شكرا لك عزيزتي العاصفة
واتمنى ان ارائكم مجددا بين صفحتي لتشجيعي :cloud9:
::الجزء الرابع::
مرت الايام لوفاء في الجامعة والبيت كالمعتاد خالد ومحمد يحاولون ينرفزونها بس بدون فايده لأنها ما تعطيهم ويه ففشلت كل مخططاتهم
في الجامعة انتهت محاضرة بعد معناتهم من الدكتور واذن الظهر والكل راح يصلي والبعض راح ياكل قبل الصلاة وخالد ومحمد خلصوا من الصلاة وتوجهوا الى الكفتيريا وتقابلوا مع وفاء وحنان ونوراء
خالد: هلا بالوووووووووووورد
حمود يكمل : انا اشووووووووف المكان منووور
خالد بأعلى صوته: الا القمر نازل من السماء
مجموعة من الشباب سمعوا الكلام وكملوها بصراخهم والتصفير والتصفيق: ويييييييييييييييييييييييييو..ويييييييييييييييييييي و عااااااشوا
وفاء وحنان طالعوهم بنظرة احتقار وكملوا طريقهم إلى المصلى
وفاء وخدودها شبت نار وبصوت واطي: سخيفين
حنان بقهر وبرصه اسنانها: مالت عليهم التافهين القليلين الادب
نوراء تبتسم وضاربة الدنيا جوتي:شعليكم منهم هالطايشين
وتوجهوا إلى المصلى ..
----------------------------------------------------
علي وصل البيت وتعبان وهو يطلع على كيفه بعض الأحيان لأنه يشتغل مع أبوه في الورشة..علي دخل المطبخ على طول فتح الغدى يكشف عليه كالعادة
علي: اممممم الريحه تكفي يمه
أم علي تضحك على ولدها: حبيبي ولدي روح غير ثيابك وتعال تغدى
علي: لا يمه بنتظر الكل عشان اتغدى معاهم
ام علي: دام جذي ياولدي آنه عندي كلام معاك واتمنى ما تردني
علي: افا الغاليه عندها كلام معاي موافق قبل لا تفتحين الموضوع ولو تبين عيوني بعد انتي تآمرين امر يا بعدي عمري
ام علي قعدت على الكرسي وعلي قعد بجنبها: ياولدي آنه كبرت وما ادري اعيش لمتى ودي افرح بعيالك قبل ما تفارقكم عيوني
علي: الله يطول لنا عمرج يا يمه (سكت علي وحس انها مختارة العروس) والمطلوب؟
ام علي: بنت خالتك مريم تناسبك وما شاء الله عليها جمال وأخلاق وانت ولد خالتها وأولى فيها من الغريب
علي موب عارف شنو يقول: بس يمه انا ما اعرفها وايد ولا فكرت إني اخذ وحده من بنات خالتي
أم علي: انت خذها الحين وراح تشكلها على كيفك بعدين وانه كلمت خالتك وهي بتاخذ راي بتها الليلة ..ها شقلت؟
علي انصدم لا ومخططين لكل شي وماخذين راي البنت بدون ما ادري: لا ما ابيها يمه
ام علي عصبت: كلمت آنه خالتك وخلاص بس اكيد في وحده في مخك بس شوف اذا ما تاخذها لا آنه امك ولا تعرفني زين..بتفشلني انت ( وطلعت من المطبخ )
علي غطى ويه بأيده وتنهد بعمق: ياربي ساعدني
وتذكر حنان وحبه لها وفي نفس الوقت اتصلت اخته وفاء تطلب منه يرجعها البيت وعلى طول طلع من البيت لانه حس انه لو قعد اكثر راح يموت
وصل علي الجامعة وأخذ اخته وحنان الا يات معاهم وطول الدرب واهم ساكتين وحست وفاء ان اخوها حزين ... وصلت حنان بيتهم ونزلت من السياره
حنان:مشكورين على التوصيله نخدمكم في الافراح
وفاء ابتسمت لرفيقتها: حاضرين يالغاليه
بس علي ماتكلم ونزل راسه لانه جملتها نزلت مثل الصاعقه عليه فهي ضربت على الوتر الحساس وتضايق اكثر واكثر وابتعد عن بيت حنان بسرعه وكأنه يهرب خوفا من ان تفضحه دموعه
وفاء ماقدرت تسكت اكثر:علاوي شفيك احسك متضايق؟؟
اه ياوفوي لو تدرين شفيني بس...:ولاشي بس تعبان
بس وفاء اكثر وحده تعرف لاخوها فهي اكثر من اخته هي مخبأ اسراره واحزانه وافراحه وكل شي من يوم هم صغار...
وصلو البيت والكل كان على طاولة الغدى ماعدا علي الا اعتذر منهم وامهم ولاول مره تطنش ولدها...وفاء ماتحملت اكثر وراحت لأخوها ومعاها غداه
طرقت الباب وجى صوته:ادخلي وفاء
وفاء ابتسمت: تعرفني ها على طول فاهمها ومطيرها يالله يادلوع اختك اكا الغدى وصل لعند ريلك قوم تغدى بسرعة
علي انسدح على السرير: ماابي شبعان
وفاء بنص عين:علاوي حبيبي يقول شبعان مستحيل
علي بأستخفاف: شايفتني تايد مافيش مستحيل
ضحكت وفاء على اخوها وعم الصمت في الحجرة وبعد دقايق معدوده راحت وفاء الى اخوها وهي تمسح على شعره الناعم
وفاء: شفيك حبيبي بوحسون زعلان؟؟؟
نزلت دمعة من علي وجعت قلب وفاء:يا وفاء امج رسمت لي حياتي على كيفها وانا احلامي كلها طارت بدون ما ادري
وفاء بصدمة: شلون؟؟ شصاير؟؟
علي وهو يغطي ويهه في الوساده:بيزوجوني مريم بنت خالتي بعد ما اخذوا موافقتها قبلي يا وفوي ( وابتدى علي يقول السالفه بين دموعة وآهاته)
علي وهو يصارخ:يا وفاء شذنبي شسويت في حياتي عشان الله يعاقبني.. استغفر الله ياحبيبي ياربي سامحني اذا غلطت سامحني وهو يصيح بحرّه قلبه وعلى فقدانه الحب الا ما اكتمل
وفاء: استغفر ربك ياعلي شهالكلام وانت الا اكثر واحد فينا مؤمن بكتبة الله ..موب على كيفهم يحددون مصيرك
علي:موب مني امي خططت لكل شي وبدون علمي.. أنت تشوفينها مناسبة لي؟؟ يا وفاء مستواها العلمي موب مكمله حتى ثانوية عامه وانا سنتين جامعة بس شلون راح نتفاهم ثانيا هي صغيره 17 سنه وانا 21 سنه ياربي شسوي؟؟
وفاء وهي تحاول تهدئه : تذكر كلام ربك "وعسى ان تكرهوا شيئا وهو خير لكم"
علي هدئ شوي: ونعم بالله.. وفاء انتي تدرين فيني مااعصي امي في شي ولا حتى بكلمه تعودت منها هي تفصل وانا البس بس اليوم غير هي تتمناني لمريم وانا احب حنان
وفاء حست نفسها عاجزة بس لازم تتحرك: ولايهمك بكلم امي وابوي بقنعها بمساعدة ابوي ان شاء الله
نزلت وفاء وتكلمت مع امها وزادت امها في صراخها وزعلها وعنادها اكثر واكثر
ابوعلي: بس الولد ما يبيها شفيج انتي؟
ام علي:وياهم انت يعني ها خلهم ينفعونك وكلموا اختي آنه ما بفشل روحي معاكم زين ..وطلعت من الصالة وراحت حجرتها
ابو علي: ما عليج منها بتصل في خالتكم وبتفاهم معاها
وفاء باست ابوها: تسلم لي يا اغلي ابو في هالدنيا يا بو علاوي
ابو علي ضحك على برأتها: اصغر عيالج ابو علاوي
وفاء وهي طايرة لغرفة علي: لا وأحلى أولادي بعد
وفاء دخلت حجرة علي بسرعه هو تفاجئ:علاوي خلاص ابوي بكلم خالتي
علي مستانس: الله يبشرج بالخير ..صدق؟؟
وفاء: أي أي عيل اطنز معاك يالله وين لسنكرس
علي: وانتي ذبحتج لسنكرس؟؟ بشتري لج بعدين.. بس وفوي خالتي عنيده
وفاء: موب عنيده على حسن النجار خخخخخخخخخخ
ابو علي طلع من البيت وراح لام مريم ودخلته الخدامة داخل الميلس وقعد ينتظر ام مريم لانه ابوها الله يرحمه توفى من 6 سنين ودخلت ام مريم ورحبت فيه
ام مريم: ياهلا والله بو علي شلونك؟؟؟
ابو علي:هلا والله فيج ام مريم.. الحمدلله بخير.. وانتي شلونج وشلون لعيال؟؟
ام مريم: بخير الحمدلله كلنا بخير
ابو علي: اكيد انتي عندج خبر بسالفة خطبة علي لمريم صح؟؟
ام مريم: أي نعم وهذا شرف لنا
ابو علي كمل: بس يا ام مريم الولد موب موافق والزواج قسمة ونصيب
ام مريم قاطعته: آنه كلامي مع ام علي وقالت موافقه وآنه عطيت بنتي كلمه وخلاص و ام علي عطتني كلمة ودامها تراجعت عنها هي بنفسها تجي تقول لي ..
ابو علي: يا ام مريم لعيال موب لعبة عندكم تخططون لهم على كيفكم
ام علي قاطعته: قلتلك هذا الكلام بيني وبين زوجتك واسمح لي انا رايحة والبيت بيتك روح متى ما تبي
ابو علي تفاجئ من طريقتها طرده عيني عينك وما تحمل اكثر وطلع...
شنو توقعاتكم علي بيوافق لكسب رضى الوالدة وألا بيعصيها عشان حبه لحنان؟؟