اهلا وسهلا عزيزتي بنت العريبي
اسعدني تواجدك وتشجيعكِ لي على المواصلة
وتكرم عينش يالورده هذا الجزء الثالث
--------------------------------------------------------------
الجزء الثالث
وفاء طلعت من السكشن وهي تصيح من تصرف هالاثنين الا اعتبرتهم وفاء المرضى النفسيين
حنان وهي تلمها: بس خلاص وفاء شعليج منهم هذيلا الهبلان
وفاء وهي تصيح وتشهق في كلامها: هذيلا ما حصلوا لهم اهل يربونهم وآنه سكت عنهم واايد
حنان : صلي على النبي وفوي ولاعليج منهم ومثل ما قلتي موب مربيين الحمدلله والشكر يالله عاد مسحي دموعج الغالية ترى كل شي ولا هالدموع فديتهم والله
وفاء ابتسمت: اوكي .. بتدخلين المحاظرة ؟؟
حنان: على كيفج حبيبتي والله الافضل نهرب مليت منه ابو سابات نفخ راسي واهو يشلخ واايد
وفاء ضحكت على حنان الا بعفويتها الوااحد يضحك على كلامها
كملوا محاظراتهم بسلام وماحاولوا يدخلون اخر ناس عشان ما يكونون تحت خالد وحمود
وفي اخر محاضرة كانت في بنت قاعدة بروحها والكراسي فاضية وباين عليها وحيده وطيوبة لدرجة
حنان وفاء: سلام عليكم
البنت: وعليكم السلام
وفاء: محجوز هني؟؟
البنت واهي تبتسم : لا حبيبتي مافي احد تفضلي
وفاء: مشكورة عمري
بعد ما خلصوا المحاظرة الكل طلع واهو مستانس لانهم اخر ناس يطلعون من الجامعة وفاء وهي تصفق: واييييييييي فتكينا مابغينا
حنان والبنت: ههههههههههههههههههههه
حنان: وراج باجر دوم الحمدلله والشكر الله يثبت عقلج بمسامير
وفاء: مسامير مخج
حنان: لا مسامير خالي حجي حسن النجار خخخخخخخخخخخخ
وفاء: لاتغلطين على ابوي ها لا الحين اصفقج بطراقين
حنان: لاصج بس طراقين لالا والا يخليج زيدهم
وفاء وهي شوي تضرب حنان بس هربت حنان بعيد عنها قبل لاتحصل لها الضرب
وفاء وهي تكلم البنت: ما عليج منها هالخبلة الا ما قلتي لي شنو اسمج؟
البنت: نوراء وانتي؟؟
وفاء: ياهلا فيج اخت نوراء آنه اسمي وفاء وهالخبلة حنان
نوراء: تشرفنا
وحنان : آنه خبلة وانتي ساكتة عنها نوراء وآنه الا شادة فيج الظهر مالت عليج ( واهي تصفق اياديها بعظهم بطريقه مالت عليج)
نوراء: بالعكس يالخبلة من أهم الصفات إلا لازم تتواجد في الانسان الخبل
حنان وهي رافعه كتافها وراسها: أي فعلا كلامج صح علمي الا تحتج
وكملوا سوالفهم لين ما وصلت الحافلة الا تركبها وفاء وحنان لانهم من نفس القرية بس نوراء في حافلة ثانية وتواعدوا باجر على انهم يجتمعون مع بعض
وصلت الحافلة في محطة القرية ونزل الجميع
حنان: تعالي معاي البيت
وفاء: لالا تعبانه واايد
حنان: يالله عاد آنه كله في بيتكم وانتي بطلعة الروح تمريني وبلغلط بعد
وفاء : مره ثانية حبيبتي ولا يهمج يالله مع السلامة
حنان تمثل الزعل: الله يسلمج
وفاء: يالله عاد بلا زعل علينا يالحلوة ما نقدر على زعل الهبلان
حنان وهي تضحك: اهبل ريلج يالله باي
وفاء: باااي
وصلت وفاء البيت بعد ما مشت 10 دقايق من المحطة الى بيتهم
وركبت الطابق الثاني الا فيها حجرتها قبل لا تدخل حجرتها تراجعت بعد ما سمعت ضحكات أختها داخل الحجرة الثانية الا جنب حجرتها وعلى طول دخلت بدون ما تستأذن
هاجر من شافت اختها على طول سكرت الكمبيوتر: هي انتي شفيج داخله على زريبة طقي الباب
وفاء وأهي تتصنع الابتسامة: مع من تتكلمين هجورة؟
هاجر بتلعثم: كنت اتكلم مع ربعي يعني من غيرهم؟
وفاء:اها اهم شي تحطين بالج لاحد يقص عليج حبيبتي
هاجر إلا اعتادت على كلام اختها الا كل مره تذكرها فيه: ان شاء الله لا تخافين وفوي افا عليج آنه هجورتج
ابتسمت وفاء: ها ذاكرتي ؟
هاجر بكل ثقة: أكيد ما يبلها سؤال
قاموا يسولفون مع بعض ولا خلوا ايام المدرسة ولا اصدقائهم الا وطروهم لمده ساعة كاملة سوالف وبعدها طلعت وفاء عشان ترتاح شوي وتصلي
