طرائف و مواقف مضحكة أثناء الامتحانات ...

[الـعـرَّاب]

ماشاء الله عليك يالمظلوم ...

لقطه على الطاير ..

أي .. الي يلعب في الاهلي ... و يشجع البارسا و دائما يلمس الأرجنتين ..

[المظلوم]

سلااااااااااااااااااااااام ...

لا بس شفت بداية اسمه خ .. قلت هذا هو ..

انا ما يعجبني فيه إلا انه يشجع التانجو ..

..
تمنياتي ..

[شهد]

سلاااااااااام..

امتحان الدين المعلمة قالت خلوا كتبكم على الطاولة عل جنب واني بمر باخذهم.. واني كنت في آخر الصف وهي أول الصف.. >>شفت سؤال عن اللآية ,, اني أبغي اتذكر اللآية بدايتها نسيتها.. أخذت الكتاب شوي شوي وفتحتته..
وشفت أول كلمة وتذكرت.. الا المعلمة تقول ليي >> ويش غشيتين..:eek:
اني تخرعت .. لالا ولا شي بس الكتاب طاح من الطاولة ..
الا تقوول اوكيه آخر مرة ليش قبسوه..
وضلت طوول فترة الامتحان تطالعني تفكرني بغش:puppyeyes ..

بايووو
قبسوسة:icon30:

[نبراس]

سلاااااااااااااااااااااااام

آآآآنه بقول موقف خوووووووووووووووووش موقف ، آنه وصديقتي نتشبه كأنه توام كل مع بعض ونقعد صوب بعض، حتى في الامتحانات الرقم الاكاديمي تصير قدامي ، وكان علينا امتحان ريض ، عاد آنه قدمت الامتحان وعطيت المعلمة الورقة وصديقتي ماخلصت قاعده تحل ، بشوي ما شفنا المعلمة ماخذه ورقة صديقتي هي مسكينة ماتدري ليش ،سالت المعلمة الا تقول ليها انتين الحين عطيتني الورقة من وين لج هذه الورقة وهذه ورقة من وآنه والبنات مستغربين وصديقتي تحالف انها ورقتها ومعلمه تقول لها لا تكذبين حتى كان في صبعتج شى (عاد ذاك اليوم انه لبسه خاتم وهي حطها في ايدها لصقه ) عاد اني عرفت سالفة الا اقول الى المعلمة هذه اني الا عطيتج الورقة وشوفي صبعتي فيها خاتم ، ونصدمت وعطتها الورقة , من زود الفشيلة الا تقول انتين اخته لو تصيرين اليها .......... ولكل يغلط فينا


نبراس




نبراس

[الـعـرَّاب]

ههههههاااااي

أفضل ما في هذه المواقف ...

ليس انها مضحكة و حسب ..

بل انها اضحكت الطلاب في وقت ابعد ما يكونون فيه عن الضحك ...

يعني الواحد حزين حده في الامتحان و ما باقي من الوقت الا القليل ...
و عنده مدري جم الف سؤال مو عارف يحلهم ...
و مرة وحدة ... يتحول ذاك الوضع الى ضحك .. هذه هي حلاوة الطرفة في الامتحانات ..

شكرا جميعا على المشاركة .. و نتمنى المزيد ..

[فدائي]

هذي قصتي في امتحان
الدين
في تلفوني عندي برنامج فية كل السور والايات
وانا قلت ما يحتاج احفظ خلاااص
اودي معاي التلفون وخلااص
معتمد على هذي الوسيلة يعني
كتبت الامتحان كامل ووصلت الى الاية
وبديت اكتب
الا بدخوول المدير
الا يشغل البلوتوث في تلفونة
وانا كاتب اسمي في البلوتوث
الا يقووول اسمي
ويطلعني برة
واخذ التلفون
وبعد الامتحان رجعة
وطبعا انفضحت في الصف

[نبراس]

ههههههههههههههههههههههههههه

انتون الصبيان عادي طلعون التلفون وحنا لا ، حنا المعلمات على راسنا مانقدر نرفع راسنا

نبراس

[الـعـرَّاب]

