوي ونزل عبدالله وراحوا رباعه
وشوق كانت يالسه في غرفتها تفكر بالكلام اللي دار بينها وبين فهد ولد عمها هيه صح تضايقت منه يوم صفعها و تقول انها تكره بس ما من قلبها تربوا ويا بعض من يوم كانوا صغار صدقهيه ما غلطت يوم قالت تعتبره شرات اخوها عبدالله
اوه عبدالله الحمدالله يوم ما دخل الميلس وانا كنت هناك شو بيقول عني اكييييد بيعصب عليه حتى لو كنا متربين ويا بعض عادي نسولف جدامهم مب اروحنا ودخلت عليها اختها شمه
شمه: وينج انتي يالسه ادورج من الصبح
شوق: و الله هنيه وين بكون يعني
شمه تشل صورة عليا اللي عدال الكومبيوتر : ياي و الله انها مزيونه
شوق: اعرف
شمه: اشفيج انتي يايه اسولف عندج وانتي تردين عليه جذيه
شوق: ما شي وين امايه
شمه: يالسه في الصاله تكلم يدوه صح تسلم عليج شواخي توني مكلمتنها
شوق: و الله ليش ما خبرتيني
شمه: دورتج ما حصلتج وسكرت الخط وقالت سلموا عليها
شوق : ما قالت متى بتيي
شمه: قالت الاربعاء الياي
شوق: والله صدق ولهت عليها وايد
ويدخل عليهم محمد وهو يدندن أغنية راشد الماجد (هالعيون اشلون املها سحر ذوبني بغزلها بوسه من عندك حبيبي تسوى عندي الدنيا كلها )
محمد يشوف شوق : وينها راحت
شمه: منو
محمد: هيه الملقوفه اشدخلج انتي ويصد صوب شوق: شوق راحت ربيعتج عليا
شوق:ههههههه هيه راحت
شمه: هيه الخاماحترم الفاظك انا اكبر عنك
محمد يطالعها ويصد عنها صوب شوق : ليش والله انها فنانه هاي البنت صدق انها فنتاستك
شمه:ههههههههههه يا سلام يعرف فانتاستك هالخبل
محمد يطنشها ويكلم شوق: يوم تكلمينها قوليله محمد يسلم عليج انزينه
شوق : ان شاء الله حبيبي فالك طيب
محمد وهو طالع يصدصوب شوق : هيه تيبها احلى
شوق: ههههههههههههه بعد ............... ويلسن يضحكن على سوالف محمد اخوهن
..................................
في ابوظبي بيت ليلى اخت شمسه(ام عبدالله)
عمة ليلى( ام ريلها فهد) : ليلوه تعالي خذي بنتج هذي المآذاه تراها طفرتبي
ليلى يايه صوب عمتها وخذت حمده
ام فهد: شو فهد بعده ما وصل
ليلى : لا بعده هو يطلع الساعه ثنتين الا ربع
ودخلت عليهم سعاد
سعاد : السلام عليكم
