اهلا وسهلا اخوي خادم الحسين
مسلسل حلوه هههههههههههه 
ومشكور اخوي على التشجيع وان شاء الله تعجبكم الاجزاء الباقية
وشكرا لكِ عزيزتي لمن يتوسد الشوك على تشجيعكِ الدائم لي لاحرمني الله من وجودكِ :D
::الجزء السادس::
حس خالد بأيد تمسك كتفه وانصدم يوم تلاقت عيونه بعيون محمد وعلى طول تعانقوا والكل كان يطالعهم ويصيحون بحرقة مثلهم لرب العالمين عز وجل وبصوت ما يسمعه احد الا لما يتقرب منهم
خالد وهو يعتصر من الألم: يا محمد لمتى بنكون جذي الله سبحانه وتعالى اليوم حسسني بآياته إنه يحبني واايد وانه لازم ننتبه لاعمالنا.. لمتى بنبقى جذي نعصيه.. في أي لحظة بنفارق هالدنيا ولا بينفعنا لا لعب ولا شي غير أعمالنا
ومحمد مغطي وجه بايدينه:يارب سامحنا.. يارب سامحنا
وظلوا على هالحاله وهم يصيحون لين هدئوا وحسوا بالراحة الا انبعثت في نفوسهم
وطلعوا من المصلى وفي ممر المستشفى كان خالد حالته تعبانة وفي نفس الوقت حاس بفرح وراحه بس متحمل وما بين لحد انه ضعيف
خالد: أنت شدراك إني هني؟
محمد:اتصلت فيني أمك وقالت لي انك هني وقالت لي ايي عشان اطمنها
خالد: اها
وصلوا الغرفة إلا فيها أبوه وشاف الدكتور واقف مع أخته وعلى طول تقرب منهم
خالد: هلا دكتور.. طمني على الاشعة
الدكتور: انت ولده الكبيرة.. صح تعال معاي شوي
وراحوا بعيد عن خلود ومحمد وخالد طالعهم بنظرة تطمنهم وابتسم وهو من داخله خايف
الدكتور: حال أبوك ما يسر يا ولدي انت تاخرت واايد
خالد ابتلع ريجه بصعوبة: شلون؟؟
الدكتور: ياولدي ابوك فية مرض الخبيث في المخ للاسف..وراح نحاول نعالجه باسرع وقت
خالد نزلت دمعه ساخنة على خده لا اراديا والدكتور يتكلم ويشرح وخالد في عالم ثاني وما انتبه الا ويد الدكتور على كتافه
الدكتور: بس خل إيمانك بالله قوي.. وراح الدكتور عن خالد وقعد خالد يطالع اخته ومحمد بحيرة شنو يقول لهم
----------------------------------------------------------
علي من بعد الكلام إلا سمعه الليلة ما عرف ينام هاجر مو معقولة تتكلم لحالها وثانيا ما تسهر لساعة وحده الليل وفكر انه لازم يكلم اخته وفاء لانه شاك فيها من فترة تصرفاتها صارت غير وتعب من التفكير ونزل تحت يشرب ماي ويطلع يشم هواء شوي
دخل المطبخ وتفاجئ من الشخص إلا قاعد في الظلام وفتح الاضواء
علي: يمه .. شفيج قاعده بروحج؟
ام علي بدون لف ودوران: صار لك اسبوع وشي ماعرفت قرارك بالخطبة ؟؟
علي تملل وبحركة سريعة طلع من المطبخ وامه راحت وراه ومسكته من يده
ام علي: شوف يا علي انه ادري فيك تبي حنان بس هي مو لك ولا شي فاهم هي محجوزة لغيرك
علي انصدم من الكلام: يمه شتقولين؟
ام علي: الا سمعته يا ولدي
وظلت الام تشجعه على انه ينسى حلمه الوردي وياخذ بنت خالته إلا ما يعرف عنها شي غير اسمها وبعد ساعة وشي
ام علي: ها شقلت حبيبي؟؟ عشان خاطري ورضاي عنك وافق
علي بدون وعي: موافق
وراح عن امة فوق بيتهم السطح وظل لصلاة الصبح يفكر ويصيح على حبه الا رباه بحنية من سنين بينه وبين نفسه ولام حنان على عدم وفائها
علي: بس ليش سويتي جذي يا حنان تجذبين عليّ؟..بس انتي مالج ذنب أنتي شدراج عن حبي لج ..بس انا لازم أنساج والله يسعدج مع الا بياخذج يا حظه لحق عليج قبلي
وأم علي من طرف ثاني ما شالتها الدنيا من الفرحة وراحت نامت وهي تترقب الشمس تطلع عشان تتصل في أختها تبشرها ونست ولدها وحزنه
----------------------------------------------------------
