[تقوى القلوب]

شكرا اخي السلم على الرد :blush-ani
وان شاء الله تعجبك باقي الاجزاء

::الجزء الثاني::

طبعا تدرون ان وفاء وحنان مخططين على إنهم يروحون السوق عشان يتشرون ومافي احد غير علي الا مخططين عليه انه اهو يوصلهم
وفاء بدلع:علاوي ممكن اطلب طلب؟؟
علي وهو مندمج مع التلفزيون:لا
وفاء: بل حتى ما سمعت شنو الطلب على طول لا
علي: انتي وحده فاضية غير طلعاتج مافي
وفاء بحزن: يالله عاد علاوي طلبتك لا تردني
علي: قلتلج no
وعلى طول نطقت حنان: يالله عاد علاوي بس اول مره وآخر مره
علي وهو يطالع حنان .. يا بعد عمري محلى اسمي على لسانج قالت علاوي يااعيني بس بأصراره المعتاد: no يعني no
حنان: مو حافظ الا هالno
علي بكل غرور: كيفي تبون اوديكم عطوني 5 دينار والا مافي
وفاء: صج بخيلوا 5 دينار الى من الى المدام؟
علي: وأنتي شعليج لا يبه الى الآنسة
خلص مسلسل علي إلا كان مدمج فيه بسبب هواشهم ونحاسهم
علي: زين يعني ما خليتونا نطالع المسلسل يالله بسرعة لكم 5 دقايق وأنا انتظركم بره جهزتوا كان بها ما جهزتوا أنا ماشي

وعلى طول جهزوا لانهم متعودين على نحاسته فهم مجهزين أعمارهم قبل لا يقولهم بالخمس دقايق

وراحوا المجمع وقاموا يتشرون ويوقفون عند كل محل ولا فوق الساعتين واخرتها ما يشترون شي بس كان علي متحملهم لانه مستحيل يخلي خواتة بروحهم في هالاماكن

حمود: بل خيبة هذي وين ما نكون اهي ورانا
خالد هو يطالع يمين ويسار: من هذي اكيد سعادوو الا مو مخلتك في حالك هههههههههههههههه
حمود: لالا هذي الا ام لسان
خالد وهو متعكر مزاجه: يع هذي هني اطلع من المجمع احسن لي
حمود: شفيك انت نسيت المخططات
خالد وهو يبتسم بخبث: أيه والله نسيت يالله هلم بنا الى المعركة
وضلوا يتطنزون ويضحكون

خالد راح تقرب منها: ايه واايد حلو ذوقج الصراحة
وفاء بأستغراب: انت ؟؟
خالد: لا اهو
وفاء بعصبية: اذا ما تتباعد من هني بنادي على اخوي الحين ها فلو سمحت انت ما ترضاها لنفسك صح والا لا يالله فارج من هني
خالد: ما ابتعد عنج الا وانتي عاطتني رقمج
حمود سحب ذراع خالد وبخوف: خلووود تعال هني شوي
خالد: شنو شصاير؟
حمود وهو يتكلم بصوت واطي: هذيلا خوات علي ولد حسن النجار يالغبي
خالد: احلف!!.. مالت عليك يالغبي
وعلى طول جى علي تحت خالد وحمود لانه حس انه في شي صاير
علي: هلا والله بالربع هلا والله شلونكم؟؟
حمود وخالد: هلا بيك حبيبي بخير نسال عنك يالقاطع
علي: شسوي الشغل مكسر ظهرنا وحابسنا في البيت وانت شخبارك يا خلود العلاج استفدت منه؟
خالد: أي الحمدلله تعالجنا وفكينا عمرنا من هالمرض الله يشافي الجميع منه
حمود وعلي: إن شاااء الله

لحسن حظ خالد وحمود ما شاف علي الا صار والا جان راحت عليهم حنان سحبت وفاء بعيد عن الشباب
حنان بخوف: بل راحت علينا وفوي الحمدلله ما شافنا اخوج
وفاء: وانتي ليش خايفة اصلا اهم الغلطانين مو احنى وياريت شافهم بعد وذبحهم من الضرب
علي راح لوين ما كانوا البنات واقفين: وفوي انا بقعد مع الشباب في الكفتيريا اول ما تخلصون سوي لي مس كول اوكي؟
وفاء بغضب: كيفك روح الى المغازلجية قصدي الى ربعك الموقرين
علي استغرب من تصرف وفاء وطالع حنان بس حنان اشرت له انه يسكت بعينها وابتسمت له ورد لها الابتسامة الذباحه
حنان على طول مسكت يد وفاء بعصبية : انتي شفيج بتفضحينا الحين اذا عرف علي بصير الضرب وانا مافيني اطالع فلم هندي ها
وفاء واهي تضحك على اخر كلمه قالتها: أي والله امشي نروح نكمل شغلنا بلا افلام هندية