في صف اول ثانوي الفصل الاول ...
صادفني هذا الموقف الي مستحيل انساه ...
في امتحان ريض 101 .. النهائي ..
هذي المادة مشهور عنها انها سهلة جدا .. وعيب على الواحد ان يطلع مو الامتحان و هو مو مستانس ...
جاء الامتحان .. على المعتاد ... لكني ما عرفت احل الا القليل ... ما ادري ويش صادني ..
و اطالع وجوه الطلاب .. الي احسن مني و الي اخس مني فرحان و مستانس ...
و يوم طلعنا .. كل واحد يبارك الى الثاني .. فعاد انا استحيت انا ابين لهم حزني ..
فرسمت ضحكة مصطنعة على وجهي ..
مصخوها الشباب .. قاموا كل واحد يتوقع جم بجيب ...
97 - 99 98 - 100 - 10000000
انا كنت ساكت .. مهموم جدا من الداخل .. و هم مصبنة لو عرفوا اني مزفت بسووني خردة ..
قالوا ليي جم تتوقع .. فقلت لهم - بكل ثقة - 99 او 100 .. يعني جم بجيب في هالتفاهة ..
الى ان جاء الفصل الثاني .. و استاذنا مال ديك المادة دخل الصف ..
و اول شي سواه .. قال : " خيبت ظني يا بلانكو .. هذي علامة تجيبها .. و أنا كنت اتوقع انك بتجيب فوق الـ 98
تجيب ليي في الثمانين ...
و شباب الصف هناك .. و ما نسوا طبعا .. و جودوها عليي مطنزة .. سووني مسخرة ..
و من داك اليوم و الى حد الحين وهم الي يشوفني يقول ليي قبل السلام ...
" لا .. أوكي أوكي .. يا 100 يا 99 - الامتحان كان تفاهة .. "
حتى يوم عدته ذاتي و جبت فيه 98 ... قاموا يقولون ..
" ولا تزر وازرة وزر أخرى "
الله لا يبلش أحد منكم برفقان نفس هاذيلا ..

عذرا على الاطالة ..
..
تحياتي ..

[المظلوم]

سلااااااااااااااااااااام ..

هذا أخس مقرر ريض .. اخذته .. وإن شاء الله بعديه ذاتي .. الفصل الجاي ..

>> درسنا أستاذ أردني .. >> والله المقرر هرير .. مثل ما قلت يا بلانكو ... لكن بعد الحظ ..

>> ودليل ان الأستاذ يعقد المسائل .. ان ولد عمي لما أخذ الأحصاء وكان يدسه هذا الاستاذ .. جاب فيه 79 .. ولما عاده ذاتي جاب فيه 99.5 .. <<

.. بالتوفيق .. للجميع ..



تمنياتي .

[يسموني قمر]

أمممم
احنا صفنا هالسنة اذكر امتحانات المنتصف مال هالفصل..
البنات الي صايرين صوب الجدار الي فيه الايسي..
اذا يبون يغشوون..
بس يقولون للمعلمة برد..حر...حر برد..وكلحين المعلمة تروح الجهة الثانية ومشغلة ومبندة في هالأياسي..!!


وفي امتحان الريض يوم السبت هذا الي راح..
جايبين لينا معلمة هبلة..معروف عنها بهبالتها..!
وعاد احنا يجيبون لينا جيك ماي وقلاص..
عشان البنات لين صادهم الظما :p يشربون
عاد جم بنية شربوا وما شربوا الماي كامل الي في القلاص!
والمعلمة بكل سهولة تطلع من القاعة...وتروح تكت الماي صوب الشجرة الي بره..والقاعة الفاضية..
والكل يضحك
والغش على اصوله
وتضحكني اذا تسوي روحها مسيطرة:p
ههههههههههههههههههههههه
الله يخلف ويعاوض عليها..!

[شهد]

السلااااام عليكم..

تخيلوا اليوم ورقتين من الامتحان محد عرف يجاوب عليهم من صفنا ..
لان حضرت هالمدرسة ما شرحت لينا درس (المقامة البغدادية).. وتحججنا على المعلمة الي تراقبنا وكل معملة تجي تقرأ الاسئلة >> على طووول البنات صراخ وحالة عشان ما شرحت الدرس..:eek:
بعدين جت مساعدة المديرة قلنا ليها الا تقول اني ما اقدر الحين اسوي شي.. أما تكتبون من عندكم أو تعطوني الاوراق يعني عشرين درجة تطوووف ببلاش علينا....
بعدين اقنعناها تجيب لينا مدسة .. وجت لينا مدرسة وشرحت الدرس وهو تشرح واحنا نكتب ..
بس لكن بعد مو كل شي قالته..


بايوو
قبسوووه

[نبراس]

سلاااااااام

الصراحة اليوم امتحان عرب 301 كان سهل لكن ، وكل يغشى في الفقره الخارجية ، لكن التعبير اخخخخخخخخ من التعبير صعب احترت اخذ اى واحد منهم ، واثنينهم مانقدر نعطى فيها ، والبنات الاطلعوا من الادبي او العلمي او تجاري كلهم على تعبير وهذا الا بقلل مجموعنا


نبراس

[الـعـرَّاب]

شنو شنو شنو ....

تجيكم المدرسة مالت المادة .. و في الامتحان النهائي ... و تشرح لكم بعد !!!!

و يقولون بعدين البنات اشطر من الصبيان !!!

احنا في المنتصف يجينا الاستاذ يسلم و يتطنز علينا شوي و يتيسر ...

[المظلوم]

سلاااااااااااااااااام ..

the blanko >>

\> وللبنــــــــــــــــــــــــات حظوظ </


تمنياتي ..

[السلام العام]

سلام له

مساء الخير

اني بكتب ليكم اليوم عن موقف صادني واني اراقب صف في الثانوي

صف اول ثانوي تجاري وكلهم بنات عالي الشياطين

المهم اول ما دخلت الصف اني بطبيعتي اني كله اخازر وما اضحك

دخلت وزعت الاوراق وظليت اراقبهم

وفي وحده كل شووي وقايمه وقاعده

وتبي تنقل اليها كم كلمه من عند رفيقتهااا قومتها من مكانها عصبت عليها كلمتها

استحي يا بنت الحلال ماكووو فايده

اخر شي بكل وقاحه تقول ليي معلمه ويش فيش تطالعيني جذي اني ما اغش له

المهم قلت اليها ومن قال ليش انش غشاشه ؟؟؟

قومي غيري مكانش


وطبعا في وحده مسكينه شكلها مو صاحيه

كانت قاعده جدام ومطلعه الدرس كامل في ورقه وتنقل وتنقل ومنزله راسها ومتطمنه


خليتها تكمل كل شي

اخر شي قلت اليها خلصتين ؟؟؟؟؟؟؟؟

عطيني ورقتش والورقة اللي غشيتين منها بعد ودبستها وياها

وعطيتها مشرفة القسم طبعا المشرفه نادت البنت وكلمتها وقالت ليي ترى هذي البنت كلش حالتها وضعيفه وراسبه شكلها بعد

الله يستر على الجميع ويوفقهم يا رب الحين وقت امتحاناتهم النهائية الله يوفقهم

[s.jawad]

مواقف حلوة تصيدني في الامتحانات ..

قريباً .. نعتذر على التحرير :D


أخوكم

[blue eyes]

هههههههههههه
خيو عالي ستار .. هــــــارد لـــــك ..

المهم انك تقدمه مره فانيه وتنجح ..

.. وبالنسبه ليي ما عندي مواقف .. ولا صادتني بعد ..

أو يمكن ناسيه بس اذا ذكرت أكيد بجي وبقول وبفضح رووحي خخخ

بس داخله أقرأ موافقكم الحلووه والمضحكه ..

شكراً لكم ..

[الحجيرية]

سلاااااااااام

هلا خيووووووو " السلام العام " عاشت أيامش .

ذكرتيني بدكتورنا " عبدالله سلمان " عن جد عجيب وطيب , أطيب دكتور بالجامعة .

