شكرا لك سويت فلور على تشريفك لهذا الموضوع ------- اني جربتها لما كنا مسافرين سوريا الحرمة ما بغت تفج عني إلا لما خليتها تقراه وامري لألله ، قالت لي ان امش ولهانة عليش بالبحرين وصحتها تعبانة منشانش وفعلا كنت اني مسافرة وي خالتي وخواتي وامي ومو ويانا ( ويش عرفها ) قالت لي ان في بشارة لما نرجع البحرين ، بس طلعت هالبشارة ما تخصني اني ، لما رجعنا البحرين ابن اختي خطب ، كنت اتمناها ابشارة حقي قالت لي ان اني شاطرة بالدراسة وماشية عدل بس العيون مركبة علييي ومحسودة :sad: وقالت بعد ان اني محبوبة من الاغراب بس الانساب يغارون مني وما يتمنون ليي الخير (قرت ليي كفي في زرنوق تخاف لا يجون ليها الدورية ويشيلونها ،بس اني صراحة كنت خايفة منها)دفعت لقاء هذه الهرير كله 5 ليرات سورية صراحة كان بدافع التسلية وعشان أبعد هالحرمة الدجالة عني،، مللتني ما خلتني اعرف اتسوق . إلا بعدين يشوفنا رجال لابس خواتيم ملونة على كل اصابيعه بعد ما قرينا الكف إلا هو بعد جاي راز روحه يبي يقرا لينا بعد بس عن طريق الخواتم اللي عنده . بس احنا مشينا بسرعة لان اختي عصبت وما كانت راضية من الاساس وهو عشان يستوقفنا حقه ، يقول لينا بصوت يخوف وحدة فيكم مسوين ليها عمل بتخسروا اذا رحتون لازم افك العمل بس احنا ما عبرناه وطفنا عنه ==> جي سالفة هيه