ماكل مايسمع من الناس ينقال / اكثر كلام الناس مثل الدعايه
اسمع ودع تسلم من القيل والقال / ولو قلت كلمه طوروها حكايه
السر خله من ورى سبعة اقفال / راقب مفاتيح الضمير بعنايه
لاتحسن الضنات في كل الاحوال / خلك حريصا ً ولاتسوي كمايه
ماكنت افرق بين طيب وبطال / حتى جمعت من التجارب كفايه
ورتني الايام في الناس عقال / ماتنخدع بين الفتن والوشايه
ولقيت بعض الناس صاحب ومحتال / تضحك معي وتسبني في قفايه
هذا دواه البعد لو عشت رحال / حيث الردي فرقاه غاية منايه
اشيل همي في ضميري ولو طال / رجاي في اللي مايخيب رجايه
رب ٍ كريم ٍ ويبدل الحال بالحال / ويطيب جرحي من خلاي بخلايه
اخوكم الصمت الحزين