خيو اني مقررة بس أخلص امتحاناتي شهر 8 اسجل في الجامعة دبلوم تربية لاني ليسانس تاريخ ان شاء الله احس ان ويش خيو اذا تحبين التدريس واجد زين ليش اهو صعب ومجهد مثل ما اسمع المدرسات يقولونو من خلال تجاربي يوم كنت ادرس صيفي في الماتم اهي شغله متعبه خلي في بالش مهنة التدريس لكن استر شئ للبنات تقدرين بعدين تطورين من نفسش يعني تكملين ماجستير وتتنتقل الوزارة اذا حابه تدرسين في كلية المعلمين .
أولاً لا علم لي بكلية المعملين .
بس أقدر أقول أن اتخاذ الواحد قرار بأن يكون مدرس لازم يكون محب للشغلة ولازم يعرف أن المهنة متعبة نوعاً ما .. وأن وزارة التربية والتعليم فيها سلبيات واجد ..من أهمها الطائفية.. وإدارة المدرسة والمدير وحتى المدرسين ( يختلفون من منطقة لأخرى) هذا مهم جداً لراحة المعلمين وتحصيلهم على حقوقهم على الأقل داخل المدرسة ..
بس الحال يمشي بالرغم من كل شي ..
وهذا ما يعني أن مهنة العمل كمدرس في وزارة التربية مافيه إيجابيات بل إن الإيجابيات كثيرة جداً
بس حاولت أن أسلط الضوء على أكثر الجوانب سلبية ..
والتعليم كمهنة من أقدس الأعمال ، وكل المهن طبعاً إذا راعى فيها الإنسان أوامر الله ونواهيه تصبح مقدرسة بلا شك.
النقطة الثانية:
نظم المعلومات في جامعة البحرين
تخصص جيد لكن يبغي ليه همة خصوصاً في البداية
ما أقدر أعطيك تفصيل واجد عن طبيعة المواد لأني مو ذاك الزود أعرف عنه ، بس أعرف واحد من الشباب هذا تخصصه هالكورس بيتخرج لو تخرج بعد ما ادري !
عموماً بس بحسب معلوماتي البسيطة ( ويمكن اكون مو دقيق أو غلطان) يمزج بين الإدارة والبرمجة والزبدة مالت التخصص في كل التخصصات تتطلع في النهاية .
في البداية تحس أنك تاخذ أشياء ماليها معنى ، بس بعدين تعرف فايدتها واهميتها
وعموماً جامعة البحرين قوية ، بس عاد يقبلونك ما يقبلونك ..الله أعلم
مشكورين على النصائح والمعلومات
المشكلة ان ما في شي في بالي محدد و الي ابيه ما اقدر اوصل اليه ((( طب اسنان )))
صدق ان تخصصي علمي بس المعدل مو داك الزود (جيد جدا) مشكله عويصه
و الخيارات الي موجوده محدوده وبنفس الوقت صعبه جدا
يعني اصعب قرار اتخده والي تترتب عليه حياتي كلها
الحياه صعبه
ادا احد يعرف تخصص سهل و مضمون يقول لي و بسرعه علشان اقدم اوراق الجامعه بأقرب وقت ...
مشكورين
ملكة عالي
1-جامعة البحرين:
ولكن هل يمكن أن تقبلك في التخصص المطلوب؟
لا أريد أن أحبطك ولكن إذا كان المعدل كما تقولين ، فغير كلية العلوم التطبيقية ما بيقبلونش! أرجو مراجعة ضوابط وقوانين التسجيل ، فيمكن يقبلونش في التخصص المطلوب ولكن بعد فصل مثلاً .. هذا كان بالسابق يمكن اما ألحين، فكل ما جاء ليهم يصعبون قوانين القبول.
2- السفر للخارج:
( يبغي ليها خردة -فلوووس)
كأوكرانيا مثلاً لدراسة الطب أو طب الأسنان ويمكنك أن تسألي عن هذا الموضوع في منتدى عالي أو ملتقى البحرين ويمكن تحصلين معلومات أكثر.