راحو الشباب مع بعض وقعدوا يشربون كوفي وهم يسولفون
حمود يطلع سجايرة ويعطيها لعلي : تفضل حبيبي
علي واهو يبتسم: مشكور حبيبي ما اشرب
حمود: أي اكيد المدام ما ترضى
خالد وعلي في نفس اللحظة: ههههههههههههههههههه
حمود الملقوف الا ما يعرف يسكت: الا من هذيلا البنات الا معاك؟؟
علي: وحده اختي فيهم والثانية رفيجتها
خالد يسوي عمره انه فهم السالفه وهو يهز راسه: ايييييي قول حبيبة القلب موب رفيجتها عيل في احد يصبر على تشري البنات..
خالد ضرب حمود على راسة: انت ما تستحي وهذا الا اهو رفيجك يا مسود الويه
علي ما تكلم بس قال بينه وبين نفسة مو بس حبيبة قلبي هذي الهوى الا اتنفسه
حمود وهو معصب ويتكلم بغرور: وانت شعليك كيفي انا واخوي كيفنا فاهم لا تدخل لو سمحت في اسئلة الامتحان الا احطها فاهم
علي قام يضحك عليهم هم من أيام الثانوية وهم كله مع بعض هالاصدقاء بس اهو ابتعد عنهم لأنه بعض تصرفاتهم ما تعجبه

مرت ال6 أيام بدون حادث يذكر كان أول يوم لهم في الجامعة الكل كان نشيط والمكان فوضى البعض منهم يروح محاضراته والبعض يدور السكشنات والمباني.. خاصة إلا أول سنه يدخلون الجامعة فهم طرشان في الزفة
دخلت وفاء وحنان سكشنهم وقعدوا على الكراسي القبل الاخيره بسبب الضغط الموجود ودخلوا من بعدهم شلة صبيان وكان من بينهم ثنين اكيد عرفتوهم ما غيرهم محمد وخالد الا حتى اهم انصدموا
خالد على طول سحب ايد رفيجة وراح ورى وفاء وحنان عشان يقهرونهم
وفاء: اففف هذيلا ما يستحون على ويوهم ابد الظاهر
حنان: طنشيهم انتي شعليج منهم الحقران يقطع المصران حبيبتي
حمود قرب لهم وهو يعاندهم: اقول انتوا كل مكان نروحه ورانا لا فوق هذا ماخذين محاسبة مثلنا
وفاء وحنان طنشوه ولا كانهم يسمعونه
خالد ضحك على رفيجه وغمزة له بعينه: اوريك شبسوي فيهم
دخل الدكتور وعم السكوت عليهم كلهم وكأن الطير فوق راسهم

الأستاذ هندي: سلام عليكم سباب سابات
وكلهم ضحكوا علية وردوا علية: وعليكم السلام حجي بو سابات

وابتدى الشرح من اول يوم مرت اول ساعة بسلام والكل بين الضحك والمزح ومشاركات الطلاب للأجابة على اسئلة الاستاذ والساعة الثانية ابتدى الجد وكان الكل ساكت والكل كان دايخ الا يبي ينام والا متملله والا يكتب لرفيجة في ورقة ويطرشها وهكذا

خالد وحمود كان النوم مسيطر عليهم وحمود يبي يقهر وفاء وحنان وقاعد يفكر ويفكر ومره وحده ابتسم لخالد الا استغرب منه
وهمس في اذنه وبعد لحظة كتبوا في ورقة كلام وقطوه في حظن حنان

فتحت حنان الورقة وقرت الا فيها: ان طال الظلام لا بد للضوء في يوم من ظهور
طرشتها لوفاء الا قرتها وطنشتها
كتبوا ورقة ثانية وقطوها على وفاء هالمره
فتحتها وقرت: أنتي يالمغرورة يا ام لسان بنزل راسج في الارض
وعلى طول سحب الاستاذ الورقة من ايدها واهي ارتبكت
الاستاذ: الله الله شنو هالهرب الباردة بينكم ازا مافي انتباه في يطرد بره هالاً
وفاء ما استحملت وطلعت بره وهي تصيح من قلب ولحقتها حنان
وخالد وحمود تصافقوا بالأيادي وهم يضحكون على الانجاز العظيم الا سووه اليوم

ياترى تتوقعون شنو يصير ؟
ارائكم وتوقعاتكم