طرائف و مواقف مضحكة أثناء الامتحانات ...

[maldini]

اكثر موقف مضحك حصل لي على ايام الاعدادي وفي ثالث اعدادي بالتحديد كان عندنا امتحانا رياضيات وانتو تعرفو زين الرياضيات في صف الثالث الاعدادي صعب وانا كنت مو محظر الى الامتحان زين " ما اطول عليكم بالسالفه دخلت الامتحان وكتبت الا اعرفه وتبقى علي سؤالين لما اعرف لهم جواب قلت ما لي الا اغش حاولت اخش ما قدرت لان طول الوقت الاستاذ قاعد يطالع فيي وخلص وقت الامتحان وانا على هذي الحال ويوم جى بيستلم الورقه "ما شفته الا مسمت ايدي " تدرون ويش اكتشفت" طلع الاستاذ احول وكان طول الوقت يطالع في الجهه الاخر

[الـعـرَّاب]

هههههههههههههههههه

حلوة ... و انت احلى ... و مالديني احلى و احلى !!

[ملاك الحزن]

خخخخخخخخخخ
مشكورين اخواني على المواقف المضحكه
<<< تكبرون وتنسون
اني ماعندي شي يذكر


سلملم
ملاك الحزن,,

[الاعصار]

و الله صار ليي موقف ما نسيته للحين كان علينا خريطة وحايف الحوف الكل مجود رقبته مو حافظين ما حدا واحد كان يحل بسرعة على قولتنا يجحت جحت والاستاذ كان مسكر أنفاسنا 00000000صرنا نتراسل بالمحايات ولغة الاوراق داخل الاقلام عاد توي بفلت محاية على واحد والله تصيد الاستاد ويقوم معصب منهو فلت المحاية عليي وكنت معروف بالشطارة في كل المدرسة حتى وبعدين تهموا اللي صوبي ومات من اللصياح يقول مو أنا وأنا قاعد أتضحك جابو ولي أمره لكن أشوة طلعت منها

[الاعصار]

يا أخي الثاقب بعد شنسوي في حلة الاضطرار تلغى القوانين

[sweet flower]

[align=center]هذا موقف صار ليي في اول ثانوي ,
كان علينا امتحان الكترونيات المهم كنت اني الثالثة في الطاولات والمعلمة صوبي ورفيقتي قدامي والثانية على يساري المهم كان فيه سؤال فيه ارقام وكنا متخربطين لأنه السؤال سهل ومو من عادتها المعلمة تجيب سهل قلنا اكيد فيه خلل المهم كنت اني مزكمة وحاملة وياي قوطي كلينكس وابغي اقول لرفيقتي انه جوابي مثلها لا تغيره ومو عارفة يوم بقوم بسلم الورقة الا هي تقول ليي صح او لا ويش اسوي احين كلما قلت ليها صح ما تسمع ورفيقتي اللي على اليسار تنتظر الجواب بعد واني ذابت جبدي واني اقول صح ومحد يسمع شوي ويدته الورقة ورجعت بآخذ اغراضي الا اقول ليها صح ولا سمعت ويش اسوي احين غيرا ني حسب مزكمة سويت روحي بعطس واهز ليهم راسي ودارت المعلمة وما شفت الا العطسة طالعة صدق
وطلعنا مستانسين قدرنا نتأكد من هالجواب
بعد ويش نسوي ما ليي الا هالطريقة ههههههه
اختكم في الله
sweet flower[/align]

[الوردة البيضاء]

ههههههههههههههههههههههه
والله خطط بعد
اني صار ليي اشياء واجد
مرة في صف الخامس كان في سوال شوي صعب والبنات كللهم تقريبا كتبوا جواب غلط
بس المعلمة غششت بنية الجواب الصح واحنا استحمقنه ليش غششتها او ما غششتنا
او اني مسوية روحي الزعيمة كللش او رحت قلت لمربية صفنا والبنات ايايي بس اني
اول وحدة قلت او قلت ليها لازم تقولين للمعلمة او قالت للمعلمة والمعلمة زفتني زف
لما صحت واني كله ساكت بس شسوي ما قدرت اجود دموعي ولة قدرت اتكلم...
او مرة في الخامس كانت بنية ورايي صديقتي تبيني اغششها سوال واني كل ما اقول ليها
ما تسمع ارفع الورقة ما تجوف بعدين خليت الورقة في وجها والمعلمة جت ليي واني حسيت
ايدي تجمدت او ما شلتها لما سحبت من عندي المعلمة الورقة واني متجمدة في مكاني بس يالله...
بعد في ثاني اعدادي مرة قمت اتكلم بروحي(مجنونة شسوي بعد) لما المعلمة جافتني او قالت
ليي يو هالصف لجنون بنواعه...
او مرة بلت في صف الثالث لا تطنزون عليي مااطيق حمامات المدرسة لما بلت...

الوردة البيضاء

[r0binho10]

في الامتحانات النهائية لهذا العام

كان عندنا امتحان دين وانه مكمل كل الاسئلة وباقي عندي سؤال واحد ماحليته..........قلت خلني اسأل الي يمي ..........وانه قاعد اسأله .......الا المدرس يلتفت علي .......يقول ليي: انت يا روبينهو: اشيالس تسوي...........وانه ارتبكت مادري شقول ليه.............بعدين رديت عليه وانه في حالة ارتباك تام:......ها......اي.....أأأأأأ.......انه ........انه.......اي انه ابي الالة الحاسبة من عند رفيجي (نسيت ان الامتحان دين) ........الا يقول ليي يافهيم اليوم امتحان دين............وصار الضحك عليي.

[شعيب العالي]

سلام

هذا اطرف موقف صادني في حياتي الدراسيه ....... :busted_co

في الثانوي , امتحانات المنتصف يسوونها اثناء الدراسه الحصه الثانيه وبعدين تتواصل الدراسة باقي الحصص,
لكن انا ويا الشباب نشرد من المدرسه بعد الامتحان , نتسلق السور ونهرب .!!!

في مره كان في هوا وغبار , وصلنا عند الحيطه, الشباب عطوني الدفاتر مالهم وركبو السور علشان اعطيهم الدفاتر واركب بعدين , لكن للاسف وهم فوق السور شافنا المشرف ويصرخ علينه (( ارجعو,, انزل انزل )) ويهربون الشباب عني!!! , رفعت الدفاتر فوق وركبت الحيط وتوني باحوّل برّه طاروا الدفاتر داخل المدرسه من الهواء.!!!!!!!!!!!!!!!!!!!! .

المهم يوم ثاني نادو علينا في الطابور صوب العالم وقالو هذلين محرومين من الامتحانات . لكن تالي ودونا الاشراف وطلع بس يخوفون الطلاب عشان ما يهربون , بس عطونا استدعاء ولي امر وتعهد ما نهرب مره ثانية .

وهذي اول وآخر مره احصل فيها علي استدعاء ولي امر..
ملاحظه ( في نفس اليوم هربنا )


تحياتي ... العالي

[المشاكس]

هههههههههههههههههههههاي مت عليك من الضحك
المهم ..... سلام

باقول ليكم موقف صاد صديقي تقريبا سنة 1997 في اول او ثاني اعدادي


انا وصاحبي والسيفون


مسكين من الصبح صحا من النوم متاخر وبسرعه بسرعه على الحمام يجهز نفسه
خلص شغلته في الحمام وهو طالع يبي يسحب السيفون وانكسر!!! في ايده ............
هذي بداية المشكله ............ وا ويلاه .. ويش يسوي اذا عرف ابوه يمكن يكسر
عافيته ... المهم سوا روحه ما يدري بالسالفه , وراح المدرسه وهو متخربط .
المهم.. وهو في الحصه خطرت في باله فكره , انه يشيل من حمامات المدرسه !!!
وصارت الفسحه وجهز نفسه لتنفيذ العملية ...! وراح لموّفّق وشال الي يبغيه .
وابسرعه وداه الصف وهو يجلس في الزاويه ورا..
بدت الحصه الرابعه وصار ما لا يتمناه, مشكله اكبر مما يتصور الجميع. ان
واحد من الصف سرقوا فلوسه وقال المدرس الي سرقهم يجيبهم احسن من الحين
,,, ما احد رد .. وعقب التيّا والتي قرر الاستاذ التالي: ان يفتش الصف كاااامل!!!!!!!!!
وقام صاحبنا يتصبب عرق .. وا ويلاه .. ويش اسوي .... وا فضيحتاه ...!!!! ان شافو
السيفون عندي بيفضحوني في المدرسه وبيعطوني استدعاء ولي امر وعلى حساب
ويش (( سيفوووووون )) !!! المهم بدأ العد التنازلي ابتدا الاستاذ يفتش طالب ورا الثاني
...... قرب الاستاذ, خلص اول صفه .... والثانيه ...... لااااا ... وصل الى القاطره الي فيها
((انا وصاحبي والسيفون)) وباقي الشباب ....!!!! ؟ و إذا بــ ملاك من السماء ينقذ سارق
السيفون... الله يهديه واحد من الشباب الي في صفتنا الي هي الاخيره طلع هو السارق ,
والذي يقع مكانه قبل السارق بكرسي واحد .. ومسكين صاحبنا خلص القرآن كامل على
ما خلصت السالفه .
...........النهايه

(( على فكره للحين سيفون المدرسه يقوم بالعمل ))
كل ما اشوفه ذكره بالسالفه واتوقع لما يعرف اني كتبت السالفه هني.. يذبحني

تحياتي

[السلام العام]

حرامية ويانا في المنتدى

حرامي سيفوون؟

واخزياااااااااه

[الـعـرَّاب]

ههههههههههههه

و الله حلوة مافقكم شباب ..

احنا ويانا حرامية اقلام سبورة .. مو سيفووون !!

[جارة القمر]

ههههههههههههههههههههههههههههههوووههه
بل بل بل حرامية سيفونات ويانا
ذبحتوني من الضحك

تحياتي

نجمه

[شعيب العالي]

سلام

تضحك على ويش يا حظّي

انا هربت بدفاتر مالي انا . لكن انته هربت بسيفون المدرسه

خخخخخخخخخخخخخخخخخخ

تحياتي .... العالي

[شهد]

بال بال عليكم سوالف انتون ويا المدارس...
حشى عاد شايل السيفون بكبره ..>هههههههههه
.. مساامحة ما عندي مواقف خلصوا.. لما اذكر بقولكم..

[r0binho10]

في سالفة مشهورة حق واحد من عالي اكيد الكل يعرفها , يقول لك كان ينقش من عند واحد شاطر امتحان انجليزي وهو كلش خمبة مايفهم شي ,قام ابو الشباب وكتب اسمه بالعربي فوق واسم ذاك الطالب بالانجليزي لان ذاك الطالب شاطر وكاتب اسمه بالانجليزي مايدري ان الي يغش عليه بينقل حتى اسمه , وجا الاستاذ يوم ثاني يصارخ على الطالب الشاطر يقول ليه: ها فلان تبي تمثل دورين يعني , وقام الطالب يصيح يقول مادري مو انه , والحمد لله كان المدرس (كونان) يحقق وغيره وطلع الي كان يغش (الخمبة) وراواه الورقتين وسأله : ايهي ورقتك , جان يأشر على وحدة منهم وقال هذي هي , وصادوه مسكين , والحين في عالي من تقول بصورة مبالغة(غشيت كل شي بس باقي الأسم )على طول مال عالي يردون عليك (ليش انت ...............)

مسكين يا ............. صرت حالك حال جحا.

[شعيب العالي]

سلام

عرفته

هههههههههههههههههههههههههههههههههه


تحياتي............ العالي

[المظلوم]

ســــــــــــــــلام ..

بأاا دا كلام ..

عايزين تعملوا إيه أكتر من اللي عملتوه دا ..

واحد بيلطش سيفون .. والتاني مش عارف إيه ..

حنتخرج من المدرسة .. على التأهيل المهني عدل ..

>> متأثر بمدرسة المشاغبين .. <<

. >> واحد نصين والتاني دراعو طارت << .. حنتخرج من المدرسة على التأهيل المهني عدل ..

...


تمنياتي .

[حنان]

يادافع البلا حتى السيفون وصلتون ليه

ام عليكم سوالف

نرجع ليكم مره ثانيه

[الوردة البيضاء]

هههههههههههههههههههههههه
اي والله حتى السيفون وصلتون ليه
ههههههههههههههههه اما عليكم
سوالف عجيبة غريبة...

الوردة البيضاء

[غــارق]

سلام

بووووه, سيفون عااااد, هذا لو انصاد صارت فضيحته في المدرسة كلها

تمنياتي للجميع بالتوفيق

[سحر الطفولة]

هههههههههههههههههههههههههههههههههههههههههههههههههه هه
هههههههههههههههههههههههههههه
لوووووووووووووووووووووووووووووووووووووووووول

والله بموت من الضحك عليكم

[تـلميـذ الـوائلي]

سلااااااااااااااام
اشكركم على المواضيع الحلوة الي تنسينا الهموم في فترة الامتحانات

[warm snow]

مرة اقولكم

كان علينا اختبار علوووووم

والمعلمة ا دافع البلىما تقدر على البنات

المهم تكتب الاسئلىة على السبورة والبنات ينقولن الاجابة من الكتاب ويوم دارت الطاوزلات عفسة وحاااااااااله
والبنات مسوين ازعاااااااااج

وبعدين كنسلت الاختبار وسوتواحد ثاني

كشووووخي