أو السفر للأردن كونها دولة عربية والجامعات اللي فيها زينة كجامعة الأردن .. أو كلية التكنلوجيا مدري ويش سمها ..تقدرين تسألين عن هالموضوع أكثر هني لو في منتدى عام وكبير فيه أعضاء أكثر كملتقى البحرين.
وبالمناسبة فالأردن أيضاً فيها تخصص نظام فصل، وأعرف ناس دارسين هناك ..
3- معهد البحرين: ولو إني ما أنصح فيه لأنك ملزوم بعدد معين وبخطة معينة تمشي عليها "نظام إنجليزي "
بس تبقى الدراسة فيه لها مميزاتها ..وخيار جيد لمن لا يتمكن من الدخول للجامعة ..
4- الجامعات الخاصة في البحرين :
(( يبغي ليها خردة - فلوووس ))
أ- مثل الـ AMA اللي مقرها الجديد حالياً عند دوار سلماباد-عالي
فيها تخصصات لا بأس فيها
ب- الجامعة الاهلية: وهي من أقوى الجامعات الخاصة خصوصاً في المحاسبة والإدارة تقريباً تعادل جامعة البحرين في هالتخصصات.
وهي من أغلى الجامعات الخاصة في البحرين (تقدرين تزورين موقعهم - موقهم زين وسهل وفيها تفاصيل جيدة والخطط الدرساسة ووو، بس بالانجليزي)
هذا موقعهم: Ahlia University Website -- ahliauniversity.edu.bh
ج- جامعة دلمون ( شارع المعارض ) :
من الجامعات اللي قاعدة تتطور وفيها تخصصات محاسبة وإدارة وهالأمور بالعربي بعد
وتكاليف الدراسة فيها غالية تقريباً بس لا بأس يعني ..
د- وفي جامعة هندية (اسمها مدراس على ما أعتقد ) :
(في مجمع الهاشمي حالياً ، ولها علاقة بمعهد المعلم إذا ما كانت تابعة له -جدحفص)تكاليف الدراسة مو واجد حسب علمي وهي من الأرخص وفيها محاسبة وإدارة وبعض التخصصات على ما يبدو ، ولكنها مشهورة بتخصص المحاسبة والإدارة ...
هـ -الجامعة العربية المفتوحة :
صوب شيخ عزيز الظاهر
بس غالية يقولون وهناك ما يفوقها ويفوقها كالأهلية ..
وهناك أيضاً جامعات أنا ما أعرف عنها أو ما ذكرتها ..بس هذا حسب معلوماتي البسيطة أرجو التأكد منها وعدم الاعتماد عليها.
مشكوووووووور عالي1 على هالمعلومات
بس ليش في جامعة البحرين جي هل يمكن أن تقبلك في التخصص المطلوب؟
اني معدلي 85.1
و انشاء الله يرتفع هالكورس
ما ادري شكلك احبطني اشوي
اني شفت شروط القبول في جامعة البحرين
و قالوا من 70 فما فوق مو من 80
؟؟؟
ملكة عالي
في كلية الخليج
في دبلوم تفتيش أغذية على ما اعتقد
بعدين تصيرين مفتش اغذية .
في جامعة القاهرة تقدمين امتحانات في البحرين التسجيل في مركز الجزيرة في البوكوراة
ممكن الدراسة في استراليا مركزهم في مجمع مدينة عيسى التجاري
جامعة مدراس الهندية وكيلهم مهد المعلم كانت رسومهم 300 دينار في السنة شوفيهم .