وفاء واهي تتكلم مع نفسها في الحجرة بعد ما اختلت بنفسها وانسدحت على السرير:ليش أول ما دخلت سكرت الكمبيوتر مو من طبعها هجورة يمكن وآنه داخلة كانت اهي بتسكر بس كان الخوف في عيونها فاضحنها لالا هجور مستحيل تسوي شي غلط امممم بس آنه لازم أراقبها ترى الانترنت ما منه أمان وهذي اختي لازم اطمن عليها بين فترة والثانية
بينما وفاء تتكلم مع نفسها والافكار تلعب في مخها راحت في سبات عميق لو لا صوت الاذان الا وعاها
وعلى طول دخلت الحمام وغسلت ويها وتوضأت عشان تصلي وابتدت في الصلاة وخلصت وسجدت لله شكرا كالمعتاد
سمعت طرقات الباب ودخل عليها ابوها : غفر الله لكم حبيبتي وفوي شلونج؟
وفاء تلم ابوها: لنا ولكم يوبا آنه بخير شلونك أنت وحشتني صار لنا أسبوع وأحنى ما نشوفك وكل ما نسال الوالدة تقول أنت في الورشة
ابو علي: شسوي يابنيتي كله شغل هالايام ادري اني مقصر عليكم وايد بس ان شاء الله اعوضكم
وفاء: لا يوبا شدعوه عاد عاذرينك وندري انك تكد عشان راحتنا احنى الا مقصرين معاك يابعد عمري ابووي.. امم آمرني يوبا في شي تبي تقوله؟؟؟
ابو علي وهو يمسكها من أذنها بخفه: طول عمرج تفهمين لي أي يا وفاء آنه ابيج في شي أنتي كبرتي يا بنتي وفي وااحد يبي يخطبج
وفاء من طبعها ما تتكلم الا لما يخلص الطرف الثاني كلامه: انزين!
ابو علي وهو يكمل كلامه: وانتي تعرفينه زين من هذا الا يبي يخطبج
وفاء باستغراب: اعرفه؟ من هذا؟؟
ابو علي: ولد عمج أحمد اهو صح كبير عليج بس اهو ريال ونعم الرياييل وانتي تدرين عنه
وفاء واهي معصبة: يوبا انت تدري فيه اكبر مني عمره 28 سنه وآنه 18 سنه يوبا يعني اكبر مني بـ 10 سنين
ابو علي: بس المهم انه ريال ينشد فيه الظهر وهذا ولد عمج
وفاء: ولانه ولد عمي احطم مستقبلي انت تدري فيه معارض للبنت الجامعية وافكاره غير عن افكاري
ابو علي: آنه كلمته بشأن الجامعة واهو ما اعترض لهشي بالعكس واذا كنتي خايفة راح نخليها في شروط العقد
وفاء واهي تصارخ: قلتك يابوي مستحيل يعني مستحيل ما اجازف بحياتي عشان وااحد امس يقول أي واليوم لا وما يندى عن باجر
سمع علي صراخ اخته وعلى طول دخل ولقاها تصيح واهي واقفة وابوه قاعد على السرير منزل راسه باستسلام
علي: شصاير ليش تصيح وفوي يوبا
وفاء على طول تكلمت: ولد عمك احمد يبي يتزوج وما لقى احد غيري يحط عينه عليها
علي وسعت عيونه بأ
ستغرب: انزين شفيه ولد عمي احمد ليش معارضه انتي؟؟ ( واهو يسمح على شعرها)
وفاء بنظرة رجاء لاخوها عشان يساعدها: انت تدري فيه علوي اهو ما يبي وحده جامعية صح والا لا؟ وآنه اتمنى اكمل دراستي وانت تدري فيني
علي وهو يأيد اخته: إيه يوبا اهو ما يحب شي اسمه جامعه ويعتبرها خراب للعقول
ابو علي: بس اهو كلمني وقال لي انه عادي اذا كانت رغبتها تكمل جامعة بس احنى راح نخليها من شروط العقد ما راح يقدر يسوي شي
علي:لا يوبا انه من جم اسبوع كنت اسولف معاه وقال انه مستحيل ياخذ وحده جامعية وان ما حصل له وحده تعجبة بيرضى في الجامعية لين ما يتزوجها ويخليها تتركها غصبا عنها
ابو علي : اذا هذا قولكم خلاص اهو في طريق وأحنى في طريق وانتي بس عاد يا دلوعة ابوج لا تعورين قلبي جذي
ابتسمت وفاء وكانه هم ونازح عنها: احم احم اعور قلبك الحين ولا بعدين تشوفني فقيرووة ما عندي احد
ابو علي يضرب بته على كتفها: ما عاش من خلاج بروحج وحيده كلنا لج يا بعد عمري
علي: احم احم نحن هنا
ابوعلي وهو يضحك: وحتى انت يابعد عمري ما عاش من خلاكم وزعلكم في هالدنيا
يا ترى شنو راح يصير بين وفاء وخالد ؟؟
وهل تتوقعون شك وفاء في محله أم مجرد خوف؟؟
وعلي هل بتطور علاقته مع حنان والا شنو؟؟