مواقف تعرضت لها في حياتك؟

[maldini]

السلام عليكم

شخباركم يا اعضاء انشاء الله كلكم ابخير

يا ريت كل شخص منكم يكتب لينا عن الاشياء الا صادفته في حياته من مواقف حزينه و مواقف مضحكه وجميلة :laugh: وايضاً مواقف مخجله
.................................................. ...............

ما هو أكثر موقف ضحكك؟
ما هو أكثر موقف أبكاك؟
ما هو أكثر موقف أحرجك؟

وانا بدوري سوف اكتب لكم المواقف الا حصلت معاي

اكثر موقف مضحك: على ايام الاعدادي وفي ثالث اعدادي بالتحديد كان عندنا امتحانا رياضيات وانتو تعرفو زين الرياضيات في صف الثالث الاعدادي صعب وانا كنت مو محظر الى الامتحان زين " ما اطول عليكم بالسالفه دخلت الامتحان وكتبت الا اعرفه وتبقى علي سؤالين لما اعرف لهم جواب قلت ما لي الا اغش حاولت اخش ما قدرت لان طول الوقت الاستاذ قاعد يطالع فيي وخلص وقت الامتحان وانا على هذي الحال ويوم جى بيستلم الورقه "ما شفته الا مسمت ايدي " تدرون ويش اكتشفت" طلع الاستاذ احول وكان طول الوقت يطالع في الجهه الاخر

موقف ابكاني: حزنت خزن شديد وبكيت على المرحوم ولد عمتي الله يرحمة

موقف محرج: على ايام لعدادي " كل الاشياء المضحكه كل في لعدادي :cool: صادني موقف مع استاذ الاجتماعيات " كان عندنا حصه رياضه في الحصه الثالثه وكان قريب بيطق الجرس مال الفسحه صوت علي استاذ الاجتماعيات وقال لي بعطيك بطاقه حق تطلع من المدرسة وتشتري لي من الكفتيريا الا صوب المدرسة وافقت واخذيت لفلوس ويوم عطاني لفلوس طلعت بره المدرسة ورحت الكفتيريا وطلبت ونسيت ان الطلب الى الاستاذ واشتريت واكلت وانا مستانس ورجعت المدرسة الا مصوت علي الاستاذ يقول وينك يا اخي صار لي ساعة وانا انتظرك يفكرني برجع بالاكل :laugh: وتذكرت وقلت ليه الصراحه يا استاذ نسيت و.... فسامحني

قال لي حصل خير ....شكله رداها لي في الدرجات

يلا كل واحد يكتب لينا

ما هو أكثر موقف ضحكك؟
ما هو أكثر موقف أبكاك؟
ما هو أكثر موقف أحرجك؟

وشكراً

[عاصف]

ههههههههههههاي
اما انته صدق يعني

ما هو أكثر موقف ضحكك؟

ما أذكر
ما هو أكثر موقف أبكاك؟

وفاة ولد عمتي وولد خالي
ما هو أكثر موقف أحرجك؟
مادري خخخخخخ

[blade]

السلام عليكم

مشكور اخوي على الموضوع الجميل

اكثر موقف مضحك: كنت في صف ثاني اعداي وكانت عندنا حصتين عربي وواحد من الطلبة صفر وجا الاستاذ الي وقال ليش تصفر :icon28: قلت ليه مو انا وقعدت اتحاجج وياه :cool: وضربني وانكسرت العصا :laugh: وطلعت ليه هوز وقلت ليه هذا ما ينكسر :fruits_ap اضرب اليما تشبع بعد ماخلص الضرب سويته مسخرة قدام الطلاب هو يدرس وكل كلمة يقولها اعلق عليها استجن وراح نادى المشرف وجى المشرف يعد ماقصرت في الاستاذ بهدلته قدام المشرف وطلع حرته في االدرجات ههههههههههههههههه :cool: :cool:

موقف حزين: وفاة جدتي رحمها الله

موقف محرج : الحمدلله للحين ماصار لي (بالاصح صار لي بس كل اقلب الموضوع على اللي معاي) ههههههههههههههههههه :laugh:




اخوكم

blade

[الوردة البيضاء]

هههههههههههههههههههههههههههههههههههههههههههههههههه ههههههههههههههههههههههههه

الله يغربل بليسكم والله اتوقع لو كنت مكانك اخويي (مالديني) على هالموقف المحرج جان من الفشيلة صار وجهي
بنفسجي او احمر او اخضر متقلب ههههههههههه والله اشياء تصير لكم ما تخطر على البال ما اتمنى في يوم اكون مكانكم لانه اني وحدة امووووت خوف من هالمواقف بس للاسف اني ما عندي مواقف تضحك او الله يكفينا شر المواقف المحزنة والمحرجة
الوردة البيضاء

[Jasmine]

أكثر موقف مضحك ..
كثيرة هي المواقف المضحكة ..
أقلها يوم تتعرقل معلمتنه من على الطاولة وهي ما شاء متييينه ..
ما سوه فيها البنات سواياا !!

أكثر موقف أبكاني ..
وفاة أمي العوده الله يرحمها ..

أكثر موقف محرج ..
يوم نروح العمرة ..
بنطلع من الفندق مال مكه .. وكنت حاملة أشياء واجد في ايدي ..
فحطيت المفتاح في الجيس اللي عندي ...
طلعنه .. وركبنه الباص ..
والأغراض كلهم دخلوهم في الباص ..
نقعنه في الباص ..
الا جايين يقولون منهو ما سلم مفتاحه ..
أني مفهية ومحد رد ..
راحو استكشفوا وجوا يسألون عن رقم غرفتنه ..
يقول ليي أخوي وينهو !!
اقول ليه ما ادري ..
نزلت ووياي أخوي وصاحب الحملة والرجال اللي ويانه ..
فتحوا وقمت ادور في شطنتي ..
آخر شي طلعته من الجيس قدامهم :sweatdrop
صار وجهي طماطيه ..
قاموا يتطنزون عليي :bomb:

وتعلمت من هالسالفة ..
يوم طلعنه من المدينه اول ناس سلموا المفتاح احنه

[maldini]

السلام عليكم

شكراً على الردود والتفاعل

واقول الى اختيJasmine " تعيشين وتاكلي غيرها:D

[مهمـ((زمانها))ـومه]

السلام عليكم إإ


1. موقف مضحك: في واجد بس ما اذكر خخخخخخخخخ

2.موقف محرج:ما صادني ولا مرة اشوه

3.موقف ابكاني: وفاه اخويي


تحيااتي \ مهموومه زمانها :inlove: