ولد ملفس (ماعنده ولا فلس) راح لابوه وقاله : عطني 10دراهم .. ودي اشتري كوره
الاب: أقول سير عني تراها واصله حدي
الولد: تكفا يبه,,بس 10دراهم والا اقولك خلها 5دراهم
الاب: ماعندي فلوس ... إذا تبي فلوس روح بيع الديج مالك المريض اللي بالحوش ..
الولد: بس هذا مريض ومحد يشتريه
الاب : ماعليّ منك .. دبر نفسك
والله الولد استسلم للأمر الواقع واخذ الديج
أول واحد قابله في ويهه اكيد أبوه .... قاله الولد: تشتري الديج؟
الاب : اقول سير عني ولا أقوم أدوسك في بطنك؟
الولد :خلاص خلاص لاتنفخ طلع الولد من البيت ومعاه الديج في محاوله يائسه إن الديج ينباع عرض الديج على أهل الفريج كلهم ولا واحد فيهم قبل إنه يشتري الديج قال الولد: ممممممممم , والله مالي إلا فلانه .. عقلها خفيف وأكيد بقدر ألعب عليها بسهوله …
راح لها الولد عشان يبيع عليها الديج
الولد: تشترين الديج تكفين؟
هلا والله بحبيبي .. تعال قرب مني عشان ابوسك بوسه خفيفه
الولد: اقول ماني فاضي لك .. خذي مني الديج وخليني اروح
وين بتروح ياعمري !! انا ماصدقت إني شفت ريال عندي في البيت ...
الولد:ومنو اللي قالج إن انا ريال ؟ خذي مني الديج وخليني أروح بيتنا
شوي الا الباب يدق خافت الحرمه وقالت للولد تعال أنخش بالكبت لايطلع زوجي وبعدين نروح فيها .. حطت الولد في الكبت وراحت فتحت الباب إلا وطلع لها عشيقها ..
الحرمه : هلا والله بعمري وحياتي >>> منافقة
العشيق : يا هلا فيك عمري ما مدى الريال يكمل كلمته إلا والباب يطق
الحرمه : ياويلي ويلاه ,, هذا شكله زوجي تعال وادخل في الكبت
دخل أخونا في الكبت وفجاه في عز الظلام سمع صوت يكلمه داخل الكبت ويقوله: تشتري الديج؟
العشيق: اصصصصصصصص ... خفض صوتك الله يرحم والديك لاتفضحنا !!!
الولد : أقول تشتري الديج؟
العشيق : ياخوي خلاص بشتري الديج بس قصر على حسك تكفا
الولد : طيب
العشيق: بس بجم تبيعه؟
الولد :بـ 100 درهم
العشيق : شنو!! هالديج المنتوف المريض بـ 100درهم !!
الولد : تبي تشتري ولا ارفع صوتي؟
العشيق : لا لا خلاص .. بشتري وأمري لله قعدوا 5 دقايق
الولد :تبيع الديج؟
العشيق : توك بايعه على يابن الحلال!!
الولد :تبيعه علي ولا ارفع صوتي؟
العشيق: لا لا خلاص .. اببيعه وأمري لله .. بجم تشتريه؟
الولد : ب10دراهم
العشيق: شو!! 10دراهم !! انا مشتريه منك بـ 100 ونت تشتريه مني ب10دراهم!!
الولد : تبيعه علي ولا ارفع صوتي؟
العشيق : لا لا خلاص .. اببيعه وأمري لله قعدوا 5 دقايق
الولد : تشتري الديج؟
العشيق : ياخوي توني مشتريه منك!
الولد : تبي تشتري ولا ارفع صوتي؟
العشيق : لا لا خلاص .. ابشتري وأمري لله .. بجم تبيعه؟
الولد :بـ 200درهم
العشيق: الله يغربلك توني مشتريه منك بـ 100درهم!
الولد : تبي تشتري ولا ارفع صوتي؟
العشيق : لا لا خلاص .. ابشتري وأمري لله قعدوا 5 دقايق
الولد : تبيع الديك؟
العشيق: انا لله وإنا إليه راجعون ، بجم تبي تشتريه؟
الولد : ب10 دراهم
العشيق : أش تبيني أقول !! تبيني أبجي ولا أشقق هدومي , يالله خذ الديج وببلاش بعد … اخذ الولد الديج
شوي ألا الحرمه فاتحه عليهم الكبت وقالت لهم : يالله بسرعه انحاشو دام إن زوجي في الحمام , بس واحد ورا الثاني وبشويش عشان لايحس فيكم زوجي
طلع العشيق وانحاش ولحقه الولد بعده بـ 5 دقايق المهم , قام الولد يتمشى في الشارع وهو مستانس لأنه صار معاه فلوس .. بعدين راح للبيت يوم دخل البيت شاف ابوه جدامه .. راح قال لابوه: تشتري الديج؟
الأب يشوف الولد والشرار طالع من عيونه وقاله: مايكفيك الــ 300درهماللي لطشتها مني في الكبت؟
يتبع