ظهرت الشمس بنورها ونشرت نورها في كل زاوية على الأرض وكأنها تدفيها من ليلة باردة بعضهم نام ليلته بفرحه وبعضهم بحزنه وألم في قلبه
في الجامعة حنان وفاء ونوراء يراجعون للكويز وراحوا السكشن عشان ما ينسون عمرهم
نوراء: وفوي اليوم عاد غششيني أي لحظة تحسين الدكتور مفهي غششيني
وفاء: لا يبا مستحيل.. انه ما مداني رفعت راسي طالعني بنظرة شك
حنان وفاء:ههههههههههههههاي مالت عليج انتي عاد تخافين موت حتى وانتي مو مسوية شي تخافين
وبعد شوي الكل دخل السكشن وقدموا لكويز وفي نص الكويز دخل محمد وملامح وجه تعبانه وباين علية ما نام طول الليل وهو يلهب ويتنفس بصعوبة
محمد: سوري دكتور تأخرت لانه
وقاطعه الدكتور: اطلع بره انت متى انتبه لمحاظرة من محاظراتي ولا ولكويز متاخر بعد اطلع
محمد: أنت اسمع سالفتي بالأول بعدين قول اطلع
الدكتور وهو معصب: قول بسرعة
ومحمد قال له السالفة كلها وانه خالد بعد ما يقدر يجي والسبب مرض ابوه المفاجئ والدكتور حزن وكسر خاطرة وقال لمحمد يقدم لكويز مره ثانية مع خالد
وبعد ما خلصوا وفاء ونوراء وحنان طلعوا وراحوا المكتبة
حنان: لكوز صعب الله يعينا في النهائي
وفاء: شوي صعب موب وايد
نوراء: مسكين كسر خاطري محمد طرده الدكتور مع انه مو من حقه
وفاء: زين يسوي فيه ولو انه كسر خاطري شوي
حنان: باين عليه صايده شي جايد ويهه تعبان
وفاء: بس خلاص سدوا حلجكم ما أحب اسمع عنهم
-----------------------------------------------------------
خالد وخلود من بعد ليلة طويلة راحوا البيت وأصرت عليهم أمهم يقول لها شفية ابوهم بس طمنوها انه مافية الا العافية وعلى طول دخلوا غرفهم عشان يرتاحون ويروحون مره ثانية لأبوهم
وخالد دخل غرفته وسبح وقرى له قران لأنه صار القران جزء منه يريحه في كل الأوقات وبعدها دخل في سبات عميق في النوم
وخلود ظلت في غرفتها تصيح وتصلي وتدعي ربها يشافي أبوها
وفجأة رن تلفون خالد وبعد مده طويلة انتبة له
خالد بصوت نايم:الوووو
الطرف الثاني: انت خالد سعيد الناصري؟؟!!
خالد: أي نعم..آ مري اختي
الممرضة: مستشفى (.......) معاك
خالد طفر من مكانه: ها.. شنو صاير؟؟
الممرضة: سعيد الناصري تعبان وايد وفي حاله حرجه
خالد: أي أي الحين ياي
وعلى طول طلع من البيت وامه حست للصاير وراحت وراه بس ما كان يحس بأي شي ولا يسمع احد غير جملة "سعيد الناصري تعبان وايد وفي حاله حرجه"
وراح المستشفى بسرعه جنونية والحمدلله انه وصل سالم ودخل قسم العناية المركزة وشاف الفوضى ممرضات تدخل وتطلع ودكاترة تتكلم مع بعض وقف عند باب غرفة أبوه وقلبة يطرب بقوة وتعانقت نظراتهم بعض وراح قبل راس ابوه وحظنه على خفيف
ابو خالد: تحمل في امك وخواتك ياخالد وخلي بالك عليهم
خالد: لا يوبا الله يقومك بالسلامة وأنت تتحمل فينا كلنا
ابو خالد مسك يد ولده بقوة: اوعدني ياخالد ابي ارتاح اوعدني ياولدي
خالد لم يد ابوه ومسكها بقوة وحطها على عينه: اوعدك يا حبيبي يابوي
وبعده ثواني حس ببروده يد ابوه ورخائها ورفع راسه وعرف انه فارق الدنيا ودخل الدكتور عليه
الدكتور: عظم الله اجرك ياولدي
خالد: اجرنا واجرك
الدكتور: للاسف حاولنا بكل ما جهدنا نعالجه بس الله كاتب علية هالشي .. بس يا خالد اليوم أبوك قعد الصبح ما في ولا شي وأخذنا له فحص وكان مافي ولا شي وبعد ساعة رجع على طبيعته وهذي من علامات المؤمن
خالد اكتفى بهز راسة وخلص الإجراءات وكانت أخته تتصل فيه بس ما رد عليها
ارائكم وتوقعاتكم 
تحياتي