بالتوفيق ان شاء الله
قلت لك لا أريد أن تصابي بالاحباط من كلامي
ولكن حسب ما سمعنا أنه في الاعوام السابقة كان هناك طلبة وطالبات في الــ 90 ولكنهم لم يقبلوا إلا في كلية العلوم التطبيقية "الفاشلة "
ولكن هذا كله كلام وعليك عدم الوثوق به
ولذلك طلبت منك عدم الاعتماد على كلامي والذهاب لقسم التسجيل والسؤال مباشرة لمن سبقوك من العام ماضي أيضاً
الذي أعرفه لو أنك تقدمت مثلاً لتخصص المحاسبة فهناك احتمال كبير ألا يقبلوك بهذا المعدل ، وإذا كانوا سيقبلونك فعليك أن تنتظري فصلاص كاملاً .. وربما تقبلين .. ومع ذلك أققول لا تعتمدي على كلامي ..فهذا احتمال غير مبني على معلومات دقيقة .
شوفي حبابة اني قعدت معاج من قبل واتكلمنا وتوصلنا الى انج تميلين الى مواد البزنز وقلت لج يا تاخدين محاسبة او اعمال مصرفية مثلي فليش الحين فكرتين في نظم المعلومات ؟؟؟
وترى اني اعرف بنات واااجد قعدوا في هالتخصص بس فصل او فصلين وبعدين حولوا الى البزنز لانه صعب جدا ودكاترتهم مو داك الزود...
وترى كلام الاخ(عالي1) صحيح .... يعني السنة الي راحت ناااس واااجد معدلاتهم في ال90 وخلوهم في التطبيقي وهذا التطبيقي حده فاااااااشل ويعطونج بس دبلوم في 3 او 4 سنوااات كأنه .... يعني تروحين معهد البحرين وتاخدين الدبلوم في سنتين احسن لج.
وهم ما ادري على اي اساس يوزعون الطلبة على التخصصات .. يعني واحد معدله 90 ويقطونه في التطبيقي ؟؟ والله حرااام يعني لوما درس وتعب روحه احسن اليه
والله اشوه على ايامي ماكان فيه لا اختبار قدرات ولاتطبيقي وكان معدلي بعد مو داك الزود بس الحمد لله قبلوني في تخصص الاعمال المصرفية والمالية وان شاء الله بتخرج الكورس الجاي وبفتك من هالجامعة الى الابد
بس اني اتوكلي على الله واختاري تخصص يناسب ميولج وماتدرين شنو الله كاتب لج وتفائلي بالخير تجدينه ان شاء الله
اني المشكلة ابي طب اسنان و افكر في جامعة الشارقه بس احسها وااجد صعبه الدراسه اهناك و الرسوم مالهم 6000 في السنه يعني في ست سنوات يبيلي 36000 دينار (يبيلي قرض اسكان كاني ببني بيت حشى)
و في الجامعه يقبلون في هالتخصص الي معدلاتهم 80 % فما فوق
بس خسااااره رسومهم غااااليه وااااجد
يعني اني دارسه علمي و اشلون اروح تخصص في الجامعه بزنز صعبه دي بعد
يعني صدق احس روحي ضاااااااااااااااااااااااااايعه
ابي حل!!!!!!!!!!!!!!!!!!!!!!!!!!!
!!!!!!!!!!!!!!!!!!!!
لا موصعبة ناااس واااجد كانوا علمي والحين في البزنز وناااااس بعد كانوا ادبي والحين معانا
وليش تروحين بعيد اني كنت علمي وادرس بزنز عاااااااادي كلش وترى هالتخصص واااااجد حليو ومطلوب بعد لكن .... الدكاترة هم الي مصعبين الدراسة .... بس في دكتورين افتكينا منهم والفال للباقي ان شاء الله .
الزبدة ..... فكري في تخصص مطلوب وعلى قد ميزانيتج وقدمي بعد على منحة يمكن يعطونج من الوزارة (200 دينار تسوي خبر) وبعد قدمي اوراقج في اكثر من مكان عشان حتى لو قبلوج تطبيقي في الجامعة ماتخسرين الكورس وتكونين مقدمة اوراقج في مكان ثاني
ابي رايكم 
العرض العادي