مسكين دايما يبرر تصرفاته وأفعاله , مثلا مرة قال لينا سجلوا أرقام تلفوناتكم وعطوني اياها في ورقة عشان أعطيها السكرتيرة عشان اذا جيت بغيب بعطيها خبر تتصل فيكم تخبركم قبل لا تجون المحاضرة , عاد مرة غاب بشكل مفاجئ ولاضطراري ما قدر يخبر السكرتيرة تخبرنا عشان جذي رحنا المحاضرة وما شفناه فعاد جت المحاضرة الثانية وقامت وحدة من صديقاتي تناقش الدكتور جان يقوم ويبرر سبب غيابه وانه كان مفاجئ ولو يدري انه بيغيب جان قال لينا , ومسكين قام يزخ عرق وهو يبرر , وصديقتي ما صدقت بعد وقامت عن زعم معصبة انها جت المحاضرة وهو كان غايب " عاد أني انقهرت وقلت ليها لو دكتور ثاني جان ما افتكرت فينا وخبرنا بغيابه قبل , وانتين جاية تتفلسفين عليه وتلومينه انه ما خبرنا بغيابه محاضرة وحدة بس " .

الله يخليه ويعطيه الصحة والعافية ويوفقه ان شاء الله .

تحياتي " الحجيرية "

[نبراس]

سلااااااااااااااااااااااااااااام


يوم صار موقفين في صالة الامتحان ، اول شى طالبة تسأل المعلمة باقي جم دقيقة الا تقول المعلمة يومين

هههههههههههههههههههههههه

اما الثاني خووووووووووووووووووووووووووووش شى المعلمة الا تراقب من دخلت قاعده تصارخ هذه شنو فيها المهم طالبه اخترب عليها القلم تبغي قلم ثاني والمعلمة ادور ليها قلم ....وحصلت ليها ومعلمة تودي القلم الى الطالبة تدرون شنو صار................ ........ ههههههههههههههههههههههههههه












المعلمة مسكينة تعرقلت بطاولة وطاااااااااااااااااااااااااااااااااااااااااااااااا ااااحت


هههههههههههههههههههههههههههههههههههههههههههههههههه هههههههههههههههههه




نبراس

[الـعـرَّاب]

ههههههههههههههههههههههااااااايييييييييييييييييي

ويييوووو وييييووو وويي ويي وووييوي وويي ..... للمعلمة المسكينة ...

اتصور استاذ من الي يراقبونا يطيح ... على بوزة مثلا ....

خخخخخخخخخ

حللللللوووووة خيوو نبراس ..

[المظلوم]

سلااااااااااااااااام ..

>> مو زيـــــــــــــــن<<

.. تخيلوا إن هذا الوقف صار لكم .. وانتون وسط جمع غفير .. ويش بيصير لون وجهكم . بنفسي لو وردي ..

>> ويش عنده <<




تمنياتي .

[العاصفة]

بينما أختي تراقب في قاعة الامتحان هناك طالبة في امتحان الدين أخرجت ورقة باللغة الانجليزية ، نهرتها اختي ، فتعللت الطالبة بان هذه الورقة باللغة الانجليزية ولا دخل لها بمقرر الدين ، ولكن اختي لم تمرر الموقف بل شكت بالطالبة واخذت الورقة ، تصوروا ماذا بها؟
النص القراني المطلوب للحفظ مكتوب باللغة الانجليزية!!!!
مافهمتوا قصدي؟!
كاتبة
Basam alla alrhman alrahem
والبقية على هذا المنوال

[الـعـرَّاب]

ههههههههههههههه

اقول اختي العاصفة ...

اكيد هذي عجمية !!!

[الثــاقـب]

اللي تغش واللي ينقل واللي مدري شيسووي
تتكلموون عن الغش وكأنه شي عاادي عندكم
ما كأنه الغش عيب وحراام

( ادري ثقلت عليكم بهالحجي لكن هذي الحقيقة )

[زهراء]

[flash= مرة كان عدنة علوم او جت ام صلاح او نادت المعلمة او كان عدنة اختبار علوم قالت المعلمة الى ام صلاح راقبيهم او صديقتي وياي في صف طيبة ويش سوت قالت مساكين البنات موعارفين اغشون اتفقت وية ابنية ان هي تشغل ام صلاح اشوي وحنة انغش او بعدين اني اشغل ام صلاح او هي اتغش اوكلحين و حدة تشغل ام صلاح اشوي والبنات اغشون بس هادي مو اول مرة مكل مرة شدي بس هادة موقف ادكرتة احين انشالله اكمل ايلكم مرة
ثانية ]WIDTH=400 HEIGHT=350[/flash]